ودي اشتري لولدي ساكتون انصحوني....,,,

[ابو سليمان95]

عمر ولدي 10 سنوات ومشغلني يبي ساكتون
ابي من الخبراء وش النوع المناسب له
وكم سعره
وين يباع
وجزيتم الجنة.......,,,,انا من سكان الرياض

[قناص الاما]

يشرفني ان اكون اول من يرد عليك انصحك تشتري من شركة قامو الاسبانية ماركت شادوماتك سعرها 980 يجيك معاها سكين رصاص جفير من الرماية وهي عند ولد عمي و هي 100%100
و الله يحفظلك ولدك

[بن معدل]

اشتر له 27 المانية سعرها 1000 عند الرميح

[الذيب الاغبر]

27 28 نوركيا اسبانيه سعرها 700 عند صاب

[الحنكلي1]

مشكووووووووووووووور

[بريداوي اصليm]

أشرلوه من المقاسات الصغيرة 27 وتحت
وأنصحك بالفايروخ
الله يخليلك ولدك والله الله بالتحذيرات لأن سنه سن لعب

[عاشق الفتك 20]

احسلك تشتريله ديانا 27 وتحت بس اهم شي ديانا
قوويه شوي وخفيفه ووتتحمل الطيحاات وتكرف

[صقار الخرج1]

خذلك 27وريح بالك سعرها700

[بدون عضويه]

لا هو عفش خذله الماني
ولو هو راكد خذله قامو شادو خفيييييفه واذا كبر تكون مناسبته لانها قوبه

[حزوبر]

السلام عليكم
الله يخليلك وليدك ويحفظه
يا وخيي حاول انك ما تشتريله ساكتون أخاف عليه يذي فيها أحد
وإن كام ولا بد من هالساكتون دور لك أضعف الأنواع مثل 27 وياليت تكون فيبر علشان تكون خفيفه في يده
أسأل الله أن يحفظه منها ، ويحفظ عيال المسلمين
محبك أبو يزيد

[maamsh77]

أهم شيء تعلمه معنى السلاح و قيمته عند مالكه و كيف يحافظ عليه

و مدى خطورة السلاح مهما كان و متى يستخدمه

و الله يوفقك

علموا أولادكم الرماية و السباحة و ركوب الخيل و مروهم فليثبوا على الخيل وثبًا

[لاحوق السليمي]

الله يخليه لك ويحفضه من هسلاح اشترله 27 مناسبه له

الله الله مني اسئلك بشفاء العاجل ليزيد وقر عين والديه به

[م الشهري]

و الله يا أبو سليمان صعبة تشترى له سلاح خاص به ،،،

ولدك الله يحفظه في سن ممكن ما يقدر خطر السلاح ،،،

لكن اشتر له سلاح ويكون معك ،،، بمعنى من يلمس السلاح الا وأنت معه ،،،

مهما قل نوع السلاح وقوته يبقى سلاح واستخدامه دون تقدر ،،،

سوف يأتي بما لا يحمد عقباله ،،،

[omar salman]

أصغر البنادق القوية نسبياً
هنتر 440 الموديل الأخير
بحجم البرنو التشيكية تقريباً
وعندي وحدة لها سنة وباقية
أخت الجديدة بتصريحها
الحمام ما يعوق معها
وهي نفس قوة الشادو
لكن نصيحة أي بندق
تبيها له خله يروح معك
للمحل يجرب كسرتها
وحملها بنفسة .
وانتبه وانا أخوك
لا ستخدامه لها
الي بعمرة فيه
خطورة عليه
وعلى الي حوله
الله يخليه لك
ويحفظنا وإياكم .

[ابن مجدوع]

اخوي الله يطول عمرك .. الولد باقي صغير .. والبندق كلنا نعرف مخاطرها !!
لو تخليه يكبر شوي .. والله يصلحه ويخليه لك ..
تحياتي لك !!

[مطارد القمري]

وعليكم السلام

اخوي انا من رأيي انك تشتري له
شوزن ام حبة امريكيه وعطه فشق
40/4 تحت الصفر وخلها تر جفه صح
ها ذي وجهت نظري ونصحك تسمعها





ههههههههههههه
اخوي امزح معاك لطلع روح ولدك الله يحفظه لك مو من بكرى
تشتري شوزن وتعطيه
انا انصحك 28 ديانا هي الافضل من وجهت نظري

اخوك / مطارد القمري

[Abu Sary]

أنصحك تشتريله جميع الاسلحة ، تخبر بكرة النهار ، ودك تروح ولا تحصل أحد يصيدلك علمه لعلى وعسى ربي يصلحه وياخذك معـه يكون رضي .. ههههههههه{ عزابي يفكر مستقبلاً}.


الله يصلحه لك يارب ،

بس الله الله أحرص على البندق ترى الاسلحة ماهي لعبة ، لاتخليه ياخذها لحاله واحتفظ فيها زين عنه ..



بالتوفيق للجميع يارب ..


















( اللهم حسن الخاتمة )

[سناوعيس]

هلااااااااا الله يصلحه قولوآمين

نصيحة اخوك
صحيح الاسبانيات خفيفات بس مو عمليات

انا شريت قبل كم سنه ديانا 20 من محل الهدف بشارع التخصصي بالرياض تقريبا شريتها بـ600 او 500 نسيت تخبر الشوف شجر ههههههههههههه اقصد الذاكرة لك عليها مركب ذاكرة ضب خخخخخخخخخ انتبهو لاحد يغرقني هع

[الوحش100]

الولد ما زال صغير انتبه وانا خويك الوحش

[عاشق 2المقناص]

اشتر له فايروخ مقاس 35 من الرميح

الله يحفضه لك

تقبل مروري

[بدون عضويه]

خذله بازوكه ولا كلاشنكوف ولا نبيطا ترى متقاربه في القوه
النبيطا خذله فشق 4.5من قامو الالمانيه
هذا رايي



ولا اذا ما ناسبك خذله ديانا 20

[النياش]

نصيحة اذا الله كتبلك وشريت البندق لا تخليه يقنص لحاله لازم تكون مراقبه والا شيله . معاك وخله يرمي لين تبرد كبده

[اهل الردات]

خذلك 27وريح بالك سعرها700

[shooter1000]

السلام عليكم
الله يخليلك وليدك ويحفظه
يا وخيي حاول انك ما تشتريله ساكتون أخاف عليه يذي فيها أحد
وإن كام ولا بد من هالساكتون دور لك أضعف الأنواع مثل 27 وياليت تكون فيبر علشان تكون خفيفه في يده
أسأل الله أن يحفظه منها ، ويحفظ عيال المسلمين
محبك أبو يزيد

كلام سليم 100%

[hgrkhw]

هوطلب لانك ماتوديه كل ولاكل شهلرين للبر وتخليه يرمي رصاصه ولا رصاصتين بالساكتون ولا الناريه وخلاص وحاول انك تشيل هالفكره من راسه

[ابو سليمان95]

اشكر الجميع على النصائح الطيبة التي استفد منها كثيرا........
علما باني لن اتركه يرمي لوحده إن شاء الله

[حرف الـ ع ـين]

اشتر لك من الرميح احسن شيء عندكم بالرياض

خذ لك 80 المانيه لك والزمن بس انتبه تعطيه ولدك لانه صغير

اذا بغاها اطلع معه وخله يصيد وانت عنده ,...

الله يسسسسسسسسستر عليك

[عطيب المضارب]

خرعتوا أبو سليمان جزاكم الله خير :d

[ابو دعيع]

الفيرواخ 35 أفضل شيى

[ابو دحيم]

اخووي ابو سليمان

تبي افضل سكتوون تناسب عمرره وساكتوون تككد معه وبيكبر انشاء الله

وهو يستخدمهاا .

عندك الفايروخ 25 . صناعتها المانيه وقوتها حليوه وحجمه حلو

وبتصلح له انشاء الله ..

واهم من هذا كلله لا تخلي الولد يطلع يرمي لحاااله مهما كاانت الضروف

ولا تخليه يستخدمهاا داخل المدينه أو حتى يفكر انه يستخدمهاا

وحااول تعوده دائما بان استخدام السكتوون في البر بس ...

[talak511]

عليك بالقامو 27 سعرها حول 700 ريال
وتراها عملية

[دايم الخير]

نصيحتي لك ان تهدية المقاسات الصغيرة بغض النظر عن نوع الشركة

وقبل إهداءه لابد من تعليمة طريقة حمل البندقية الآمن .. و كيفية التصويب

و المحاذير عند التصويب .. و الانتباه لما خلف الهدف و نوعه!

بارك الله بك

[المتفاهم]

الله يخليه لك ويصلحه.
اذا كان صغير انصحك بالاسبانيه 27اللي انصابه بلاستيك خفيفه وعمليه وتصلح للتعليم .

[ابراهيم السهو]

السلام عليكم ورحمة الله وبركاته
الله يخليلك ولدك
لاتترك الساكتون
ولا تخلية يقنص بلحالة
انا عندي جامو 27 خفيفة وحلوة
بس الوزنية تتغير بسرعة
فك البر غي حق الوزني وركب برغي اصغر شوي(قصدي الي فوق)
شريتهاقريب ب (700) او (750)
وقوتها حليوة





تحياتي

[عاشق بلجيكية]

اخوي اذا كان للفاضي خذلة اسبانية فيبر 25
اما اذاكان للصيد واذاصار جلف مثل اخوي خذلة المانية ديانا 25تراها تصبر اكثر

[أنا الذي...]

أخوي الله يبارك في ولدك
وأنصحك تاخذله أسبانية مقاس صغير لأنها خفيفه
وأما أنه صغير
فأنا ومنذ أن كنت أصغر منه سنا كنت أذهب للمزارع للصيد.
بس لازم تعلمه مخاطر السلاح وطريقة حمله.

[عاشق بلجيكية]

عطة ساكتونك وطلع معة وكل ماقعد قلة رح يحلف مايطلع مرة ثانية
امزح خذلة اصغر مقاس ومهما كان صغر المقاس تعتبر خطيرة اخوك /عاشق بلجيكية

[الحمض]

انا مع كلام اخوي ابن مجدوع والصبر زين

[نجدالنجود]

ان كانك تبي ساكتون تدريب اشترله 27 المانيه وان ان كانك تبي ساكتون صيد اشتر 35 اما عن الاسعار والله مدري

[DRAKOLA]

الل يخليه لك ويحفظه ان شاء الله انا اشوف انه 10 سنوات ما شاء الله رجال اهم شي تعطيه الثقة في نفسه وكيف يقدر يتحمل مسؤلية السلاح