عاجل - تكفون يالنشاما ابي شوركم تراني محتار بين هالسيارتين مدري وش اشري

[الزعيم222]

السلام عليكم ورحمة الله وبكاته 000
معاي بحدود 48000 الف ريال --- ومحتار بين جمس 2001 و جيب جي اكس ار 1996
والقيمة حول بعظهن والسيارتين عند واحد بالمعرض وبحالة ممتازة من ناحية النظف
وانا تراي ما استغني عن طلعات البر الخفيفة خاصة ايام الخميس والجمعة
بانتظار الرد بفائق الصبر -- وجزاكم الله بالخير

[ملقاط بن جمر]

الأمر أولا وأخيرا لك :

لكن لوكنت مكانك باخذ الجيب .. إذا كان نظيف ..

يخدمك في البر ومع العايلة .. ولو بغيت تبيعه زبونه إن شاء الله واقف ..

وجهة نظر ..

[nissan232]

نصيحة أخو لأخوه لا تجنب عن التويوتا واترك المريكي اللي بيجيب لك النفسيه
والله نصيحه خذ الجيب ورح لأهلك وادعلي ...

[كريزي نت]

تراك ضعت اذا اخذت الجمس
توكل على الله وخذ الجيب (نصيحه)

[الزعيم222]

تراك ضعت اذا اخذت الجمس
توكل على الله وخذ الجيب (نصيحه)
اخوي حزام
الف شكر لك ولاخواني اللي ابدو رايهم وشارولي مكثورين الخير
وبالنسبة لكلمتك (تراك ضعت اذا اخذت الجمس )والله العظيم ان هذا اللي انا خايف منة

[كم كيلو باقي]

استخر .. وانا لو مكانك باخذ الجيب التويوتا لأنه مايقتلك بالخرابات مثل الأمريكي

وان خرب فخراباته مقدور عليها بإذن الله


بس أنصحك تاخذ الموتر وتروح لمراكز الفحص .. وتفحصه عندهم بحدود 300 ريال

وتضمن بإذن الله ان الموتر نظيف .. الغش منتشررر بالسيارات الله يكفينا الشر ويغنينا بحلاله عن حرامه

[قناص الظبي]

جيب جي اكس ار 1996

وخل عنك الامريكي


الياباني قيمته فيه

[عاشق السيل]

إذا أنت تبي الموتر للعائلة والسفريات والمدينة والراحة خذ الجمس بشرط النظافة ،،

وإذا أنت تطلع للبر حتى لو بالشهر مرة خذ الجيب ولا تشاااااور !!

وألف مبروك عسى الله يوفقك للي فيه الخير .....

[دل البحار]

للسفر والعائله الجمس وأنت مغمض حق سفر وترحال وما يبسط الجمس الا بالسفر
ولوانت برماوي عليك بالجيب من غير كلام
الجمس مريح في الزحمات والطريق بعكس الجيب قير عايدي يبهذلك ويكرهك يوم عرفت فيه خرجه
ماعليك من كلمة تبيع وينباع لك لو هدفك فقط انك تكسب بعد ما تقطع الموتر وما يهمك الراحه ولا الرفاهيه الجيب الجيب _ لكن راحه ومن غير بهذلة وأستمتاع الجمس
فيه نقطه مهمه تقول مبلغك 45 الف
سعر الجيب مالي فيه خبره المشكله في سعرألجمس -أسمحلي غالي على موديل 2001 بالحيل 45 الف وأنت وراحتك....

[النبع الصافي]

نصيحتي
توكل على الله وخذ الجيب

[بو خليفه]

انا اشوف كل السيارتين غير صالحة لانهم موديل قديم و انتهى العمر الافتراضي

[الزعيم222]

انا اشوف كل السيارتين غير صالحة لانهم موديل قديم و انتهى العمر الافتراضي
اخوي ابوخليفة شاكر مرورك ووجهت نظرك 00
كيف ياخوي غير صالحات وانتهى العمر الافتراضي والجيب 96 -- سومة 47800 ريال
والجمس مديل 2001--- سومة 46300 ريال -- انا اعرف ان السيارة اللي انتهى عمرها الافتراضي ماحد يقول لها بكم ولايشريها الا البنغالية والهنود 0لاستعمالها داخل الديرة 0000
لاتزعل اخوي بو خليفة ترى هذي وجهة نظر 0000

[التعـ King ـديل]

الجمس لك وللزمن شفه مع قريب لي موديل 2000 دفرنسين ماخلا مكان ماراح به

ووقت السفر مريح ولا احلا منه

الجي اكس ار موديله قديم ولا هوب ذاك الزود من ناحيه الراحه

بعد الاستشاره عليك بالاستخاره والتوكل على الله

[سرطوقا]

بدون ماتفكر خذ وارد اليابان ولا تشاور :)

[آآلحر الاشقر]

الجيب جيب
لا تشاور احد

[fusfus]

مع احترامي لا ذا ولا ذاك ومدام معك الكاش لا تلزم نفسك بهالسيارتين لو انا في محلك وبالكاش اللي معك تبي تحصل لك باترول م99 او 2000 نظيف والرأي اولا واخيرا لك تحياتي.

[بو خليفه]

العمر الافتراضي انتهى معناه ان السيارتين مضى عليه 10 سنوات وكل يوم بتروح الورش والصناعية خاصة انك تستخدم كسيارة اولى و السيارة الاولى يجب تكون موديل حديث حتى تستطيع الذهاب بها اي مكان

اذا كنت تستخدمها كسيارة ثانية ممكن تشتري اما سيارة اولى ستتعب من تصليح وقطع وغيرها خاصة السيارتين موديل قديم تعتبر

[ابن عكاش]

الجمس لك وللزمن شفه مع قريب لي موديل 2000 دفرنسين ماخلا مكان ماراح به

ووقت السفر مريح ولا احلا منه

الجي اكس ار موديله قديم ولا هوب ذاك الزود من ناحيه الراحه

بعد الاستشاره عليك بالاستخاره والتوكل على الله

معليش ياكنق التعديل راعي الجمس راح به كل مكان اجل وش بيسوي الجكس آر
صح قديم بس فيه عبايه مهوب مثل خرد امريكى مكينه قويه وعزم لكن تحمل دمار وديكوراته تقول صينيه وبويته إذا يوقف في الشمس خلف الله
خذ التايوتا وانا خوك بس افحصه وترى هالنوع مدور