كفرات مكسس هل تنصحونى بها ام لا

[عايض معيض]

السلام عليكم اخوانى ابغى اركب كفرات للسياره فورتشنر ولقيت كفرات نوعها مكسس صناعه تلانديه وسعرها 380 تكفون وش رائكم فيها

[ابوهتان2007]

وعليكم السلام ورحمة الله وبركاته

انا مركب هذا النوع من الكفرات على يوكن قصير
وماشاءالله تبارك الله جدآ مريحه

والحمدلله لم الأحظ عليها عيوب ولله الحمد
ولها والمحدلله سنتين الأن راكبه على السياره
سفر + بحر + بر

والحمدلله رب العالمين

[عايض معيض]

شكرا لك اخوى

[برهوم 606]

نفس كلام اخوي ابو هتان انا مركبها على شيروكي ومرتاح معها مرره

[المهندس2008]

غريبهَََ!!!!
انا مركبها على اكسبلورر دائما ماتكمل سنه الا وهي محبله

[سوبر VTC]

انصحك بالهانكوك الكوري
الماكسس عيبه نفس دعسة الكفر تصفر لان الفتحات عريضة
بمعنى كل ما تكبر الفتحات اللي بنفس الدعسه فخذ ازعاج
مثل هالصورة

http://www.mekshat.com/vb/../pix/upload/images39/mk34212_004.jpg




الهانكوك يركب بكثرة للباثفندر و الشيروكي و الباترول و الجمس و الجيب و الهايلوكس

ما بعده شي لين بالحيل

[دحيم العبود]

اخي ممكن تحصل ماكسس بسعر اقل 365 ريال :d

بالنسبه لي اشوف الهانكوك هو المناسب لسيارتك اذا انت منت راعي جلد

وذا بتزيد السعر عندك دنلوب سعره تقريبا 470 ياباني

والبرجستون هو الي يجي عليه شد بلد لكنه قاسي وسعره 520 تايلندي و570 ياباني

اتمنالك التوفيق

[عايض معيض]

مشكورين اخوانى على تفاعلكم مع الموضوع

[سهم قيادي]

انصحك بالهانكوك الكوري
الماكسس عيبه نفس دعسة الكفر تصفر لان الفتحات عريضة
بمعنى كل ما تكبر الفتحات اللي بنفس الدعسه فخذ ازعاج
مثل هالصورة

http://www.mekshat.com/vb/../pix/upload/images39/mk34212_004.jpg




الهانكوك يركب بكثرة للباثفندر و الشيروكي و الباترول و الجمس و الجيب و الهايلوكس

ما بعده شي لين بالحيل







اخوي سوبر مالك لو هذي صوره الماكسس العادي الفتحات اصغر من المتوسط قليل

http://www.mekshat.com/pix/upload04/images172/mk66937_13072010159.jpg

http://www.mekshat.com/pix/upload04/images172/mk66937_13072010170.jpg

[مسير عليهم]

المكسس انواع في شي اللي يجي نقشته كبيرة وهذا متعب في المشاوير العادية

اما المكسس العادية حلوه وانا مجربها على اكثر من سيارة ومااشتكيت منها

وفيه نوع ناشنال حلو ةجربته على جيب ومااشتكيت منه ابد

[سوبر VTC]

اخوي سوبر مالك لو هذي صوره الماكسس العادي الفتحات اصغر من المتوسط قليل

http://www.mekshat.com/pix/upload04/images172/mk66937_13072010159.jpg

http://www.mekshat.com/pix/upload04/images172/mk66937_13072010170.jpg

حياك الله
انا انسب الكلام لراعي محل كفرات ثقة
يقول النقشة العادية تطلع صوت او صفير
و هو نصحني بالهانكوك :good:

[ابولانا22]

نصيحه ان تبي الراحه ابعد
انا سالت وقالولي ماكسس واروح اغير لليوكن ماكسس مقاس 17 وليتني ماركبتها
شككتني بالسياره ان فيها دفرنس انواع الاصوات واصوات عاليه

[bader_ls]

اخي الحبيب
انا والله اني استخدمها على جيب جراند شيروكي من اول ما وردت
وماقد شكيت منها.الى بعد مرور سنتين ونصف وثلاث سنوات
واعتقد انه حده واي كفر تستخدمه للسلامه تغيره على اقصى مده ثلاث سنوات
ولاحضت عليه بعد سنتين ونصف او ثلاث سنوات تحبيل يبدا ببطء وخفيف
ولم يحدث ان انصلخ معي ابد ابد .
لااحد يضن اني اسوي دعايات ولاكن هذا الي حصل معي بصراحه.
وانت واختيارك
موفق

[تربو]

كفر ممتاز عن تجربة اكثر من سنتين
مقاس 16 760 اسمة:برافو

[ابوصالح77]

الهانكوك ممتاز شكل وصبر
رح للوكيل أرخص لك وتاريخ جديد
وكيله بن شيهون .
والماكسس جيد

[سهم قيادي]

حياك الله
انا انسب الكلام لراعي محل كفرات ثقة
يقول النقشة العادية تطلع صوت او صفير
و هو نصحني بالهانكوك :good:

الله يحيك بعد تجربه سفر نعم يوجد صوت ونه يشبه نوعا ما صوت كفرات جيوب العشه المضلعه بس بشكل اخف يعني اذا فتح الدرايش تسمعها
عموما الكفرات جيدة جدا على الخط والمنعطفات

[البدوي الفاهم]

السلام عليكم
اخوي انا من الشرقية
مركب طقم ماكسس ودايم اركبة بس المرة هاذي
كل يوم ارقع واحد صدق
قبل يومين ضرب علي واحد ولكن الحمد لله ماانصلخ
والضمان منتها
رحت لوكيلة الهاجري بالدمام مقابل ملعب الدمام على شارع الملك فهد
قالي الكفر مضرووب وقعد يرقع
انا واية وانا واية
قالي المهم يبي يخصم الاستعمال ويعطيني حدوود 30 ريال
ههههههههه اية والله حدوود30 ريال
رحة وخليتة
وحلفة ما اركب ماكسس

[mhzahuri]

البرجستون قوي وغالي ويتحمل بس عيبه قاسي

والله الموفق,,

[ابو شرير]

مرحبا اخونا الكريم
كثرة الارائ والشورة ...انا بصراحة انصحك بشئ واحد اذا انت اخترت ماكسس او دلوب او هنكوك او غيرها انتبه انك تأخذها من الوكيل انصحك بذلك لانه الان بداء هناك غش في محل البنشر إلا من رحم ربي احذر كل الحذر لو انك تسافر منطقة بعيده عشان تشتريها او اطلب اي احد من الاخوان في المنتدى يشترها لك يرسلها انصحك بذلك الله يوفق يسر امرك انا انصحك بدلوب خط بر سفر سرعة مريح مريح مريح صح انه غالي لكن يريحك ...سوي مثل ابو شرير مااشتريها كلهن سوى.....لا مثل الشهر هذا اشتري اثنين الشهر الجاي اشتري اثنين الشهر اللي بعده ااضبط امرهن كلها من وزن ترصيص وكشف عشان مايمسح معك ولا فيها رجة الله يوفق

[تلميذ الصحراء]

أنا مركبها على موتري الجيب الباثفندر2005 ولي أكثر من سنتين

ولله لعبتبه وسافرت وفحطت به وطاعست رفيقك من الطرقيه بر وخط
ما شكيت منها بشي ولله الحمد..
تنبيه!! خذا أخر موديل يعني خذ تاريخ الكفرات 2010

[عاشق البسمه]

راكبه ع الإكسلبورر جنط 16 ولهن سنة ومشيت أكثر من65000 وإذا شفتهن تقول قبل شهر مركبهن ماشاء الله لاقوة إلا بالله

[الجندي2005]

اخوي ،،،،

الماكسس ما جربته لكن جربت الهانكوك كوري ( نقشة شاهين رملي ) طول معي بشكل غريب وركبت طقمين

والله ما شكيت منه امشي زفلت ورمل وشوي جلد لا صوت ونه ولاشي ...................ما شفت الا كل خير ولله الحمد الموتر جيب باترول ،،،،،

انصح فيه وبكل قوة خاصة نقشة رمليه .....................

[عشق الريادة]

ماكسس وبس
سعره رخيص وعمليات لكن بالخطوط لاينزل هواهن عن 35 ولا تسرع فوق190
ولاتعبيهن هوا وهن محتميات لأنه باي كفر اذا الكفر محتمي وعبيته يصعرر الكفر
=======
واللي يقول سألت راعي محل بنشر مدري كفرات
ابو يمن ماهمه الا يعطيك المشورة اللي تكسبه اكثر
والسؤال :
كم الفرق بين الماكسس والهانكوك؟؟
انا شريت ماكسس قبل 4 شهور 270
والهانكوك نفس المقاس 320
والهانكوك زين بس سنتين وينتهي
وتشكرااااااااتي

[شلشكو]

ركب واتكل على الله
بس السعر احس انه غالي شوي دور على الارخص
مكسس نوعيه جيدة مركبها على موتري جيب سفاري ما اشتكيت منه والحمد لله لي الان سنه
وتقبل مروري

http://img101.herosh.com/2010/03/24/349696881.jpg (http://www.herosh.com)