المساعد الشخصي الرقمي

مشاهدة النسخة كاملة : بيعيني خابور وتعال اعزلي


شقرااااان
15/10/2010, 03:16 PM
مسيتو بالخير ياوجيه الخير


حيالله كلن بنكه


لاحضت على بعض اخونا المبتدئين انهم يشترون طيور (خوابير) من الي يبيعون الطيور


المشكله انه يبيعه الطير (والضعيف) يقنص ولا عين الحبارى (ماهد الخابور)


يدق على الي شراه منه ويناديه ويخليه يهد ويعزله الحبارى


التاجر طبعا (يزحلقه بها الأعذار)


الطير ما استهد


الطير عديد


الطير مانقل وانا معلمك ان راسه يابس


خخخ وياقلب لاتحزن


المشكله والمصيبه انه مايتوب يعابل الطير وتالي يقلعه


وتلقاه يشتري من نفس التاجر ثاني مره


والله انهم يكسرون خاطري


راتبه على قده ويجمع ويشتري واخرتها خااااااااااااااااابور


طبعا كلامي موثق لأهل الشرقيه


والدليل اخر حبارى


(الضعيف) عينها ولاهد طيره واستعان (بالبوذا) >>>يقصد التاجر


وجاه بارده مبرده وهد واعزلها ل (الضعيف)


طبعا نصيحة التاجر (علم طيرك يمكنه نساها)


واذكر شاعر مطيري يقول


ياعيون الي طلع طلعن بعيدي...لاوحتله خاربن واقفا وراها


هز ريشه هز والناظر حديدي..(مبطين منها وقلبه مانساها)


وسلامتكم ياوجيه الخير
ابو عادل SS
15/10/2010, 03:26 PM
الله يعطيك العافيه
أبوفرحان
15/10/2010, 04:11 PM
الله يعطيك العافيه
راشد بن سعود
15/10/2010, 08:33 PM
كلن يرا الناس بعين طبعه
صقار محترف
15/10/2010, 08:34 PM
بعض الطيور عقب القرنسه تنسى ولابد من تذكيرها
قرناس شماالي
15/10/2010, 09:49 PM
مشكور اخوي على النصيحه
وكلامك صحيح الحين الشريطيه كلهم نصابين
يمدح ويحلف وباخر شئ كذاب
بو غازي
15/10/2010, 10:06 PM
الخوابير في كل بقاع الارض
والزين والشين في كل مكان
وعسى الله يصلح الحال
:)
شقرااااان
16/10/2010, 03:21 PM
ابوعادل..ابوفرحان لاهنتو على المرور

راشد بن سعود..احس انك خاش عرض (انا اتكلم عن التجار وانا منيب تاجر)

صقار محترف ..كلامك مشتق من اعذار التجار

قرناس شمالي.. انت الي فهمت المقصود (عسى الله يكثر من امثالك)

ابوغازي..حنا خابرين الخوابير وانا اخوك مير المصيبه التجار (صارت ذمتهم مقبره ماجاها دخل فيها)
حمد العذبي
16/10/2010, 03:33 PM
هذا الي صاير مع الاسف مع المبتدين في عالم الخساره قصدي الصقاره!!

مع الاسف يتصيدون حق هالغشم ويكوونهم على الضلع القصير
مكرم الضيف
16/10/2010, 05:54 PM
الله يجزاك خير ويكثر من امثالك
الـسـاطـع
16/10/2010, 06:54 PM
حياك الله اخوي شقران
كلامك صحيح من ناحية الي بايعين ذمتهم من اجل كوم ريش او مكسب يغنيه الله عنه
بس انا ودي انك ماتعم هالكلام على جميع التجار واصابعك ماهي مثل بعضها
وعندي كلام طويل وقصص لكن هذا مو مجال للنقاش
لك خالص شكري وتقدير واحترامي
جبار1
16/10/2010, 07:14 PM
مشكور شقران على الموضوع

وكلامك في محله ولكن قليل جدآ تلقى أللي يصدق في كلامه

واذا صدق في بعض علوم الطير من ناحية الذبح

يخفي عذاريبه الثانيه من ناحية صيحه ريشه منعميه

يطرد شوي ويحل يكون مريض ويالله رح عالجه وغيره وغيره الكثير

من العذاريب والحلف يسدح لك على طول ولايعيقه .

لاهنت شقران على طرح الموضوع

تحياااااااتي وتقديري.
عاذي
16/10/2010, 07:33 PM
صححححححححححححححححححححححح السانكككككككككككككككككككككككككككككككككككككككك .
بو غازي
16/10/2010, 08:39 PM
نعم صحيح الله المستعان كثر الغش والحلف الكذب لكن يااخوان الي اقصده ان الغش في جميع انواع التجاره يعني الانسان لاجا يشتري لايتسرع ولايشتري الا هو مقتنع وصدقوني يااخوان ولايهون اخوي شقران والله في ناس يخافوون الله في بيعهم ومشتراهم يعني مو كل تاجر او شريطي غشاش لا والله في ناس لاجات تبيع الطير عطاك كل حاجه بالطير من صغيره وكبيره ولا صار الطير بعد جاهز لاتشتري الا شوف طيار وفك حالك
لكن المشكله بين الطرفين يعني
مثال بسيط
تبيع طير على واحد ماصاد حبارى او ماشاف المهم صار بينك وبين الرجال بيع وشرا لكن شرط انه يشووف طيار الطير وانت للاسف بكل ثقه تعطي الرجال الطير تقوله ابد ادع الطير وشف جناحه ولا ثاني يوم ولاهو مرجع الطير قال ماصلح لي وانت تقول خيره عسى الله يكتب لك ابرك منه
ويرجع الطير من نصيبك
وتتفاجأ ثاني يوم ان واحد يعلمك ان فلان الي شرى الطير اخوياه عازلين له حبارى وراه اياها ولا جاااها وانت متفق معاه انك بايع الطير ماشاف الحبارى ويوم الطير مابغا الحبارى قام ورجع الطير
وتاكدت ان الموضوع صحيح ورحت كلمت الرجال وقلت له هل هالكلام صحيح يرد عليك بوجه عريض اي والله الربع صايدين حبارى وقالوا ناضروا بطيوركم وقلت هذي فرصه اشووف نفس الطير وتقوم تهد الطير على حبارى والطير مابغاها وعافته نفسي
طبعا ماله حق انه يرد الطير
المهم انت الحين رديت الطير تبي تبتعد عن القيل والقال وعن بعض الكلام الي لايودي ولايجيب وفي الاخير تبقا انت يالي بايع الطير غلطان في عيون بعض الناااس
لكن انت الحين لاجيت تبيع الطير مره ثانيه راح تنزل من الطير لان الطير الحين شااف حبارى ولا بغاها
وبسبه الي شرى الطير شرط انه يشووف طياره وهويدري ان الطير مايعرف الحبارى او ماشافها
ودائما ماتجي المشاكل بالبيع المشروط
يعني تشرط لك طير صايد
ياخي هذا طير رووح مهوب مكينه كل يوم يشتغل نفس اليوم الي قبله
والله مصيبه الله يصلح الحال طيب قلنا البيتي مشكله ابعد عنه وعوار الراس الا صايد الا مهوب صايد
جبت وحوووش ها وش علم هالوحوووش اصيله ولا مهيب اصيله والله هذا الطيور شريناها على انها اصيله وحووش والعلم عند الله لكن فيها شكه ..........المشاكل ماتخلص
بعض الامثله
:)
صقرالعوسي
16/10/2010, 08:53 PM
بارك الله بيك اخوي
aboali22
17/10/2010, 02:20 AM
ياعيون الي طلع طلعن بعيدي...لاوحتله خاربن واقفا وراها


هز ريشه هز والناظر حديدي..(مبطين منها وقلبه مانساها)


ذكرتني بشايبي الله يجزاك خير

ياعيون اللي طلع طلعاً بعيدي .... باينتله خارما واقفت وراها

هز روحه هز والناظر حديدي ... مبطين عنها وقلبه مانساها


واعقتد ان الطير مبطي عن الهدد بسبب المرض


مشكور والله يعطيك العافية
ااوسكار
17/10/2010, 02:55 AM
كلامك عين الصوووووواب اخوي هاذا الحاصل

تقبل مروري
راعي طلاع
17/10/2010, 03:00 AM
كلامك منطقي جدا ولكن انقول فيه قله تخاف ربها.......
عاشق الوعل170
17/10/2010, 07:24 AM
مشــــــــــكور على النصيحه
شقرااااان
23/10/2010, 08:51 PM
حمد العذبي ..مكرم الضيف..السااطع..تركي الوريكه ..عااااذي.. لاهنتو على المرور

ابوغازي

كلامك صحيح بس (الغشيم ماتلحقه شرهه ) الشرهه تلحق شرواك وانا اخوك وانشالله انك بعيدن عنها

جدا جدا اسعدني تعليقك



لكم جل احترااااااااااااااااااامي



ايه نسيت ترقبو خوابير الجزء الثاني
falcon 1
23/10/2010, 09:11 PM
السلام عليكم ورحمة الله وبركاته
والله صدقتو ياربع ..الشريطيه اذبحونه ونصابين وكذابين ..انا قد شفت بعيني شريطيه يبيعون طيور ما تسوى 100 دينار على شباب مبتدائين ويقولون الطير مطروح بايران وصايد و...و...و...ومسيوك ب 500 والولد حرام يزيد ...والله حرام !!! الله يبعدنه ويبعدكم من هالشريطيه
الله يعطيك العافيه على الموضوع
واسلام عليكم ورحمة الله وبركاته
شقرااااان
23/10/2010, 09:28 PM
اخوي فالكون والله اني دايم ادعي (يامقلب القللوب ثبت قلبي على دينك)

انصحك بموضوع خواااااااابير الجزء الثاني

لاهنت على المرور
راكان 11
24/10/2010, 06:27 AM
عاد مصدقين كلمة نساها
وراه ما ينسى الحمامه ؟؟؟
الا شافها وتوه طالع من الربطه وهو صنيع انهبل عليها وده بها
الطير اذا ذبح صيدته ما نساها