ابي شوركم ياجماعة الخير

[AMAZ]

مساء الخير الله يسلمكم ان شاء الله نويت اني اشتري تاهو باب واحد موديل 1996 طبعا عندي سياره صغيره وابي ابيعها واشتري التاهو لكن المسئله وما فيها ان التاهو باب واحد هل يصلح للعائله الصغيره طبعا عندي ياربي لك الحمد طفلين . كيف رايح يكون انا خايف انه يتعبنا اسدح المرتبه نزل المعزبه ومن ذا الكلام .. ابي شوركم لاني ابيه سيارتي الخاصه هل يصلح للعائله الصغيره او لا منتظر ردكم بسرعه لان صاحب الموتر مستعجل على بيعه وانا مارادني الا انه يكون مايصلح للعائله . وصير على دردعتي الى عندي

[جارح1]

أن شاء الله انه يصلح وانت عائلتك صغيره الى الآن

يعني اصبر لك عليه 2 او 3سنوات لقدام على بال ما انتم زايدين شوي ان شاء الله وبأمكانك تشتري سيارة
أكبر،،

وحلو التاهو او اليوكن بارب واحد خفيف وماتمل منه بسبب صغرة وخفته


وقبل كل شي الله يكتب لك اللي فيه الخير ان شاء الله

[أبوعبيدة...]

اخوي

بالنسبه للعائلة مهب صاير ظيق ممتاز للعائلة الصغيره

بس ذا المواتر يمكن يطفر بك خرابات يمكن لو تسال مجرب يفيدك اكثر بالتوفيق

[ابوصالح77]

مساء الخير الله يسلمكم ان شاء الله نويت اني اشتري تاهو باب واحد موديل 1996 طبعا عندي سياره صغيره وابي ابيعها واشتري التاهو لكن المسئله وما فيها ان التاهو باب واحد هل يصلح للعائله الصغيره طبعا عندي ياربي لك الحمد طفلين . كيف رايح يكون انا خايف انه يتعبنا اسدح المرتبه نزل المعزبه ومن ذا الكلام .. ابي شوركم لاني ابيه سيارتي الخاصه هل يصلح للعائله الصغيره او لا منتظر ردكم بسرعه لان صاحب الموتر مستعجل على بيعه وانا مارادني الا انه يكون مايصلح للعائله . وصير على دردعتي الى عندي
هلا بك أخوي
ياعله مبروك
من واقع تجربة تبي تتضايق شوي حتى ولو كان طفلين بالركوب ماعندك مشكلة والنزول ينطع من عند المرتبة ، لكن إذا صار نايم ! لا تقول متى ينام ؟ دايم الله يصلحهم .
وكان معي باترول 97 ما بعته إلا عشان كذا إفتح صك .
بالتوفيق