المساعد الشخصي الرقمي

مشاهدة النسخة كاملة : اريد المشورة من الاخوه الكرام


ابوفيصل305
14/06/2005, 05:47 PM
بسم الله الرحمن الرحيم
السلام عليكم ورحمة الله وبركاته

يااخواني هذي اول مشاركه لي في هذا المنتدى وارجوا من الاخوان المشوره في الفورد اكسبديشن من ناحيه التحمل وقطع الغيار استهلاك الوقود وخدمات ما بعد البيع و الراحة واهم شي كيف السياره في الطعوس

وشكرا لكم
الطعس الذهبي
14/06/2005, 06:02 PM
بالطعوس ماانصحك
طحنون
14/06/2005, 06:30 PM
هلابك اخوي
موتر رزه بس وشكله عائلي وكشتات خفيفه وموترما ينغزابه
احسن مافيه قوه المحرك فقط والباقي كيف الحال
يعني استخدام عنيف جدا لمده سنه تحط فيه شغل صيانه مثل سعره جديد
بينما استخدام عنيف جدا للتيوتا والنيسان لمده سنه ماتحط غير الزيت البنزين((((حلوه عنيف))))
والاختيار لك
وجه نظر
الربذي
14/06/2005, 08:18 PM
انا مع طحنون قلبا وقالب(ن)
ماعليش ياخوي لازقن فيك بس ترى من غلاك يابعدي
اخوي بوفيصل
ترا موحق مطامر وصحاري وكشتات للبران وقت الربيع والخيرات لنه بصراحة مايتحمل والبيع بالارض يعني يطيح سعره مره وينشب بحلقك عند اعادة بيعه يعني لازم توقع مع حقين المعارض والشريطيه حضور وانصراف شهر شهرين على ان ينباع وبنصف القيمه
لاتشت (حلوا ذي لاتشت يعني لاتروح ) عن تويوتا وبعدها نيسان
محبك
الربذي
اسيزو 4x4
14/06/2005, 11:02 PM
أنا مع أخواني طحنون والربذي >>>>>>> غز الله أنا اللزقة صدق :D :D لاصق بخششكم وبقوة :D

وكلامكم عين العقل




.
ابوفيصل305
15/06/2005, 02:57 PM
الاخوه
الطعس الذهبي
طحنون
الربذي
اسيزو4x4
شكرا على مروركم وتعليقكم على الموضوع وما رايكم يا اخواني الافاضل في اليوكن لاني بصراحه ودي بVX-R او سفاري جديد لاكن الدراهم ماتكفي.
وشكرا لكم.
ناصح
15/06/2005, 03:03 PM
تفضل وادخل هذا الرابط وتجد معلومات تفيدك (http://www.mekshat.com/vb/showthread.php?t=28348)
ابوفيصل305
15/06/2005, 05:51 PM
الاخ ناصح شكرا لك على مرورك وتعليقك على الموضوع لكن الارمدا جديد على السوق وما احد يعرف عيوبه الى الان وبقيمته اخذ يوكن
جديد فل اوبشن ، ياليت تفيدونا يااخوان من ناحيه اليوكن .
المنتصر بالله
15/06/2005, 11:43 PM
ممتاز ولن تندم عليه انا عندي سوبر بان2003 م وماشي زي الحلاوة عكس القديم لكن الياباني أفضل
ابوفيصل305
16/06/2005, 02:36 PM
الاخ المنتصر بالله اللله يعطيك العافيه وشكرا لك بس بغيت اسالك عن صرفيته للبنزين داخل وخارج المدينه خصوصا السفر لمسافت طويله على سبيل المثال من الرياض الى جده وكيفه من ناحيه الصيانه والقطع ومن وين تنصحني اخذه الجميح او العيسى او التوكيلات العالميه مع
العلم ان السوبربان مكينته اكبر من ماكينه اليوكن (ماشاء الله) ومن ناحيه ان الياباني افضل انا معاك لكنه غالي وغير مريح.
الرجه الدجه
16/06/2005, 03:44 PM
السلام عليكم ورحمة الله وبركاته
تبي نصيحتي الاكسبشن ابعد عنه انحش وانا اخوك ما يصلح للطعوس ويتكسر بسرعه واذا شريته (لا تنسى تاخذ معك حبل عشان احد يسحبك)هههههههه
وبعدين سعر البيع تطيح قيمته يعني الزبده هو حق خطوط تبي نصيحتي خذ الياباني vxr واذا ما عندك قيمته طخ لك gx ياطويل العمر ورووح ماحد يردك والنيسان مهب شين بعد بس الامريكي ما يصلح
وانت ابخص هذي مجرد مشورة ووجهة نظر والرأي اولا واخيرا يعود لك
والسلام عليكم
ابوفيصل305
16/06/2005, 04:56 PM
الاخ الرجه الدجه (اسمك حلو يوحي بانك راعي بر وتطعيس) :D الvx-r و الgx-r والسفاري سيارت قويه وممتازه لكن غير مريحه في السفر والخطوط الطويله (من ناحيه المراتب ومساحه السيارة الداخليه ) وايضا استهلاكها للبنزين عالي نوعا ما (هذا من تجارب اشخاص اعرفهم)واذا كانت معلوماتي غلط صححها شاكرين لك مرورك وتعليقك على الموضوع.
ناصح
22/06/2005, 01:19 PM
ترا موحق مطامر وصحاري وكشتات للبران وقت الربيع والخيرات لنه بصراحة مايتحمل والبيع بالارض يعني يطيح سعره مره وينشب بحلقك عند اعادة بيعه يعني لازم توقع مع حقين المعارض والشريطيه حضور وانصراف شهر شهرين على ان ينباع وبنصف القيمه
لاتشت (حلوا ذي لاتشت يعني لاتروح ) عن تويوتا وبعدها نيسان
محبك
الربذي

كلام صح 100% 100