اللي يبي وارد بهوان يبشر بسعده

[فايف استار]

السلام عليكم ورحمه الله وبركاته....

ندخل بالموضوع دغري :D

بصراحه انا تعبت وطفشت من الوكالات اللي عندنا بالسعوديه بتاعت (السوبر سفاري):mad:... خلااااص فاض الكيل وانكسرت الجره وتبعثرت الاوراق وجانا الارق وكثرت الكوابيس :D

قررت امشي لبهوان بعمان مافيها رجعه ابد:hot:

عاد قلت اعطيكم خبر للي له خاطر يزرق معي حياه الله:burnout2: ولا يعطيني دراهمه وانا اجيب الموتر اللي يباه:D<<<<يمزح

بس عندي سوال طال عمركم..:).اذا وصلنا للوكاله ان الله كتب كيف اسلمهم المبلغ هل يعني اخذ دراهمي معي ولا اخلي واحد من ربعي يحولها على البنك هناك وانا اسحبها..!؟>>متخوف من النقطه هاذي كأني سمعت واحد هنا يقول صارتله مشكله بخصوص تسليم المبلغ....

منتظر الرد من الجميع واللي عنده اضافات ولانصايح لايبخل علينا >>>اول مره يروح لعمان

دمتم بود يالغالين:heart:

[Noz]

اخوي فايف ستار اذا انتي ناوي على نيسان ترا مافي فرق بين وارد بهون في عمان ولا وارد المسعود ولا وارد العربية اللى موجودين في الامارات
واذا ناوي على تويوتا لا تعب عمرك وتروح لعمان فيه فرع لهم في ابوظبي وفيه كمان البريمي

بنسبنة للدراهم عندك حل يا تفتح حساب في بنك الامارات الموجود في الرياض وتسحبها من هناك يا انك تاخذها كاش معك وهذي صعبه شوي مسئلة التحويل انسي يحولن لك اكثر من 35 الف ريال
و ان شا الله اكون افدتك و اذا تبي شي ثاني انا برسم الخدمة
دومت بود

[خالد ...]

عسى الله يوفقك في سفرتك

وافضل حل انك تصدر (( شيــك مصدق بقيمة السيارة )) وبكذا يضمنون المبلغ وانت تضمن ان اجراءاتك تمشي

[تناهيت]

تقدر تاخذها كاش وتحولها بفرق العمله وما فيه اي مشاكل لكن انتبه من مخاطر الطريق خلك حريص لا تروح الدراهم والله يهنيك في الموتر وانصحك تمر الامارات قبل عمان .....

تحياتي

[N-xterra]

والله بالنسبة لي أروح للبطحاء وأفرفر على فروع الراجحي لين أصرف كل الدراهم وبعدها آخذها معاي كاش وأدفع هناك كاش وأطلب منهم شهادات المقاصة أيضا عشان الجمارك

ويوم والثاني وأنا راجع

تحياتي

[بو خليفه]

يوجد شيك مصرفي تسحبه من أي بنك سواء عمان او الامارات باسمك حتى لو ضاع ماتضيع فلوسك او حواله باسمك بس لاانصح بها لان احتمال ماتشتري سيارة و تحتاج حوالة اخرى لكن الشيك المصرفي افلضل باسمك

لا تنسى مخالصة جمركية حتى لا تدفع الجمرك في السعودية

[فايف استار]

NOZ
خــالد
تناهــيت
N-xterra
بو خليفه
بيض الله وجيهكم يالربع ماقصرتو كلكم...جزاكم الله خيـــر

[قطب 999]

شيك مصرفي على اي بنك في الامارات

[التعـ King ـديل]

اخوي فايف ستار اذا انتي ناوي على نيسان ترا مافي فرق بين وارد بهون في عمان ولا وارد المسعود ولا وارد العربية اللى موجودين في الامارات
واذا ناوي على تويوتا لا تعب عمرك وتروح لعمان فيه فرع لهم في ابوظبي وفيه كمان البريمي

بنسبنة للدراهم عندك حل يا تفتح حساب في بنك الامارات الموجود في الرياض وتسحبها من هناك يا انك تاخذها كاش معك وهذي صعبه شوي مسئلة التحويل انسي يحولن لك اكثر من 35 الف ريال
و ان شا الله اكون افدتك و اذا تبي شي ثاني انا برسم الخدمة
دومت بود

مين قالك مافيه فرق طال عمرك .. السفاري 2 يجي فتحه ودفلك وارد بهوان وابو رفارف سود يجي مكينه فتك وثلاجه ومكيفين وكل هالامور ماهي موجوده

بالسعوديه ولا موجوده بالامارات ..

بالنسبه لصاحب الموضوع اقوله اكتب شيك مصرفي بااسمك وتقدر تسحبه من هناك عادي بالجواز

وانصحك بوارد بهوان طبعا الوكاله بالبريمي اسعارهم حلوة ومواصفاتهم بطله

واي خدمه لايردك الا اصبعك والجوال او الخاص

[فايف استار]

قطب 999 شاكرين مرورك طال عمرك ..اكيد بدون شك الشيك هو الحل

[فايف استار]

التـــKingعــديل ...مشكور طال عمرك ماتقصر ابد انت والشباب كلكم فيكم الخير كفيتو وفيتو


جزاكم الله خير ويسر الله اموركم يارب