توليف مثبت سرعة ...

[منتعش]

السلام عليكم ورحمة الله وبركاته
حي الله الشباب
وعندي سؤال وأبغى من الرجاجيل الأجابة والإفادة .
أحد الأخوان شرى سيارة جمس حوض موديل 2005 حجم كبير ويبي يركب مثبت سرعة فيه .
وتكفون اللي عنده علم أو أخبر يفيدني عاجلاً .
ونبي المشاركة من الجميع وحقين الخبرة - الله لا يحرمنا منهم -

[الجيب الربع]

وعليكم السلام ورحمة الله وبركاته

أخي منتعش

كان هناك أكثر من موضوع عن تركيب المثبت ويتردد بأن هناك ورشة فيها فلبيني في الرس يركب المثبت بـ 800 ريال هذا طبعا كان الحديث عن جيوب ولكني لا ارى فارق كبير بين السيارات من هذه الناحية

حاولت اعمل بحث لكن للاسف ماوجدت نتيجه :confused:

تحياتي

[العاني]

السلام عليكم جميعا وصباح الخير
اخوي المنتعش تسأل عن تركيب مثبت السرعة بالجمس صدق الاخ الفاضل الجيب الربع
فيه واحد يركبه لايعلى عليه ولكن عليه الغلا شوي وتصيحيح لمعلومات الجيب الربع تقع الورشة في البدائع
وليست الرس واسمه فيليب
وشكرا لكم جميعا

[منتعش]

هلا وغلا بأخواني الفضلاء
الجيب الربع
العاني

الله يجزاكم خير ويحرم وجوهكم على النار .
بس الله لا يهينكم إن حصل له عنوان أو رقم هاتف ، لأن صاحبي مشغلني كل فترة يتصل علي ويسأل عنه .

[الساير]

اخوي منتعش
أرسلت لك رسالة فيها رقم الفلبيني لإن إدارة المنتدى حفظها الله تمنع وضع الأرقام هنا
وانا مركب عنده على جيبب ومافيه كلام لكن يكلف 1250ريال
والسلام

[منتعش]

الله يعطيك العافية أخوي الساير
ووصلت الرسالة - وصلك الله بهداه - ورديت عليك .
هل بالإمكان تصوير المثبت . لأني توني شاري جيب خليجي وجت في بالي من كلامك وأنت - مركبه في الجيب - ودي أقلد مثلك .

[الوشاح]

تصحيح للاخوان الجيب الربع _ العاني

مكان الورشه الخبراء

[واثق]

الله يستر ما يكون المكان الجاي في شقراء :D
ما يحصل لنا رسالة فيليب يالحبيب ؟ :)

[الساير]

ولو ياأخي لو تبي السيارة جبناها لك ماهو عاد صورة


http://www.mekshat.com/pix/upload/images8/mk15464_1.jpg


http://www.mekshat.com/pix/upload/images8/mk15464_2.jpg


http://www.mekshat.com/pix/upload/images8/mk15464_3.jpg

http://www.mekshat.com/pix/upload/images8/mk15464_4.jpg

العصا اللي في الدركسون حقة جيب لكزس في الوكالة 250ريال
وأي استفسار أنا بالخدمة

[لا تعلم احد]

ما يحتاج يركب مثبت

[منتعش]

حي الله النشامى
عريفجان ساحوق : وأشكرك على تصحيح العنوان ، وقد أتصلت عليه وأفادني بأنه في الخبراء ، وجزاك الله خير .
واثق : أشكرك على مرورك الطيب .

[منتعش]

أما أنت يالغالي : الساير
فتحتاج إلى رد خاص لك وصفحة خاصة . ;)
والله إنك أحرجتني بطيبك وخدمتك :j
فلا أستطيع أن أكافئك إلا بقول : الله يبيض وجهك ويحرم وجهك على النار .

[منتعش]

مراحب : لاتعلم أحد
ليه ما يحتاج يركب !!!!!!! :confused:
وأشكرك على مرورك

[Khalid AlGhamdi]

انا عندي لك مثبت مجاني

شف لك بلكة خلها تحت المرتبة طال عمرك متى مامسكت خط وبغيت تثبت تلها وحطها على الدعسة وانسى :)

والله الفلبيني هذا شكله ممتاز لو انه بالرياض كان ياسلام .. لكن ماتسوى العنوة له

[منتعش]

هلا وغلا بأخوي : AbuMu3ath
البلكه فكرة حلوه :good:

بس تراهه هاذي الأيام غالية :eek:
ويعطيك العافية على مرورك الطيب .

[aziz2727]

ما شاء الله تبارك الله
شغل صح ..
الله يبارك لك فيه

[منتعش]

مراحب أخوي : aziz2727
هذا شغل الساير الله يعافية . بس متى يهتوي الله يحفظه ويرعاه .
وأشكرك على مرورك الطيب .
ودمت في حفظ الله