خدعنني الوكالة مرتين واخشى من الثالثة فساعدوني مشكورين ؟

[اسلم]

السلام عليكم
اشتريت سيارة جديدة من الوكالة ( دون تحديد ) واشترطت عليهم عدم غسلها ومع ذلك غسلوها فانتابني وساوس بانها من سيارت العرض المعروضة في الصالة.

اشتريت اخرى ونفس المشكلة .

الان بمشيئة الله عازم على شراء سيارة ( الله يعز شركات التقسيط ) فكيف اضمن حقي وهو ( عدم غسلها ) لاضمن انها ليست من سيارات العرض المعروضة في الصالة ؟

مشكوريييييييييين

[ن م ر]

انت يوم تشتري السيارة تحدد سيارة بعينها والا تقول ابي المواصفات الفلانيه ؟؟


اذا كان سيارة بعينها رقم الشاص هو الفيصل بينك وبينهم ولا يقدرون يعطونك سيارة ما اخترتها وحددتها بنفسك

اذا كان الحالة الثانيه فهم بياخذون اطرف سيارة عندهم ويعطونك اياها ولا تدري هي من صالة العرض أو من مستودعهم اللي في قريح


من قديم الزمان كل ما بغيت اشتري سيارة من الوكالة اروح للمستودع واحدد سيارة بعينها واخذها بغبارها وقراطيسها


بالتوفيق

[اسلم]

مشكور يانمر

اذا هل من حقي اروح للمستودع واحدد اي سيارة ؟

[برايدوي عنيد]

هلابك اخوووي .....

صح انه قهر تصير من العرض لكن ماعندك مشكله ولااتوقع انه تفرق

ممكن انك مثلا قبل ماتاخذ السياره منهم تكوون حافظ اخر ثلاث ارقام شاص من

سيارات العرض . طبعا التغسيل زين لان بعض السيارات اللي تطلع تصير مرشوشه

ولاتبين ولايعلمونك وكثير صاارت وسمعنا عنه من نااس موثقين.

تقبل مروري .........

[اسلم]

مشكور اخي برايدوي

كما قال اخي نمر باذن الله ابروح للمستودع واحدد السيارة واسجل رقم الشاصي

[عميد سامودة]

بعضها يمسحونها بس لاتشك

[وسم27]

افضلك يغسلونها لكي تضمن مافيه خدوش ولا طقات

[ن م ر]

مشكور يانمر

اذا هل من حقي اروح للمستودع واحدد اي سيارة ؟




من حقك تروح وتختار السيارة اللي تبيها وتحدد رقم الشاص لأنه مكتوب في العقد ومكتوب في البطاقة الجمركية
وسيكتب في الاستمارة والموظف ما يقدر يمنعك تشوف سيارتك اللي انت دافع دراهمها من جيبك واذا قام يخربط معك رح لمدير المبيعات واشرح له الوضع المأساوي :D


ملاحظة / قد تكون المعارض أرخص من الوكالة بكثير وتشوف سيارتك وتختارها اسهل من الوكالة

اتمنى لك التوفيق ومبروك مقدماً

[نواف نجد]

لا والله من حقك تروح وتحدد السياره وتشوف وش ناقصها >>>>> وتاخذ الي استكراتها كامله والبغبار بعد حجرلهم قل لا تغسلونها:D:D :D :D :good2: :good2:

[Geladiatos]

وعليكم السلام ورحمة الله وبركاته.. " ماخاب من استشار "
بس ياليت لو تعلمنا أي وكالة أنت تبغى تشتري من عندهم؟.. حتى نقدر نساعدك بشكل أكبر .
تخبر الوكلات تختلف عن بعضها ( أصابع يدك ماهي سوا ) .

[((ابوملاك))]

طيب وش بهن سيارات المعرض ؟

المعروضه وش فيها

اخوي خذا اوريون 2009 كانت معروضه وما فيها شئ !

[ن م ر]

طيب وش بهن سيارات المعرض ؟

المعروضه وش فيها

اخوي خذا اوريون 2009 كانت معروضه وما فيها شئ !




المعروضه في صالات العرض في الوكالات اعتبرها مستعملة حتى لو انها اصفار :D
ياخي انت تشتري سياره من الوكالة يعني محد قد استعملها قبلك :D
لكن هذي ركبها قبلك 976938748374687 واحد :D
والبعض يعتبرها حقل تجارب ويفرغ فيها جزء من طاقته وهمومه ومشاكله النفسية
وتلقى ديكوراتها ملعوب فيها وازرارها وداخليتها مدهوكه دهك حتى لو لمعوها :D

[راعي السيل]

انا شريت سيارة جديدة من عبداللطيف جميل، وقالي الموظف ان السيارة في مستودع جدة، وشرطت عليه انها توصلني بغبار المصنع وبقراطيسه، ونشوف ان شاء الله عاد وش يصير اذا وصلت..

[((ابوملاك))]

ههههههههههههههههههه

لا يابعدي مافيها شئ

ابدد السيارة جدييييييييييده ونظيفه

بس راحت السيارة بحادث اصلا

[اسلم]

الله يعطيكم العافية جميعا وماقصرتم

[المساهر]

يكتبون بالورقه (( عدم الغسل )) اطلب كذا

[عبادييي]

طيب يا اخوان


مثلا

وكالة فورد يقولون بعض الالوان مو موجوده في الرياض لازم نجيبها من جده ويغال تنتظر تقريبا لا يزيد عن اسبوع.............


طيب في هذه الحاله شلون اعرف ان السيارة مو معروضه في المعرض وش يخليني اضمن

طيب يمكن يجيبولي وحده من معرض جده مثلا ولا وحده ثانيه من معرض اخر في الرياض معروضه في الصاله

ايس الحل مع هذه المشكله

علما ان السيارة فورد ..وش الحل

[المذ506نب]

خذها من معرض وفك عمرك ارخص واضمن وانت اللي تختارها

[عبادييي]

جواب يا شباب

[ولد وايل..]

اول شي الله يوفقك ويبارك لك ....


يارجل....لاتوسوس...

أولا مافيها شي لو كانت عرض...إذا سلمت من الخدوش...

ثانيه اذا غسلوها تضمن كونها افيها خدوش ولا تعرضت لبويه...

لأن الغبار ما يجي من المصنع يجي من التخزين....

ثالثا ان كانك ملللزم...

اشرط عليهم برقم الشاصي وفقط...


رابعا ..عندك سلف عشرة؟؟:d