العربة

[المهاجر555]

هلا بالشباب
ابي لو سمحتو معلومات عن العربات الي تنسحب ورا السياره ((قلص))
سمعت انها تحتاج رخصه
وهل هي زلنه ولا لا
وكم اسعارها
وهل تنصحوني بها
ارجو افادتي الله لايهينكم

[faris2006]

من ناحيت الرخصة(تصريح) ما اعلم اي شي
الاسعار تختلف من عربه الى عربه حسب التجهيزات
فيه العليان طريق خريص
لا انصحك بها لانها خطره جدا
اذا انصحك بالسلة اقل خطور

[بو خليفه]

العربة يوجد مقطورة لسحب الدبابات سعرها 1200 - 1400 ريال طول 190م عرض 130م و هذه للدبابات

اما للعفش متعددة المقاسات 150م وعرض 115م وسعرها متفاوت حسب صفيحة الحديد و الحديد المفلقز يكون اعلى سعر بسبب عدم الصدأ و يوجد الالمنيوم سعرها 5000 ريال

انا عندي للدباب لها 6 سنوات فقط استبدلة الكفرات

[برايدوي عنيد]

هلابك اخوووي ...

مااعرفه ان مو لازم رخصه ولااذكر احد وقف على شان رخصه لكن يدقوقون بالانوار لانه بالليل ماتشوف السياره اللي قدامك الا اذا قربت لمه اذا كان ماوضع عواكس او انوار .

لكن يوجد به خطوره خاصه للسيارات اللي به مانع انزلاق حيث انه قد تلعب معك ومانع الانزلاق يزود المشكله , واذكر احد الشباب يجر عربه ومانع الانزلاق زاد الطين بله , فيلغونه للي يجر عربه .

تقبل مروري......

[المهندس2008]

جر العربة خطير نوعا ما
وبصراحه اشوفها تعتم على السواق اكثر .... يعني كمبتدأ الله يعينه خصوصا في الرجوع للخلف

[المهاجر555]

اشكركم على ردودكم
وانا ماكنت اتوقع ان فيه خطوره والرجوع للخلف والله مشكله لانها تصير مثل التريله

شكلي ابفكر في الموضوع

[عميد سامودة]

السله افضل مية مره

[ابو ريان1881]

فية نوعية موجودة على طريق الدمام بعد طريق خالد بن الوليد من جهة الشرق بس المشكلة بسعرها وهي نوعية المانية صناعة فرنسى والي جربها يمدح خفتها وسهولة القيادة حيث قابلة احد الاخوه وقال انه معه من ثلاثة سنوات والعزبة واغراض البر من تنزل منها ابدا وعند الحاجة للتنزيل ممكن تقرب الى اقرب نقطه يدويا من الخفه للوزنها عند التحميل 75 كيلو فقط وممكن تحمل الى الف كيلو واتصالة على المواقع الالمانية عن طريق احد الاخوان بالمانيا بس وجدة الاسعار مقاربه جدا للموجود عندنا ما تستاهل انك ترسل وتنتظر وارجو منك انك ماتستعجل واستخر الله وشف حاجتك لها هل هي ملحة او ركب سلة المنيوم موجوده عند رفيق الردب لسهولة تركيبها ممكن يركبها احد اولادك الى باول ابتدائي وربي يوفق