تلحيم الاسطبات الي بيفيدني يدخل

[غالي]

السلام عليكم ورحمة الله


أخواني اليوم هو اليوم الوحيد في رمضان الي وقفت سيارتي بعيد شوي عن باب بيتي تحت شجره وتابعه لبيتي على فكره ومتى ماغبت عن هالمكان هالجيران يتضاربون على هالشجره


والظاهر والله اعلم واحدن متنحس وشايل بقلبه وساكت بهالمده


المهم ماعلينا ((( يالله ان تعطيه على قد نيته وياخذ ربي حقي منه اللهم امين)))


المهم ياجماعه سيارتي بورش كايين طلعت من شوي اخذ منها غرض الا والله اشوف الاسطب الخلفي منكسر


ومو كسر طبيعي وانما بفعل فاعل


ودليلي ((عليه اثار ضربه بالغبار)) تقريبا يد


على كل قدر الله وما شاء فعل وحسبي الله ونعم الوكيل والاسطب ماادري كم سعره بالوكاله لكن لايقل عن 2000 الى 3000 ويمكن اكثر باعتقادي


المهم يااخوان انا ماابي استعجل واغيره جديد اليوم


لكن قلت خلني اسأل اخواني كانهم يخبرون محل فنااان بتصليح كسور الاسطبات ويصير مايوضح


استناكم تكفون اليوم لاني ناوي اروح به العشاء منيب مخليه يدخل فيه ماء والا يجي واحد يكمل عليه


وللمعلوميه الكسر مو بسيط ماخذ تقريبا نص الاسطب (لكن القطع موجوده كامله)


ومكاني الرياض وبالتحديد شمال


جزيتوا خيرا مقدما :good:

[غالي]

كلمت تو الوكاله الحمدلله سعره رخيص مقارنه بالسيارات الاخرى

بعد الخصم ب963 ريال


لكن ابي اصلحه اول اشوف ان ضبط والا غيرته جديد

بإنتظاركم

[هاوي سمر]

لا حول ولا قوة إلى بالله

من أعظم الذنوب إيذأ الجار

الله يكون بعونك

والله يرزقك الجيران الي مثل الاهل

ويفيدونك الاخوان طال عمرك

[غالي]

الله يجزاك خير على هالدعوه اخوي هاوي سمر

منور بمرورك طال عمرك :)

[bn_501]

التلحيم ماينفع


بتصير باهته


طق جديد وارتح


ولاتوقف الموتر الا بالقراش


وسوالف الشجر واجد هع


سلام

[AL-ashhab]

سير على التشليح <<<<<<<مع انهم نصابين:mad:

[اسير الغضا]

التشليح يمكن تحصل اخو الجديد

والله يعين على الشجر الوالد زارع ثلاث شجر اول ماعمر البيت وجايبهن على شنطة سيارته

وسقاهن ورعاهن حتى شد عودهن وصاروا الجيران يزاحمون عليهن والحمدلله بهن البركه الشجره تشيل موترين
والله يستر فيه احتماليه ينفن من الوجود لوجود مدرسه تعمر مكانهن

[asdali]

وعليكم السلام ورحمة الله وبركاته

الله يعوض عليك اخوي ويكفيك شر الجيران وانصحك تحط موترك الله يبارك لك فيه بالطبيلة .

مر محلات قطع الغيار او زينة السيارات واشتر صمغ سوبر جلو اصلي امريكي مثل اللي في الصورة سعره 5 ريال , وهذا النوع قوي جدا لدرجة يلحم اباريق الشاي ولا يظهر اثر للصمغ .ويستخدم لتصميغ الاحذية والكعوب اعزكم الله
طبعا يوجد انواع شبيهة نفس الاسم لكن ماهي اصلية وتجيك بلون اصفر او اصفر واسود .

الاصلي مثل الصورة وريحة الغرا خفيف جربه وان شاء الله ماراح تندم

http://www.mekshat.com/pix/upload04/images180/mk132664_picture.jpg

[غالي]

التلحيم ماينفع


بتصير باهته


طق جديد وارتح


ولاتوقف الموتر الا بالقراش


وسوالف الشجر واجد هع


سلام

تسلم اخوي

لكن والله لعبت فيه اخر العصر فكيته من السياره وحطيت له غراء ((لكن للاسف غراء مو مخصص ))

وطلع الكسر ابيض :D

وهذي صورته بعد التلحيم

http://www.mekshat.com/pix/upload04/images180/mk18322_xcv.jpg

لكن ابخليه على ماهو عليه لان ان شاء الله عندي سفره للكويت بعد شهر وشوي ووكالة الكويت اتوقع ارخص من الي عندنا لو 50 ريال دامني بعون الله رايح رايح

وقد سألت عن المساعد لقيته بالكويت ارخص ب900 ريال تقريبا :mad:

مشكورين بيض الله وجيهكم جميعا

[التعـ King ـديل]

اعرف سعره جديد بالرياض ولا بالكويت ومر على التشاليح اول اذا الفرق كبير اشتر منهم ولا طق لك جديد

وعسى الله يعوضك من حسنات اللي كسر اسطب موترك

[ابوصالح77]

التشليح يمكن تحصل اخو الجديد

والله يعين على الشجر الوالد زارع ثلاث شجر اول ماعمر البيت وجايبهن على شنطة سيارته

وسقاهن ورعاهن حتى شد عودهن وصاروا الجيران يزاحمون عليهن والحمدلله بهن البركه الشجره تشيل موترين
والله يستر فيه احتماليه ينفن من الوجود لوجود مدرسه تعمر مكانهن

الله عوضك خير اخوي غالي

والله يكون بعونكم أخوي أسير الغضا على جيرانكم الجديدين (المدرسة)
كانها شجرة عبري بتصير مثل الجمرة الكبرى والله ماعاد تشوف إلا هالزبريات -الله يكرمكم - والحصى ، من غير حك البدي بمسمار أومفتاح يخذ عليها لفة تقل مواجر

تقبلوا مروري بالتوفيق

[الهذلي2]

التلحيم ماينفع


بتصير باهته


طق جديد وارتح


ولاتوقف الموتر الا بالقراش


وسوالف الشجر واجد هع


سلام

[غالي]

الله يحفظكم جميعا

والآن انا في كفي وتوني طالع من محل تصليح زجاج وسألتهم عنها

قالوا الاسطبات مانصلح وزين انك سويتها كذا لان لو رحت لاحد بيقوم يميعها لك (بالحراره) وتطلع ابشع من كذا بكثير

وكلمت واحد في تشليح حاير قال ابرد لك بكره يقول اليوم مضغوطين

قلت ابشر استنى اتصالك باتسر

اما الكراج او الحوش

للاسف يااخوان ماعندي مدخل سياره في بيتي :( ماغير بهالشوارع الله يكفينا شرها وشر من فيه


على كل ابنتظر اتصال الرجال ان حصل لي شيء نظيف والا مالي الا جديد عاد يامن هنا او من الكويت ان الله كتب

شاكر لكم جميعا بيض الله وجهكم

[غالي]

أسمعوا هالنكته

اتصل علي تو راعي التشليح يقول لقيت لك واحد نظييييف

قلت بكم طالب فيه ؟

قال ب1300 نهايته والله حاولنا يخفضه وعيا !!!!!!!!!!!!!!!

قلت خله يتصل على الوكاله ويشوف سعره

قال بكم سعره؟

قلت تسعميه وشوي

لكن كانه بيبيعنياه اقل من نص سعره يعلمني والا شريت وكاله

قال لا اجل اتركك منه انا ادور لك واحد غيره قلت يكون خير ان شاء الله


شر البليه مايضحك صراحه :d:d:d:d

[الستانس]

السلام عليكم


اخوي شف هذا الرابط

http://cgi.ebay.com/ebaymotors/Porsche-Cayenne-1st-gen-facelift-OEM-U-S-tail-lights-/280554539712?pt=Motors_Car_Truck_Parts_Accessories&fits=Make:Porsche|Model:Cayenne&hash=item41525a8ac0#ht_500wt_1182

وصلت المزايده ميه دولار
ويجيبها لك بـ69 دولار

ولا اسطبين بعد بـ633

وهذا رابط اطلع عليه ومنتب خسران شي ان شاء الله
http://motors.shop.ebay.com/i.html?_nkw=03-06+PORSCHE+CAYENNE+RED+CLEAR+LED+TAIL+LIGHTS+LAMP+ 04&_sacat=6030&Model=Cayenne&Part%2520Type=Lighting%252C%2520Lamps%2520%2526%25 20Accessories&_dmpt=Motors_Car_Truck_Parts_Accessories&Make=Porsche&_odkw=&_osacat=6030&bkBtn=&_trksid=p4506.m270.l1313
وإذا ما تعرف تشتريه انت فيه ناس ياخذون عموله من 20 - 50 ريال ويشترونه لك

وترا سالفه الشراء سهله وبسيطه إذا كان عندك ماستر كارد ولا فيزا علمتك الطريقه

وتشتريه انت بنفسك

موفق ان شاء الله

[غالي]

الله يجزاك خير اخوي الستانس ماقصرت على الرابط بيض الله وجهك

وبجلس مع ناس من اخوياي يشترون من الانترنت وبشوف بعون الله لكن من وقت لوقت اشوفهم

تسلم