فصلت أصبع البطاريه وتغيرت السياره

[للصمت هيبه]

السلام عليكم ورحمة الله وبركاته


ياشباب أبغى المساعده منكم معي يوكن دينالي 2003 تم فصل اصبع البطاريه وتغيرة


السياره صارفبها تقطيع وتفتفه والسياره واقفه وينزل الضغط لتحت النص والمكيف


طلع حار طبعاً اذا مشيت بالسياره برد واذا هديت تكتم السياره وتطفىْ


ما ادري من البرمجه ولا شي ثاني علماً بأن السياره مافيها شي من قبل


افيدوني الله يجزاكم خير

[كاشخ 24 ساعه]

طف السياره وطلع المفتاح نهائيا وافصل الاصابع الاثنين لمدة 15 دقيقه ومن ثم رجع الاصابع وضع المفتاح وشغل السياره

[_دربيل_999]

مثل ماقال اخوي كاشخ..

[للصمت هيبه]

جربت نفس الطريقه فصلت الاصابع لمده 30 دقيقه بعد ونفس المشكله

ماتغير شي فصلت الموجب 15 دقيقه

فصلت السالب 15 دقيقه

سويت تشغيل للسويتش وفصلت البطاريه مانفع والله مدري وش الحل

[جداوي صميم]

شغل السيارة وخلها شغااله
الين يععيد برمجة الكمبيوتر من حاله
خلها ساعه
وان شاء الله تضبط

[بـو بـدر]

اخوي كاشخ 24 ساعه عطاك الحل

وهو بفصل الاصبعين مع بعض كنك بتطلع البطاريه من مكانها

لمده 15 دقيقه والمغزي من هاذا ( ليقوم الكمبيوتر باعاده برمجه نفسه )

وان لم تفلح الطريقه -- عليك باعاده البرمجه من جديد بالشركه او احد الكراجات المعتمده

تحـــياتـــي

[للصمت هيبه]

كيف يعني بعد ما افصل البطاريه وارجعها اخلي السياره شغاله لمدة ساعه

هذي ما جربتها ابجربها الله يجزاك خير

[كاشخ 24 ساعه]

طيب افتح السويتش وطفيه بدون تشغيل السياره وكرر العمليه اكثر من 10 مرات وعلمنا وش يصير معك

[للصمت هيبه]

كاشخ 24 ساعه _دربيل _999 جداوي صميم بوبدر

الله يعطيكم العافيه على المعلومات المفيده وأن شاء الله ارد لكم الليله وش صار معي

[للصمت هيبه]

اوكي ابجربها بعد اذا ماصار شي على الاول

[للصمت هيبه]

كاشخ 24 ساعه ...... بوبدر


جربت الطريقتين مانفع معي فصلت البطاريه وخليتها اكثر من ربع ساعه وشغلت السياره


وخليتها شغاله تقريبا ساعه وماصار شي وجربت حقت السويتش ومانفعت والله مدري وش اسوي


دق علي واحد يقول في الصناعيه القديمه فيه واحد يبرمج لك الكمبيوتر ويرجع زي ماكان


بس المشكله الزحمه وقلق الصناعيه .

[سبع البوادي]

الشباب يفيدونك ان شاء الله والله يعينك

[جداوي صميم]

اخوي ترا شغلتها بسيطة
استنى بس خل احد المشرفين يعطيك الزبدة بالموضوع
ونصيحه لا ترووح لحقين الورش
اقل شئ بياخذ 200 وعلى شئ بسيط
وان شاء الله تجد حلها الليله

[ولدالعم]

ابو ناصر كلمه يعطيك العلم
0554209550

[كاشخ 24 ساعه]

شوف باقي عندك حل من الاثنين

1- شيك الفيوزات يمكن فيها شي احترق وانت تغير الاصبع

2- شيك على البطاريه او غيرها احسن لاني اتوقع ان المشكله منها

[الفليحاني]

كانت نفس المشكلة بسيارتي السابقة هايلكس 2007
وكنت احلها اني امشي عليها مسافه 50 كيلو بسرعة 120 وتنتهي المشكلة

[براونق]

اخوي لاتخاف انا صارت معي بعد مافصلت البطاريه الموتر يتفتف واذا وقفت طفا

والدرايش صارت ماتفتح با النسبه للتفتفه طنشها وامش عليها وراح ترجع السياره على طبيعتها وانتبه توديه للصناعيه الا بعد ماتلقا حل .

[فهد الهدلاني]

اخي للصمت هيبه
انا عندي دينالي 2003 وصارت معي هالمشكله وفيه طريقتين للحل الاولى
1 انك تفصل اصبع البطارية بعدين تركبهم وتشد عليه زين لاتكون فيه فضاوه وتشغل الموتر وتضغط على البنزين وتخلي الرايز على 2 مدة دقيقتين

[العاذر]

اشتر ياباني وريح راسك

انا عندي باترول اغير البطاريه ولا تحصل اي مشاكل من خذته من الوكاله الى يومك

من جد الامريكي قلق

[ابو علي2007]

الله اعلم جب منضف الكلبليتر وفك الهوز حق الكلبليتر والسياره طافيه وبخ علي الفتحه مع رفع السان حق الكلبليتر وصبر شوي وبعدين ركب الهوز والسياره طافيه لانه اذا كنت شغاله يطلع عندك لمبه التشييك والا رح لكهرباي شاطر

[للصمت هيبه]

الله يعطيكم العافيه ياشباب والله ماقصرتو معي

باالنسبه للبطاريه جديده وكشفت عليها امس للتأكيد قال اوكي ومسكت به خط ودعست ولافيه فايده

انا سويت اللي قلتولي بس ماشيكت على الفيوز ان كان لها دخل او ان كان فيه حساس عطلان يسبب هذي

الحركه ان شاء الله فيه احد يفيدني اليوم واذا ماصار شي الله يعيني على الصناعيه وزحمتها وآخر شي يكون

حلها بسيط بس أهم شي تزين السياره والله يارفعة الضغط

الله يعطيكم العافيه .. مشكور ياولد العم ابكلمه الليله وأن شاء الله يفيدني

[للصمت هيبه]

لا اله الا الله

[العاذر]

الله يعطيكم العافيه ياشباب والله ماقصرتو معي




باالنسبه للبطاريه جديده وكشفت عليها امس للتأكيد قال اوكي ومسكت به خط ودعست ولافيه فايده


انا سويت اللي قلتولي بس ماشيكت على الفيوز ان كان لها دخل او ان كان فيه حساس عطلان يسبب هذي


الحركه ان شاء الله فيه احد يفيدني اليوم واذا ماصار شي الله يعيني على الصناعيه وزحمتها وآخر شي يكون


حلها بسيط بس أهم شي تزين السياره والله يارفعة الضغط



الله يعطيكم العافيه .. مشكور ياولد العم ابكلمه الليله وأن شاء الله يفيدني



ودها للوكاله اضمن المسأله بسيطه ونت معقدها

ولا شف مركز الوعلان عنده عماله ممتازين بس اشرط عليهم اذا كان التشخيص غلط تتحملون التكاليف

بس الوكاله اضمن

[عااشق مكشات]

حصلت معايه نفس المشكله بس في كوريلا 2009

والسبب اني فصلت الاصابع والسياره طافيه وغيرت بطاريه جديده

وانعدمت البرمجه حقتها

والمفروض اني اغير البطارية والسياره شغاله

وان كانت البطاريه مرررررره خربانه ما تشتغل تسويلها اشتراك

للاسف ماكنت ادري والكلام هذا قاله المهندس التركي مو من عندي !!

بس انت الان الظاهر انه يلزمك برمجه

[للصمت هيبه]

الله يعطيكم العافيه

لازالت المشكله موجوده

[غالي]

صراحه غريبه

كم جلست وانت فاصل البطاريه؟

وهل سيارتك امريكيه والا سعوديه؟

غريبه ياخي انا معي سعودي افصل فيه ماصار فيه شيء ماشاء الله

الا اذا كنت فاصل البطاريه ايام او شهور + سيارتك استعمال امريكي ؟

يمكن تكون برمجه

ودامك تقول المكيف يطلع حااار !!! ابد موترك استعمال امريكي وهذي برمجه والله اعلم
الله يعينك اخوي

[نادر سعد]

اخوي انا كان معاي واحد نفس مواصفاته وحصلت معاي نفس المشكله ووديته للوكاله وسووله برمجه 400 ريال واخذت فتره ورجع نفس المشكله لكن اخوي نصيحه لا تمشي عليه لان سبب لي عطل بمخ القير وكلفني بالوكاله3500 وخرب علي كمبرشر المكيف وكلفني1200 بدون حق التركيب مشكله الدينالي كله حساسات والله يوفقك اخوي

[DRAKOLA]

جرب هذي الطريقة ان شاءالله تنفع ولا استغلال الاجانب
(http://uploadpics.a2a.cc/)

1-فصل إصبع البطارية السالب فقط (في حالتنا هذه ليست لازمة)
2- يتم وضع السويتش على وضع ON (بدون تشغيل) لمدة 10 ثواني ثم OFF لمدة 10 ثواني
3- يتم تشغيل السيارة لمدة 5 دقائق ومن ثم إطفاؤها.
4- يتم تشغيلها مرة أخرى والتحرك فيها لمدة 10 دقايق بدون إشعال المكيف ، ثم بعد ذلك تقوم بإشعال المكيف، وبعدها إن شاء الله نقول رجعت السيارة لضبط المصنع
(http://uploadpics.a2a.cc/)

منقووووووووووووووووول
(http://uploadpics.a2a.cc/)


(http://uploadpics.a2a.cc/)

[العابر2222]

أخوي اتوقع لما فصلت الاصابع موترك ضرب شوط (يعني كهرب) ولخبط الكمبيوتر

صارت معاي في فتك وصارت معاي في كابرس

وحل موترك برمجه اخوي

[للصمت هيبه]

الله يعطيكم العافيه

والله شكله برمجه الله يعين بس

اللين الحين والمشكله موجوده

[عطيب المضارب]

الله يجيب العواقب سليمة

[عش حياتك]

بشر وش صار معك

[للصمت هيبه]

ابشركم أنا وديت السياره لواحد في مخرج 5 المروج وقال السياره فيها حساس

يبيله تنظيف حطيت السياره عنده الساعه 5 العصر يقول لازم تكون السياره بارده وبيشتغل عليها

الليله الساعه 9 طبعا يقول ابفك الحساس وابنظفه وان شاء الله يكون منه المهم دق علي الساعه 11 يقول

السياره اوكيه من الحساس سواله تنظيف وزان الموتر نقول ان شاء الله ومايمديني والله اروحله انشغلت واباخذ

السياره منه بكره العصر ابجربها وان شاء الله تكون زينه...

واببلغكم بالي صار

الله يعطيكم العافيه والله ماقصرتو ياشباب

[تريل بلدوزر]

الله أعلم ان هذا الثروتل بدي , طارت برمجته بعد فك اصبع البطارية , وشكله مهب نظيف - , ودرجة زاوية الفتحة مبرمجة بالكمبيوتر عشان كذا صارت لك المشكلة هذي بعد فصل اصبع البطارية وصار مايتعرف على موقع الثروتل .
تشغيل السيارة وتركها واقفة عشرين دقيقة / نص ساعة بدون لمس اي شي بالاكسسوارات والكهرب كافي انه يحل المشكلة باذن الله . ولكن يبقى الثروتل يحتاج تنظيف , فيه موضوع للأخ ماجلان حول الثروتل بدي وتنظيفه . جزاه الله خير .

أما شغلة برمجة السيارة بالكمبيوتر عند الوكيل بعد تغيير البطارية فهذي نصبة كبيرة وخطأ شائع عند بعض الناس ,

[للصمت هيبه]

الحمد لله السياره رجعت مثل أول واحسن صار من الحساس فكه وسواله تنظيف
ماصارت من البرمجه بس غريبه ليه طلع من الحساس وأنا فاصل البطاريه
المهم الحمد لله كل شي تمام

والله شاطر اللي عرف المشكله اللي في السياره هذا واحد سوري ماسك ورشه في المروج
ورشة أداء النخبه للسيارات مخرج 5 بأتجاه الجنوب بعد اشارة بنده على الخدمه
في محطة البنزين ماشاء الله عليه

الله يعطيكم العافيه وماقصرتوا معي