تكفوووووون وش الحل ياجماعه لبنزين الهايلكس

[الهايلكس99]

السلام عليكم ورحمة الله وبركاته

ياشباب من عنده الحل سيارتي هايلكس 99 غمارتين صرفيتها مدري هي طبيعيه او (تشرب) اعبيها ب52 ريال
تمشيني مع الطق والطقيق 380 الئ 410 كلم فذا فيه حل لاتبخلون علي ترئ قدامي ان شاءالله سفر لم ابها ومكه
تكفون لا تبخلون علي ياشبببببببببببباب عاجل

[داب الرمث]

اخي الكريم .... السلام عليكم .... ركب مراوح كهرب بنقص الصرف بشكل ملحوظ ....... بعدين لا تستغرب شربها مع الحر ..... شكرا.

[عاشق الأشهب]

أنا معي نفس موترك بضبط أعبيه 56 ريال ويمشيني 300إلى 340 فقط
وركبت مراوح مافيه فرق ملحوض يمكن يمشيك زياده حوالي 6كيل إلى 10
يعني مافيه فايدة بس ترى صرفية موترك طبيعي

[البرحه]

السلام عليكم

هل الموتر يكربن ؟؟ يعني اذا قرصت له بالثاني وحن يطلع دخان ؟؟ اذا شغلته في الصبح تحميه يطلع دخان ؟؟

اسمع يا بعدي ... على كلام عبد الوكاله ان الهايلكسات والفرنرات موديل 98 99 فيها مشكله في الكلبريتر !!

والحل هو تغيير الكلبريتر !! اذذا كان يطلع المشاكل الي قلت لك فغيره ... وتقل الصرفيره على ما اذكر 30 كيلو في التفليله !

هذا كلامي عن تجربة 98

وارجو انك تعلمني وش صار معك ؟؟


وتبي الصدق 98 99 2000 2001 تصصصصصرف

[أبو زايد]

عفواً أخوي هايلكس 99:
أنا معي هايلكس موديل 2001 أعبيها ب 56 ريال ولا يمشيني بعد الطقاق إلى 400 كيلو فقط
يعني صرفية موترك طبيعي وأنا أنصحك أنك لا تجي الكلبليتر لأ لو رحت لمحل قطع الغيار بيقولك نفس كلامي
لأنه قليل من يظبط شغل الكلبليتر وترى موترك طبيعي وممتاز.

[البرحه]

والله مواتركم تروع !!َ

ياحبني للدفرنسين اعبيه 66

يمشيني 570 <<< ا حبني له بس

تعبيه 56 ويمشيك 300 وطبيعي لا بالله شرب !! لو انه موتري بعته ورحت في لموزين ارخص لي


وين باقي الشباب ما علمونا ؟؟

[الضاحي]

اخوي البرحة

اللي معك هايلكس دفرنسين ؟ وش رايك فيه من ناحية المطبات والعزم وفي البر

شاكر لك مقدما

[الهايلكس99]

السلام عليكم ورحمة الله وبركاته
مشكورين ياشباب على الراي والنصيحه
صرفيه البنزين ماهي طبيعية فيه هايكلس نفس المديل يمشية 500 الى 550كم
اما بنسبة الكربنة الصباح فهي موجودة مادري هل اغير الكربريتر ب 1000 بعد الخصم 950 ريال
وتوهق في صرفيه البنزين هي هي او لا
او اركب المراوح بس تقولون تقل الصرفيه 30 كم وزيادة العزم لكن عن جدواااااه
هل فعلاً اركبها نصيحتكم جزاكم الله الف خير
أخوكم الهايكلس 99

[عاشق الأشهب]

أخوي هايلكس 99:
يا أخي بالنسبة للي أنت تقول أن في موتر موديل 99 ويمشيه من 500 إلى 550 هذا هو الشاذ مب موترك يا أخي أنا معي نفس موترك وأثنين من عيال عمي معهم نفس الموديل أنظف وحدة فينا تمشي راعية 400 كيلو ولا أنصحك تجي الكلبيتر لأن قليل من يظبط شغله وهذا أخوي أبو زايد يقول معه 2001 ولا يمشيه إلا 400 كيلو يعني موترك إن شاء الله سليم

[الهايلكس99]

يعطيك العافيه يا عاشق الاشهب
طيب ماترئ ان الكفرات لها دور

[عاشق الأشهب]

أخوي الهايلكس 99 :
إذا كان مركب كفرات عراض على جنوط شد بلد ترى مالها تأثير يذكر لأني بين كل فترة وفترة أرجع كفرات شد بلده عليه نوع من التغير
الصراحة ما فيه فرق يذكر إلا فرق بسيط.

[صالح المطيري]

جرب تنزل الديلكو ، عندنا هايلوكس 92 والديلوكو على النصف وهو اليكتروني ، اذا بغيت العزم ارفع الديلكو على الآخر بس تزيد الصرفية والعكس اذا نزلت الديلكو ينقص العزم وتقل الصرفية ، خذها من مجرب .

[الهايلكس99]

لرفع,,,,,,,,,,,,,,,,,,,,,,,,,,,,,,,,,