تعميم ونبي فزعتكم يالنشاما

[حاتم بن محمد]

السلام عليكم ورحمة الله وبركاته
( اللهم اجرني في مصيبتي وأخلفني خيرا منها )
عذرا ادارة المنتدى ولكن لاهمية موضوعي ابي فزعتكم بالعثور عليها معي
اخواني الاعزاء للاسف لقد سرقت سيارتي لهذا اليوم الساعه 11 ليلا من امام بقاله واعلم انه اهمال مني لكن قدر الله وما شاء فعل ( فحسبي الله ونعم الوكيل ) ....
السيارة هواندا اكورد 2009 ... اللون / لولوي .... اللوحه / أ ص ق 3577 ... فتحه .. جنوط ...
وهذي صورتها




http://www.hondaarabia.com/club/images/statusicon/wol_error.gif (http://www.hondaarabia.com/club/images/statusicon/wol_error.gif)تم تصغير هذه الصورة. لمشاهدة الصورة بحجمها الكامل اضغط على هذا الشريط. الحجم الأصلي 1184x888 والحجم 205KB.
http://dc01.arabsh.com/i/01851/molarudi5al9.jpg (http://dc01.arabsh.com/i/01851/molarudi5al9.jpg)
عاد توني البارح / واصل من جده قضيت اجازه هناك واستقبلني الرياض بسرقه سيارتي ..
تخيلوا حتى البرقع الامامي لم اقم بتنزيله بعد ...
اتمنى من اخواني الاعزاء من يعثر عليها او يشاهدها ابلاغي
على هذا المنتدى
او جوالي
0562112999
ابو شهد
وكل عام وانتم بالف خير

أرجو من إدارة المنتدى تثبيت الموضوع حتى العثور على السيارة

منـــقــــول

[متعب السليمي]

في ليلة رمضان المبارك
اسئل الله رب العالمين
ان يرجع لك سيارتك

[التعـ King ـديل]

الله يردها لك سالمه ان شاء الله

[نفود حائل]

الله يساعدك ان شاء الله على العثور عليها بأقرب وقت

والله لايوفق اللي سرقها

حسبنا الله ونعم الوكيل

[جراند شروكي]

السلام عليكم ورحمة الله وبركاته
اولا اشكر اخي العزيز / حاتم على تعميمه لسيارتي في هذا المنتدى العزيز علي ......

طبعا احب ازيد على موضوعي /
السياره سرقت في مدينه الرياض في حي اشبيليا شارع انطاكيا الساعه الـ 11 ليلا .....
بحثت عنها في كل مكان / النظيم / الجنادريه / الدرعيه / الشمال / اليرموك / النسيم ...
ويجيب الله خير ان شاء الله

وانتم ما تقصرون انا داري ...
ومبروك عليكم الشهر
وكل عام وانتم بالف خير

[واطي الجمرة]

اسئل الله رب العالمين
ان يرجع لك سيارتك

[ولد وايل..]

لا حول ولا قوة الا بالله...

الله ياجرك ويردها لك...


والله إني انا اقول لك المفروووض تنتب وانا مع الأسف أترك السيارة تشتغل وانزل !! :(


لا حول ولا قوة الا بالله...

عزيزي ...المشكلة لو قلت لك أدخل منتدى البحري وشف توجيه التفحيط وين يبي يخشون

وخلك مع تواصل مع أحد الشباب..

ومن تلقى اي معلومه بلغ الشرطة وكبر الموضوع

بالغالب التوجيه يحددون نوع السيارة والمفحط...

الله يعوض عليك..

وانتبه تتحمس وتروح للي سرق السيارة مباشره لأن الدعوة فيها رمي وطلق الله لا يبلانا....

حاول تلحقة بدون ما تتجاكر معه...وخلك على تواصل مع الشرطة....

وانصحك إنك تسجل مكاملتك مع المرور وتبلغ العمليات بأنك تسجل المكالمه ((إذا مالقيت تجاوب))

انا اخذت رقم جوالك وبإذن الله بأحاول اتواصل معك إن لقيت اي معلومه...

الله ييسر لك

[جراند شروكي]

المشكله يا ولد وايل اني قبل البارح ليلة سرقة السياره رحت لتجمع المفحطين وكانوا بدايتهم في الدرعيه واسكت يا رجال والله شي مفجع مطارد انا وياهم يجي 300 سياره يدخلون شارع ومجموعه تقفل ومجموعه تراقب ومجموعه تفحط المهم انا وراهم من بعيد لان شكلي معاهم غلط ومن الدرعيه الى مخرج 2 ثم الى طريق الامام ثم الى شارع المملكه طريق الملك عبدالعزيز ثم الى شارع الذكريات يا رجال تعبت وانا اطارد والسيارات الي تفحط هواند اربع بس عجزت اقرب منهم لانهم والله شي مخيف ... يا راجل ارهاب شوارع مو بشر هذولي ...
الى صلاة الفجر صليت ورجعت البيت .....
اليوم ليلة رمضان على النظيم والجنادريه ...
الله يعين بس
المشكله الي سرقها والله ما يجي طول ذراعي لو امسكه اكبس عليه كبسة قميري يا راجل بس اه يالقهر
ما اقول الا حسبي الله ونعم الوكيل

[ولد وايل..]

إن كانه مثل ماقلت فأنت المفروض تقرب لهم لما يركدون وتشوف هو موترك ولا لا..

وتاكد ان الموتر ما راح تعرفه...

اللوح مغيمه والجنوط ممكن تتغير لان الكفرات تبي تغيير من شوطين ثلاثه..

وغير هذا تأكد مني إنه إذا كان فيه هوندا اكود لولوي فهو موترك وانت الله يصلحك لو إنك ع طول لحقته بس قدر الله ...

[قناص سميراء]

الله يردها لك سالمه ..

ياشباب اللي يحصلها له مني 500 ريــال

[ثورة الشك]

اخي الكريم اهم شي المسارعه بالابلاغ عنها بالشرطه تعميم خارجي لكي يسجل بالحاسب الالي اما اذا كان بلاغ عادي مدته وقت تسليم المناوبه المستلمه وقت البلاغ
احرص على الاحتفاظ برقم البلاغ معك لاخلاء مسؤليتك في حال ارتكاب جريمه بها او اي مخالفه

والله يعينك ويعوظك خير ونصيحتي لك تمرحجزالمرور ترى سبق طلعت من البيت ولالقيت السياره وبلغت عنها بعد اسبوع دقوعلي المرور قالوسيارتك عندنا احنا سحبناها من عندبيتك

[أبوفـهـــــد]

الله يردها لكـ بس
ياليت تذكر في اي مكان في الرياض

[الضاري]

لاحول ولاقوة الا بالله العلي العظيم
الله يرجع لك اخوي موترك

سرقة السيارات اصبحت ظاهره للأسف !!

[مرساب]

لاحول ولاقوة الابالله
الله يهدي ويصلح
مسكين سارق السيارة
يستقبل شهر المغفرة بايذاء المسلمين

[ولد الغلباء]

الله يرد لك سيارتك باسرع وقت سليمه مافيها ولامخش

[ميدان التحدي]

لاحول ولاقوة إلابالله الله يردها سالمة

[حبيب الامس]

الله يعقلها لك ويهدي سارقها

[ابو العز بلس]

وعليكم السلام ورحمة الله وبركاته


لاحول ولاقوة الا بالله العلي العظيم

اسال الله العظيم ان يعيدها لك سالمة غانمة يارب


اللهم رب الناس جامع الناس ليوم لاريب فيه ان ترد عليه ضالته يارب

[طير شلوى نجد]

الله يفرج عنك

[مكشاتي كوكتيل]

الله يردها لك سالمة بنفس حالتها وقت سرقتها .

[xX_أبهاوي_Xx]

لآحول ولآقوة الله

حسبك الله على من سرقها

أسأل الله أن يعيدها لك في القريب العاجل بحول الله

[ي3ي3]

الله يرجعها لك سالمه غانمه

[Hwer]

الله يعوضك خير

[الهاجس 354]

الله يعوضك فيها بخير ويردها لك انشاء الله

[زوم]

الله يردها لك سالمه ان شاء الله

[جراند شروكي]

السلام عليكم ورحمة الله وبركاته

ابشركم تم العثور على السياره لهذا اليوم ....

بارك الله فيكم وعلى دعائكم لي بالعثور عليها .....

وعسى ان تكرهوا شي وهو خير لكم ....

اخوكم / ابو شهد

[العـابر]

مبرووووووك
الحمدلله الذي تتم بنعمته الصالحات
عساها سليمة

[ام صتمه 87]

الله يردها لك

[ابوصالح77]

الله يأجرك في مصيبتك ’ ويرد عليك ضالتك

[m902]

الله يرجعها لك سالمه غانمه

[N أبورغد N]

هناك العقلان
بس بشر ان شاء الله سالمه

[باترول 82]

حسبي الله ونعم الوكيل عليهم

الحمد لله انها رجعت لك

[سفاري959]

الحمد لله انك حصلتها نصيحه لاتخلي موترك شغال يارجال انا موتري مسروق له حدود سنتين وانا نايم في بيتي ولا عاد شفته وانت تارك السياره شغاله يابن الحلال عسى ما يسرقونك انت بكبرك صاروا يطبون على البيوت في عز النهار واهلها فيه الله لا يبلانا من امن العقوبه اساء الأدب

[العبله]

الله يعقل عليك موترك ويرده لك سالم ما نقصه شي.