ساعدوني الله يحرم وجيهكم النار

[ماشي عكس]

السلام عليكم

توني جاي من الفحص عشان الموتر
ووللاسف فشل
يقولون السبب عندك غاز زايد بالمكينه
وش المقصود بالغاز وكيف انقصه
نوع السياره امريكي

[كاشت في الحوش]

يا اخي وعليكم السلام
كان مريت عند الورش اللي برى الفحص
مرهم وبيدبرونك ، أمرك سهل بإذن الله

الله ييسر أمرك
أخوك
ابو احمد

[بن نقا]

يفيدونك الاخوان ان شاء الله

[ماشي عكس]

جزاكم الله خير

وهذي صورة الفحص

http://store1.up-00.com/Aug10/8nB35412.jpg

[بعيد الهقاوي6]

جرب حط بخاخ تصفية المكينه واسال عنه في محلات قطع الغيار بس لاتاخذ الا الاصلي

وان شاء الله تضبط الامور معك

[التعـ King ـديل]

الفحص عندهم شي اساسي السياره تفشل علشان تعيد فحصها

لكن ادخل على المدير وتكلم معه انا صارت معي فحصت موتر مافيه الا العافيه بس فيه مخش بالقزازه

رجعو الموتر ويوم كلمت المدير قالي ادفع 23 ريال اعاده فحص ووقع على الورقه لامانع

والله اني شايف دراديع تفشل اول مره وصاحبها يديور وينجح

[asdali]

بعطيك حل بسيط وان شاء الله ينجح

غير البواجي جدد في نفس يوم الفحص وفلل التانكي بنزين 95 بعد ما يفضى الـ91 وبتشوف النتيجة :good2:

[بروق ساق]

قصده وزن كربون لأنها دائما تحصل معي طبعا سيارتي كبريتر
رح للورش اللي خارج الفحص
الله يسهل طريقك

[بواسامه]

نصيحه لا تتعدى الورش اللي قبالهم واطلب ضمان انه ينجح ويوزنه لك ب30 ريال


يخلونه ان بغيت صفر
ثمن ارجع يظبطونه لك كما كان

[أبو محمد2010]

الورش الي عند الفحص تحل قضيتك....

[ابوراس الدحمي]

نفس المشكلة صارت معاي ... عجزوا يضبطون الكربون واظن مشكلتك كربون ... كان الحل عندي اني شديت على الموتر
شوي لين الكربون طلع من قوّة الشد, بطريق قريب من الفحص والحمد لله انوزن طبيعي ومشى في الفحص .. للعلم السيارة كربيريتور