مشكله في يوكن دبل 2004

[YUKON SLT2004]

السلام عليكم، ومبارك عليكم الشهر..

يأهل الخبرة طلبتكم ابي حل حق مشكلتي :

1- مشكله الدبل مايشبك و اللمبات شغالين اول ما ادق سلف يشتغلون كلهم ويطفون بعدها يقعد على الدفع الخلفي و ماقدر اغير لي الثقليل ولا الخفيف لما اضغط على زر الدبل الثقيل او الخفيفاللمبه تروح على الدبل الثقيل او الخفيف تولع و تطفي فتره وبعدها ترجع على الدفع الخلفي ولا في صوت حق الدينمو كلش هل المشكله من الدينمو و كم سعره ..

2-المكيف جنني يصير حار على الدفايه بكيفه من غير محد يلمسه جهة السايق فقط اما جهة الراكب و المكيف الخلفي يضلون باردين هل في قطعه خربانه علما بان المكيف الكتروني مش منيول لو افصل البطاريه ربع ساعه يمكن البرمجه ملخبطه وعندي بعد مشكله الروائح تجي من الخارج معا العلم اني ضاغط على الحبه الي تغلق الروائح الي تجي من الخارج ..

3-مشكله جننتني كثير وهيا صوت طقطقه تحت الموتر لمن الف يمين او يسار و ماتكون متواصله فقط طك مره او مرتين من الامام او الخلف رحت الوكاله قالو يمكن من عمود الدركسون وبدلته كلفني حول 570 ريال ومانحلت المشكله الطقطقه لازالت موجوده تتوقعون من شنو المشكله ..

علما بان الموتر يوكن موديل 2004 خليجي ..

[مجرم الددسن]

اخوي بالنسبة للدبل هذا الدينمو حق الدبل
بس قبل لاتغيره جرب غير زيت الدبل عند العيسي
يمكن يظبط معك لانها صارت بجمس الوالد2005
غيرنا الزيت ظبط معنا حوالي8شهور امن خرب
وخيرنا دينومو جديد وهذي من انا الماء يدخل دخل
الدينمو ويصدي من جوء مما يؤدي الى تكسر التروس
حقت الدبل
اتمنى اني افتدك

[مجرم الددسن]

بالنسبة للطقطة رح لأقرب مشحمه خله يشحم لك كل شي

[YUKON SLT2004]

اشكرك اخوي مجرم الددسن على مرورك ومشاركتك الطيبه و الزيت حقة الدبل غيرته والمشكله لازالت موجوده اضن انه الدينمو خربان ..

[YUKON SLT2004]

للرفع للضروره ..

[saad.saud]

انا واخوك معي 2006 لكن بالنسبة لمشاكل الدبل رح لورشة الموسى بالصناعية القديمة او ورشة عبدالرحمن الجميح خلف الوكالة بالريان

[كبسولة2]

بالنسبة للدبل شيك على حساس االدبل والفيوزات قبل تغير اي شئ

وبالنسبة لطقطقة شحم الموتر من أسفل

[YUKON SLT2004]

شاكر لكم مروركم والرد على الاسئله جعله في ميزان حسناتكم ..

[Fmejrad]

مشكله الدبل هذي من الدينمو ..