وش رايكم بالجيب فورتشنر

[حب لاينتهي]

بسم الله الرحمن الرحيم

السلام عليكم

وش رايكم بالجيب فورتشنر 6سلندر

وكيفه في البر والديره هل هو نشيط

وهل يفرق القير اذا كان تماتيك ولا عادي

وكم سعره بوركتكم

[حبل الوريد]

قوي ونشيط

بس اذا وصلت قيمتة خذ اف جي

ارسم وانظر

[أطلال نجد]

بقيمته تأخذ باجيرو 3.8 فل كامل
مواصفات لا تجدها حتى في VXR

[fof6666]

من ناحية النشاط خذ رجال ويطربك بالنفود
والموتر عملي جدا ومايطلب وقطعه رخيصة
ويعيبهشي واحد انه غير مريح بالخطوط
وسعر الفل تماتيك 116 على ماأعتقد

[B A R E K]

عز الله موتر يشد به الظهر .. قوي وخفيف .. ولا تآخذ العلم الا من واحد جربه ..

اما اللي يقول باجيرو .. اقول اسمح لي تسمي الباجيرو سيارة ؟؟ لا راحة .. ولا نشاط .. ولا شكل .. وقطع غيار مع الرقبة .. غاااالية .. ويطيح نص سعره .. بشهر ..

[بروق ساق]

الموتر ممتاز جداً ومريح وكيفيك إنه تويوتا أما السعر

vx1 قير تماتيك 108000 ريال وقير عادي 102000ريال
vx2 قير تماتيك 112000 ريال قير عادي 108000ريال
vx2 يفرق عن vx1 بالتالي
مقاعد جلد ــــ إيه بي إس ـ تحكم كهربائي في كرسي السائق

[الحلم الغايب]

الموتر ما عليه كلام ممتاز وخفيف إذا كان 6 سلندر
وفي البر والكشتات يعجبك ..
مع واحد من خوياي تماتيك 6 سلندر نشيط وخفيف
بس عيبه انه مهوب مريح .

وسعره مثل ما قال الأخ ( بروق ساق )

* لي عتب بسيط على بعض الأخوان اللي يردون .. يا أخوان الرجال يسألكم عن
الفورتشنر , يعني اللي يبي يفيده يفيده عن الفورتشنر ..
واحد يقول خذ اف جي والثاني يقول خذ باجيرو وبعد شوي بيطلع واحد يقول خذ شاص ولا ربع ..!!

[اسير الغضا]

6 سرندل عز الله انه موتر ماشاء الله ومع ولد عمي يقص الدروب قص ولا يغرز الا بالغثا
4 سرندل لاتقربه خذ هايلكس اصرف

والباجيروا لايعلى عليه بس وكيله زفت

[MjNo0oN]

عن نفسي مع واحد قير عايدي ندمت اشد ندم اني خذيته عايدي << وهاذي سببها تلقاه في اخر الموضوع

نبذه عن السياره
دفع رباعي مستمر لغاية ال80 ك م س
دبلاته بعد التجربه صراحه شي خيالي وقوه جبار ((مع اني ما استعملت الدبل الا مره وحده للتجربه فقط)) والدفع الرباعي المستمر تخليك تنسا شي اسمه دبل نهائياً الا عقب حب الخشوم
عن نفسي اشوفه مريح ومالاحضت عليه قساوه تستاهل ذكرها ((ما ادري هل السبب مني لانه كان معي ربع سابقاً))
في الخط خذ رجال وفي التحميل خذ ولد رجال وفي الخفه انا اشهد انه خفيف نفس في الديره و الخط و الملابق والزحمات
الشكل الخارجي ((لولا اختلاف الارائ لابارت السلع)) فيه من يقول انه قبيح وفيه من يقول انه هايلوكس وعن نفسي جايزن لي شكله الخارجي و الداخلي
المكيف فوق الممتاز و العزل لك عليه (شبيه الهايلوكس في عزل الهوى عن البيبان) ويصدر منه تنسيم وحلها سهل
المساعدات قاسيه < وعن نفسي اعتبرها ميزه له وفي نفس الوقت السياره رفيعه عن الارض ورفعها ممتاز بالنسبه لي

والسبب الي خلاني اندم على القير العايدي ان عزمه التماتيك مقارب جداً له

((السبب الوحيد في اعجابي به انها جيب بكل ماتعنيه الكلمه قوي وجبار واتوقع ان تصنيعه مخصص للطرق الوعره وما قلت هاذا الكلام الا بسبب المساعدات و اليايات و نضام التعليق و سهولة الصيانه و الابتعاد عن التعقيدات المكنيكيه وفوق هاذا كله من مميزاته في نضري انه شاصيه قصير وكفراته متقاربه وتلاحق بعضها البعض))

وبعد امتلاكي له عرفت ان السياره عز الطلب لراعي البر و المكشات و القنص ومستعد اناطح به اقوى الجيوب في نضر شعبك واخص بكلامي الفتك و الاند واثبت لك انه يمشي ممشاهم لاكن فيه نقطه سمعت عنها ومابعد جربته ولا تاكت منها وهي السحب يقولون ان قيره مايتحمل السحب وانا ما ادري عنه لاكن على قوته الي فيه اتوقع يسحب لك طياره لو تبي

لاكن ما اقولك ان السياره افضل من الاند و الفتك لانه مافيه اي وجه مقارنه بينهم لانها سيارتين محفور اسمها في التاريخ ولها وزنها وسمعتها وهيبتها

[اسير الغضا]

لاكن ما اقولك ان السياره افضل من الاند و الفتك لانه مافيه اي وجه مقارنه بينهم لانها سيارتين محفور اسمها في التاريخ ولها وزنها وسمعتها وهيبتها


سلم على المواتر ذي ماينشد بهن الظهر بالخلا

والله يستر مايحوسون الشاص باالخرابيط

الفشفش نادر لانه اخو الهايلكس ومع ولد عمي مفجره ولا شكى

ابرسل لك رساله على الخاص تفيدك ان شاء الله ياراعي الموضوع


ولايفوتكم المقطع
Jx8JrRkf1tw

[المنيعي1]

نشيط وبدون عيوب مصنعية.
مشكلته الراحة معدومة , مرتفع زياده عن الزوم يعني مع السرعة الله يستر , يشفط بنزين.
رأيي الشخصي أن البديل ألأفضل من واقع تجربه ألأكستيرا .

[اسير الغضا]

نشيط وبدون عيوب مصنعية.
مشكلته الراحة معدومة , مرتفع زياده عن الزوم يعني مع السرعة الله يستر , يشفط بنزين.
رأيي الشخصي أن البديل ألأفضل من واقع تجربه ألأكستيرا .

لاكن الاكستيرا مب موتر كد هاذي مشكلته

[MAGNUM]

والله انه موب بسيط بمقطع الفيديو

يطلع على اللاند

[Dr.drb]

فيه عيبين بسيطين :
1- ما يجي فتحة سقف
2- سريع الانقلاب

والا استخدام السياره كتماسك و خفه و عزم و شكل و قطع الغيار المتوفره بسعر معقول لا يعلى عليه

[المنيعي1]

لاكن الاكستيرا مب موتر كد هاذي مشكلته


هلا بأسير الغضاء
بعد التجربة طبعاً موتر كد ومد ويجي سست خلفية لتحميل والطرق الصحراوية علماً انه أريح من الفورتشنر وهو ياي .
يعيبه أنه بدون مراتب خلفيه في الصف الثالث وهذه تعتبر ميزه عند اصحاب الطلعات البرية لتكون الشنطه اوسع .وكذلك ضيق في الباب الخلفي.

[حب لاينتهي]

حبل الوريد

تسلم

[حب لاينتهي]

اطلال

كم قيمته تسلم

[حب لاينتهي]

من ناحية النشاط خذ رجال ويطربك بالنفود
والموتر عملي جدا ومايطلب وقطعه رخيصة
ويعيبهشي واحد انه غير مريح بالخطوط
وسعر الفل تماتيك 116 على ماأعتقد
تسلم بارك الله بك

مشكور

[حب لاينتهي]

عز الله موتر يشد به الظهر .. قوي وخفيف .. ولا تآخذ العلم الا من واحد جربه ..

اما اللي يقول باجيرو .. اقول اسمح لي تسمي الباجيرو سيارة ؟؟ لا راحة .. ولا نشاط .. ولا شكل .. وقطع غيار مع الرقبة .. غاااالية .. ويطيح نص سعره .. بشهر ..
على قولتهم اسأل مجرب

سلمك الله

[حب لاينتهي]

بروق ساق

والله السعر غالي

مشكور

[حب لاينتهي]

الحلم الغايب

تسلم بارك الله بك
مشكور

[حب لاينتهي]

اسير الغضى

تسلم بارك الله بك

الف شكر

[حب لاينتهي]

عن نفسي مع واحد قير عايدي ندمت اشد ندم اني خذيته عايدي << وهاذي سببها تلقاه في اخر الموضوع

نبذه عن السياره
دفع رباعي مستمر لغاية ال80 ك م س
دبلاته بعد التجربه صراحه شي خيالي وقوه جبار ((مع اني ما استعملت الدبل الا مره وحده للتجربه فقط)) والدفع الرباعي المستمر تخليك تنسا شي اسمه دبل نهائياً الا عقب حب الخشوم
عن نفسي اشوفه مريح ومالاحضت عليه قساوه تستاهل ذكرها ((ما ادري هل السبب مني لانه كان معي ربع سابقاً))
في الخط خذ رجال وفي التحميل خذ ولد رجال وفي الخفه انا اشهد انه خفيف نفس في الديره و الخط و الملابق والزحمات
الشكل الخارجي ((لولا اختلاف الارائ لابارت السلع)) فيه من يقول انه قبيح وفيه من يقول انه هايلوكس وعن نفسي جايزن لي شكله الخارجي و الداخلي
المكيف فوق الممتاز و العزل لك عليه (شبيه الهايلوكس في عزل الهوى عن البيبان) ويصدر منه تنسيم وحلها سهل
المساعدات قاسيه < وعن نفسي اعتبرها ميزه له وفي نفس الوقت السياره رفيعه عن الارض ورفعها ممتاز بالنسبه لي

والسبب الي خلاني اندم على القير العايدي ان عزمه التماتيك مقارب جداً له

((السبب الوحيد في اعجابي به انها جيب بكل ماتعنيه الكلمه قوي وجبار واتوقع ان تصنيعه مخصص للطرق الوعره وما قلت هاذا الكلام الا بسبب المساعدات و اليايات و نضام التعليق و سهولة الصيانه و الابتعاد عن التعقيدات المكنيكيه وفوق هاذا كله من مميزاته في نضري انه شاصيه قصير وكفراته متقاربه وتلاحق بعضها البعض))

وبعد امتلاكي له عرفت ان السياره عز الطلب لراعي البر و المكشات و القنص ومستعد اناطح به اقوى الجيوب في نضر شعبك واخص بكلامي الفتك و الاند واثبت لك انه يمشي ممشاهم لاكن فيه نقطه سمعت عنها ومابعد جربته ولا تاكت منها وهي السحب يقولون ان قيره مايتحمل السحب وانا ما ادري عنه لاكن على قوته الي فيه اتوقع يسحب لك طياره لو تبي

لاكن ما اقولك ان السياره افضل من الاند و الفتك لانه مافيه اي وجه مقارنه بينهم لانها سيارتين محفور اسمها في التاريخ ولها وزنها وسمعتها وهيبتها
بارك الله بك

غريب انك ماجربت السحب
وتسلم على كل المميزات الي ذكرتها

مشكور

[أبوفهد7]

اسال مجرب انا شريت مستعمل قبل اسبوعين تقريباً
2006 قير تماتيك ستة سرندل ماشاء الله علية والله العضيم اني طعة علية من نفود البدايع الى القاع بدون دبل والكفرات بهن 35 لامن جت رقية حطة بواحد والتمشي بثنين ولا ادوس اخر الدوسة الا لامن صارة الرقية قشرا اما بالخط ذيب راسي وهداوة امشي 160والله فل

[نفس السحاب]

اشتر 6سلندر اتوماتيك وانت مغمض

[حب لاينتهي]

سلم على المواتر ذي ماينشد بهن الظهر بالخلا

والله يستر مايحوسون الشاص باالخرابيط

الفشفش نادر لانه اخو الهايلكس ومع ولد عمي مفجره ولا شكى

ابرسل لك رساله على الخاص تفيدك ان شاء الله ياراعي الموضوع


ولايفوتكم المقطع



بارك الله بك

وصلت سلمك ربي

مشكور

[حب لاينتهي]

المنيع 1

الأكسترا تعني النيسان ولا

[دمخ 8]

سلام عليكم

[حب لاينتهي]

فيه عيبين بسيطين :
1- ما يجي فتحة سقف
2- سريع الانقلاب

والا استخدام السياره كتماسك و خفه و عزم و شكل و قطع الغيار المتوفره بسعر معقول لا يعلى عليه
فتحه السقف

مهيب مهمه

سريع الإنقلاب لماذا

[حب لاينتهي]

هلا بأسير الغضاء

بعد التجربة طبعاً موتر كد ومد ويجي سست خلفية لتحميل والطرق الصحراوية علماً انه أريح من الفورتشنر وهو ياي .

يعيبه أنه بدون مراتب خلفيه في الصف الثالث وهذه تعتبر ميزه عند اصحاب الطلعات البرية لتكون الشنطه اوسع .وكذلك ضيق في الباب الخلفي.

كم سعره

للمقارنه

[حب لاينتهي]

اسال مجرب انا شريت مستعمل قبل اسبوعين تقريباً
2006 قير تماتيك ستة سرندل ماشاء الله علية والله العضيم اني طعة علية من نفود البدايع الى القاع بدون دبل والكفرات بهن 35 لامن جت رقية حطة بواحد والتمشي بثنين ولا ادوس اخر الدوسة الا لامن صارة الرقية قشرا اما بالخط ذيب راسي وهداوة امشي 160والله فل
ابو فهد

والله مدري

واحد يقول مريح بالخط وواحد يقول لا

وكل المور الثانيه الكل اجمع عليها

مشكور

[حب لاينتهي]

نفس السحاب

مشكور

[دمخ 8]

كان معي 2009 فل كامل 6 سرندل حلوبس ما يستهل قيمته صرحه تراه مهو راسي
ونا شريه نظانم تأجير 136 الف ولبطا معي جبت فيه العيد نظام مانع الزلاق نكبني
وداخليه مو لي كنه هيلكس بس بيج الفرق والله يكتب الي فيه الخيره

[حب لاينتهي]

دمخ

وعليكم السلام

[حب لاينتهي]

دمخ

مانع الإنزلاق نكبك

وش السالفه للفائده

[أبوفهد7]

يارجال توكل وخذلك واحد اشهد انة نمر الصحرا ( وذيب الخط)
واذا كنت متردد رح لمكتب تاجير سيارات وجربة
ملاحضة : الوالد جربة معة جمس سوبر بان 2006 يقول احسن منة بالخط رساوة وصرفية راح لم الرياض وجا يوم الاربعاء الماضي ويمدحة

[دمخ 8]

دمخ

مانع الإنزلاق نكبك

وش السالفه للفائده
ولله سامج مانع الزلق الي فيه قلبي على خط زرعي ظربت فرمل ونا كنت طايف تريله
وقم الفرامل يدبل على كيفه وزحف بي كيف مدري الين قلب

[المنيعي1]

كم سعره

للمقارنه
العايدي بحدود الـ 97 ألف والتماتيك بــ 100 ألف

[المنيعي1]

اسال مجرب انا شريت مستعمل قبل اسبوعين تقريباً
2006 قير تماتيك ستة سرندل ماشاء الله علية والله العضيم اني طعة علية من نفود البدايع الى القاع بدون دبل والكفرات بهن 35 لامن جت رقية حطة بواحد والتمشي بثنين ولا ادوس اخر الدوسة الا لامن صارة الرقية قشرا اما بالخط ذيب راسي وهداوة امشي 160والله فل


عزيزي أبوفهد موترك يجي دفع رباعي تلقائي يعني اذا طبيت النفود يشبك معك الدبل على طول بدون تعشيق, بس نصيحتي لك اذا طبيت النفود لازم تنسم أقل شي يكون بلكفرات 20 علشان تحافض على موترك وخصوصاً القير التماتيك لأنه يتعب السيارة الممشى بدون تنسيم ويهرقل به.

[alcobra2000]

تقبل وافر تحياتي

[ابن عكاش]

نشيط وبدون عيوب مصنعية.
مشكلته الراحة معدومة , مرتفع زياده عن الزوم يعني مع السرعة الله يستر , يشفط بنزين.
رأيي الشخصي أن البديل ألأفضل من واقع تجربه ألأكستيرا .
كلامك صحيح بس يتميز الفورشنر بأن الدبل قير مهوب كهرب وهذي في نظري مهمه لموتر البر

[التعـ King ـديل]

اللي اشوفه بالتشاليح خواته مقلبات

عيبه غير امن وسريع الانقلاب ولا من ناحيه محركات خذ ولد مكينه راسين 4000

[المنيعي1]

كلامك صحيح بس يتميز الفورشنر بأن الدبل قير مهوب كهرب وهذي في نظري مهمه لموتر البر


للأسف هذه الميزة مثل عدمها لأنه دفع رباعي مستمر بمجرد ما تطب الرمل يشبك معك الدبل.

[أطلال نجد]

اطلال

كم قيمته تسلم

قيمته وكالة عند العيسائي 147 ألف

وفي معارض الشفا ومعارض النسيم خليجي ( إماراتي ) 2010 أصفار فل كامل بـ 110 ألف

لكن بدون ضمان

37 ألف فرق الضمان !

[حب لاينتهي]

يارجال توكل وخذلك واحد اشهد انة نمر الصحرا ( وذيب الخط)
واذا كنت متردد رح لمكتب تاجير سيارات وجربة
ملاحضة : الوالد جربة معة جمس سوبر بان 2006 يقول احسن منة بالخط رساوة وصرفية راح لم الرياض وجا يوم الاربعاء الماضي ويمدحة
هلابك

ايهم الحسن الجمس ولا الفورتشنر

سلمك ربي

[حب لاينتهي]

دمخ

الحمدالله على سلامتك

[حب لاينتهي]

المنيع

مافيه فرق التماتيك احسن

مشكور

[حب لاينتهي]

تقبل وافر تحياتي
حياك الله

تسلم

[حب لاينتهي]

كنج التعديل

مرحبابك

مشكور

[حب لاينتهي]

اطلال نجد

مشكور سلمك الله

[جبل راف]

معي واحد اشهب 2010 6سلندر قير عادي كنه ذيب ماشاء الله
العب فيه بالنفود لعب
وقد جربته بالسحب وطلعت السيارة المغرزة
(كيف تقولون الدبل يكون شغال على طول مافيه اشارة على الطبلون مثل اللي تشتغل لما اعشق الدبل الخفيف والثقيل)
ارجو شرح النقطة السابقة

[غواص وقناص]

اسأل مجرب ولا تسأل طبيب
معي 2009 6سرندل موتر
وب النسبة لتوضيح الدفع الرباعي
المستمر فيه والدبل
انا اول ما شريته كنت اشبك الصغير واحس
الموتر ثقيل وقلت اجربه في الطعوس
يطلع بس الطلعات الطويله راحته با الرباعي
في النفود لا تشبك الصغير ابدا لأنه يعطيه فوق
قوته اللي يستاهلها الطعس
كأنك تطعس باالدبل الكبير ان شاء الله انها وضحت
والصغير من وجهت نظري ينشبك في الأماكن
الصخريه حفاظا على الموتر
والفرق شاسع بين الدفع الرباعي المستمر والدبل الصغير
من تجربه

[كيري ميري]

مايمدح الموتر الا واحد ماجرب غيره من الجيوب الصوالين .

كل العيوب فيه . لو فيه خير كتب عليه لاند كروزر .

[مفلت]

^^^^^^^^^^^^^^^^^^^
لا يخيي انا كان معي لاند 2002 قير عادي مستعمل قعد معي شهرين تقريبا والحين فورتشنر2010 قيير عادي ولله الحمد .منيب اقولك انه ازين منه لا بس كحاجتي للموتر احسن منه بواجد.يعني انا ابي ثلاث صفوف المراتب وابي مكيفين ونفسه اخف من الاند بواااااااااااجد.بس نجي للراحه والمواصفات وقوه البدي و و و طبعا لاند كروزر ما يبيلها.ولو على قولتك(لو فيه خير كتب عليه لاند كروزر)الكتابه ذي لاحالها بتزود 20 الف وعقبها نخيس.ولو كتب عليه وحط كم مواصفه وش بيسوي بالبرادو؟

[غواص وقناص]

مايمدح الموتر الا واحد ماجرب غيره من الجيوب الصوالين .

كل العيوب فيه . لو فيه خير كتب عليه لاند كروزر .
درنا طارت اللاند في عزه ايام 97 وبعده ما يسمى للاند
وما يمدح السوووق الى من ربح فيه

[ALBDRANE]

الصراحة بعطيك رايي ولو أني ما بعد سقته ولا أبي أسوقه
بعطيك الي أعرفه عنه من غير التجربه

داخليه كنك راكب كورلا ( السعه لا بارك الله بالضيق السعه ) .
من شكله وأرتفاعه مقارنة بحجمه يعطيك دلاله أنه غير مريح ويفتقد للرساوه في السرعات والمنعطفات .
الشكل الخارجي لك عليه .
البدي من أردى أنواع البدي حيث لا يوجد فيه صدامات تسوى والي خلاني أكرهه أكثر كان مع واحد من الجماعه زيه وكان يمدحه بكثره مع أنه ما جرب السيارات الأفضل المهم صار له حادث هو وعياله داخل المدينة وتوفي رحمة الله عليه ولعدم تحملي الموقف لم أذهب لمشاهدت السيارة بس على قولت الي شافوها يقولون السيارة ما تتحمل الصدمات .

وخذها قاعدة أذا شفت السيارة تنقز مناقز مثل الهايلوكس والفوشنر والالتيما أعرف أن الوزن خفيف طبعاً هذا الكلام لا ينطبق على السيارات الفاخرة والثمينة لانها تجمع بين قوة المحرك والمتانه وتستاهل الفلوس الي تدفعها فيها .

فكر في أمور السلامة لك ولعيالك قبل كل شي ...... حياتك أهم !!

تبقى وجهة نظر غير ملزمة وتحياتي

[هاوي موتري96]

الصراحة بعطيك رايي ولو أني ما بعد سقته ولا أبي أسوقه

بعطيك الي أعرفه عنه من غير التجربه


داخليه كنك راكب كورلا ( السعه لا بارك الله بالضيق السعه ) .
من شكله وأرتفاعه مقارنة بحجمه يعطيك دلاله أنه غير مريح ويفتقد للرساوه في السرعات والمنعطفات .
الشكل الخارجي لك عليه .
البدي من أردى أنواع البدي حيث لا يوجد فيه صدامات تسوى والي خلاني أكرهه أكثر كان مع واحد من الجماعه زيه وكان يمدحه بكثره مع أنه ما جرب السيارات الأفضل المهم صار له حادث هو وعياله داخل المدينة وتوفي رحمة الله عليه ولعدم تحملي الموقف لم أذهب لمشاهدت السيارة بس على قولت الي شافوها يقولون السيارة ما تتحمل الصدمات .


وخذها قاعدة أذا شفت السيارة تنقز مناقز مثل الهايلوكس والفوشنر والالتيما أعرف أن الوزن خفيف طبعاً هذا الكلام لا ينطبق على السيارات الفاخرة والثمينة لانها تجمع بين قوة المحرك والمتانه وتستاهل الفلوس الي تدفعها فيها .


فكر في أمور السلامة لك ولعيالك قبل كل شي ...... حياتك أهم !!



تبقى وجهة نظر غير ملزمة وتحياتي


الله يرحم موتاكم يارب
واعرف ناس توفو في الماني يعني درجه اولى في الامان والسلامه والواحد مايموت الى في يومه

[أطلال نجد]

ولا يهون أخوي البدراني وبقية الأخوة
أتذكر أني كنت رايح سنة 2009 لمعرض تويوتا بالشفا ناوي على فورشينر v6 الله لا يعوق بشر
بس يوم شفته من قريب وشفت صداماته وبديه التنكة هونت ولا عاد صار يهمني لو يصير على الفل منه عرض بـ 80 ألف !

[ALBDRANE]

الله يرحم موتاكم يارب
واعرف ناس توفو في الماني يعني درجه اولى في الامان والسلامه والواحد مايموت الى في يومه


ما فيه شك ونا أخوك كل واحد يموت في يومه بس تأخذ بالأسباب الأخذ بالأسباب لا يتعارض مع القضاء والقدر
الي أقصده أن مستوى الأمان يختلف من سيارة الى أخرى
تخيل سيارتين تتصادم بالوجه وحده كورلا جديدة والثانية جمس صالون موديل 82 ويتقابلون بسرعة 80ك من الي بيتضرر أكثر .
بعد أمش طبلون السيارة والكفرات متمسحه وقل ما يموت الواحد الا في يومه .......!

ومن دون سيارات فيه ناس تموت على الفراش ....

أرجو أن الصورة أتضحت أخي

[Dr.drb]

فتحه السقف

مهيب مهمه

سريع الإنقلاب لماذا

والله من كفراته المتوزيه تحته تقل مستحيه .. بعدين رح تشاليح الحاير وشوف الجيوب المتقلبه .. أكثر جيب ماسك الصداره في الأنقلاب (الفورتشنر)

[حب لاينتهي]

نشو الشمال

تسلم مشكور

[حب لاينتهي]

غواص

مشكور

[حب لاينتهي]

كيري

اعميتها مره وحده

[حب لاينتهي]

ملفت

البرادوا الفل حول 190ألف وينا ووينه

[حب لاينتهي]

البدران

كل هذا وانت ماسقته اجل لو سقته وش بيصير

مشكور

[حب لاينتهي]

اطلال نجد

مشكور

[حب لاينتهي]

والله من كفراته المتوزيه تحته تقل مستحيه .. بعدين رح تشاليح الحاير وشوف الجيوب المتقلبه .. أكثر جيب ماسك الصداره في الأنقلاب (الفورتشنر)
الله يكفينا الشر

تسلم

[حب لاينتهي]

إلى الآن نصف الأخوان معجبين به وينصحون بـ 6سلندروتماتيك

والنصف الآخر يذمه ولا يبي طاريه بعدم الراحه وانقلابه وهشاشة البدي

مالنا الآ نشوف لنا موتر ثاني الله يعين على التدوير

[حصن زحام]

قريبي انقلب فيه 3 قلبات في رمضان بمجرد أنه شم ريحة الماء في الإسفلت.

[حب لاينتهي]

حصن

لااحول ولا قوة الابالله

تسلم

[حب لاينتهي]

انا مره على الخط وشفت الفورتشنر والف جي رفعهم واحد ولايهون البرادو رفعه مثل الفورتشنر

والكل يركز على رفع الفورتشنر والباقيه وشرايكم فيها الأف جي والبرادومن ناحية الرفع

[hamido]

للأسف هذه الميزة مثل عدمها لأنه دفع رباعي مستمر بمجرد ما تطب الرمل يشبك معك الدبل.

لا الله يجزاك خير شابك على طول يعني بترس مهوب حساس مله دخل لا برمل ولا بغيره واذا بغيت تفصله لازم تفك القير عشان تشيل الترس
انا كان معي واحد اعتبر سعره حليل مقارنه مع غيره بس يعيبه عزله مطاريس وبديه ورق ولا العزم والكده خذ ولد بس وبريكه على قول الاخوان نكبه
اما الرساوه لا والله مانقدت عليه ابد ومن ناحية راحته اعتبره معقول مهب مثل تهويل الاخوان
وبس....

[حب لاينتهي]

حميدو

سلمك الله

[حب لاينتهي]

انا مره على الخط وشفت الفورتشنر والف جي رفعهم واحد ولايهون البرادو رفعه مثل الفورتشنر

والكل يركز على رفع الفورتشنر والباقيه وشرايكم فيها الأف جي والبرادومن ناحية الرفع
وش رايكم مشكورين

[المغيسلية]

اشهد انه موتر

[sbider2002]

ممتاز والله يعطيك خيرة ويكفيك شرة

[المميـز]

:

اللي ماجرب الموتر لايحكم عليه من الشكل :)

وعليك زيارة رابطة الفورتشنر على هذا الرابط

وتشوف المميزات والسلبيات كلها ان شاء الله

واي استفسار حاضرين ...

http://www.mekshat.com/vb/showthread.php?t=218512&page=42

:

[الهرم]

بالنسبه لي يا لغالي
تجربتي

كان معي 2009 بس قير عادي وبدون دبل ( الحمدلله بعته )

ما انصحك فيه

اما الدبل من هالنوع والله ما جربته
.............................

[حب لاينتهي]

المغيسليه

تسلم