شبك سلة جيب باترول غريبة [الأرشيف]

مشاهدة النسخة كاملة : شبك سلة جيب باترول غريبة

فهد33

31/07/2010, 02:37 AM

السلام عليكم ورحمة الله وبركاته ,,
اخوتي الأفاضل / حياكم الله وبياكم كيف حالكم أسأل الله أن تكونوا بخير ونعمة وصحة جيدة ..

اخوتي ركبت سلة خلفية للجيب من الغرابي تجارية حسب كلامهم وعندما وضعت العفش فيها ضغطت على الجيب وارتفع مقدمته حتى أني أحس أن الكفرات الأمامية تلامس الأرض فقط والسلة قريبة من الأرض فعند أي مرتفع تحك بالأرض وأخشى أن تنفصل وتقع وبالي مشغول عليها ..ووجدت سيارة جيب لاندكروزر مركب سلة ممتازة رفيعة أعلى من الصدام الخلفي وبعيدة عن الأرض وتصميمها يختلف قليلاً عن التي معي وسؤالي هل ممكن رفعها قليلاً بأي طريقة ..مثلاً لو قربتها الى الصدام هل سترتفع لأني ابعدتها قليلاً عنه بسبب أنها تضغط على الكنداسة وأخشى أن تتأثر الكنداسة أو تسبب لي مشكلة محتار هل السبب من التصميم أو من سبب التركيب ؟

راكب الشفر

31/07/2010, 02:57 AM

سالفة ان موتر يرفع من قدام هذي اول مرة اسمع بها
يمكنك مكثر عفش الله يهديك :)
ممكن صورة للسلة مع الموتر ؟؟؟؟

واذا تبي حل احسن ركبلك عربة ورى واشبك لها نور للفرامل والاشاراة وريح بالك خصوصاً بالسفر الطويل

الجندي2005

31/07/2010, 03:08 AM

مسير عليهم

31/07/2010, 10:44 AM

لعلمك ترى السله تضر الشاص في المستقبل

ومتعبه وشكلها مشوهه للسيارة الله يخلي التنده

GS5

31/07/2010, 01:10 PM

شبك تنده او قلص

وافضل القلص اكثر من الشبك

اربطه زين و وصل اللمبات والإشارات وركب عواكس و استبنتين له و زينه بسلاسل عشان مايصفق البدي و رييح بااالك

ABO AL-HESH

31/07/2010, 02:40 PM

اخوي السله الخلفيه احسن شي تكون للاغراض الخفيفه مثل العزب وفراش البر..

عاشق السيل

31/07/2010, 05:10 PM

أكبر غلط سويته إنك حطيت بالسلة عفش ثقيل إلى درجة إن وجه الموتر ارتفع !!!!

السلة الخلفة للعفش الخفييييييييييييييف علشان ماتضر الموتر وأكيد إنها تبي تنكسر مع المطبات مثل ماصارت مع كثير من اللي حطوا عفش ثقيل !!

أنصحك بالسلة العلوية وإن كان عفشك كثير استخدم القلص وبالتوفيق يالغالي ....

فهد33

01/08/2010, 12:23 AM

اخوتي اختصار للوقت فقط أبرد على اللي ينصحون بالقلص ولأن أكثر الرأي صار ينحاز للقلص ..فنبدأ بمشاكل القلص ..أنا معي قلص ممتاز وراح انزل له صور وفعلاً يشيل ويتحمل لكن فيه خطورة وحصلت معي قبل كم اسبوع وتركته عند أهلي بعد ماوصلت لهم فكني الله من شره ...
1- القلص يصلح للبر أكثر من المدن ..

2- داخل المدن مثل مكة أو المصايف راح تتعب ماتحصل لك مكان .

3- خطر جداً ويقلب السيارة عند حدوث أي خلل فيه مثل انفجار كفر أو حدوث مشكلة فيه .

4- قيادة السيارة بالقلص متعبة وغير آمنة نسبة للسلة الخلفية .

السلة الخلفية عندي سانزل لها صور بإذن الله .. عندي أنها آمن من العربة لكن كما ذكر الاخوان تحتاج إلى عفش خفيف ولو كان كثير
لأن الخفيف مثل الفرش وغيرها بعض الأكياس تضيق بالمكان وتكون خفيفة على السلة ولا تؤثر على السيارة .

أنا شاهدت سلات بسيارات ايكون وجيوب مرتفعة الظاهر من صنع السنيدي ومملؤة بالعفش توال لكن يظهر انه خفيف .

.................................................. ..............

قصتي مع العربة :-

القصة باختصار انفصلت عند دوار وأصبحت تمشي بجانبي ورأسها للأرض يتطاير الشرار منها والحمدلله أنه لم يكن بالدوار أحد ارتطمت بالرصيف وتوقفت وسلمنا الله من شرها ..

وقيادة العربة صعبة ومخيفة وغير مريحة وكما قلت لكم تصلح للبر فقط ..هذا رأيي .

أنا أعتقد بأن السلة التي معي ينقصها بعض التصميم وسأنزل صورة لها في القاعدة وكذلك بعدها عن السيارة سبب نزولها إلى الأرض .
أشكركم جميعاً واتطلع لوجهات نظركم ..

عاشق السيل

01/08/2010, 10:51 PM

صدقت أخوي فهد مشكلة القلص ( قيادة صعبة وغير آمنة ) ومتعبة بالأماكن الضيقة !!

لكن تبي نصيحتي ... اترك القلص والسلة الخلفية وركب سلة علوية تراها معروفة من سنيييييين ومامنها أي مشاكل إلا اللي يبي يسرع ممكن تثقل الموتر شوي لأنها تصدم بالهواء !!

وأهم شي حط الشنطة اللي تتسكر بسحابات علشان تحمي عفشك من الشمس والهواء والمطر ،،

وفقك الله لكل خير ....

فهد33

02/08/2010, 01:06 AM

جزاك الله خير ياعاشق السيل فعلاً قديمك نديمك لو الجديد أغناك