استفسار عاااااااجل لأخوتي سكان الرياض ؟؟؟

[فتى العارض]

مساء الخير للجميع

احد الأخوان سألني يقول أنه سوف يسافر خارج المملكة لمدة 15 يوم وعنده سيارة فكس ار 2010 وهو من غير سكان الرياض ويرغب ان يوقف سيارته في مكان آ من بأذن الله ومظلل ,,,
وش رأيكم يا شباب ؟؟
احد يخبر مكان تقدر توقف سيارتك فيه ويكون آمن ومظلل ؟؟؟

[بندر.]

مافيه الا مواقف المطار اظمن له

والحافظ الله وانا اخوك

[الشقردي 999]

يدخلها في بيته
ولا في مواقف المطار

تقبل مروري

[برج الشنانة]

مواقف المطار افضل شيء

[لاتكب البيالة]

مواقف المطار اضرب 48*15 = 720 ريال
ماله الا يشوف احد يوقفه عنده بالحوش

[محمد آل مغيرة]

يا شباب يقول ( 15 )يوم ومواقف المطار بدراهم ماهيب بلاش

والله لو اني ساكن في دور أرضي وعندي حوش لخليها عندي في الحفظ والصون وأرقد بعد عندها

وأحسن حل دور حولك واحد من الربع يشتغل في أحد هالوزارات أو الادارات الكبيرة ولبقها عنده في العمل ظل وحراسات يا مال العافية

الا ما ياخذني خويك معه في سفرته .......هههههههههههههه الله يرده بالسلامة

[الطا مس]

يشوف احد اقرباه اخوه ابوه عمه خاله الي عنده كراج ويوقفه عنده

[فتى العارض]

شكرا لتفاعلكم الكريم ,,,
وبنتظار المزيد

[خشم الرثمه]

أقترح / أنه يدخلها للوكاله بحجة طلب التشييك...

وبيعطونك موعد بعد يومين أو ثلاثه أيام...

وأنت إنسى الموضوع 15 يوما حتى تعود من السفر:good2:

[عشقي الباترول]

خلية يدور معرض سيارات ويعرضة عندهم
بقيمةاكثر

[أبو هاجوس2000]

أنحش عن مواقف المطار . لان السيارة تكون معرضه للسرقة . حيث أن موديل السيارة حديث . وأنا رايي أنه يدور أحد يعرفه عنده موقف بباكية البيت . أفضل وأحسن وأضمن بأذن الله .

[فهد33]

أقول أنا من سكان الرياض وعندي مكان ممتاز مظلل وآمن بس يعطيني دوره أبطلع عليه كشته

[فهد773]

اي واحد يقرب له ولا مواقف هايبر بنده ولا التميمي

[تناهيت]

خلية يدور معرض سيارات ويعرضة عندهم
بقيمةاكثر

خخخخخخخخخ والله انك جبتها يا ذيبان :D

اسمع اخوي عندك اسواق السدحان على الملك فهد على كيف كيفك اذا بغينا نكشت اخوييا ما يوقفون مواترهم الا فيه لأن وعدنا دايم عنده نتقضى منه ونكشت خميس وجمعه وامنه وعلى الشارع :D لا تعلم احد تكفى عن المحل :(

يروح ويرجع بالسلامه ........<الا ورى ما يخليه عندي ببلاش :good:

[التركوازي]

يااخي يخلي اخوه والا ابوه ولاولد عمه يوديه ويرجعه بعد 15 وان كانه خايف من منت احد يعطيهم 200 للروحة و200 للعودة وانتهينا

[شمالات نجد]

حسبي الله ونعم الوكيل

ما ألومه الدنيا صارت تروع الله يكفينا وياكم الشر

اقتراح أحد الاخوان بمواقف العمل ممتاز

سلام

[ابوحسن ...]

موقف المطار صح غاليه لاكن يضمن الموتر بعد الله من السرقه

[Magellan]

مواقف السدحان او بنده او كارفور
انا برأيي لو يشوف له عامل ينظف السيارات يقول له ويتعاقد معه اسبوعين مثلا بـ30 ريال
عشان تصير السيارة نظيفة ومايندرى انها موقفه على طول
وياخذ رقم جواله واذا وصل يحاسبه افضل طريقة

[ابو سلطان1234]

ليس صحيح ان مواقف المطار آمنه لأنها ممكن تسرق وأما الوكالة فما يحتاج احد يعلق والله يفكون السيارة وتستلمها ما تدري وش اللي غيروه فيها وأما المعارض فممكن يكون حل مناسب إذا كان يعرف صاحب معرض والأفضل مواقف أحد الوزارات .

[كم كيلو باقي]

اسواق غرناطة بالدائري الشرقي وانت متجة للمطار بعد مخرج 9 عاليمين

وفيها اماكن مضللة .. وقبل مايروح يقول اللهم اني استودعك سيارتي فاحفظها بحفظك واحرسها بعينك اللتي لاتنام

والله اني مسافر ومخلي موتري بمواقف المطار وقزازة الراكب مفتوووحة كاملة ( ناسيها ) .. وراجع وهو زي الحلاوة الحمدلله والسبب أني قلت الدعاء

[القلب المحروم]

جبها عندي بالبيت وابشر بحفظها

او

كانك تعرف احد اصحاب المعارض اتفق معه وعطه شي رمزي

او عندي لك محل فلته

رح لمواقف جامعة الملك سعود حقت المستشفى ووقفها
هناك الناس هناك رايح وجايه ومواقف مظلله وعلى كيف كيفك وانواع الحراسات

مع الدعاء

[omar 3]

مواقف السدحان الي على طريق خريص


وخلها واقفة عند الطريف ماحد بجايها بأذن الله

[المهند511]

خلة يوقفها عندي ههههههههههههه في الاثمامة اطعسبها امزح ان جت عندي اموت ولا يجيها بلا

[N-xterra]

ماشاء الله

أتوقع اللي قدر يشتري فكس آر 2010 يقدر يدفع ال 720 ريال تبع مواقف المطار

أنا سافرت مرة من الكويت و وقفت سيارتي في مواقف المطار واليوم ب 3 دينار أغلى من السعودية ودفعت أظمن لي

تحياتي

[faris2006]

يخليه في البيت ويجي على الطيارة او النقل الجماعي او ليموزين

[faris2006]

ماشاء الله

أتوقع اللي قدر يشتري فكس آر 2010 يقدر يدفع ال 720 ريال تبع مواقف المطار

أنا سافرت مرة من الكويت و وقفت سيارتي في مواقف المطار واليوم ب 3 دينار أغلى من السعودية ودفعت أظمن لي

تحياتي
1000 ريال مش مهمه , المهم السيارة
مواقف المطار غير مضمونة
الشركة او المسؤل عن المواقف يخلي مسؤلية عن السيارة ومحتوياتها
ممكن خلال 24 ساعة تسرق
تسرق السيارة عند الباب