هل تذكــرون ( المفتــاح في مكان التشغيل ) والا تذكرون ... الخ

[السالمي]

السلام عليكم ورحمة الله وبركاته

في اوائل الثمانينات كانت في تقنيــه حلوه اللصراحه

وكانت مستخدمـــه في سيارات النيسان السيدان 200l و 240

كان في جهاز صوتي بالسياره اذا حطيت المفتاح في السويتش يقولك

( المفتاح في مكان التشغيل )

واذا شغلت السياره وواحد من البيبان مفتوح يقولك ( الباب الايمن مفتوح مثلا )

واذا البنزين قرب يخلص يعلمك( ارجو التزود بالوقود) يعني شوفو كيف في اوائل الثمانينات كانت موجــودهـ

ولا ادري اذا فيه شركة ثانيه استخدمتها المهم انا اذكرها على النيسان

وايضــاً كان فيــه نظام الاناره المخفيه اللي لاشغلت النور يرتفع الغطاوتظهر الانوار نفس اللي على السوبرا

ونفس البي ام السبورت القديم

ايضا فيه غطاء المحرك( الكبوت ) اللي ينفتح بالعكس جهة الانوار وكانت تسخدمه البي ام

ولا ادري ليه الغوه هل هو معيب شكلا والا له مساوءه مع انه يتيح للفني حرية الحركه اكثر

واحتمال تنزل المكينه بدون ماتنزل الغطاء

ايضـــا فيه حزام الامان واللي يتحرك كهربائيا مع فتح الباب واول ماجانا هنا في السعوديه على الكرسيدا الامريكي

والنظام هذا جربته انا قبل 10 سنوات يوم كانت معي كرسيدا امريكي لفتره بسيطه

والصراحه مع انه مدري اقول انه حركه ويريحك في لبس الحزام والا اقول عله احيانن لاصرت مستعجل

الشنطه الشفط اول ماعرفناها كانت على السيارات الامريكيه وبالتحديد البيوك

الان السيارات الامريكيه ماعاد نزلت ها التقنيه ليه مدري

واذكر بعد الهيدروليك كان على الكابريس موديل 78 وكان له زي البلف بالشنطه تعبيه ترتفع السياره



ايضا الكاديلاك نفس الشي الشنطة شفط والمكيف الكتروني بعد موديلات 79+80
والجنوط السلك

ايضا الثلاجة الخلفية في الكراون من موديلات 83 وانت طالع + المكيف الخلفي بالسقف

ايضا اللمبة الطويلة بالسقف بالسدرك كانت ابداع وحركة زمانها ومحركها الخرافي


هذي بعض التقنيات اللي كانت موجوده قديما ولا اعتقد ان لها وجود الان

ويمكن بعضكم عنده تقنيات ثانيه كانت موجوده وانتهت


لاتحرمونا من نقاشكم

اللي في اللون اللبني هي رد من احد الاعضاء حتى ما احرمه مشاركته

[ن م ر]

طرى علي الحين صوت التشغيل في الجيب العشه الـ 82 اللي كأنه صوت ذباب

ومكيف الجمس الصالون في الثمانيات اللي يجيك كأنه سبيلت في السقف ومتوجه للأمام

والكرسيدا القراندي الـ 86 وكثرة الأزرار لدرجة تحس أنك في غرفة القيادة في الطائرة

وشكرا لك على هالموضوع " زمان يا فن "

[رواق]

تذكرت 200 l م82 أول مانزلت بالنمرة الخامسة كانت شيييي

وكنا ننطقها ميتينل :)

[ابوتركي2002]

الله يذكر زمان اول بالخير كان كل شيء فيه زين .
وتقبل مروري ياصحب الموضوع لك جزيل الشكر

[ابو سليمان 11]

ياخي نسيتو شىء قوي
البيووووووووك ومااادراك ماهو البيوك
البيوك كان فيه تدفية مراتب وكان بيبان شفط
والشىء الثاني هذا كله تقنيه تتغير الاي مايقدرون يغيرونه نبي سيارة تمشي بدون طااقة >>قوية

[اسرار البحر]

لا وازودك من الماضي ماضي طيس البرمان والتكحيله والرموش واللمبه الحمراء اللي في السقف وال 280 بي ( اللقعيه ) وعلامة الفرد اللي في الوجه والزد وانت ماشي ايام تصرمت وانقضت ايه يازمن واخذ عندك المازدا السبور والسيدان ايام مضت كانت حلوه مدري ليه يالسالمي

[قناص*07]

ايــــــــــــــــــــــــــــــــــــــــــــــــ ــــــــــــــــــــــــــــــه
ذكرتنا بالماضي

تصدقون ان ماعاد فيه سيارات!!!!!!!!!!!!!!!

[هاوي البر]

يووووووووووو يا قدمك
تصدق قاعد مره اسولف على عيالي عن السيارة 200l من شركة نيسان وقلت لهم ان فيه زمان سيارة اذا نسيت مفتاح السياره تتكلم السيارة وتذكرك وتقول مفتاح السيارة في مكان التشغيل واذا نسيت الباب مفتوح تتكلم وتقول الباب الايمن مفتوح تصدق قعدو يضحكون علي يقولون سيارة تتكلم وعربي بعد الحين هذي التقنيه موجوده من زمان ولاهي موجوده في وقتنا هذا شكلهم ماهم مصدقين

[شقاوي ينبع]

ميتين ال

مفتاح السياره في مكان التشغيل

الباب الايمن مفتوح

ايام ياليتها ضلت

[رواق]

اللي اذكره ان الميتين واربعين هي اللي تتكلم ، الميتين ال ماتتكلم .. الا لغة الإشارة فقط هههه

بس ولو طلعوا حقين الفليورات :d

[السالمي]

طرى علي الحين صوت التشغيل في الجيب العشه الـ 82 اللي كأنه صوت ذباب

ومكيف الجمس الصالون في الثمانيات اللي يجيك كأنه سبيلت في السقف ومتوجه للأمام

والكرسيدا القراندي الـ 86 وكثرة الأزرار لدرجة تحس أنك في غرفة القيادة في الطائرة

وشكرا لك على هالموضوع " زمان يا فن "


اما مكيف الصالون هذا مخصص للعلابي الوجه ماله نصيب منه

المكيف الصح على النيسان اللي بالوجه يجيك


حياك الله

[السالمي]

تذكرت 200 l م82 أول مانزلت بالنمرة الخامسة كانت شيييي

وكنا ننطقها ميتينل :)

لا وبعد كان منظر طبلونها وهو مكتوب فيه السرعه الى 200

الشعب على دداسن حدهم 160 ولاتجيبها الى مع نزله

والمصيبه يوم جت السيدرك 240 لا اله الا الله كانو يركبونها وهم يتشهدون ههههههه

[السالمي]

الله يذكر زمان اول بالخير كان كل شيء فيه زين .





وتقبل مروري ياصحب الموضوع لك جزيل الشكر




لاهنت على الــرد واسعدني مرورك

[السالمي]

ياخي نسيتو شىء قوي
البيووووووووك ومااادراك ماهو البيوك
البيوك كان فيه تدفية مراتب وكان بيبان شفط
والشىء الثاني هذا كله تقنيه تتغير الاي مايقدرون يغيرونه نبي سيارة تمشي بدون طااقة >>قوية


يا أخي البيوك انا اتوقع الا الان انه اريــح من الفورد 2010

مركبــه مريــح جدا هو والبونفيل والبنتياك

وبعدين السؤال / ليــه غيرو ها التقنيــات الحلــوه والمصيبه ان بعضها انقطع

[السالمي]

لا وازودك من الماضي ماضي طيس البرمان والتكحيله والرموش واللمبه الحمراء اللي في السقف وال 280 بي ( اللقعيه ) وعلامة الفرد اللي في الوجه والزد وانت ماشي ايام تصرمت وانقضت ايه يازمن واخذ عندك المازدا السبور والسيدان ايام مضت كانت حلوه مدري ليه يالسالمي

المـازدا جبتــها يا اسرار البحــر انا والله ماعندي خلفيــه عنها

بس يقولون انها مصيبه وفيها تقنيات حلوه قبل وانقطعـــت

[السالمي]

ايــــــــــــــــــــــــــــــــــــــــــــــــ ــــــــــــــــــــــــــــــه




ذكرتنا بالماضي



تصدقون ان ماعاد فيه سيارات!!!!!!!!!!!!!!!







واللــه وانــا اخوك ان بعض السيارات ماضيــها هو اللي صنع حاظرهـــا




رغم ان حاظرها ماعاد يسوى لاكن السمعــه اللي كانت عليها قبل مازالت ساريه المفعول

[البرنس 1]

السلام عليكم ورحمة الله وبركاته .......... الله يرحم ايام الكبرس 79 و 78 .. ابو هدروليك في الشنطه ..... سيارات لن تتكرر .

[السالمي]

يووووووووووو يا قدمك
تصدق قاعد مره اسولف على عيالي عن السيارة 200l من شركة نيسان وقلت لهم ان فيه زمان سيارة اذا نسيت مفتاح السياره تتكلم السيارة وتذكرك وتقول مفتاح السيارة في مكان التشغيل واذا نسيت الباب مفتوح تتكلم وتقول الباب الايمن مفتوح تصدق قعدو يضحكون علي يقولون سيارة تتكلم وعربي بعد الحين هذي التقنيه موجوده من زمان ولاهي موجوده في وقتنا هذا شكلهم ماهم مصدقين


هذي المصيبـــه تقنيــه متطورهـ زي هذي ليه يلغونــها

هل هي يعني غبيــه والا مضحكـــه والا وش المقصــد

[You Like Me]

الله اكبر
صدق موضوعك محزن ههههههه
بصراحه كله ذكريات لسيارات ماعتقد بترجع تقنيتها
لا من ناحيه الاصوات الناطقة ولا بالمتانه والقوه
وانا عن نفسي امتلكت تقريباً معضم السيارت اللي ذكرت بالموضوع
من الـ 240 والـ z والكابرس التسعاوي والبيوك والبي والكراون والمستبيشي الجالنت
بس الجالنت ما طولت معاي كانت في وقتنا اكثر شي تمتلكها الحكومه
وكانت سيارات المباحث كلها ( جالنت ) والعالم صارت تنحش مني هههههههههههه
وكلها لها ذكريات جميلة سواءً بالرياض او بالتخميس بالهافمون هههههههه
لكن البيوك يا جماعه الخير عجيب في وقته واتوقع الى الآن
كان فيه راحه غريبة عجيبة يا جماعه اذا مسكت الخط وانت تمشي طبلونه
ما شاء الله كأنه بلكه في الخط راسي وماسك نفسة
مو سياراتنا الآن الله المستعان . حتى في تقنيه المراتب كان فيها راحه
كأنك جالس في مجلس فاخر والحديث طويل
ولو تكلمنا ماراح نخلص هههههه
فأترك الكلام للإخوان وآسف على الإطاله

[ابو سليمان 11]

شباب لاتنسون
فلفو

[ZIAD_KSA]

من يوم طلعت الكوريلا
والسيارات بحادور

[بيك اب 4X4]

شباب لاتنسون
فلفو

ههههههههه
الفلفو كان فيها قطعه في عصى القير
ترفعها لما تبي تعشق الريوس :d

[السالمي]

ميتين ال

مفتاح السياره في مكان التشغيل

الباب الايمن مفتوح

ايام ياليتها ضلت

تصدق الشيبان اخبرهم لاتكلمت السياره يهبون عليها

يقولون يهبو هذا جن والا انس ههههههه اتوقع بعضهم يحسب القيامه قامت

مادرى عن البلاك بيري

[السالمي]

اللي اذكره ان الميتين واربعين هي اللي تتكلم ، الميتين ال ماتتكلم .. الا لغة الإشارة فقط هههه

بس ولو طلعوا حقين الفليورات :d

والله عاد انا وقتها بالابتدائي ما اميز اياتهن اللي تتكلم هههههههه

بس جايز لي

[مطيعيس]

الحمد لله انا موتري سدرك بس مافيه هي الاشياء بس الحمدلله عزم وطبلونه240 وموديله89 وكل ماقلت لواحد قعد يضحك الين يشوفه ومايصدق , ومكيف ويالله لك الحمد راضين بها لأنها حديييد اما المواتر الجديده كراتيييييين

[النبع الصافي]

الله على سيارات أول

[اسرار البحر]

المـازدا جبتــها يا اسرار البحــر انا والله ماعندي خلفيــه عنها



بس يقولون انها مصيبه وفيها تقنيات حلوه قبل وانقطعـــت

نويت تفرك من السنين يالسالمي انت اللي طرح الموضوع واللي لحق على 200 ال لحق على المازدا ( البقره ) طبعا في هاك الوقت لم يكن مميز سوى النيسان ومن موديلات 82 -83 الله يهديك طلعت لنا هوامير سنين في موضوعك الله يمتع الجميع بالصحه والعافيه لا ولاتنسى تو ذكرت الشنابر تمشي به ويذبحك بالخرفشه 0

[برج المعيدي]

ايه الله يذكر زمان فات
فكل شي كان جميل
رغم صعوبات العيش
السيارات القديمه
ست الى سبع سنوات
لاتحتاج الا صيانه
الحين ثلاث سنوات او اربع
وتشوف العيوب بذات المواتر
الي تطلع للبر

[السالمي]

السلام عليكم ورحمة الله وبركاته .......... الله يرحم ايام الكبرس 79 و 78 .. ابو هدروليك في الشنطه ..... سيارات لن تتكرر .




على ها الكلام المفروض الجديد يتحدا الالماني بتقنياته

اذا 78 وهو قديم له هييدروليك

[السالمي]

لكن البيوك يا جماعه الخير عجيب في وقته واتوقع الى الآن
كان فيه راحه غريبة عجيبة يا جماعه اذا مسكت الخط وانت تمشي طبلونه
ما شاء الله كأنه بلكه في الخط راسي وماسك نفسة
مو سياراتنا الآن الله المستعان . حتى في تقنيه المراتب كان فيها راحه
كأنك جالس في مجلس فاخر والحديث طويل
ولو تكلمنا ماراح نخلص هههههه

فأترك الكلام للإخوان وآسف على الإطاله



لاهنت على مداخلتك بالموضوع وفعلا البيوك عليه مركب وراحه عجيبه

ولاتنسى البونفيل والبنتياك والوالد كان معه بونفيل ياولد ماتدري بالخط لاصرت راكب ورى

[السالمي]

شباب لاتنسون
فلفو

عطنا وش كان فيها من علوم

انا اقول ان وكيلها داج الضحى من النهار

والى الفولفو كانت محتكرتها الدوريات سنه من السنين

المفروض مطور الوكيل نفسه ومطور صيانتها يعني من 20 سنه ماشفنا لها تقدم عندنا

والا هي من السيارات الممتازه

[HAS5SAN]

جعل من جابك في الجنة
موضوع قمة في الروعه
لا تحرمنا جديدك الله يحرم وجهك ع النار

[aborajwa]

200 ال كانت تصدر صوت واتذكر ايام الثانوية في جدة مع احد الزملاء وكنا اذ ركبنا معه صجنا صوت تزود بالوقود من الطفاره واذا طفاها ونسى بابه مفتوح خليناه يرجع حتى ما يزعجنا المفتاح مكان التشغيل .. هسترنا به الله يذكره بالخير وتلقانا على الحمرا شبه ليلي .. بعدين اذا شديتها بالثاني والثالث لها صوت مميز ..

واتذكر انها مع واحد من الجماعة موديل 85 وكان يقطع بها خط القصيم الرياض كل خميس وجمعه ما باعها الين نزلت كامري 2000 واشترى واحده .. اشهد بالله انها مواتر .. والبيوك المرتبه تقول مراتب سليب هاي ما تدري عن مطب ولا شيء ما يهتز فيك الا الرقبه اما اليوم من العصعص الى هامة الراس وانت تقول سبرنق ..

[مفلت]

انا الله ما عاشرت الا البيوك83 الله يذكره بالخير كان مع الوالد الله يحفظه ,مواصفات الصراحه ما ادري وش السبب اللي خلت الشركات يلغونها من ضمنها الشنطه شفط صحيح انها كانت تصك وتفتح ثانيه لكن لها قدرها عندنا,والمراتب اللي اذا كنت مسافر وراكب ورا ماودك تاصل ابد,الدركسون خفييييف مره,الموتر فيه 4 طفايات و ولاعات دخان<<ما ادخن بس ليه مايحطونها الحين,والشنطه كبيره ماتقصر وان زادت الاغراض حطها فوق المرتبه اللي ورا فوق عند القزازه والله.
الكراون تويوتا مكيفها اللي ورا ولمبات السقف اللي ورا والثلاجه اللي بين السماعات فوق الشنطه.هذا اللي اذكره الحين,ويعطيكم العافيه على الذكريات

[هبــ حريملاااء ـبوب]

الله !!! وين جبته معه هالطاري شف السنين سبحان الله

قنيت سيارات واجد من قعيااا الله اكبر يا 180 بي الى كراااع سعيده هههه كريسيدا الى البقره المازدا ... الخ

انا تعلمت على جمس رفرف وتمكنت على فلكس ويجن الخنفس بدون اديتر !!! وفحطت على كرونا والله يا انها سياره

شريت عروه دقس 79 ثم كابرس سي ال 83 من العيسى بـ 47 الف يااا هووووه والله الموتر ومثبت سرعه هههه

وشريت عقب الـ 200 ال 84 من الحمراني الله يا الدنيا بـ 24 الف يا بلاش كان وقتها المازدا بـ 17 الف !!!!

عموما الرد الآلي او الصوتي كان في هالموديل بس 83 ما كان فيه وموديل 85 تغير الشكل !! كانت زلقه من نيسان

ثم عاد السي الهارتوب وعودنا على السي المسطره الله اكبر وتواير خط وشنابر والمرحوم يخرش العود بشارع الشميسي والعصارات !

ولا انسى الكراون 82 كانت المرتبه الخلفيه متحركه !!!

بصراحه أفضل انواع السيارات من ناحية الجودة من 85 وانت نازل !! عجب فعلا

الله يعطيك العافيه .. سلمت

[السالمي]

من يوم طلعت الكوريلا
والسيارات بحادور


ههههههههههه لاتظلمها

نزل منها موديل 97 على ما اعتقد كان طبلونها 240 وكانت كأنها كامري وعمليه جدا جدا

اما حادور <<< هههههههههه ورى ماقلت وهي منتكسه

والله انك صادق اجل لاضربت مطب بالاكسنت طاح صدامها والا دقيت رصيف انطعج الجنط

[السالمي]

الحمد لله انا موتري سدرك بس مافيه هي الاشياء بس الحمدلله عزم وطبلونه240 وموديله89 وكل ماقلت لواحد قعد يضحك الين يشوفه ومايصدق , ومكيف ويالله لك الحمد راضين بها لأنها حديييد اما المواتر الجديده كراتيييييين

ايــه الشعــب متعودين بوقتها على 160 بالددسن والـ 200 على الـ 240والـ 200l

شافو السديرك 240 وكشافات باللون الاصفر << على طاريه يقولون انه يشق العجاج

طلع مايشق لون هههههه

[السالمي]

الله على سيارات أول

ياهلا لاهنت على ردك

[السالمي]

نويت تفرك من السنين يالسالمي انت اللي طرح الموضوع واللي لحق على 200 ال لحق على المازدا ( البقره ) طبعا في هاك الوقت لم يكن مميز سوى النيسان ومن موديلات 82 -83 الله يهديك طلعت لنا هوامير سنين في موضوعك الله يمتع الجميع بالصحه والعافيه لا ولاتنسى تو ذكرت الشنابر تمشي به ويذبحك بالخرفشه 0


ههههههههههههه لاتحدني على الشيب وانا بعيد عنه

انا هاك الوقت وانا توني بثالث

[وحش القفار]

لماذا نشعر بالحنين للماضي وهل الجيل الصاعد سوف يقف ويتذكر عام2010 بهذا الحنين الذي في قلوبنا

والله اذكريوم كنا صغار ايام ززززززززززززززززززمان كانت مع اخوي 240 كنا نجمع عيال الحارة ونقلهم سيارت اخوي تتكلم :rolleyes::rolleyes::rolleyes::rolleyes:كانو يقلون من جد نبى نشوف واذا مر اخوي يسالونه سيارتك تتكلم ورنا نشوف عاد هو ينبسط ويشوف نفسه
ولا احد قده

زمان اول تحس ان فيه صدق شعور!!!!!!!!!!!!!!!!!

[السالمي]

ايه الله يذكر زمان فات

فكل شي كان جميل
رغم صعوبات العيش
السيارات القديمه
ست الى سبع سنوات
لاتحتاج الا صيانه
الحين ثلاث سنوات او اربع
وتشوف العيوب بذات المواتر
الي تطلع للبر


انت في زمن الاستهلاك اللا محدود

يا اخي قبل السياره تعطيك اكثر من اللي تاخذه منك

الحين تاخذ منك اكثر من اللي تعطيك الا مارحم ربي

المواتر اللي تطلع للبر اقل شي يعتبر وداك وجابك وحصلت وناستك من وراه

بلاك اللي حده الاسفلت

[السالمي]

جعل من جابك في الجنة
موضوع قمة في الروعه
لا تحرمنا جديدك الله يحرم وجهك ع النار


ويــاك ومن يسمــع

الله يجــزاك خيــر

[السالمي]

200
.. بعدين اذا شديتها بالثاني والثالث لها صوت مميز ..
اما اليوم من العصعص الى هامة الراس وانت تقول سبرنق ..

ذكرتني بالصفيـــرهـ على طاري الشدهـ


اما سالفت السبرنق ههههههههههههه

كنك تلمح للشاص ههههه

[اسرار البحر]

ههههههههههههه لاتحدني على الشيب وانا بعيد عنه



انا هاك الوقت وانا توني بثالث

متوسط والا ثانوي يالسالمي لا تقول في الابتدائي عندك علوم عن هاك الجيل 0

[السالمي]

قنيت سيارات واجد من قعيااا الله اكبر يا 180 بي الى كراااع سعيده هههه كريسيدا الى البقره المازدا ... الخ




اما كراع سعيده هههههه ذكرتني بالقراندي 88 اللون ابيض ولها صفيرهـ


اوف اوف اوف عليــها واووف على تنسيفة الشماغ ابو ثلاث مرازيم


واغلب اهلها توهم مسجلين جنود اخوان بدوهـ هههههههه






عموما الرد الآلي او الصوتي كان في هالموديل بس 83 ما كان فيه وموديل 85 تغير الشكل !! كانت زلقه من نيسان


ثم عاد السي الهارتوب وعودنا على السي المسطره الله اكبر وتواير خط وشنابر والمرحوم يخرش العود بشارع الشميسي والعصارات !





ذكرتني بالميتن ال 85 ايام الطيس اللي تجي باللون الابيض


اما الدوران بالشميسي والله يا انت يابس صدق ههههه

[السالمي]

لماذا نشعر بالحنين للماضي وهل الجيل الصاعد سوف يقف ويتذكر عام2010 بهذا الحنين الذي في قلوبنا




لا لا ولا راح يدرون عنه حنا في زمان التطور السريييع

يعني اللي تذكره الليوم تنساه بعد سنتين لانه يطلع لك شي ينسيك اللي تذكره


لاكن الزمان القديم وذكرياته خلاص صارت محفورهـ

[مجرد وسم]

الله المستعان


احد ينسى المزيونة معشوقة الشباب


الجى تى اكس


http://www.zeyadsh.com/up/images/ufv80v8ys266cv6qwz.jpg

[مجرد وسم]

اذكر على طلعة 85 اخوي الكبير مطلع له ددسن غمارتين مكيفة 15 الف ريال


الله يالدنيا

[السالمي]

متوسط والا ثانوي يالسالمي لا تقول في الابتدائي عندك علوم عن هاك الجيل 0


عندي علومها لاني لاحقت عليه بس والله بالابتدائي

[السالمي]

الله المستعان


احد ينسى المزيونة معشوقة الشباب


الجى تى اكس


http://www.zeyadsh.com/up/images/ufv80v8ys266cv6qwz.jpg


تصدق شراها عمي وكسب فيها حوالي 10 الاف خلال سنه بس

اما طبلونها الالكتروني اول مانزل تطور ماطول وقف على طول

وتصميم مراتبها بعد حلو

[راعي السلقه]

يمكن اغلبكم مايعرف المعلومه هذي .. بس اذكر كانت الغراندي القديم تجي فليور

وكان حلم الشباب الاول انه يكون معه غراندي .. طبعا كان فيه حركه بالغراندي انه يسحب جلنط ويقوم السياره

ولأنها فليور تقوم السياره تهز

[عبدالعزيز-1]

اعتذر لان بعض الصور كبيره في الرد القادم ولا قدرت اعدل الرد عشان اصغر الصور

استغرب اني قدرت اعدل الرد القديم ولا قدرت اعدل الرد الجديد !

عموما الصور في الرد التالي

[عبدالعزيز-1]

ميتين ال 84

http://miniman2005.jeeran.com/200L.jpg

بيوك بارك افينو 84

http://www.haraj.com.sa/userfiles5/2010-08-11/100811051343513249kexroluhvx6v.jpg
http://www.haraj.com.sa/userfiles5/2010-08-11/100811051410049902gmog1i9mji3r.jpg
http://www.haraj.com.sa/userfiles5/2010-08-11/100811051445387871brfhvnlt6vz5.jpg
http://www.haraj.com.sa/userfiles5/2010-08-11/1008110515150447548y167damxmh0.jpg



كراسيدا قراندي 88

http://www14.0zz0.com/2010/01/20/07/728270170.jpg


http://www3.0zz0.com/2010/01/20/08/590735021.jpg

كراون 86
http://www.q8ow.com/up/uploads/bfacefa4e7.jpg


http://digiads.com.au/carsales/used-cars/car_ad_photos/digiads_car_ads_139449_1.jpg



اولدزموبيل ريجنسي 84 وكان يضاهي البيوك في الراحه

http://www.americanluxurycar.com/Olds98/images/1983/1983RegencySedan.jpg

[السالمي]

يمكن اغلبكم مايعرف المعلومه هذي .. بس اذكر كانت الغراندي القديم تجي فليور

وكان حلم الشباب الاول انه يكون معه غراندي .. طبعا كان فيه حركه بالغراندي انه يسحب جلنط ويقوم السياره

ولأنها فليور تقوم السياره تهز

الله يهديك من اللي مايعرف ها المعلومه

هذي هي اللي سحرتهم وقتها

[abonaif111]

الله يرحم زمان اول كانت سيارات ماهوب الحين ماهي بسيارات كرتون ولا مافيه نفس التقنيه السابقه

[الشامخ الشمالي]

مفتاح السيارة في مكان التشغيل

باقي قليلً من الوقود

وعلى طاري السيارات القديمه كانت الهايلكس التويوتا الموديل القديم تجي المرايا قدام على الكبوت

وفيه موديل ثاني جت فيه صور تحت الباب والرفرف صور أبل ونخل على مااظن هذي اللي اتذكره

الله على ذيك الايام الحلوه كانت سيارات قويه وعمليه اكثر من الحين

الله يعطيك العافيه اخوي السالمي وبارك الله فيك

[السالمي]

لاهنت ياعبدالعزيز على الصور

وحنا القصد ماهو بالصور القصد بالاشياء الحلوه اللي كانت بالسيارات القديمه وانقطعت

اما حركة القزازه المايله اللي في الميتين ال والا الابواب المقطوعه

[السالمي]

الله يرحم زمان اول كانت سيارات ماهوب الحين ماهي بسيارات كرتون ولا مافيه نفس التقنيه السابقه


ميزة السيارات اللي في ها الوقت خفة عزمها

اما التقنيه الصراحه تطورت تطور سريع في اغلب السيارات

لاكن انا اتكلم عن سيارات معينه وعن تقنيات معينه كانت موجوده واختفت

[سوبر مكشات]

من اول كلن فسقان

[اسرار البحر]

من اول كلن فسقان
فسقان ولاتروح اذيته لاحد يمنعه حياءه ودم وجهه اللي غالي عنده واحترامه لغيره ماهو مثل هالوقت الواحد منهم لايعرف هدفه ولايستطيع تحديده جيل همه كيف ينتج ويصبح فعالا في مجتمعه ويخدم من حوله 0

[السالمي]

مفتاح السيارة في مكان التشغيل

باقي قليلً من الوقود

وعلى طاري السيارات القديمه كانت الهايلكس التويوتا الموديل القديم تجي المرايا قدام على الكبوت

وفيه موديل ثاني جت فيه صور تحت الباب والرفرف صور أبل ونخل على مااظن هذي اللي اتذكره

الله على ذيك الايام الحلوه كانت سيارات قويه وعمليه اكثر من الحين

الله يعطيك العافيه اخوي السالمي وبارك الله فيك


ويعافيك يالشمالي

[السالمي]

من اول كلن فسقان


من اولا مع سيد الاحباب سالي
والليوم خلاني اقلب ايــــديــــه

<<< سطحه

لاهنت على مرورك ياسوبر