معلومات عن الهدرز وطريقة تركيبه

[زوم]

يرجى تثبيت الموضوع لأهميته ولكثرة الأسألة

نتكلم عن الهدرز وعن الأقزوز اليوم
الهدرز :
http://www.roadraceengineering.com/4g/parts/rreheaders/gs/gs%20headers-installed.jpg

هو البايب ألي يخرج الغازات الناتجة من الأحتراق داخل المكينة

أما الأقزوز :
http://www.moddedmustangs.com/wp-content/uploads/2006/07/Exhaust-FAQ-v6v8.jpg

هو المواسير والدباب وتركب بعد الهدرز مثل مو موضح بالصورة ألي فوق

الفرق بين الوكالة والمعدل
الفرق الرأيسي هو الحجم وليس الشكل (في فرق بالشكل بس مهو ألزامي )
يعني ممكن المعدل وحق الوكالة يشبهون بعض بالشكل بس يختلفون بالحجم وهذا يساعد على خروج الغازات الناتجة عن الأحتراق بشكل أسرع وفعالية أكثر

أنواع الهدرز
عندنا الشورت : أو الهدرز القصير ويجي طول البايبات حقته قصير ة وهو يستعمل بالعادة على السيارات ألي عليها تعديلات خفيفة http://www.turbo-trucks.com/images/jba_headers_2.jpg

وعندنا أيكول لينقث : أو متساوي الطول هذا النوع يكون البايبات فيه نفس الطول عشان كذا تلاقي شكله غريب دائماً ويستخدم لسيارات الأداء العالي بس من غير فورس أندكشن أو من غير سوبر أو غاز أما التيربو فألزامي يكون أيكول لينقث
http://www.kenrockwell.com/bmw/images/m3-2007/headers-784.jpg

وهذي صورت الأيكول لينقث هدرز الخاص بالتيربو
http://dominatorchassis.net/cart/products_pictures/Headers2.JPG

أما الثالث والأخير هو اللونق : أو الطويل وتكون بايبات طويلةويستخدم بالعادة لسيارات الدراق والسيارات ألي عليها سوبر وتكون طويلة بسبب عرض البايبات فما يمكن جمعها عند المكينة فيصير مجمعها في الخلفhttp://www.supersprintna.com/images/news/mb_r230_sl55/image007.jpg

ألحين نجي على الموضوع الأهم وهو طريقة التركيب :
أول شي نفك كل شي ممكن يضايق الهدرز عند الفك أو التركيب وفي بعض السيارات يجي غضاء من الألمنيوم يحمي الهدرز
http://images.mustangmonthly.com/images/mump_0701_02z+ford_mustang+removing_headers.jpg

بعدين نفصل أفياش الحساسات أن كان فيه (أنتباه :لازم تفصل البطارية قبل فك فيش الحساس ولا أقرا عليه السلام )
بعدين نرخي صواميل الهدرز من فوق
http://images.mustangmonthly.com/images/mump_0701_04z+ford_mustang+removing_headers.jpg

بعدين نفك الحمالات والقفايز ألي بالنص
http://images.mustangmonthly.com/images/mump_0701_06z+ford_mustang+removing_h_pipe.jpg

ونفصل المواصير
http://images.mustangmonthly.com/images/mump_0701_07z+ford_mustang+removing_h_pipe.jpg

نفصل أفياش الحساسات ألي تحت وتكون قبل أو بعد دباب البيئة وبعض السيارات في دباب البيئة
http://images.mustangmonthly.com/images/mump_0701_09z+ford_mustang+removing_h_pipe.jpg

بعدين نفك المسامير والبلوط ألي تحت ونطلع الهدرز القديم
http://images.mustangmonthly.com/images/mump_0701_16z+ford_mustang+removing_manifold.jpg


في بعض الأحيان يتطلب الموضوع فك عمود البور فلازم الضاره تكون سيده ومثبته عشان مايصير في أختلاف في الوزنة
ألحين ننزل الهدرز القديم ونفك الحساسات منه
http://images.mustangmonthly.com/images/mump_0701_20z+ford_mustang+oxygen_sensor.jpg

أذا كان في مكان للحساسات في الهدرز الجديد نركبها أو أنا نلغيها والله يعينك على البرمجة عشان تلغي الحساس ولا بطيح العزم في بعض الأحيان وبعض الأحيان تولع لمبت تشك أنجن(check engine)




ألحين نفك القازقيت القديم ونعم محله بوضع بخاخ تنضيف البريك وفصنفر بورق صنفره ناعم وأنتبه لا تجرح الحديد بعدين تدهن المنطقة بكمية قليلةمن السلكون الحراري يعني يادوب مسح على مكان القازقيت وعلى الهدرز وتركب القاز قيت وهدرز

(هذا الهدرز الجديد والقديم )
http://images.mustangmonthly.com/images/mump_0701_19z+ford_mustang+bbk_headers.jpg

تجمع من تحت وبعدين تركب الصواميل ألي فوق وكذا مبروك ركب الهدرزhttp://www.mekshat.com/vb/images/smilies/7bteen.gifhttp://www.mekshat.com/vb/images/smilies/7bteen.gifhttp://www.mekshat.com/vb/images/smilies/7bteen.gif

ألي أتوقع ماحد قد شافه فيكم شكل الهدرس لما تكيم للمكينة وخصوصاً لما تكون من سيارات الدراق أو الأداء العالي ......
شوفو الصورة
http://forums.pelicanparts.com/uploads12/glowing+bmw+m+v8+headers1197176043.jpg


أسفين على طول الموضوع والسموحة http://www.mekshat.com/vb/images/smilies/seko.gif

[بروق ساق]

جزاك الله خير
صرحه معلومات جديدة
يعني الهدرز بس تغيير القزوز ام لا ؟

[اميرالصمت]

يعطيك العافيه
شنهي اضرر الهدرز وفواده
اوشواف في الصوره الخيره مولع نار اليه

[برايدوي عنيد]

هلا بك اخوي زوم ..

شكرا على موضيعك المهمه والتي كثير يرد الاسئله عنها من حيث ضررها على المكينه.

لكن انا شفت ناس تقوول ان الهدرز يسووي نقصان للزيت وانه ممكن تدوس للموتر ويضرب عندك البستم بسبب دوران العمود اكثر من دورته , وناس تقوول اهم شي داوم على الزيت بتغييره لايبطي والمكينه مااعليه

هل به ضرر على المكينه من حيث عمره وهل يسبب نقص؟؟؟

تقبل مروري...

[Ra3i.mekshat]

ماشاء الله
طرح جميل .. جزاك الله خير للإفادة


تقبل مروري
أخوك : فتى الخوالد

[الاسطورة351]

على حسب علمي

ان الهدرز يقلص عمر المحرك

واحتمال التخبيط في اي وقت

مثل ماتخبط ال454

من قوتها يضرب العمود

فما بالك بهدرزات

[علي عليوه]

ما شاء الله عليك شرح وافي

بس الكلام الانجليزي واجد وما فهمت الكثير منه مع إنه مكتوب بالعربي

والملاحظة الثانية ,, أعجبتني مفاتيح الشغل - نظيفة - الله يخلف على عدتي

كل الشكر لك أخي العزيز وجعله الله بموازين حسناتك

[بدوي جنوبي]

اشكرك على الموضوع
تم التثبيت
http://www.mekshat.com/vb/images/rating/rating_5.gif
بالتوفيق

[كاسبر القصيم]

اخوي زوووم

جابك الله

ركبت هدرز على باترول 4500 ولا حظت ان الهدرز بعد ما اطعس فية او امسك خط وامشي 140 وفوق


يصير لونة احمر زي اللي بالصورة

حتى اني رجعت البلد ولا فاد ما زال يولع احمر

هل هذا طبيعي او الموتر فية شي

[الجني العبد]

اخوي زوووم

جابك الله

ركبت هدرز على باترول 4500 ولا حظت ان الهدرز بعد ما اطعس فية او امسك خط وامشي 140 وفوق


يصير لونة احمر زي اللي بالصورة

حتى اني رجعت البلد ولا فاد ما زال يولع احمر

هل هذا طبيعي او الموتر فية شي

ههههههه ياحبيلك بعد
هذا شي طبيعي وعادي جدا ،، لأن الهوا اللي يطلع من المكينه حار جدا فلا تستغرب ..
أنا أعرف ناس يعلكون الموتر لين يقول للعنز ياخاله ،، وينزل يفتح الكبوت ويتفرج عليه وهو مجمر خخخ

[زوم]

اخوي زوووم



جابك الله


ركبت هدرز على باترول 4500 ولا حظت ان الهدرز بعد ما اطعس فية او امسك خط وامشي 140 وفوق



يصير لونة احمر زي اللي بالصورة


حتى اني رجعت البلد ولا فاد ما زال يولع احمر



هل هذا طبيعي او الموتر فية شي

كلام اخوي الجني العبد صحيح

[ايسوزو]

الف شكر.......

[كرم القلوب]

موضوعم رووعه


بس ماذكرت انه ممكن يخفف البنزين او لا

[عميد سامودة]

هل يعطي فرق بالعزم يذكر ولا no ؟؟

[الدبران]

الله يعطيك العافيه
على الموضوع المرتب والموثق ...
وتعجبني صورة القزوز وهي جمره :eek:

[زوم]

هل يعطي فرق بالعزم يذكر ولا no ؟؟
هلا بك اخواي اكيد يعطي عزم

[عميد سامودة]

مشكور يا زوم ,,

[بن جشعم]

يعطييك العافية على هالموضوع الطيب

[Bader-M]

كلما طال البايات كلما كان صوتة مزعج والعكس صحيح
موضوع رائع و قيم

تحياتي اليك

[المتفاهم]

مشكور على هالطرح الجميل والرائع $$$$$$$$$$$$$$$$$

[محمد الهديب]

هلا تنصحوني اركب هدرز ولا لا علما بأن الموتر ددسن دفرنسين 2006

تقبلوا خالص تحياتي

[الجني العبد]

هلا تنصحوني اركب هدرز ولا لا علما بأن الموتر ددسن دفرنسين 2006

تقبلوا خالص تحياتي
إذا الصوت مايهمك ركبه وتوكل على الله
لأنه يريح المكينه ويخفف الصرفيه ويزيد العزم

[الجني العبد]

اخوي الجني شلونك عساك بخير انشالله

بغيت أسئلك كم سعره و هل تخبر لي هدرز للبيع و تخبر لي واحد يركبه
وهل له اضرار على المكينه ولا
خابر انت الموتر رفيع شوي
و ددسن:(يعني مهنا ذاك المشي
ابيها تجيب الــــ200 او ازود220
اذا ركيته بتفرق في المشي ولا لا

و اسفين على التأخير


أهلا محمد المهيدب ،،
أعتذر لك لأن الرسائل الخاصة مافعلت عندي ..

بغيت أسئلك كم سعره و هل تخبر لي هدرز للبيع و تخبر لي واحد يركبه
أنا مركبه على باترول 4500 بابين مع دبه يوكن عند موسى السيف (( بريدة - االشارع التجاري ))
هدرز + دبة يوكن + شغل اليد = 1500 ريال
طبعا الباترول 6 سرندل والددسن 4 سرندل ممن يكون أرخص من كذا


وهل له اضرار على المكينه ولا

أما عن الأضرار أنا أقرى بالمنتديات إنه ينقص من الزيت علبه لأن المكينه ماخذة راحته على الآخر ،،
وأما كلام المجربين يقولون إنه لايضر عليها بتاتا البته والزيت مايتغير <== كلام صديق لي مركبه له 6 شهور تقريبا ..
وأنا لي أسبوع مركبه ومالاحظت عليه شي


خابر انت الموتر رفيع شوي
و ددسن:(يعني مهنا ذاك المشي
ابيها تجيب الــــ200 او ازود220
اذا ركيته بتفرق في المشي ولا لا

أكيد تبي تجيبها هوا ،، يبي يفرق العزم معك بشكل واضح جدا والتسارع أيضا راح يكون معك صح ،،
أنا أذكر قبل ما أركب الهدرز كنت أجيب الــ 120 بــ 33 ثانيه <== المكينه تعبانه ..
واللحين يجيبها بــ 20 ثانيه <== شفت الفرق ؟

[أبو هطل]

الله يعطيك العافيه على هالطرح الجميل جداً

لكن سؤالي هل الهدرز يلغي ضمان الوكالة

[تركي الضرغام]

الله يعطيك العافية
يالربع سمعت ناس يقولون الهدرز يريح المكينة بس المكينة تبدى تستهلك زيت
وناس تقول أبد والله ما تغير في الزيت شي اللهم أنه تغير عزم الموتر وخفت الحراره

من يعطينا العلم للي يريح

[must302]

الله يعطيك العافية
يالربع سمعت ناس يقولون الهدرز يريح المكينة بس المكينة تبدى تستهلك زيت
وناس تقول أبد والله ما تغير في الزيت شي اللهم أنه تغير عزم الموتر وخفت الحراره

من يعطينا العلم للي يريح



يريح المكينه لان الهوا يطلع بسرعه صحيح انه يمكن تلاحط نقص في الزيت بس النقص قليل :)

[ابوعلي.]

يعطيك العافيه اخوي علا الصور

وقصدكم يا شباب علا اها تحمر ترا هذا طبيعي انا معي ربع2006 اذا جلدته يصيرن زي الجمر

[أبو_خالد]

الشكر للجميع وللأخ صاحب الموضوع



بالنسبة لتجمير الهدرز مثل اللي بالصورة الأخيرة
هل هذا يعني إنه يصبح شعلة قابلة لإحراق ما يقع عليها : مثل كرتون أو اي شيء قابل للاشتعال ؟؟؟

[دندون1]

بيض الله وجهك اخوي زوم على هالمعلومات المدعومه بالصور

تقبل تحياتي

[اسهيل]

بس يخرب الاسلاك الي حلوه يخلي عمرها الافتراض اقل

[زوم]

اشكر كل من رد

[سد البار]

الله يعطيك العافيه بس ما اقوا اركبه بدباب

[زياد بن فهاد]

يا اخوان انا سمعت للي بيركب هدرز لازم يغيرالمكينة حقت الوكااله صح ولا لا

[Salamah.y]

يا اخوان انا سمعت للي بيركب هدرز لازم يغيرالمكينة حقت الوكااله صح ولا لا

هههههه , من اللي معطيك المعلومة هذي حسبي الله على ابليس
كل المكاين جايه من وكالات , يعني المكينه اللي بتحل محل مكينة الوكاله , تراها وكاله << حلو الشرح ههههههه

,

الوكاد ما تغير لا مكينه ولا غيره
مكينتك الأوله , تفك هيدرز الوكاله << و اللي يسمونه الناس قزوز
و تحط مكانه الهيدرز المفصل زي اللي بالصور

,

بالنسبه للتجمير , الله يكفينا وياكم الشر و كل مسلم
أذكر قبل حوالي 3 سنين , سيارة اف جي , احترقت بالنفود , و السبب القزوز مجمره
طبعاً كانت قزوز الوكاله , و الرجال كان يطعس , و بعدين تعلق على شجرة رمث و ولعت بالموتر
الله يعوض عليه , و يكفينا وياكم الشر

,

موضوع مفيد ,, @~

[ظبط]

موضوع ممتاز جدا
نرجوا التفاعل من أصحاب الخبره

[ALBDRANE]

الي عاجني في الهدرز الصوت الخفيف فقط