طرمبة هواء

[راعي بر]

بسم الله الرحمن الرحيم

السلام عليكم ورحة الله وبركاته

يأخوان اللي يعرف طرمبة هواء زينة وتتفخ بسرعة وسعرها حليو لا يبخل علينا بمعلومات من عنده الله لا يهينه .


وله مني أطيب تحية وسلام .

[العيد]

شف وانا اخوك فيه ماطور هواء ولا احسن منه سريع وسعره 240 ريال وشغال معي اكثر من ست شهور وانا عرفته من الشباب لكن فيه عيب واحد انه ما يطول اذا سخن يتوقف عن العمل:D بس انا ممشي حالي لاني ما انقص الهواء واجد وبعض الشباب يركبون ثنين بس سرعته كويسه بالنسبه لغيره وحسب تجربتي يعبي لي كفرين تمام ويوصلهم 40 والكفر الثالث يوقف بنصفه ومثل ما قلتلك اذا تنسيمك للكفرات متوسط بيناسبك انشاء الله 000هو يجي بشنطه واللي حقه يجي ملفوف كنه ليات الفرامل حقت التريلات و لونه اصفر ومكتوب على الشنطه مؤسسة الشراع بالعربي او بالانقليزي ويجي باسعار اقل 180 لكن الافضل اللي بحدود240 والله اعلم

[راعي بر]

اشكرك على اجابتك .

ولكن هل اذا كانت السيارة لاندكروزر وتنسيمي 15 وانه ابيه يتفخها الى 40 هل بيمشيني وكم تتوقع يتفخ من دقيقة .


ولك مني جزيل الشكر.

[الخبير]

ارعص هنا (http://www.mekshat.com/vb/showthread.php?threadid=481&highlight=%DF%E3%C8%D1%D3%D1)

[راعي بر]

أشكركم على هذه الردود المفيدة والرائعة التي افادتني كثيراً .


شكراً جزيلاً لكما .

[العيد]

اصبر يرجال ما خلصنا هههههههههه شوف هذي صورته وما اظنه يفيدك كثير لانك تنسم للكفرات بالحيل وتبغى يرفعها الى 40 او انك تركب ثنين لانه هو ما يتحمل واجد عموما كل المواطير الصغار قريبه من بعض وانا جربت كثير والمشكله ان الكهرب اللي يجي من السياره ضعيف وما تقدر تركب شي قوي مره حسب سؤالي لكثير من الشباب والله العالم

اذا ما طلعت الصور عطني بريدك ارسللك عليه

[العيد]

انسخ الرابط والصقه بالمتصفح
http://mypage.ayna.com/mg111/l1.jpg

http://mypage.ayna.com/mg111/l.JPG

سويت لك زحمه معليش الصور ماطاعت تجي مدري الصفحه ذي بها خطأ بالتوفيق اخوي

[راعي بر]

ما قصرت الله لا يهينك وأشكرك على ردك الذي افادني كثيراً وابشرك الصور طلعت واضحة وحده منها .


وأشكرك أيضاً على توضيحك للرد بالصور .




ولك مني جزيل الشكر .

[خالدk]

فيه ماطور عند الرمايه بـــــــ340 تقريبا" جداا" قوي اقوا من ابو جمل: وهو صيني ولكم تحياتي

[مخاوي 2004]

والله ابوجمل ماغيرة ابوراسين قوي