شبك صيد من تصميمي ( للشعم )

[كنعد]

السلام عليكم ورحمة الله وبركاته

يا شباب حبيتكم تشوفون تصميم الغزل هذا انا فصلت واحد ولاكن ما جربتة بجربة بعد العيد ان شالله

الغزل الي فصلتة 100 متر ارتفاع مترين ونص وجهة واحد ( طبقة وحدة) مقاس العين 3 انش


طبعا انا سويتة للشعم لان الشعم بالعادة ينقز من الشبك بس الشبك هذا مايقدر ينقز منه لانه بيظرب في الجزء العلوي من الشبك بعدين الشبك ناعم جدا وقوي بنفس الوقت ابي رايكم فية ولي عنده اضافات يقولنا


لان فكرة النصبة القديمة او المعتاد عليها الي تكون شبكين ورا بعض بين الواحد والثاني 2 متر تقريبا لقفز الشعم والسبيطي بس حسيت انها متعبة وهذي سهلو ومضمونة ان شالله




طبعا الشبك بيكون بشكل المائل زي ماهو واضح في الصورة


http://www.mekshat.com/pix/upload04/images178/mk84458_ss.jpg

ابي رايكم شباب واقتراحاتكم رجااااااااااءً

[الحوات الصغير]

فكره حلوه والله

[درع الجنوب]

الفكرة حلوة بس ظاهرة للعيان

والشباك ممنوعة أنتبه

[برق شرق]

و الله يا " كنعد " .. مثل ما قال اخوي " درع الجنوب " .. هي ممنوعة ..:(



لكن اتوقع انها نفس الطريقة العادية ..



يعني لما تحط العزل العادي وقت المد .. راح يصير نفس ما انت راسمه اذا جاء وقت الجزر ..



بس ما يمنع .. جربه و قول لنا وش صار .. ;)


بس لاتنسى تحطه في اماكن مخبورة ..:good:


و فالك كل الانواع مو بس " شعم " ..:good2:

[كنعد]

و الله يا " كنعد " .. مثل ما قال اخوي " درع الجنوب " .. هي ممنوعة ..:(



لكن اتوقع انها نفس الطريقة العادية ..



يعني لما تحط العزل العادي وقت المد .. راح يصير نفس ما انت راسمه اذا جاء وقت الجزر ..



بس ما يمنع .. جربه و قول لنا وش صار .. ;)


بس لاتنسى تحطه في اماكن مخبورة ..:good:


و فالك كل الانواع مو بس " شعم " ..:good2:



هلا ولله برق الشرق

يالغالي الشبك العادي طولة متر ونص بالكثير يعني الشعم يقدر يرجع وينقز بس هذا طويل بزيادة يعني الشعم بيكون في متاههات وعلى فكرة ترى بيكون نصب الشبك على شكل قوس كبير انا الي فصلته طولة 100 متر بجربة عدت مراات اذا صاد صيد حلو بفصل غيرة وانا انسان تعبت من ابو ثلاث طبقات لانه مؤذي في تنظيفة وغير اذا ظرب سمك صعب تطلعة بلموت ويشيل وصخ واعشاب متعب بصراحة

شكرا لمرور باقي الاعضاء وننتظر راي الاخرين

[أبو أثير]

تستاهل كل خير اخوي كنعد وانت انسان راعي افكار حلوة

وبصراحة اعجبتني طريقة تصميم الغزل لانه يشبه الكوفه حق الربيان اللهم ثابت واتوقع انه بيجيب خير

الله يوفقك ...

[القنصل,,,]

يعطيك العافيه

[كنعد]

تستاهل كل خير اخوي كنعد وانت انسان راعي افكار حلوة

وبصراحة اعجبتني طريقة تصميم الغزل لانه يشبه الكوفه حق الربيان اللهم ثابت واتوقع انه بيجيب خير

الله يوفقك ...


الله يرفع قدرك زي مارفعت معنوياتي

وشكرا لك صياد الجبيل على المرور الجميل

[صياد متهور]

وعليكم السلام ورحمة الله وبركاته
صراحة حركة حلوة واتوقع بتجيب روسهم هم والسبيطي بادن الله
وادا جربته لاتنسى تنزل تقارير صيد الغزل دا
بالتوفيق

[ابو مشك]

الله يوفقك اخوي

فكره حلوه واحلى ما في الموضوع انها من تصميمك

فالك الصيد الوفير اخوي

[وحدآني]

التجربه خير برهان

بس سمعت ان الغزل غرامته 5 الاف ريال انتبه من حرس الحدود

موفق ان شاء الله

[عوام 5]

موفق خير ان شاء الله

[جراح العيسى]

بالتوفيق يالغالي ولا تنسانا بالتقارير

[shaheen70]

طريقة جيدة وكلام طيب بارك الله فيك
على العلم أن هذا النوع من الطرق
دائماً تكون ممتازة والمهم فيها أن الأرتفاع
هو الي يتحكم بالصيد وهذه نقطة جيدة
زي ماتفضلت الشعم ينقز وماله إلا المرتفع وفتحة الشبك :good:
وتراني جربت شبك إرتفاعة أربعة أمتار متعب توعاً ما ولكن
الصيد يهول خاص بالصبيطي
جزاك الله خير
تحياتي لك وفي أمان الله
shaheen70

[كنعد]

الله لا يهينكم وجزاكم الله خير على الردود الطيبة والي تشرح الصدر حمستوني على العيد ان شالله بنطلع

والي عنده راي ثاني ولا اقتراح يعطينا اياه رحم الله والديكم

[accentkool]

والله فكرة جدا رائع وودي اجرب اسوي مثلها واتوقع لها نجاح مبهر بس لاتنسانا من تقارير هالتجربة

[كنعد]

شكرا لمرورك وان شالله انها بتنجح لان الغزل خفيف مرة الشعم يظرب فية مايخاف

الشعم ينقز من الغزل ابو ثلاث طبقات لانه واضح نوعا ما

[منادي الخبر]

جربه وانا اشوف احسن محل له الزبنه ويكون رق وفالك طيب

[كنعد]

جزاااااااكم الله خير

على الردود الطيبة والله يوفقنا وياكم

[كنعد]

افااا وين الشباب اهل الخبرة وين اقتراحاتكم

[كنعد]

افاا محد عنده اقتراح هذا انا رفعت الموضوع ساعدوني الله يجزاكم خيرر

[سن كولا86]

شف انا مدري ايش العشم ذا اللي انت تقول عنه يمكن عندنا في الغربيه له اسم ثاني لكن الطريقه اللي انت مسويها هذي معروفه عندنا وانا ما امشي الا عليها بس زايد عنها بشي واحد اللي هو الدوارات في نهاية الشوار او مثل ماتقولو (الغزل) ولا فيه مصيبه في البحر الا ومسكت فيه حتى الحبار اللي من المستحيل ان احد يصيده بشوار او الأخطبوط ..

اتمنى لك التوفيق .. وتقبل مروري.

[كنعد]

الله يجزاك خير على مرورك الجميل

حمستني كثير بس اتمنى من الاخوان الي ماشافو الموضوع يشوفونة وهذا لررررررررررررفع

[SNIPER07]

فكره طيبه يا غالي
اذا كان الغرض للشعم نحط للغزل "معاشي" نسميها
يعني كل ثلاثة امتار تقريباَ نركز سيخ او خشب نرفع به الغزل فوق المويه
اول ما يصير جزر و اذا طمر يشك فوق بالغزل او يرجع داخل الغزل
هذا ما عندنا ،،، و مثل ما تفضلو لخوان تراها ممنوعه
آه يا القهر اكثر من 150غزل تلفوا بعد المنع
تحياتي

[مكشتاني]

السلام عليكم ورحمة الله وبركاته
ياجنعد وانا اخوك الطريقه هذه معروفه يعني مامن جديد والنصيحه قدموها لك الشباب في الغزل والشباك كلها ممنوعه على السيف وما ودنا يا الغالي اتكلف وتشتري وبعدين يتصادر عليك هذا غير الغرامه وتقبل مروري

[A B D U L L A H]

يعطيك العافيه ياكنعد

شغل طيب

بس لآهنت نبي صور من تصويرك للغزل خارج وداخل الماء

لآهنت

[ابو-- مشاري]

اخوي كنعد فكره ممتازه وابشر باالخير ياوجه الخير
لكن هل فيه تجربه سابقه خاصه في الارتفاع والله يرزقك من فضله....

[كنعد]

بخصوص المنع يا اخوااان تقدر تحط الغزل بليل بسرعة وترجع على الشاطئ من غير محد يشوفك وتوكل على الله سبحانه

وان شالله اذا صدت بحط لكم صور صيدي والله كريم

[شوار القلوب]

ماشاء الله تبارك الله

والله الفكرة إبدااااااااااااااااااااااااااااااااااع

وتنفع أيضاً للسمك العربي يعني بدل ماتص شوارين وراء بعض بيكون هذا السقف بداله

لكن ماتلاحظ أنه راح يكون متعب في التنظيف و (اللم)؟

لكن إجمالاً فكرة أكبر من ممتازة بمراحل

الله يعطيك العافية وجربها وأعطينا خبر

[الهاوي1412]

حلوه الشبكه ماشاء الله

[كنعد]

الله يجزاكم خير على التعزيز والمدح وصدقوني ماكنت ادري انها كانت تستخدم من زمان

على العموم الحمد لله انها كويسة وبجربها وبرد لكم خبر