وش أفضل شد السنيدي أو شد عروق الشمال؟؟؟؟؟؟؟؟؟؟

[شقردي ون]

السلام عليكم ورحمة الله وبركاته


تكفون ياهل الفزعات ويا أهل الراي السديد لاتبخلون علينا بآ رائكم وتوجيهاتكم ومشورتكم ونصحكم وإرشادكم

أنا ودي أركب شد على جمس حوض ومتردد أيهما أفضل شد السنيدي أو شد عروق الشمال

وكلهم في القصيم


(1)ماهي مميزات شد السنيدي ومميزات شد عروق الشمال
(2) ماهي مساوئ شد السنيدي وشد عروق الشمال
(3) وأيها أفضل الجلسة البارزة على الجانبين أو بدون
(4) هل له صوت أثناء السير ( يقرقع) له (قرقعة)
(5) وهل أركب بطارة زيادة ثانية أو مايحتاج

وأقبل أي إقتراحات أو توجيه أو نصيحة وجزاكم الله خير الجزاء

شقردي ون

[abuktab]

بالنسبة للافضل .. بالنسبة لي أنا من خلال الزملاء .. افضل شيء عروق الشمال ثم الاختيار بحايل الباقي مايمدح شغلهم .. وهالاثنين هم اللي لهم الشهرة بالشد ..


حبيبي .. شف هالموضوع يغنيك .. وهو للاخ سرهيد ...وعلى كلامه ان معه الحين جمس 2009 مركب عليه شد من عروق الشمال بعد ..



http://www.mekshat.com/vb/showthread.php?t=129027





بسم الله الرحمن الرحيم

تمهيد


ساكتب لكم في موضوعي هذا عن بداية فكرة اصلاح الشد للسيارة ولماذا وما الهدف منه ؟



طبعا بدأت فكرة انشاء مثل هذا الشد بعد ان رأيت سيارة لاخي والعزيز قلبي الضاحي ، حيث تشرفت بمعرفته ، ومثل معرفة ابو فهد عز ومعزة واقسم لو انها تُشترى لاشتريها ولو ادفع كل ما ملك .


عرفته ورأيت فيه البساطة والهدوء والتواضع في نفس الوقت .

مالكم بالطويلة ، قاعد امدح تقول عند باب الوزير ، بس تدرون والله ان ابو فهد عندي اطيب لي من الف وزير .


المهم تشرفت بمعرفته وكانت بداية المعرفة عن طريق طير شلوى ابو حمد راعي الهدد ، والطيب ما يجيب الا الطيب .


في احدى طالعتنا جاءنا ابو فهد بالشاص حقه ... وقد تفاجأت بطريقة فتح الشد وطريقة صف الاغراض وهذي صور للشاص اللي اتكلم عنه

http://www.mekshat.com/pix/upload/images32/mk12239_4.jpg


عندها حقيقة ما فكرت فقط في الشد بل فكرت اشتري شاص وخاصة بعد ما قمت بالاطلاع على سيارة ابو فهد ، فهي كاملة والكامل وجه الله ،


تبهرك وتسرك ، يا جعل ربي يطعمه من خيرها ويكفيها شرها آمين .


وقد كتبت موضوع في خيمة الطلبات اطلب فيه شاص 2006 وحقيقة مليت ما لقيت اللي يكون على هواي ، وقد وقفت عند واحد وسمت منه بـ 105000 لكنه رفض ... وجلست شهر على كذا ادور سيارة ما بين المعارض وما بين المنتديات .


سبحان الله بعدها صرفت النظر في الشاص لأسباب يعرفها اقرب الناس ومنهم العزيز ابو فهد .


قلت اجل تعّبر بام شوشة ( اللي هو الددسن ) لين تجيك المنقوشة .


فكرة ابو فهد في الشد وطريقة راقت لي كثيرا جدا .

بعدها اخذت افكر في تمليح هالددسن وتصليحة تصليحة تستاهل .


بعدها انزلت موضوع على الرابط التالي اسأل فيه عن المحلات اللي يصلحون الشد
http://www.mekshat.com/vb/showthread.php?t=123881 (http://www.mekshat.com/vb/showthread.php?t=123881)

وفعلا توصلت الى محلين :

الأول : الاختيار في حائل

الثاني : عروق الشمال في بريدة


بعدها عقدت النية من شهر اني اروح للاختيار وخاصة ان الشد اللي اعجبني وهو شد شاص ابو فهد كان من الاختيار ، وفعلا توجهت الى حائل ، وانا في طريقي الى حائل قلت ، خلني امر على عروق الشمال واشوف شغلهم يمكن يعجبني ، وفعلا مريت والمفاجأة اني لقيت عينات مطلوبة ومعروضة عند معرضهم وهذي عينه لعملهم .


http://www.mekshat.com/pix/upload02/images64/mk40450_1.jpg

طبعا لو تددقون في الصور الخلفية للصورة هذي لقيتوا ان فيه شد بس لسى ما تم تلبيسة ثوبة يعني من غير هدوم

وهذي بعد ما جاء من الحداد ياخذون كم يوم لتفصيل تلبيسة على الشد .

طبعا حقيقة اعجبني ورأيت فيه ابداعات الاختيار ، قلت الشغل حول الشغل وحايل بعيدة واحنا الآن الساعة 9 العشاء يعني يبي لنا ساعتين ونص ...

توكلنا على الله بصلحه هنا ...

دخلت للمحل واتفقت معه على كل شيء حتى اني فصلت تانيكي المنيوم ...

اخذو المقسات قالوا ان شاء الله بعد شهر يكون جاهز

وفعلا بعد شهر .. الا الربع يتصلون الو الشد جاهز

عقدنا النية هذه المرة انا وابو حمد وابو فهد انا نروح سويا .

وصلنا للمحل تقريبا الساعة اربع العصر ، فعلا لقيت الشد اللي على البال ومثل ما كنت اتوقع وما شفته اختلف عن شد الاختيار اي شيء

وهذي صور للشد

هذي صور للشد وهو توه جاهز ما بعد ركب على السيارة


http://www.mekshat.com/pix/upload02/images64/mk40450_1.jpg

وهذي صورة للشد من الداخل بعد ان تم تلبسة


http://www.mekshat.com/pix/upload02/images64/mk40450_2.jpg

بعدها تركناهم وقلنا خلنا نستفيد من الوقت الى ان ينتهوا من تركيبه كامل .

سألنا كم الوقت : قالوا الساعة تسع العشاء ان شاء الله يكون جاهز .

ركبنا وعقد النية على السنيدي للاستفادة من الوقت ..

تسع الا السيارة جاهزة ولله الحمد


وهذي صور للشد منوعة
http://www.mekshat.com/pix/upload02/images64/mk40450_3.jpg



صور للشد من الخارج بعد اغلاق ابوابه
http://www.mekshat.com/pix/upload02/images64/mk40450_4.jpg


وهذي صور خلفية بعد ان تم فتح الأبواب الجانبية






http://www.mekshat.com/pix/upload02/images64/mk40450_5.jpg


وهذي صورة جانبية


http://www.mekshat.com/pix/upload02/images64/mk40450_6.jpg


وهذي صورة ويظهر فيها التلبيس الداخلي



http://www.mekshat.com/pix/upload02/images64/mk40450_7.jpg


نأتي الآن على الشد من الداخل

الصورة التالية تظهر كيف يتم تفصيل التلبيسة الداخلة ويمكن ان تضع ما تراه مناسب لك من جيبوب وغيره حسب مزاجك .



http://www.mekshat.com/pix/upload02/images64/mk40450_8.jpg


ولإكمال الموضوع على نفس الرابط .




http://www.mekshat.com/vb/showthread.php?t=129027