المساعد الشخصي الرقمي

مشاهدة النسخة كاملة : استفسار عن رفع السياره والمساعادات المناسبه.


العبله
26/08/2010, 04:15 AM
السلام عليكم ورحمة الله وبركاته

اسعد الله جميع اوقاتكم بكل خير
يا اخوان حبيت اسأل عن مقدار الرفع المناسب للربع النيسان من الامام ومن الخلف و هل الافضل ارفعه بكعكات والا مساعدات انا اعرف ان المساعدات الاستراليه ترفع الموتر ولكن ما عندي معلومات كافيه عنها وعن مكان بيعها..
و اللي يعرف محل يضبط وزنية الرفع يدلني عليه الله يبارك فيكم.

وسلامتكم
مجروح الزمن
26/08/2010, 06:01 AM
يخوي علي طريق التخصصي ونت متجه الشمال مقابل دله القديمه حقت الرخص ونت متعدي طريق الامام مع طريق التخصصي تجي ميد في محطه تالقي حق الياي السترلي في نفس المحطه
عميد سامودة
26/08/2010, 06:03 AM
لا ترفعه تخرب السياره وتصير ماهي مريحه وسريعة انقلاب واقل رساوه واقل سرعه عشان الهواء يردها
ابو عود
26/08/2010, 01:10 PM
كل من شرا باترول يسال نفس هالسؤال

لو تسوي بحث بسيط في المنتدى بتلقى مواضيع واجد عن المساعدات واليايات
العبله
26/08/2010, 05:36 PM
يخوي علي طريق التخصصي ونت متجه الشمال مقابل دله القديمه حقت الرخص ونت متعدي طريق الامام مع طريق التخصصي تجي ميد في محطه تالقي حق الياي السترلي في نفس المحطه

يعطيك العاافيه وما قصرت.
اذا ذكر لي الرمايه اللي في الشفاء وانا في الشمال يعني مشوار وهذا قريب لي لكن هل فيه انواع للاسترالي والا هو نوع واحد؟
وبالنسبه للرفع كم سم ارفعه من الامام والخلف؟؟
العبله
26/08/2010, 05:39 PM
لا ترفعه تخرب السياره وتصير ماهي مريحه وسريعة انقلاب واقل رساوه واقل سرعه عشان الهواء يردها

يعطيك العاافيه يا عميد ساموده على النصيحه بس تخبر الموتر لا حملة علية طاح والجيب ما ينفع يصير طامن لان البرد يبيلك شي رفيع شوي.
العبله
26/08/2010, 05:41 PM
كل من شرا باترول يسال نفس هالسؤال

لو تسوي بحث بسيط في المنتدى بتلقى مواضيع واجد عن المساعدات واليايات

ما وقفت على الباترول يا ابو عود الان الvxr يرفعونه .
وليتك لو عطيتني روابط للمواضيع افضل.
العبله
28/08/2010, 05:14 AM
للرفع عسا الله يرفع مقداركم
الوسطاوي
28/08/2010, 05:21 AM
وعليكم السلام
حياك الله اخوي العبله
انا معي باترول ربع وركبت كعكات قدام وخلف ولاكن الخلف مشكله ينزل بالحيل
ونصحوني الشباب بالياي الاسترالي اذكر سالت من فتره كان بالسنيدي ببريده 550 ريال الطقم الاثنين
والمساعدات الاصفر لاباس فيها الاسترالي سعرها بحدود 350 الحبتين تصلح خلف اذا قدام ممكن يصير قاسي مطبه
لعلي قدمت الفائده المختصره والشباب مايقصرون
تقبل مروري السريع
دمت بخير
صالح سعد
28/08/2010, 01:51 PM
حبيت ادلو بدلوي مع ان الاخوان ماقصروا من ناحيه الاماكن والأسعار لكن من ناحية الوزنية
افضل وزنية تكون قدام 3 سانتي متر ومن ورى 4 سانتي متر

افضل لك من ناحية الرساوة مايكون مرتفع مرة وفي البر يعطيك اداء احسن من اول بس ترى الياي احسن من الكعكات