أستفسار عن الجيب النيسان الربع والتاير البالون

[بوغلب]

السلام عليكم
استفسار ياأخوان ...
ليش الشباب بالمملكه وخصوصا بالشمال مولعييييييييييين بالجيب النيسان الربع وليس الكامل؟ وخص الأبيض؟ وليش الكفرات السيام (البالون)؟ عارف ان للرمل ممتازه ولكن شلون بالنسبه للحجره؟ واذا كنت بالحجره هل تعبي الكفر هوا ولا تنزل هواه؟
وجزاكم الله خير

[بوغلب]

ياشباب وين أهل الخبره!

[العاذر]

الجيب الربع يعتبر ذئب الصحراء بدون منافس ويعتبر من وجهة نظري من افضل الجيوب المناسبه للصحراء لعدة اسباب :

@ خفيف وقوي واعطاله قليله جدا

@ يتوغل في اماكن صعبه للغايه داخل الشعاب والاوديه ويتجاوز العقوم بكل سهوله والسبب في ذالك ان شاصه قصير ولا يتعلق,, بعكس الجيب الاربع ابواب يتعلق بسرعه

@ قيادته في البر مريحه , وكذالك يطربك في النفود وفي كل مكان تذهب اليه

@ يعتبر مناسب جدا للقنص والطرد وفي مساعدة المحتاجين في الغراز لانه قوي في السحب

@ اما البالون يعتبر هو الكفر المثالي الذي يطربك في الغراز نظرا لتصميمه الفريد من نوعه لذالك اصحاب البر وانا واحد منهم يرغبون فيه لانه مايحفر ومطبه لين اضف الى ذالك بأنه نايلون وليس سلك لأن السلك يحبل مع نقص الهواء

اما البالون فتستطيع انقاص الهواء ولا يأثر على الكفر ,


@ اما في القياده في الاماكن الوعره يجب زيادة الهواء لكي يقاوم الحجر

وليس بشرط خاصه اذا كان البالون 8 غاط انا استخدمه للرمل وللوعر وموره تمام التمام

اتمنى اني افدتك

تحياتي

[أبوصقر]

مثل ماقال أخوي العاذر..وأزيد على كلامه الموتر خفيف نفس..وقيمته معقولة بالنسبة لأهل المكاشيت لاتوجد بها مبالغة..والترهيم فيه أسهل من غيرة..

[العاذر]

ياشباب وين أهل الخبره!


انت اللي وينك؟؟؟ موضوعك راح للصفحه الثالثه ورفعته