وش رايكم بلباترول الديزل

[راعي المغاتير]

السلام عليكم

في ذا الوقت البنزيزن غالي والسيارات تصرف:( :( :(
وانا صراحه كسر ضهري البنزيز كل يوم 50 الي70 ريال
واناجايزلي باترول 2002 ديزل ومتردد اخاف انه ضعيف وقمته بطيئه وشرايكم يالربع
وانا سالت عن الديزل واحد يذمه والثاني يمدحه
والديزل اقتصادي ومكينته تطول اكثر
وشرايكم:confused:
مع السلامه

[الهداد]

:) والله يالخوي انا ماقط جربته لكن الى سمعته من ناس اعرفهم بالسعوديه مجربين الوانيت الديزل

يقولون حيل اقتصادي ويقولون بعد الجديد ما يدخد الى شويه والميزه الى فيه مايصرف وما يحتر وما

يخرب هذا على ذمه الراوي وانشاء الله يكون الكلام صحيح وانت لا تستعجل الموسم باقيله بعد شويه

اسئل عن الموتر واذا انت من الداخل مقتنع توكل على الله والله يوفقك فيه وتكسره بالعافيه



والله اعلم والسلام اجمل خـــــــــــــــــــــتامـــــــــــــــــــــــ

[القميري]

الاخ العزيز راعي المغاتير
السلام عليكم ورحمة الله وبركاته

والله يالغالي اول مرة اسمع انه فيه باترول 2002ديزل اللي اعرف ان مافيه ديزل جديد الا اللاندكروزر عموما اذاكان فيه اخبرنا بس تاكد من معلوماتك وبأي معرض شفته تراي ناوي اشتري:what:

[ابو عمر اللاحم]

انا جربت الديز وجربت البنزين واهم شي في الموضوع انك تعرف سلبيات هذا وايجبيات هذا وانا ابقولك ملاحظاتي عليهن وانت لك الحكم .

سيارة الديزل تتميز اولاً انها اقتصاديه مره يعيني يطيح عنك ثلثين المصروف واثانيا في طلعات البر البعيده واللي تطول ممتاز مره حيث انك لا تحتاج الى التزود بالقود لفترة طويلة نظراً لقلت استهلاك الديزل .

سلبيات سيارة الديزل : اولاً : اذا جيت محلات فيها طلوع يكون مشيه ثقيل وثانيا : الصوت فيه صوت للمكينه شوي

سيارة البنزين : فيها ميزه انها هادئه وسريعه نسبياً .

هذا ما عرفه وانت الحكم : واللجميع وافر والتحية والقدير

[راعي بر]

يا راعي المغاتير هذي بعض المعلومات التي قد افيدك فيها من خلا ل قريب لي عنده جيب لاندكروزر GXR2002 هو ماشاء اله عليه اقتصادي وعزمه ما عليه زين بس مهوب عاد زي البنزين لا في القومة ولا في العزم يعني اذا كنت راعي بران تبي يعني تقطع النفود قطع مهوب تتطعيس (( يعني تشوف اعلى سكين ثم تحاول انك ترقاها )) يقطعلك النفود اما اذا كنت راعي تطعيس ما ينفع لك .
صوته اقل من صوت الونيت يعني تسكر الدرايش ما تسمع شي لكن اذا مريت جنب واحد يسمع صوتك .

مكيفه ماشاء الله احسن من البنزين واجد في قوة دفع الهواء .


شكمانه ما يطلع دخان لكن بعد كل شهر تلقى حول الصدام اللي عند الشكمان فيه سواد خفيف وهذ لها حل تركب الشكامين اللي عند الزينة النيكل تقلل واجد من الدخان واذا وقفت وراء السيارة حول والسيارة تشتغل تحس بكتمه خفيفه .



لكن خذها نصيحه مني اذا كنت الصوت ما يهمك يعني اهم شيء انت ما تسمع شيء وانت مسكر الدرايش خذها من خذلك ديزل لانه يوفر بشكل ما تتصور تعبيه وتنساه ومن كثر الوقت اللي يقعد فيه الديزل في التانكي قد انه يصدي :) :D :D لا تصدق ما يصدي لكن ماشاء اله عليه في التوفير .



أرجو أنني قد افدتك ولو ببعض الشيء .

[عمران]

لالالالالالالالالالالالالالالالالالالالالالالاًًًً ًًًًًًًًًًًًًًٍٍٍٍٍٍٍٍٍٍٍٍٍٍٍٍّّّّّّّ تروحبنا في ريحت الديزل





ص:good: ح شباب

[راعي المغاتير]

مشكورين علي الرد


واجاوبك يالقماري

ان الباترول2002متوفر بل معارض

وخاصه الفلاح والصقر ونجد

واقولك مواصفات الديزل والبنزين
اول شي
4500حصان 4800حصان
الديزل ما يجي الا SGL البنزين كل الانواع من سوبر سفارالي s
الديزل الي متوفر بل معارض الي بلمعارض مافيه ثلاجه لكن السوبر سفاري
مافيه ثلاجه الوكاله فيه ثلاجه كل المواصفات فييه من الف لين الياء
بلوكاله متوفر لون واحد الؤلوؤي بس .................................................. ..
الديزل سرعته180/كم البنزين220
الديزل تانكيين البنزين تانكين
وهاذا الي عندي
سعر المعارض 96الف
الوكاله108الف هاذا الديزل
وسلام

[alkongrs]

السلام عليكم
لا تاخذ ديزل قومتة ضعيفه والكلتش يخرب بسرعة وكلام أخوي صحيح لا تروحبنا :good:

[المميـز]

واحد من الزملاء معه باترول 2003 ديزل

اشتراه سوبر سفاري وغير المكينه الى ديزل

وماشاء الله مبسووووووووووط وله الحين اربع سنوات يستعمله وماعمره اشتكى منه

[اعقاب]

السلام عليكم
ولد العمده والمميز
انتبهتو لتاريخ اخر مشاركه
وسلامتكم

[ابوصالح1399]

هههههههههههههههههههه 12/10/2009م
توها توصلنا