كفرات هنكوك (hankoock) استشاره يالنشاما

[اسيزو 4x4]

السلام عليكم ورحمه الله وبركاته

ابي استشيركم يالغالين :)

ابي اشتري كفرات للموتر هنكوك مقاس 245 / 75/ 16 نقشه مربعات اللي يشبه نقشه الميشلان

هل هو ممتاز بالنفود ;) ومريح بالخط :hot: لان في ناس مدحوه لي :what: ولكن قلت مالي غير الله ثم

اهل مكشات اللي يدلوني على الزين :good:

واللي عنده علم عن كفرات ممتازه للنفود ومريحه في نفس الوقت لايبخل علينا الله لايهينكم :) ;)

تقبلوا خالص تحياتي


ابوحمود

[حرباش]

اخوي الإسيزو عساك على القوه ان شالله
بالنسبه للهنكوك ماعندي علم فيها
بس اشوف اكثر الشباب يركبون نوع اسمه شاهين ويمدحونه للرمل وللخط
وانت شوف اللي يناسبك وبالتوفيق

[Bader-M]

hankoock

هذه الكفرات

كويسه ورخيصه


توكل على الله

وشترها

[الوشاح]

اسيزو 4x4

انا جربت الكفرات هذي , الصراحه جيده

مشت معي100الف كلم بدون مشاكل

كنت اركب يوكوهاما لاكن الحين غيرت للهانكوك

وهي لينه بالحيل وممتازه بالنفود

وفيها الخف يعني ماتخاف تثقل على السياره

انصحك بتركيبها.......

وإذا عندك اي استفسار لاتتردد.......

[ساكن البراري]

أخوي ايسوزو4*4
السلام عليكم ورحمة الله وبركاته وش لونك أخوي عساك طيب

بالنسبة للكفرات الهانكوك أو غيرها يعتمد بالدرجة الأولى على مشاوير الشخص نفسه وبعدين على حسب تعاملك معها وأهتمامك بها من قياس ضغط الهواء وسلامتها من الإصابات بالمسامير وغيرها :butt3:
والهانكوك من الناحية المادية رخيصة ومن ناحية العمر قصيره إذا كانت مشاويرك تعتمد على خطوط طويله كأن تكون راعي سفريات واجد بالقوايل :burnout2:
وللمعلومية أنا ما أستخدم غيرها لسيارة الكشتات >>> لا تخلينا يا ولد الكاش سيارة للكشتات وسيارة للمشاوير هههههههههه
المهم سواء شريت هانكوك أو غيره أهتم بالدرجة الأولى على مواصفات الكفر المطابقة للجو اللطيف اللي بالسعودية وأهم شيء أنك تاخذ كفر يتحمل السرعات الزايدة يعني يصير عليه رمز(V) أو (H)

وأعذرنا على الإطالة

وعساك على القوة

[الدبل الثقيل]

ياخوي هنكوك ممتازه بشرط تنتبه لعيار الهوا خصوصا اذا كان ممشاك على حصى تزود الهوا شوي ..انا كان معي هايلكس مركب عليه 215 / 75 / 15 هنكوك جراندي مشيت عليها 100 ألف كم وبعت السيارة والكفرات نظيفة يعني تمشي 10ألاف ... والله يوفقك

[اسيزو 4x4]

الله يجزاكم ألف خير

حيا الله الغالي حرباش

والله أنك صادق الشاهين ممتاز بالحيل بالنفود ولكن يلعب بالموتر و يتعبة

يعطك ألف عافية على ردك الكريم يالنشمي :good2:


حيا الله الغالي طاير بالعجه

والله ونعم النصيحة يالنشمي وإنشاء الله بركبها قريبا

مشكور على مرورك الكريم يالنشمي :good2:


حيا الله الغالي عريفجان ساحوق

حياك الله يالنشمي :good2:

دايم سباق على الجميل والنعم بك وأنشاء الله بركبها

لكن الله لا يهينك عندي أستفسار ( معليش بثقل عليك :D ) كم تحط الهواء بالكفرات إذا تبي تمشي بنفود؟؟؟؟؟؟

وهل يصلخ بسرعة :burnout2: ؟؟؟؟؟؟؟

وهل هو ألين من اليوكو ها ما ؟؟؟؟؟

والله يجزاك خير


حيا الله الغالي ساكن البراري

حياك الله ياولد الكاش :D هههههههه

والله ونعم النصيحة يالنشمي والله يجزاك خير

والله أنك كفيت ووفيت يالغالي :good2:


حيا الله الغالي الدبل الثقيل

مشاء الله 100 الف :good: والله دخلت الهانكوك مزاجي :hot:

والله يعطيك ألف عافية ونعم النصيحة يالنشمي

ومشكور على مرورك الكريم

[الوشاح]

هلا وغلى بالسوزو على الرحب والسعه يالغالي

واستلم الردود

كم تحط الهواء بالكفرات إذا تبي تمشي بنفود؟؟؟؟؟؟

بالنسبه للهايلكس احط هوا الكفرات 10بس لاكن ماتاقف ابد!!

السوزو علشانه دبل اشوف 15او20هو انسب شي

وهل يصلخ بسرعة ؟؟
ابدا ماسمعت انه انصلخ مع احد واطمنك الشباب عاجين فيه ولايركبون غيره للهايلكسات والجيوب لانه لين بالنفود

وهل هو ألين من اليوكو ها ما ؟؟؟؟؟
اكيد والفرق واضح


والله يجزاك خير
وياك يالسنافي :)

نحن بالانتضار لأي استفسار :p

[الربذي]

يامرحبا الف !! باخونا الغالي اسيزووووو
شف اخوي كانت معي مورسيدس كفراته مشلن بعد ماانمسحن ركبت هانكوك ضمان سته اشهر ومعي مثل الحلاوه لاسلخ ولاشي و وبعدين فور رنر جنط 16 وركبت هانكوك وعطوني ضمان اضن سته اشهر وتصدق سنه ونصف وهي الي قعدت عندي السياره وبعتها وهن تمام حتى البنشر مابنشرن !!ماشاء الله وسياره ثالثه وبعد تمام بس فيهن عيب خطيييييييييييييييييييييييييييييييييييييييييييييييي ييييييييييييير يزلقن مع المطر وكدت اجيب العيد في لفه او يمكن اني ضحكت من واحد زحلق قدامي لكن ستر الله عليه وعلينا اللهم لك الحمد ومن استعمالي لهن انصحك بهن لانهن رخيصات وخصوصا اذا اشتريتهن من موزعهن الرئسي في مدينتك لاني لقيتهن عند محل لكن اشتريتهن من الوكيل عندنا وفرق معي 120 ريال طبعا بعد التركيب ويكفي فقط شهادت اخونا ومشرفنا الي له باع طويل في مثل هالمور خبره
اما بالنفود فانهن لك عليهن الا تبي تحط فيهن عشره فقط تمشي تمام
اخوك ومحبك (الربذي )

[اسيزو 4x4]

حيا الله الوافي عريفجان ساحوق

والله أني مستحي منك وكلفت عليك :p

والله أنك سنافي ونشمي

أسمحلي بسؤال أخير ( اكيد بتقول وش ها النشبة الفاضي اللى ماعندة شغلة ولا مشغلة وباذنا :p ) ولكن

أقدم إعتذاري لك ;) :) :p

هل الهانكوك الذي أستخدمتة نقشة مربعات مثل هذي

يوجد صورة :

http://www.mekshat.com/pix/upload/images8/mk6834_HGGGG.jpg


أو مثل النقشة الناعمة التي تعرف بأسم بالقراند


حيا الله الغالي الربذي

والله أني مستانس من شوفت ردك يالنشمي

وصدقت الهانكونك ممتاز ومادام الاعضاء الغاليين وأنت تمدحونها بطبح ونا مغمض

ومشكور يالغالي على مرورك الذي زاد الموضوع أشراق ونور ....

[الوشاح]

تراك طولتة :mad:

ياخوي النوع الي استخدمته هو القراند <<<اقشر :D

وحلفت عليك إذا عندك اي سؤال تسأل بدون ماتنحرج

حنا كم سوزو عندنا؟ :)

[اسيزو 4x4]

حياك الله يالنشمي عريفجان ساحوق :good2:

والله أنك ماقصرت وجمايلك علي واجد وإنشاء الله أقدر أردلك ولو شي بسيط يالغالي

والله ماعد عندي سؤال :D :D

والله يكثر خيرك ويجزاك خير الصراحة أنت كذا :good2:

والله أني عاجز عن شكرك يالنشمي

وتقبل خالص تحياتي أخوك أبو حمود ( تحت أمرك أذا تبي أي أستفسار بالسيارات ترى أخوك أبو حمود خبرة ;) :D )

. :heart: :heart:

[محمد حمد]

الهنكوك ممتاز وخدوووووووووووووم وجربته في البر وخاصة على الحجره يناسب معها لأنه لين وسنة واربع وشهور وهو في البر وماشية الكفرات سليمه إلى ان تقطعت من الحصى لكن ماطلع الهواء منها وغيرتها وركبت نفس الكفرات ولا تركب إلى من الوكيل مباشرة احسن لك واضمن لك من المحلات الي يتعاملوون بالغش ...!!

[اسيزو 4x4]

الله يعطيك العافية يا محمد حمد والله أنك صادق الوكيل أضمن

عندي سؤال لا هنت هل هي ممتازة بالنفود ؟؟؟؟ وهل يحتاج لها تنسيم ؟؟؟

[ظلال الشمس]

يا اخوي لاتردد توكل على الله انا مجرب النقشة اللي تقول في موترين سفاري وباثفايندر زي الحلاوة والسعر ترى ماهوب هاك الفرق اللي يروع وتقبل تحياتي

[نمر بن حثلين]

يا اخوي لاتردد توكل على الله انا مجرب النقشة اللي تقول في موترين سفاري وباثفايندر زي الحلاوة والسعر ترى ماهوب هاك الفرق اللي يروع وتقبل تحياتي

اخوي اذا ما عليك كلافه كم المقاس الي ركبت على الباثفايندر وهل حسيت فرق عن البرجستون شد بلد ؟

[اسيزو 4x4]

أخوي الغالي والنشمي ( ظلال الشمس )

يعطيك العافية يالنشمي واله الكفرات ممتازة ولكن ما أحد قالي هل تحتاج تنسيم واجد بالنفود؟؟؟


نمر بن حثلين حياك الله يالغالي ...

[ظلال الشمس]

اخوي الغالي نمر بن حثلين
السلام عليكم وش دعوة يا هالكلافة الله يهديك

المقاس اللي على الباث فايندر كان 255/70/16
وبالنسبة للفرق في الرمل تفرق واجد اما في الخط كن البرجستون أخف يمكن عشان المقاس اصغر 245/70/16

ــــــــــــــــــــــــــــــــــــــــــــــــــ ـــــــــــ

أخوي اسوزو 4×4
الله يعافيك
التنسيم لابد منه أنا جربتهن فيهن 30 ياكود تجر على الموتر شوي ولا كل شئ يطلعه يبي له مسايس شوي يعني مقارنة بالبرجستون البرجستون تقعد تحفر في محلك ما تتحرك
لكن مع اليوكوهاما والمشلان عز الله انهن ممتازات في الرمل لاتنسيم ولا غيره لكن كلشن له عذروبه .
أفنيت لي طقم على السفاري زي الحلاوة رمل وحصى قطعت بهن شئ ما ينوصف .
ما أطول عليك أنا أنصح بهن للي مشيه بر واجد .

[نمر بن حثلين]

ظلال الشمس بارك الله فيك ولاقصرت يا غالي
ويبدو لي ان موترك من الموديلات الاوله ( حبيب كل كفر يركب عليه )
اما موتري من التاليات جنط 17 ( علة مطاوله كفراته نادره )
جزاك الله خير



الاخ اسوزو
حياك الله يا غالي
وخابرك تدور ورشة الحسون انت عرفت وصفها ولا اوصفه لك ياخوي ؟

[اسيزو 4x4]

الغالي ظلال الشمس

الله يعطيك العافية والله ماقصرت ولكن عندي سؤال معليش أكيد أني غثيتك الميشلان اللي تقول عنة موجود عند الجفالي ؟؟ ميشلان فرنسي ؟؟؟


أخوي الغالي نمر بن حثلين

الله لا يهينك يالنشمي والله أني مكلف عليك أبي وصف مكان ورشة الحسون يالنشمي أذا ماعليك أمر يالغالي

[عاشق4500]

طيب ايها ازين الهانكوك ولا الدنلب على هايلكس دفرنسين مقاس 245-70-16

[اسيزو 4x4]

أخوي الهنكوك أزين من الدانالوب على الهلي لانها ليينة

[نمر بن حثلين]

وصفها ياطويل البقا والسلامه

الا صرت جاي من بريدة ودخلت عنيزة وجتك الساعه لف معها يسار واتجه شرق ( الشارع هذا اسمه طريق الزلفي )
بتجيك اول اشاره تعداها وتجيك ثاني اشاره تعداها وثالث اشاره بعد تعداها
وتجيك رابع اشاره لف معها يمين وامش تقريبا ميتين متر وبتلقى الورشه على يمينك ولها لوحة كبيرة واضحه

[اسيزو 4x4]

طول الله عمرك بالطاعة يالنشمي قل آميين

والله انك نشمي وما قصرت وجهك ابيض

وتقبل خالص تحياتي والله يوفقك ولا يرك مكروة




.

[ظلال الشمس]

أخوي اسوزو 4×4
هلابك والله
صحيح فرنسي وانا خذته من الغرابي ضمان الجفالي

[اسيزو 4x4]

جزاك اله خير يا ظلال الشمس

[ظلال الشمس]

الله يحيك وحنا ترا في الخدمة

[اسيزو 4x4]

نشمي وراعي فزعة يالغالي ( ظلال الشمس )

تفبل تحياتي

[الوشاح]

مابطى الشنب يابو حمود :D

[ريف النشاما]

أولا --- أشكرك على إعادة الشنباوي

ثانيا -- مدري أنت ركبت ولا باقي

ثالثا -- الهانكوك ممتازه وأنا مجربها ومجرب البرجستون
البرجستون أطول عمر لاكن أقشر على السياره وفي الغراز

الهانكوك لين وممتاز مشاء الله عليه وسعره معقول

النفود اللي والطعوس والغراز أحط العشرين وأمشي فيه زي الحلاوة المصاص :D

[اسيزو 4x4]

السلام عليكم ورحمة الله وبركاته

حيا الله الغالي والنشمي أخوي ( عريفجان ساحوق )

الشنب مسبب زحمة أكيد !!! :D

تراة يا عريفجان ساحوق الفزاع بتاعي أشارة وهو طالعلك مع الشاشة ووأقفلك على الكيبورد :D (( أنتبة )) :D

مشكور على مرورك يالغالي



حيا الله الغالي والمشرف المبدع ( ريف النشاما )

أقتباس : أولا --- أشكرك على إعادة الشنباوي

لا شكر على واجب يالغالي وأنت تأمر أمر :D

بس تصدق والله ها الشنب مسوي لي هيبة بالمنتدى :cool: :D

ثانيا : والله يالغالي ماركبت ولكن مادامكم أنت وأخواني الأعضاء قلتوا وبصوت واحد الهانكوك ممتاز>>>>>

>> ماعاش من يردكم ولا يسمع شوركم يالغاليين الهانكوك وبس :D :good:

النفود اللي والطعوس والغراز أحط العشرين وأمشي فيه زي الحلاوة المصاص :D

:D الله يستر عليك يالغالي اضحكتنا بأسلوبك الممتع والشيق جزاك الله كل خير


ملاحظة : أعذروني على التأخر في الرد وذالك لسبب الأمتحانات بالجامعة وأدعولي بالتوفيق

[v..x..r]

يا خوي اسيزو ترى كفرات الهنكوك سمعت انها ممتازه لاكن انا ماجربتها يالطيب
لاكن التجربه خير برهان

اخوك v..x..r

[اسيزو 4x4]

السلام عليكم ورحمة الله وبركاته

حيا الله الغالي v..x..r

كلامك عين الصواب يالنشمي

والله يرزقنا والمسلمين اللي بة الخير ومشكور يالغالي على مرورك الكريم

وجزاك الله كل خير