ياأهــل الخبــرة شاركوني بآرائكم حول تجهيز الباترول الحوض

[شمســـان]

بسم الله الرحمن الرحيم
السلام عليكم ورحمة الله وبركاته
ياحبايبي جزاكم الله خيرا على هالروح الطيبه والتشجيع وهذا ان دل انما يدل ان شاءالله على حسن معادنكم وصفاء سرائركم ,,
اخواني هناك بعض الأستشارات
1- المساعدات هل تحتاج الى تغيير وماهو الأفضل
2- ايهما افضل وضع تانكي الماء بالحوض او مكان الأستبنه ووضع الأستبه بالحوض واين أجد حامل الكفر لربطه بالحوض.
3- بالنسبة للسست هل اشيل منها ام اتركها على حالها وماالفرق في الحالتين علما بأن عددها الحالي تسع.
4-بالنسبه للجنوط ايهما افضل (ذات الشنبر-وهي الموجوده حاليا) ام النوع الآخر
5- بالنسبه لزيوت السوائل ماهو الأفضل كثافة (90 او 140) وما نوع الزيت المجرب
وبارك الله فيكم

[ابن بدران]

وعليكم السلام ورحمة الله وبركاته

عساه موتر مبروك إن شاء الله ..والله يعطيك خيره ويكفيك شره

محاكيك كان معه 99 من وكالته وبعته قبل سنتين تقريبا

أبعطيك بعض الله سويت بالموتر والحاجات والرغبات والأذواق تختلف وأنا اخوك

1- المساعدات خلهن على حالهن ما غيرت فيهن شي ولا شكيت منهن مدة 4 سنين
مع إنهن جاهن كرف الويل ...

2-ما دام معك حوض خل الماء راهي وأنا اخوك طق لك تانكيين على جوانب الصندوق
الواحد يشيل فوق 130 لتر بالراحة علشان تزبن عمرك بالروحات الطويلة...طبعا مع
تفصيل شنطة بالصندوق علشان العزبة وخلها قسمين علشان ترتب أغراضك ولا يصير
لهن قرقعة وصوت ،،، أو فيه طريقة طاحوا فيها يخلون التانكي تحت الشنطة علشان يكون
الصندوق أوسع بس عيبه أن التانكي صغير يالله يشيل 60 لتر أو بهالحدود ..

3-السست خلهن على حالهن بس فصل لك (لعابات) والله ما ادري وش يسمن لكن هن
الحديدة اللي تربط السسته الكبيرة (الأمية) بالشاص يكون طولها بشد الوكالة حوالي 15 أو
18 سم والله نسيت أنت فصل مثلها وحط حديد قوي مرة 10 مل أو أكبر وخل الطول
من 25 سم وفوق اللي يناسبك علشان لو حملت أغراضك وعبيت التوانكي ما ينزل قفا
الموتر ويصير وجهه مرتفع .......

4- الجنوط أنا افضل البرازيلي والأفضل البليزر والطقم مستعمل نظيف من 800 إلى 1000
ريال بس الصراحة حقات مكدة ولاهمب شنبر ,,, هن يسمن شفه يعني بدون لستك وهذا بالنسبة
لي أفضل وآمن من سلخ الكفرات والتنسيم السريع ..

5- الزيوت والله من عشر سنين أو أكثر وأنا استعمل ( الترا سفن ) ولا شكيت منه تسحب
العيار بعد الفين ثلاث الاف تقول توك مغير الزيت وهو أفضل من غيره بواجد ...

عساه موتر مبروك .. عطاك الله خيره وكفاك شره

والعذر على القصور

[البرحه]

المساعدات خلهن على حالهن

صدقت لانها اساسا مصممه للكرف والبران


-ما دام معك حوض خل الماء راهي وأنا اخوك طق لك تانكيين على جوانب الصندوق

اكيد اجل عندك حوض ما شاء الله تركض فيه السلق وتركب تحت الي هو اغلى في التفصيل ولا ياخذ

الا طفسه (شوي) الي تحت تركب للجيوب الي ما فيها حوض .. وبصرك


السست خلهن على حالهن بس فصل لك (لعابات) والله ما ادري وش يسمن لكن هن

اللعابات تخفف على الموتر بالحييييل


والله اعلم

وثاني مره مبروك على الموتر

[الذرب جسار]

الله يجعله موتر بادي بركه وأول خير
وتجهيز الموتر يختلف من مغزى لمغزى .والسؤال وشن أكثر مراويحك وهن اللي يحكمن التكميل من ناحية البنزين والماء واما العزبه يازينه برى للشيل والحط مهب كل شوي ناقز على الموتر ووخر ذا وإبعد ذا وخل العزبه ثنتين للشاي و للطبخ والكفرات الشنبر كانك راعي مغزى تراه رفيق وفي يخدمك بسهولة تصليح البنشر.
والمساعدات والسست يحكمهن ايضا الحمل وهل انت راعي حمل ام يعني .
والحاجه دليل المحتاج



وجهة نظر!!!!!!

[شمســـان]

اخواني الأعزاء
ابن بدران والبرحة والذرب جسار
بارك الله فيكم وجزاكم عني خيرا

[عاشق الجبل]

الأخ : الباجيرو

عندي أخو موترك 99 بيج

تانكي الماء ستيل 200 لتر في أخر الصندوق ( خلف السواق والراكب ) لأن التوانكي اللي على جنب ثقلها على السست .

والأستبنه خلف السواق مثل الشواص التايوتا

ملبس الحوض بالكامل ألمنيوم ( 1 ملي ونص ) لأن الفيبر تكسر عندي

السست لاتلعب فيها وركب مساعدات أسترالية ( وبلالين ) من الدفع الرباعي بالرياض علشان إذا نزل موترك مع التحميل

مر على أقرب بنشري وأنفخ البلالين وأنس أن موترك نازل من ورى ( قيمتها 1500 ريال )

والأهم من ذلك ركب مكينة 4800 vtc وتدعي لي لأنك مهما حملت يصير الموتر نشيط ومايدري عن الحمل

والجنوط ركبت حقت باثفيندر النوع الجديد ( غير كروم ) حديد 6 أنش .

ولاتنسي تأخذ معك ( خفاسة الكفر ) وهي حديدة تستخدمها أذا بنشرت لضغط شفة الكفر بدال ماتدعس

عليه بالسيارة وهذه الحديدة تضغطها بيدك وتقدر تركب لستك أذا الكفر شقه كبير أو تستخدم رقعة

ألمانية بنفسك ومن وجهة نظري أنها ضرورية لأهل البر والصيد .

وقريبآ سأنزل صورة السيارة إن شاء الله .

بالتوفيق

[ابن هدبة]

السلام عليكم ورحمة الله وبركاته

عساه مببببببببرووووك وفوقة مبارك والله يعطيك من خيره ويكفيك شره
- لاتبدل فيه شى ولاتزيد والمشوره طيبة
- العزبة خلها مع بعضها من ماهب ودب يعنى لحالها متى مبغيت تنزلها لسهولة التنظيف للحوض
وغسيل السياره
- اماتانكى الماء حطة من ظهر الغمارة الى تسكيرة الحوض ولبس التانكى طربال اللى فية اسفنج خفيف
وفتحت التعبية من ايمين الباب ( الحوض ) وعلى الجنب الاخر بزبوز مع تسكيرة ثلاث اثمان وتفتح فتحة جنبية
فى البدى تحت وتطلع معاة الهوز (اختيارية) وتحط باخر الهوز بعد بزبوز صغير وتركبة فى البدى من تحت ويكون
ثابت . لان الماء لازم موجود فى السيارة للحاجة سبحان الله للوضوء وراح يشيل فوق 100 لتر واكثر
وترى الماء يثبت السيارة ويكون التانكى من الستيل ويكون ارتفاعة 12 سم مع الطربال والطول على حسب
الحوض .

واسمحلى عاى التطويلة كان عندى نيسان حوض

[الدبل الثقيل]

الاخ عاشق الجبل كم سعر مكينة ال4800 كاملة جديدة وهل تركب على شاص تويوتا.. وكم سعر التركيب و وين..

[شمســـان]

اخوي العزيزين
عاشق الجبل وابن هدبة
جزاكم الله خيرا على تجاوبكما وحرصكما وعلى هذه النصائح والآراء القيمة

[salehhd]

عساه مبروك ان شاء الله ويعطيك خيرة ويكفيك شره