البنك الفرنسي ايجار منتهي بالنكبات

[الهوى1111]

السلام عليكم ورحمة الله الله وبركاته

مساء الخير شباب

شبااب ابي منكم مساعدة بسيطة لا هنتو

بقولكم سالفتي كلها

في بداية سنة 2009 م اخذت سيارة ايجار منتهي بالتمليك عن طريق البنك الفرنسي وهي شركة سوفينكو تبع الفرنسي هي الي ماسكة التاجير والسيارات
المهم
طبعا من دون استقطاع لان راتبي على الراجحي ولا جبت ولا اي ورقة من الراجحي لهم

جلست السيارة عندي تقريبا السنة
وفي شهر 10 /1430 مادفعت القسط واتصلو علي قلت لهم ما اقدر الشهر هذا
شهر 11 كذالك مادفعت القسط واتصلو علي برضو وقلت لهم ما اقدر وقالو لي ماعندك مشكلة انت مستمر في اقساط وراح نييسر امورك الشهرين هذي



في تاريخ 8/12/1430هـ
قبل العيد يومين
دخلت مع أهلي مركز عيادات بالرياض طلعت اتفاجأت ان السيارة مو في محلها
طبعا ماخفي عليكم الكل يعرف الربكة الي تجي الواحد
بس الغريب وسبحان الله ما اتصلت على الشرطة وبلغت لا
ولا على المرور
اتصلت على سوفينكو
وقالو لي السيارة سحبناها يؤيؤيؤيؤيؤيؤ
اذا تبيها سدد الي عليك وزيادة ثلاث اشهر عليها
مدري وش يبي النظام
الزبدة قلت لهم ما ابيها
ورحت لهم للشركة واخذت اغراضي وطلعت



اليوووووم ياشباب
يعني بعد تقريبا 11 شهر
اتصلو علي اليوم يقولون نطلبك 20.800 ريال لازم تدفعها
حق ايش ياظالم
شرح لي القصة
قال لي احنا البنك شرينا لك السيارة من الوكالة 80.000 ريال وحسبناها لك 100.000 ريال
وانت دفعت تقريبا 20.000 ريال على شكل اقساط
ويوم سحبنا منك السيارة بعناها بالمعارض وجابت لنا
39.200 ريال
يعني
39.200 ريال ثمن السيارة بعد السحب+ 20.000 ريال الاقساط المدفوعه =59.200 ريال

لو حسبنا 80.000 ريال - 59.200 ريال = 20.800 ريال لازم تتدفعها ولا راح نشكتي عليك وتوصل المحكمة ونرفع قضية وراح تدفع المبلع كامل الي بالعقد
الي هو ( 100.000 ريال ) وكاش بعد
يقولي الموظف الرجال يبي حقة منك ههه
قلت من هو قالي لي البنك اللحين البنك صار رجال والله موظف اسلوووووووووب
المهم شباب

كيف الحل ساعدوني
من عنده علم ولا خبر

[بدر المغيري]

الله يعينك عليهم

[مكسر الشوك]

الحل راح تدفع الفلوس وانت إن شاء الله تضحك ولا تنسى انك تتعامل مع بنك يستطيع شراء الذمم
الامر الثاني انت غلطان يوم تتعامل مع بنك ربوي واضح من اسمة
والله يعوض عليك

[N-xterra]

سيفووووون اسمع نصيحتي ، وخل الشيخ يطلع لك صك اعسار واسحب عليهم بالجلسات وقل لهم أعلى ما بخيلكم اركبوه ، واذا وصلت عند الشيخ اطلب منهم الورقة اللي تثبت حقهم في سحب السيارة بدون علمك (تحديدا بدون علمك) في حالة تأخري لمدة شهرين مع اخطارهم بالتأخير واللي أنت وقعت عليها قبل تشتري السيارة من عندهم ...... يعني كل مرة طلع لهم سالفة شكل ومرة اسحب على موعد الجلسة لين يجونك هم وإلا قل لهم رجعو لي سيارتي مثل ماسحبتوها بدون علمي

[سوبر مكشات]

البنوك مافتحت لوجه الله

وبتلقى لك حل

واحذر مرة ثانيه تتعامل مع اي بنك خاصه البنوك الربويه

لانها ما فتحت تحسن للناس بل لاستغلال حاجاتهم
وبتلقى حل

[ابو فرح1]

حسبي الله ونعم الوكيل ،

[راعي الطلعات]

زي ما قريت انهم هم الي سحبو السياراة وهذي يمكن نقطة تسجل لصالحك

وانك انت بس توقفت عن السداد لشهرين فقط مع انك لم ترفض السداد

المشكله انهم بنك ربوي ولا يخافون الله

دعواتي لك بالتوفيق وان الله يحفظك منهم

[مفخرة فورد]

غريبة ساكتين 11 شهر وبعدها يطالبونك برأس المال فقط ؟؟!

صراحة هالنظام فاشل وضرره أكبر من نفعه للمشتري خاصة , والمفروض الدولة تمنع هالبنوك والشركات من استغلال حاجة واضطرار الناس . والله المستعان

[مجرد وسم]

ماعليش غلطتك مابلغت الشرطة ووهقتهم انت


والمشكلة انت مامعك اثبات


وربى يكون بعونك

[اسير الغضا]

اذا صار مالك مفر منهم مالك الا تسلف المبلغ وتعطيهم اياه قبل مايحاسبون ب100 الف وياكلونك 20 الف ولا 40
طبعا اذا شفت انه مالك مفر ورح لم محامي وشاوره او اذا كنت تعرف محامي او احد من القرابه ودبر روحك

[الربذي]

وعليكم السلام
ليش ماقلت هولاء سرقوي سيارتي وفيها ذهب بقيمة40ف
ماعليك اصلا ماراح يثبتون عليك ليه انت قل انا اخذها تاجير وانتم اللي سحبتوها اذا تبون مني الشهرين ولا رجعوي سيارتي او لكم ماابيها اما مساله ال100الف يكذب والله بس يبي يخوفك ولا بيعتها ماهم صادقين قل انتم سحبتوها وبعتوها انا لي ادفع لكم قيمتها سحب فيهم والله ينكبون وبعدين يجونك يترجونك
زميلي سوا مثلك تصدق بعدين يكلمون عليه يقولون له تعال سيارتك مغيره لها الاقمشه والسيور والزيت ومفلله بنزين تتنتظرك
اخر تركهم بعد ان سحبو السياره تصدق هددوه ويوم عجزوا عنه تركوه

خصوصا ان البنك ماهو الي ينزل فيه راتبك لو يقدرون كان اخذوا حقهم ماهو يسحبون السيارة
شوف اخوي لاترد عليهم فقط عطهم اشكل او رد عليهم وقل سووا الي تبون هي تاجير وسيارتكم وسحبتوها لكم عندي شهرين تبونها اجيبها لكم غير مالكم شي وانا مبلغكم اني مااقدر هالشهرين ليش سحبتوها

لاترضخ لابتزازهم هم يلقون مخفات وخوافين
لكن البعض بعدين يقعدون يترجونه

[الربذي]

بسيطة قل نااقدر ياشيخ ذاك الوقت نعم اقدر اسدد بس الحين راتبي يروح كله مااقدر ادفع لهم شي الا 100ريال حقهم الي تاخر حق الشهرين هبل فيهم تكفا وينهم تلقى واحد قال جب لنا حقنا ولك نصفه قام يلعب عليك واصلا العشرين هذي قيمة اقسادها او تاجيرها خلال المدة الي عندهم او معطينها واحد بالشركة ويبيون يدفعونك اقسطها كل هالمدة انا طالبك غير جوالك وعطهم اشكل
شف هالحيونات

وزميل ثالث قصته تختلف عنك شوي شطفهم وعجزوا عنه بعدين قالو ا راح نوقف راتبك بعد ماقدروا يوقفونه صاروا يترجونه بكل ادب لانه اخذ منهم قرض عن طريق واحد بدون ان ينقل الراتب لهم ومشت عليهم والحين شهرين شطف وشهر يسدد بعد ان تركهم سنتين بس هذا قرض يختلف عن التاجير التاجير تدفع لهم اثنا الاستخدام ودام اسحبوها خلاص مالهم حق يطالبونك بريال بعد السحب لانك ماتستفيد منها وايضا هي عندهم وليست بالحجز مثلا هم السبب

[ابو العز بلس]

وعليكم السلام ورحمة الله وبركاته

الله يفرج همك وهموم المسلمين

[.أبوعبدالرحمن]

انتبه لا يكون فيه هناك غرامات تأخير والا فوئد

[باترول 82]

إقرا العقد زين وتمقل فيه وفصفصه وخل احد يساعدك واكيد بتلقا فيه ثغرات ضد هذا النظام الفاشل

اما قلة ادب يسحبون السيارة ويبعونها ويقولون سدد اكيد انهم لاقين احد يطيعهم من قبل

[ملك الفكتوريا]

عطهم أشكل


خذ صك إعسار


واذا بالنظام قبل سحب السيارة يكون فيه اخبار لصاحب السيارة بإمر السحب وسحبوها عادي اما من الباب للطاقة فهذي مشكلة


وبعدين ليه تباع ويطالبون بـ 20 الف ريال

اذا احتدت الامور قلهم ما لكم الا حق الشهرين فقط اما 20 لا

[الصيهد.......]

الله يكون بعونك ويسرامرك

[ياوجودي]

أخي الكريم بعد التحيه

إقرأ عنوان العقد بتفحّص شديد

إذا العقد مكتوب عقد إيجار مع الوعد بالمتلك أو منتهي بالتملك

فإذا دق عليك الموظف قل له أبي قيمة البنزين اللي كان بالتانكي يوم سحبتوا السياره :d

لأنك براءه.

لكن
لكن
لكن إذا كان عقد بيع بالتقسيط مع الإحتفاظ بالملكيه << هنا حاول تدبر الـ20.800 اليوم.

وبعدين أخوي معليش وشي السياره اللي تنزل من 80.000 كاش الى 39.000؟؟
هنا تقدر ومن هالنقطه بالتحديد توقف قدام الشيخ وتقول له لو إنهم تركوا لي بيع السياره كان بعتها بأكثر من هالمبلغ وهذي في حد ذاتها ثغرة عليهم كبيره.

أرجع أقول لك لو كان تأجير منتهي بالتملك فيحق لك تطالب بقيمة البنزين اللي بالتانكي وقت سحب السياره . يعني حط ببطنك بطيخ صيفي.

[سفاري959]

اولاً وش الشي اللي يثبت انهم باعوا السياره بهالمبلغ يمكن يكذبون ثانياً طبيعي واحد اعرفه ماخذها من البنك الأهلي وجالس يقصدهم 3 سنوات تأخر بالسداد دقوا عليه وتهاوش مع الموظف راح لمكان عام طلع ما حصلها وبعد البحث تبين انهم سحبوها ثالثاً نظام الأقساط عامعه عندنا فاشل وخاصه نظام التأجير المنتهي بالتمليك اجل النسبه تسعه وتاصل ثنعش بالميه وكل محامي ب 5000 ريال ولا تدفع 20000 ريال ظلم الله يعينك ويقويك على هالنصابين والحراميه

[أسد الهيجا]

والله يااخوي بقولك الصراحه ولاتزعل

طالما ان فلوسك على قد حالك ورى ماتقنع بموتر مستعمل قيمته بسيطه بدل ماتشتري جديد ؟

ثانياً : طالما انك اشتريت باقساط كان يجب عليك ( الالتزام التام ) في اوقات الدفع , يعني هم سامحوك حسب ماتقول 3 شهور وانت تماطل !!!! للأسف الغلط راكبك 100 % , البنك يبي من وراك مكسب مهوب مشتري لك السياره لاجل ( سواد عيونك ) !!!!

وحالياً اقولك دبر لهم الفلوس اليوم قبل بكره , ولاتختار ( الخيار الخاطئ ) كما فالمرات السابقه وتفاقم المشكله زياده وزياده ....


أعذرني لكن الحقيقه مره ...

[ابو العز بلس]

وش رايك الغالي


تكتب شروط العقد كاملة عندنا هينا يمكن بعض الشباب يتصيد عليهم ثغرات؟

[اسير الغضا]

دبر المبلغ قبل مايزود

اوقل ليش ماخليتون انا ابيعه مب معقوله تباع بالقيمه ذي

[المقيرش]

السلام عليكم
اخوي انا اخذت مثلك من الراجحي حسبي الله عليه ولكن مستمر بالدفع وحدث لسيارة حادث ورفضو التعاون معي مع ان اوراقي نظاميه والتامين اتضخ انهم مغيريهن لتكافل الراجحي صار مماطله وانا دافع شبه المبلغ كامل ورفعت شكوى لمؤسسة النقد ولا حيات لمن تنادي وكل مايتصلون يهددون لا وترا وضعهم البنوك اقوى من المواطن وصوتهم مسموع عن تجربة وصار على مبلغ الفين ريال طبعا بعد خطط وطرق مدروسة مني الزمت التامين والراجحي بستلام السيارة نظرا لوضعي باحث قضايا ومحقق والخطابات من الامارة التي ارسلت لمؤسسة النقد والتعاون مع ظباط الشرطة ظبط وضعي ولكن طلع على انهم يتلفو السيارة وبعد فترة طلبو مني مبلغ 2000ريال والى ينزل اسمي بال بلاك لست بسما عن طريق مؤسسة النقد هزلت والله دائرة حكوميه لا تقم بواجبها قمت تفادي للوضع دفعت المبلغ
لذا انصحك وش مايقولون سو ترااااااااك مكتف بالعقد وهناك شروط جزائية عليك انتبه واحذر من كلا م قانوني فاهم وبالتوفيق

[المقيرش]

يااااااااااااااااااخي والله اتعجب من كلام الشباب هذا لا يوهقونك يارجل الكلام كثير لكن العلم قليل انتبه واحذر في عقد ولوائح بعدين صحيح انه جانا تعميم من وزارة الداخلية لا يتم سحب سيارات التاجير من قبل الشركات الى عن طريق الشرطة تاكد انهم متفقين مع النظام لا تقول ما معهم حق الى معهم
وتعال يالي تقول صك اعسار وش هالهرج ذا الصك على قفا من يشيل الله يهديك بس فيه شروط وقانون ولوائح يمر عليها ولا تنطبق على اي احد صدقني احس انك بتضيع حالك اذا صرت بتسمع للكلام الغير منطقي ؟

[خشم العرمة]

نصحية اخ ومحب لك وجرب قبلك

انت اخذت من عندهم السيارة ولا التزمت بالسداد وسحبو السيارة لانها بأسمهم يعني سيارتهم وباعوها والان يطالبونك بالفرق
اولا انت باقي في ذمتك مبلغ الاقساط اللي ماسددتها يوم يسحبون السيارة لذلك رح للادارة القانونية في الشركة او ادارة التحصيل وحاول تتوصل لاتفاق معهم ان المبلغ كثير وانك ماتقدر تدفع غير الاقساط اللي في ذمتك اللي هي تقريبا ثلاثة اقساط او قسطين وخذ وعط معهم في الحكي في النهاية اتوقع بتوصل انت وياهم لاتفاق بتخفيض المبلغ بعذ كذا دبر عمرك وسددة

في حالة انك ماسددت اولا بيدخلونك بلاك ليس في ماسا يعني لاتقدر تاخذ قروض ولا بطاقات فيزا ولا شي
ثانيا بيرفعون عليك قضية وانت موقع على عقد ومليون في الميه الشروط اللي حاطينها في مصلحتهم ولاتخدمك وماراح تفيدك بشكل قانوني وهم ضلع قوي

الله يوفقك ويسدد دينك ويرزقك من حيث لاتحتسب

[AMERALNET]

إقرا العقد زين وتمقل فيه وفصفصه وخل احد يساعدك واكيد بتلقا فيه ثغرات ضد هذا النظام الفاشل

اما قلة ادب يسحبون السيارة ويبعونها ويقولون سدد اكيد انهم لاقين احد يطيعهم من قبل


الله يكون بعونك يارب ولا تنسى تدور محامي من احد معارفك يكون ابخص بالامور هاذي وكلنا عارفين المحامين يدخلهم مني ويطلعهم مناك هذا اذا ماخذ حقك منهم كامل
وانا عارف والجميع عارف ان فيه مشايخ عند البنك من للي يسمون مشايخ بنوك
احلو النظام وهو اساساً حرام مادري كيف سمحت لنفسك هذا الشي
عسى الله يفرج همك يارب والحياة دروس

[هويدي]

حسبي الله عليهم يمشون ويسررقون خلق الله

اخوي سرقوا سيارته بعد مادفع 80 بالميه من قيمته ( شريكه اليسر ) الا الميسر يعلكم من حطب جهنم

[القنـاص2008]

شوف طال عمرك ماعلك منهم الشئ الوحيد اللي بينك وبينهم السيارة مدام اخذوها منك معناها مايطالبونك باي شئ
ولاتطاوع اي احد يقولك رووووح ادفع اللي بينك وبينهم السيارة وبس

[سامع الشور]

انت ماخذ السيارة تأجير ورجعت لهم سيارتهم مايقدرون يلزمونك بشرائها ولالهم إلا قيمة الأجار فقط
واذا اشتكوا للشيخ اطلب منه يرجعون لك قيمة التأمين اللي دفعتها

الشركات هذي توظف محصلين بنسبة وهذا اللي اتصل عليك مجرد محصل يبي يخوفك لعله يطلع منك بشي
النظام معك مالهم إلا قيمة الأجار ولا لهم حق يلزمونك بغيرها عساهم للفلس

[aooa]

البنك الفرنسي ناهب الشعب السعودي

والا المحفظه من وقت انهيار الاسهم وانا ساحب كل اموالي ولا فيه ولا ريال والمفروض انها تقفل بعد فتره الا انها الى الان شغاله والشهر تقريبا 60 ريال او اكثر لها تقريبا خمس سنوات ....

لكن ما عندنا احد نشتكي عليه والا احد يدافع عنا .. ولا عن اموالنا المنهوبه ..

[شبح الصحراء]

الله يكون في عونك ويفرج همك وانصحك اخوي بقراءة عقد التأجير جيداً قبل اي شئ ثم التأكد من تصرفهم هل هو نظامي ام لا والتشاور مع احد يملك خبرة بمثل هذه الأمور ولا مانع من استشارة محامي .
ولكن انا عندي تساؤلين الأول انت تقول انهم سحبوا السيارة وانت ذاهب مع العائلة لإحدى العيادات فكيف استطاعوا معرفة مكان خروجك؟! مع ان الشركات والبنوك التي تتعامل بالإيجار المنتهي بالتمليك لا يملكون إلا كروكي المنزل وفاتورة الكهرباء لتحديد مكان سكنك ولكنهم سحبوا سيارتك وانت خارج المنزل مع عائلتك فهل قاموا بتتبعك؟! وهل هو مقبول ان تتبع الشركة أو البنك سيارة شخص مع عائلته ثم يسحبون منه السيارة ويعرضونه وعائلته للمرمطة في الشوارع ؟! لماذا لم يسحبوها بعد رجوعك للمنزل؟! :mad: .
ثانياً بخصوص بيع السيارة هل يعقل ان تباع سيارة قيمتها 80 الف ريال بمبلغ 39,200 ريال مع ان موديلها حديث جداً؟!! كان الله في عونك :( .

[الربذي]

وش صار عليك والله هذا الظلم بعينه من عذر المشايخ لو حرموه لانه عقدين بعقد المصيبه اني اخذ تاجير لكني اسددهم اول باول عن طريق النت الحمد لله احسن من الصرافات الي احيانا ترجع لك نصف المبلغ واحيانا تتعلق الفلوس

[غالي]

مع احترامي لك وتسمحلي بهالكلام والحق يقال اخوي لاتزعل

معهم حق وانت غلطان !!!

اول شيء انت الي رايح لهم ورضيت بشروطهم ولحد ضربك على يدك

ثاني شيء افرض لو احد اخذ منك سياره ولاسددت لك وش بتسوي له ؟

ثالث شيء ياخي راتبك على الراجحي والراجحي عنده سيارات يشترونها لك وبطريقه محللينها المشايخ والله اعلم عاد

لكن نصيحتي لك

دبر دراهمهم وذبها عليهم والله يعينك

خذلك قرض وبتكون الفائده عليك مايقارب 8000 ريال تقريبا

وتخلي القسط حدود 600 ريال او 700

(ترى ماحسبتها لكن بشكل سريع توقع )

والله يعينا وياك يارب

[Bader-M]

كما اسمع من البعض انا الاجار المنتهي بالتمليك غير معترف به من قبل المحكمه وحتى الفيزا ايضا

ولكن تاكد من ذالك

تحياتي اليك

[You Like Me]

مافي شي اسمه غير معترف به
ممكن هذا الكلام سابقاً .الان خصص له اناس من خارج المحاكم طبعاً
يقال انهم مشائخ والله اعلم يحكمون عليك ويفتونك ويلزمونك بالتسديد .

هذه هي مشكلتنا يالربع
الواحد وقت اخذ القرض او سياره او او إلخ
تنمل ايده من كثر التواقيع والمصيبة ما يحاول يعرف او يقرأ وش وقع عليه
يبي يخلص والسلام ,,, والأكيد انه مافي شي بالعقد من صالحك انت كمواطن او كعميل او كمستفيد
ومافي اي جهاز بالدولة مع الأسف يخدم هذا العميل او المستفيد او المواطن
الشاهد ان الامر مو بصالحك ... وانت غلطتك وقت ما سحبوا السياره
ما سويت بلاغ وهذه النقطه تحجك امام المشائخ او الاشخاص المعنيين
اللي بيشغلونك معاهم كأنك تقول خذو سياراتكم
ومستحيل اعطيكم ريال واحد بعد كذا ,,, وهذا مو معقول
فنصيحتي لك حاول تتصل بنفس الشخص اللي كلمك او اذا تتذكر اسمه اتصل وتفاهم معاه
واشرح له الوضع لعل وعسى ينزلون لك المبلغ ولا تفتح لنفسك باب
البنوك ,, شركات التقسيط يا أخي الغالي موظفين ناس هذه شغلتهم
يعني بيقهرونك في نفسك بتلاقيهم ناطين لك في الدوام ومفضحين فيك كأنك سارقهم
فوق كذا بيدخلون اسمك Black List
وانت في غنى عن هذا كله .
الله يعينك ويفرج همك

[الاتصال السريع]

للاسف البنوك ووزارة المالية كلهم يد وحده ضد المواطن

[سالم11]

شف يا الاجودي انا صارت لي نفس المشكله مع شركة تويوتا قبل 5 سنوات شريت منهم كامري تاجير منتهي بالتمليك ودفع اقساط سنه وقعدت شهرين ما سددت قلت ما ابي السياره اسحبوها قالو ادفع عشرين الف الدفعه الاخيره قلت مهنه والله ما تشدونها وانا واياهم قلت هات العقد ونشوف وادبر لي واحد من الربع يشتغل في الشركه قالي لا تدفع ولا هلله كذابين والله ويسحبون السياره وسلام عليكم وعليكم السلام

[أبو هطل]

ماقول الا حسبي الله عليهم والله يكون بعونك ويجبر بخاطرك

[الهوى1111]

مشكورين شباب على الردود


بس فيه ناس يقولون سدد
وناس يقولون اسحب عليهم


مافهمت

الصح من الخطأ


شباب ابي فزعتكم تكفووون

[الهوى1111]

فيه احد من الاعضاء سألني
يقول ماهو مسمى العقد

مسمى العقد اجار منتهي بالتمليك

[احمد4.4]

سيفووووووووووووووووووووووووون

[MماونشيM]

الله يكون في عونك
الايجار منتهي بتملك لغز ماله حل
شكله حلو وطعمه علقم

اتمنى من الاخوان الاستفاده والنحشه عنه

[مستر جمس]

باقول لك يا اخي الكريم


انا اشتغلت في شركتين للتأجير


و مره دخلت السجن لمده شهر بسبب من الاسباب


هل تصدق انه واحد مسجون معنا لانه عليه دين 700 ريال (واهو قسط سياره)


قال خذوها الحين!! قالوا لا, الحين خلص دوام السبت خل اي احد يسدد عنك ونطلعك


والان واحد من اخويانا في العمل مسجون من 23 رمضان الى الان عليه 45 الف قيمه كامري صار له مع الشركه مثل ما صار معك
@@@@


اولا مالك حق تطالب بأي شي كان في السياره لو انه ذهب بمليون ريال


لانك موقع على الشروط ومن الشروط انك ما تخلي اي شي ثمين او خاص في السياره طول مده التأجير


وانت موقع بعد على تحمل باقي قيمه السياره في حال سحبها من قبل الشركه وبيعها في السوق


تدري ان الموضف الي سحب السياره معه تفويض بقياده سيارتك مثل ما انت معك تفويض يعني ما تقدر تشتكي ابدا لان النظام يحميهم,
وهو ما سرقها منك لان معه تفويض رسمي
(يعني مشاركينك في حلالك)


واذا بيرفعون عليك قضيه ما راح يروحون للمحكمه


يشتكونك في الغرفه التجاريه او الاماره اضمن لهم


ولا تنسى يمكن يدفعونك 300 ريال قيمه سحب السياره


وتجديد الاستماره اذا مر عليها ثلاث سنوات حتى واهم ساحبينها


انا ما اقدر اعطيك حل لمشكلتك


لكن اعلمك بالاجرائات الي اعرفها وتعاملت معها


وتراهم زي المنشار (طالع ياكل نازل ياكل)


وان شاء الله ما نسيت شي


وكان الله في عونك


واسف على الاخبار السيئه

[الربذي]

[QUOTE=الهوى1111;5338770]فيه احد من الاعضاء سألني
يقول ماهو مسمى العقد

مسمى العقد اجار منتهي بالتمليك[/QUOTE
وانت الصادق منتهي بالتهليك
اخوي لاتسدد وينهم 11شهر تو تطري عليهم والله مايقدرون ياخذون منك هلله الا برضاك لكن شوف انت اذا تقدر تدبر واسطه عن طريق احد لنفس الشركة زين
هم اصلا حتى لو منتظم بالسداد وبغيت ترجعها لهم يشفون سعرها بالسوق وتدفع الفرق يعني اكلينك اكلينك
الله يعينك
انا يامحكيك لومكانك مااسددهم ارفض لاني كنت قادر وقتها لكن الحين على التزامات وينهم عني من سنه تقريبا
واحد اخذ من الحمراني سيارة ولاسدد بعد خمس سنين جابو الكفيل ودبر وضعه وطلع انه يوم يكفل كان قادر خلال المدة بس الان بعد انتهائ المدة غير قادر عليه التزامات
انت جننهم وبالاخير دبر وضعك تسددهم 500شهريا عن طريق المحكمة جيب التزامات اكثر من 30بالمية من راتبك