سؤال لمن يملك سيارة الفخامة تندرا ، او من يعرف عنها شي ؟؟

[سفير الجزيرة]

السلام عليكم

نعود مرة اخرى للحديث عن التندرا

انا بيني وبينكم انهبلت في هالموتر ما ادري ليش !!!

وحاب اسال لاني صرت اشوفه بكثرة في السعودية

عندي سؤالين

كم سعره ؟

قطع الغيار مو موجودة هنا بالسعودية ، هل تركب عليه قطع اللاند كروزر ؟؟


ياليت من عنده خبره او يعرف احد معه تندرا يفيدنا


الدراااااااااااااااهم جاهزة بس نبي خبر ينفع @@@@@

[تناهيت]

هلا بك ينزل عليه مكينتين وثلاث فئات او درجات مختلفه يجي غمارة وغمارتين وغمارة ونص ومقاسات الحوض تختلف فيه قصير وطويل مثل الجموس :l


المحرك الاول 6 سلندر على ماأعتقد نفس مكينه الــجي اكس آر 4 لتروعليها :)
المحرك الثاني الجبار 8 سلندر 5700 سي سي قوته مثل مكينة السكويا وهذي متأكد منها :good:
مانزله ولا وكيل خليجي للأسف الشديد وهذه استراتيجيه خلفها هدف وهو عدم التأثير على الهايلوكس وتسويقه من وجهه نضري الخاصه
الموتر جبار استمتعت بقيادتة في الامارات قبل شهر تقريباً وكان يملكه صديق لي من الامارات ويمدحه كثير طبعاً الــ8 سلندر سعته الداخليه كبيرة جدا مثل السكويا ..


ووش بعد ايه تحصله في معارض الأمارات بكثرة ومن موديل 2006 متوفر عندهم وحتى لو بغيت جديد اصفار تحصله عندهم فيه معرض مريت عليه متخصص في التاندار (المعرض موقعه في معارض منطقه العوير -دبي )
الفل كامل جديد اصفار غماريتن سعره فوق 200000 درهم والعادي تحصله بالميه واربعين الف درهم اتكلم هنا عن الجديد والمستعمل فيه بــ70 وفيه بــ80 وفيه بــ100000 الف درهم على حسب المواصفات والنظافه والموديل .
قطع الغيار في الامارات متوفره على حسب افادة صاحبي هناك لنه منتشر عندهم بكثرة وخاصه في ابو ظبي مع المواطنين ...


انا اتوقع ان قطع السكويا وخاصه الميكانيكية منها تركب 100% لانه مقارب له في الشكل والمواصفات .


انصحك تمر الامارات اذا بغيت تشتري ......<ولا تآخذ غير 8 سلندر:good2: واستمتع
اول مره شفته في البر كان في التمير اذكر كنت كاشت حول تمير ومر علينا واحد يسأل عن شعيب :D


تحياتي

[سفير الجزيرة]

تناهيت

الله يجزاك خير ويثيبك ،، عز الله إنك كفو وبس .

والمشكلة هالحين في قطع هالغيار ، خاصة الاشياء الاستهلاكية مثل الفلاتر والبواجي والفحمات والسيور والامور هذي ،، إذا اكنت متوفره هنا بالسعودية حلو .

وحلووووووة كلمة تمير أجل الرجال في ديرتي وانا مدري !!!!

[ولد وايل..]

يارجل

لا تتوهق خذها نصيحه!!

والله تشتريه بمبلغ همن تتوهق...

التندرا انا شفته مع واحد من العيال لما يمشي تشوف الحوض يرقل !! وكاله طبعا مهوب متفكك بس (ركيك)

وبعد تتوهق بالوكال ماتستقبله...


خذ لك اطنخ 0250-3500جمس ولا أف 350 فورد...

أنا مااهين التندرا لكن لاتكون أنت تجربه خذ مجرب أفضل لك...


واخوي تناهيت ماقصر

[باوزير]

القير و المكينة نفس السيكويا اللهم البدي غير يعني ما تحاتي الفلاتر و البلاكات و السيور

[hashel]

<?xml version="1.0" encoding="windows-1256"?>
<message><![CDATA[
السلام عليكم

نعود مرة اخرى للحديث عن التندرا

انا بيني وبينكم انهبلت في هالموتر ما ادري ليش !!!

وحاب اسال لاني صرت اشوفه بكثرة في السعودية

عندي سؤالين

كم سعره ؟
شاريه 110000 درهم باب ونص اللون اسود موديل 2009 ST5 بس للعلم اشتريته من واحد من الربع بس سعره في السوق في حدود 135000 الي 130000
قطع الغيار مو موجودة هنا بالسعودية ، هل تركب عليه قطع اللاند كروزر ؟؟ السعوديه ما ادري بس الامارات متوفر وبكثره والاهم من ذالك قطع غيار السكويا ميه على ميه وعن تجربه


ياليت من عنده خبره او يعرف احد معه تندرا يفيدنا
طلعت عليه الي مكه مع الاولاد من العين مرورا بابوظبي والي البطحاء وعبيت بنزين من العين ومشيت عليه في حدود 460 الي 480 كيلو و على سرعه 140 والفول ماله في الامارات تقريبا 120 اما في السعوديه ما يتجاوز 50 ريال

القوه + الفخامه والشهاده لله ما عليه كلام والسياره المفضله عندي والمكينه 5700 مكينه اللكزس
وللعلم فيه ثلاث انواع ST5 و تى اااار دي و لميتد
الاغلى لميتد كراسى جلد وشاشه مواصفات شى راقي بس حتى الفئات الثانيه مواصفاته شى راقي
واي شى تبااااااه ونقدر عليه حاظرين

الدراااااااااااااااهم جاهزة بس نبي خبر ينفع @@@@@]]></message>

[سفير الجزيرة]

اخوي ولد وايل

كل له وجهة نظر ن وانا نظري على تويوتا ،، لاني جربت اغلب السيارات وتبي الحق صحيح إن الصناعات الحالية اغلبها ردي لكن تويوتا افضل الموجود مهما كان .
ولك مني الف شكر على النصيحة


باوزير

الله يعافيك يا ربي على المعلومة
شااااكر مرورك وإفادتك



هاشل

الله يثيبك مثل ما افدتنا ونفعتنا بالمعلومات هذي ، ويكفي إنك انت اللي مجرب بنفسك الله يجزاك خير
وماتقصر وانا اخوك
بيض الله وجهك

[عبدالرحمن1980]

يا اخوان كم سعر 6سلندر