شوروا علي ياجماعة............................ [الأرشيف]

مشاهدة النسخة كاملة : شوروا علي ياجماعة............................

ابوقاسم

30/07/2010, 05:03 AM

بسم الله الرحمن الرحيم
السلام عليكم ورحمة الله وبركاته
صباح الخير عليكم كيفكم انشاء الله بخير
الموضوع يا جماعة الخير اني يوم الاربعاء مشيت من الدمام الظهريه يعني الساعة 1 الظهر
وكان الجو حار مثل ما انتوا عارفين
درجة الحرارة توصل الـ50 بالراحة
المهم مالكم بالطويلة ندخل بالموضوع
ارتفعت الحرارة بالسيارة وما نتبهت لها الا وهي عند الـ H ويوم جنبت ووقفت السيارة طفت السيارة ولا عاد اشتغلت
المهم شلت السيارة بالسطحة للورشة ويوم نزلت السيارة عندة ويفتح غطاء الاديتر ويصب له حول الجالونين ماء وادق سلف ولا عاد اشتغلت المهم نبي نعرف وين راح الماء من الاديتر انا في ضني انه تبخر من الحرارة
وقفنا شوي والا الماي كله نازل من رقمة المكينة
قالي راعي الورشة المكينة يبغالها توضيب
قلت له شف لي حل غير التوضيب
وشرايكم الحين هل فيه حل غير التوضيب مع العلم ان السيارة قبل هالمشكلة المكينة صافية ولا بها الا العافية لاصرفية بنزين ولا رجة ولا صرفية زيت
شوروا على ياجماعة وش اسوي
هل اخليه يمسح الروس ويركب والا يصنفر بلوف مع مسح الروس والا وش اسوي تراني ما اعرف في هالسوالف
ومالي الا انتم ياجماعة
انتظر مشورتكم
وتحياتي

كبسولة2

30/07/2010, 05:11 AM

صاحب الجي

30/07/2010, 05:17 AM

صباح الخير أخوي أبو قاسم أول شي الحمد لله على السلامه . وثانياً أبحث عن ورشه ثانيه ممتازه وأذا طابق الكلام أعرف أن يبيلها مسح روس .. وانتبه من شغل السوريين!!!! والله يعوض عليك بخير .

شقران نجد

30/07/2010, 05:36 AM

ابوقاسم

30/07/2010, 07:25 AM

حياك الله أخوي والله يعينك ويساعدك إن شاء الله

ماهو نوع سياراتك وموديلها ؟

من أين يهرب الماء عندما صب لك جالونين ؟

هل زيت المكينة فيه ماء على عيار الزيت ؟

هل السيارة عندما تدق سلف يدور السلف أم المكينة عاضة ؟

ياليت تجاوب بدقة أكثر كيف نعرف نساعدك

هلا بك اخوي الله يعين ويساعد الجميع
اشكر لك تجاوبك
اولا نوع السيارة باثفايندر 2000
2-الماء يهرب من رقم المكينة
3-الحمد لله الظاهر انها ما خلطت ماء مع الزيت
4-السيارة تدق سلف والمكينة ان شاء الله ماهي عاضة
والله يعطيكم العافية كفاية سؤالكم وتجاوبكم هذي لحالها مساعدة

ابوقاسم

30/07/2010, 07:27 AM

صباح الخير أخوي أبو قاسم أول شي الحمد لله على السلامه . وثانياً أبحث عن ورشه ثانيه ممتازه وأذا طابق الكلام أعرف أن يبيلها مسح روس .. وانتبه من شغل السوريين!!!! والله يعوض عليك بخير .

الله يصبحك بالرضا والعافية ياصاحب الجي
والله يسلمك
وانا الحقيقة رحت لم واحد ثاني وقال نفس كلام الاوليانه يبي يمسح الروس ويشوف الوضع
والله يعوض علينا وعليك خير

ابوقاسم

30/07/2010, 07:32 AM

معوض خير يابو قاسم واتمنى اهل الخبره يفيدوك ان شاء الله ولكن نصيحه لوجه الله مر فيها على ثلاث ورش وأبعد كل البعد عن العرب دور لك فلبيني ولا هندي ويكون معروف وابد الدرج من أوله يعني لا توضب على طول شف الخبراء وش ينصحونك فيه وابد من تحت وأطلع لفوق

اخوك

الله يعوضنا وياك خير وان شاء الله هي خيرة يعني وقفت السيارة بي لحالي احسن من وقوفها بي وانا مع الاهل في حرارة الشمسوان شاء الله مثلك وشرواك الجماعة ما يبخلون علينا بالنصيحة

العودالازرق

30/07/2010, 07:35 AM

أخي العزيز صباح الخير والحمد لله على كل حال

اللي حصل معاك حصل معي بس في جمس
ارتفاع الحرارة يسبب كسر في الرأس أو تلف في الوجيه يحصل بعدها خلط بين الماء والزيت
التوظيف هو الاسلم المهم الرؤس تكون سليمة .
حدد مكانك والشباب ما هم مقصرين يعطوك الورش الطيبه

كبسولة2

30/07/2010, 07:51 AM

هلا بك اخوي الله يعين ويساعد الجميع
اشكر لك تجاوبك
اولا نوع السيارة باثفايندر 2000
2-الماء يهرب من رقم المكينة
3-الحمد لله الظاهر انها ما خلطت ماء مع الزيت
4-السيارة تدق سلف والمكينة ان شاء الله ماهي عاضة
والله يعطيكم العافية كفاية سؤالكم وتجاوبكم هذي لحالها مساعدة

طيب أسمع مني وأفهم ما أقوله لك

التوضيب يبيله واحد فناااااااان ويخاف الله

وإلا لن يضبط معك الموتر لأن مكينته على ما أعتقد

المنيوم لأنه لو حديد قلت لك وضب أفضل

أما أنك تقول يحتاج لها صنفرة أو مسح أو أو ...الخ

لا يمكن الحكم بهذه الأشياء الأ بعد فك المكينة

ورؤية الأضرار الداخلية

لكن نصيحتي لك دور مكينة نظيفة مستعملة أفضل من

التوضيب وأرخص بعد وتشاليح الرياض فيها كل شئ

بالتوفيق لك شوف هذا الرابط يفيدك أكثر

رhttp://www.mekshat.com/vb/showthread.php?t=272068

ابوقاسم

11/08/2010, 03:27 PM

مشكور اخوي على النصيحة
لكن التوضيب غالي
وسعر المكينة مو شوي
والحين واقف على وجه الراس مو لاقي مطابق للقديم
ممكن تشور علي يخوك وين الاقي
تحياتي لاهتممامك بالموضوع

ابوقاسم

20/08/2010, 04:13 PM

ابشركم يا جماعة
السيارة طلعت من الورشة الوضع تمام
بس الاحظ ارتفاع في الحرارة مدري هو من الموية يعني لازم ماي اخضر او الماي البيذر يكفي