وش رايكم بالفورد الحوض

[راع المهيلات]

من جرب الفورد وكيفه بالبر ناوي اخذلي واحد وابي رايكم

[عاشق المزون]

هلا اخوي تقصد F150 و F250 وهل تبي جديد او مستعمل انا مثلك كنت ابي واحد بس اتجهت الى الجمس 2500 الجديد غمارة والاسباب :
1) اكثر من وكيل في الرياض عدد 3 وكالات طبعا مافبة الى الجميح والعيسى يجيب السيارة وفية بالبيد فقط قطع غيار والباقين يجيبون كل قطع الغيار.
2) الجمس اكثر رغبة عند البيع لاقدر الله مع العلم ان كل الامريكي ينزل فية سعرة بس الجمس لة شعبية اكثر.
3) الاكسسوارات في الرياض اكثر مثل اكسسوارات الزينة والترهيم .
4)الكل يعرف يسوي صيانة لمحركات الجي ام خصوصا بعد ما طاحوا في المرهمات ومكاين Ls1 حتى المحافظات الصغيرة مثل شقراء والمجمعة يرهمون مكاين Ls1 على الجيوب الى تنتمي لنفس عائلة مكاين الجمس يعني المقصد وين مارحت من مدن او مناطق تحصل احد يفهم في هالمكاين وطرق ترهيمها.
5) الفورد يتميز بالرفاهية الزايدة مقارنة بالجمس الحوض وجونا مايتحمل هالمجال خصوص في سيارات البر جمس والله يستر من الخربات :)
5) استخر في الموضوع والله يوفقك بالسيارة ويطعمك من خيرها ويكفيك شرها ان شاء الله ومبروك مقدما.

بس هذا مايقلل من قيمة الفرد وشعبيتة له رغبة عند الناس بس حبيت انقل تجربتي المتواضعة لك

ملاحظة :1) محركات الفرد اقل متتطلبات في الصيانة على كلام الكثير واقوى من الجمس الحوض
2) الجمس الحوض 2011 على كلام مواقع في نت وموقع اليوتيوب حصل فية تغيرات طبعا اتكلم عن فئة HD هيكل جديد ومتين اقوى من السابق والقير ايضا كذلك بس الوكيل يقول مافية فرق عن السابق يعني يمكن هذي الموصفات تتاخر عن السوق الخليجي

[راع المهيلات]

لاهنت ياعاشق المزون واللي ابيه مستعمل من 2006 او2005 وقيمته مناسبه مقارنة بالجمس
بس مدري هل هوكثير عواكيس ودنا اذا احد جربه يعطينا علومه

[awod]

حياك الله اخي العزيز
زي ما يقولون من استشارك دخل في ذمتك
انا طال عمرك اشتريت واحد موديله 2006 غماره ونص
لونه رصاصي والدبل طبعا فرار
الموتر ماشاء الله نضيف الى ابعد الحدود وماخذه من معارض الدمام
طبعا زي اي سياره مستعمله لازم الصيانه الخفيفه الفرامل والزيزت والفلاتر ومع الصيانه طلع فيه صوت كرررره في الدفرنس وقالو هذي كلتشات الدفرنس وصلحتها ب 2200 .
يعني كلفني بالصيانه والكفرات الجديده وتركيب شاشة نفقيشن حول 70
لا اطول عليك السالفه صوته مزعج لانه مروحه ميكانيكيه وشارو علي كثير بأن اغيرها لكهربائيه ولكن بتخش في تكاليف زياده من 3-4 الاف .
الاكسسوارات له تكاد تكون معدومه في الرياض والشرقيه
ولكن موتر قوي وفخم ورزه ماعليه كلام .
ولكن لو ان الوقت يرجع للوراء كان اخذت جمس
والسبب زي ما قال اخونا .
اشور عليك بشي
جمس غمارتين من 2007 وفوق ويكون الشاص قصير
واسئل الله انه يوفقك لما فيه رضاه .

[راع المهيلات]

awod الله يجزاك خيروعلمك طيب وبندورلنا جمس