ساعدوني حرارة اللاندكروزر مو راضية تنزل

[مخاوي خيالي]

مساء الخير للجميع

عندي لاندكروزر اتوماتيك 2005

مالكم بالطويلة

جيت مره من الشرقية للرياض بعد 50 كيلو ارتفعت الحرارة
وقفت ولقيت الاديتر ناقص عبيته ووقفت مرتين ازيده

المهم غيرت غطاء الاديتر وايضا الاديتر وتوماتيك المروحة والبلف والسيور

في بعض الاحيان لما اسافر سفر طويل قرابة 300 او اكثر لما اوصل الديرة اللي ابيها واوقف عند اشارة مثلا ترتفع الرارة الى تحت الفل شوي
ايضا لما اوقف والمكيف شغال 5 دقايق بس اجي القى الحرارة مرتفعه


عطوني حل وش سبب ارتفاع الحرارة بليز ساعدوني

[ساري 111]

افحص طرمبه الماء
وتاكد ان المروحه الخارجيه شغاله

[مخاوي خيالي]

المروحة الخارجية شغاله
هل طرنبة النوية تسوي كذا ??

[مخاوي خيالي]

للرفع رفع الله قدركم

[~EmPeRor~]

اخوي الغالي

طرمبه الماء مالها صالح

اذا خربت توصل الحرارة على طول اتش

وانت تقول تسافر 300 كيلو < يعني ماتوقع

ولاكن اول شي اذا وصلت الحرارة قبل الاتش وطفيت الموتر وبرد تلقى بالرديتر موية ؟

تقريبا واتوقع 90% مشكلتك نقص ماء الاديتر اما بتهريب من الغطاء او تهريب من الرديتر او الطبات

لابد تفحصها وتتاكد + غير بلف الحرارة بلف حرارة جيب ديزل

وعطنا خبر بالي يصير معاك

[سرطوقا]

هلا اخوي نفس المشكله وانحلت ولله الحمد عندي

اخوي الله يطول عمرك يمكن عندك احد الخراطيش اللي موصله من الاديتر للمكينه فيه تهريب على خفيف وعشان كذا ينقص المويه

جرب بنفسك وافحص السياره وشوف الخراطيش

[فتى الوادي]

أقل من النصف يعتبر شيء طبيعي من حرارة الجو .... وستلاحظ أنخفاض الحرارة في وقت الشتاء وفي الليل ..
1- غير الأديتر
2- أعمل لمكينة خرط وتدبيل لوجيه الرأس .

[أبورزان100]

شف سير المكينة لا يكون مرتخي

[بـــرق نجـــد]

الحل سهل

افحص راس المكينه اكيد من ارتفاع الحاراه الاول انشعر

هذا الحل النهائي

[دل البحار]

اولا شيك على الديتر يمكن تهريب ولو تماتيك الجير يمكن من ثلاجة الديتر فيها سدد او عطب لو تمام شغل الموتر وخلك فاتح غطاء اللديتر لو سوت المويه زي النافوره وصارت تطلع مع فتحة الغطاء بشكل نافور اعرف انو يبغالك مسح للراس لانه مشعور ممكن من ارتفاع درجة الحراره او الوجيه تلفانه ولو انت تدعس عليه جامد والحراره مرتفعه بيصر طبات مكينه لازم توديه يم مهندس زين بالمكانيكا وهو بيغير لك طبات المكينه لو الديتر ما يطلع مويه فايره لما تفك غطاء الرديتر والوضع عادي والمويه تدور طبيعي قفل الرديتر وشيك على مؤشر الحراره

[اخو سعود]

100% من الخراطيش
او ضعف فالمروحه
فقط

[الواقع.]

ابفيدك بالي اعرف قد يكون التهريب مو من الاديتر
يعني شيك على الخراطيش واطرنبه الماء قد يكون التهريب منها
اتمنا الايكون رااس المكينه

[جداوي صميم]

اذا كان بالسيارة تفتفه خفيفة وهي باردة
او انك تشوف بخار ماء من الشكماان شئ خفيف -شغل السيارة وهي باردة وحط يدك عند الشكمان وشوف فية ولا لا -
او ان السيارة تخلط موية وزيت-شيك على عيار الزيت وشم ريحته-

اذا كانت عندك احد الاعرااض الي فوق اعرف ان الراس عندك رايح
شيك عليه

عندي موتري غيرت فية كل شئ من رديترات الى مراوح الى بلف حرارة وسيور واخر شئ طلع الراس معدوم
وغيرته والحمد لله مشت الامور زينه

[Abu Sary]

غيـر الخراطيش ..

الخراطيش عندك بعـد ماتصخـن تنقبض على بعض ..

أو حط بداخلها سسته يحطونها الميكانيكـا علشـان الخرطوش ماينقبض على بعض ..

وإذا إنقبض على بعض يمنع دوران المـاء وبكذا تصخن ..


ولآتهمل الحرارة ، تراهـا عدوة السيـارة ..






بالتوفيق للجميع ..

























( اللهم حسن الخاتمة )

[فهدنت2007]

اخوي كان عندي نفس المشكلة وقمت بتصييخ الرديتر وتغيير بلف الحرارة الى بلف جيب نيسان موديل 99 يركب على التويوتا وينزل الحرارة للربع ولاحظت بعض الاخوان يقول لك ركب بلف ديزل انتبه لاتركبة

طبعاً تسوي الكلام هذا بعد ماتفحص الراس واتوماتك المروحة وطريقة فحص الراس هي كالتالي المطلوب منك أن تفتح غطاء الرديتر صباحاً والسيارة باردة

وتشغيلها حتى تصل لدرجة حرارة التشغيل العادية

أو 10 دقائق تكون شغالة والغطاء مفتوح والماء (فل) يعني مليان

للأخر وراقب فتحة الرديتر إذا وجدت فقاعات ماء صغيرة وقليلة تظهر

بعد فترة وفترة لمدة 15 دقيقة متواصلة

أحياناً تكون الفقاعات طبيعية أول 5 دقائق وتنقطع بعدها

أما إذا أستمرت لأكثر من ربع ساعة فتأكد يقيناً بأن وجه رأس المحرك

لديك فيه تنسيم للضغط

وطريقة فحص اوتوماتك المروحة هي كالتالي

افتح الكبوت والسيارة شغالة وخل واحد يطفيها لك ولاحظ المروحة بعد اطفاء السيارة اذا ظلت تدور

المروحة معناها الاوتوماتك عطلان اما اذا وقفت المروحة فور اطفاء السيارة فإن الاوتوماتك جيد

ونشيط ولا يحتاج لتغيير

[االفيل]

الاخوان ما قصروا

باختصار شيك على التالي

بلف الحرارة
غطاء الردايتر
تنظيف الرديتر
طرمبة الماء
الخراطيش او الطبات( تهريب للماء )
المراوح ( ممكن تفصل اوالسلك مرتخي)
دبة الشكمان ( تكتم الهواء فيولد حرارة )
اخيراً راس المكينة ( مشعور من الداخل فيهرب الماء )

[ALBDRANE]

مدامك غيرت الاديتر باقي تشوف البلف يمكن يحتاج تغيير
والحاجة الثانية تاكد أن الهوى يظهر من الشكمان بسهوله يمكن وحده من الدبات كاتمه السيارة

[adil33]

اذا الرديتر المنيوم تجاري فهو يرفع الحرارة ما ينزلها ولازم تركب رديتر المنيوم اصلي وشوف الليات الصغيره احتمال يكون فيها تهريب على شكل خرم فاكثر تهريبه يجي مع الضغط عند المشي وتاكد من بلف الحرارة احتمال انه مصدي وما يفتح بسرعه

[امير الامراء]

والله ان عندي نفس المشكله والسياره الان في الورشه جكسار 2003
غيرت بلف+ خراطيش + مويه اصليه ومقطر
ولا نفع الحراره على النصف بعد ماتشغل ب 10 دقايق وراس المكينه فحصته قالو لي المهندسين انه ممتاز ولا فيه اي شي

عطووووووووووونا الحل

[امير الامراء]

الاديتر ممتاز جديد من الوكاله مركبه ولا نفع