ادخـــــــل وحط نوع سيــــــارتك ؟؟؟؟؟؟

[بدرسرور]

الســـــلام عليكم :.
لو سمحتم كل واحد يحط نوع سيارته
بشرط معلومات بسيطه عنها وليش شراها وش اللي اعجبه في سيارتــــــه ؟؟؟؟

[ريثان القصيم]

سيارة زميلي

نيسان باترول

سفاري 2 لؤلؤي

2004

تراها للبيع لانه شرى بيت وناقصه شوية دراهم على الرابط فيه 40 صوره


http://www.haraj.com.sa/1166542/%D9%84%D9%84%D8%A8%D9%8A%D8%B9_%D9%86%D9%8A%D8%B3% D8%A7%D9%86_%D8%A8%D8%A7%D8%AA%D8%B1%D9%88%D9%84_% D8%B3%D9%81%D8%A7%D8%B12_%D9%84%D8%A4%D9%84%D8%A4% D9%8A%D9%81%D8%AA%D9%83_2004/

_______________________________________________

تحياتي وتقديري

ريثان القصيم

[ذيب زلفاوي]

سيارتي ددسن 2007
بس ترا غصب عني جتني ولا ودي بهلي
بس الي عاجبني بالموتر اني كاده كد الحمار وعايش الى الحين ومابقى طعس مارقيته ارقيها غصب ولو 100 مره احاول
وان شاء الله شهرين ولا ثلاثه واطق موتر

[ضبضوب]

سيارة خويي

جيب لان كروزر سلق 2006

ابيض خليجي

جااهز كل شي

ما شااء الله عليه

[لاتكب البيالة]

ادخـــــــل وحط نوع سيــــــارتك ؟؟؟؟؟؟

ادخـــــــل وحط نوع سيــــــارة خويك ؟؟؟؟؟؟
:D:)
ما ادري اي العناوين اللي قريته
على العموم سيارتي صني 2004 او كما يسميها بعض ربعي صني كروزر :)
سيارة صغيرة تتحمل الكد والجوع والعطش تصلح للبر اذا صار نفود ما به بطانيج او صار جلد قريب ما تصلح للشعبان عشان ما تعلق وترجع على رجلينك ولا تصلح للنفود اذا صار كله بطانيج عشان ما ترجع بلا صدامات
هذي بعض صووره لكن تراي مغير اللوحة :)
http://sphotos.ak.fbcdn.net/hphotos-ak-snc3/hs060.snc3/14745_1324134342774_1213333130_975075_6551649_n.jp g
http://sphotos.ak.fbcdn.net/photos-ak-sf2p/v295/117/97/1213333130/n1213333130_83632_4881.jpg

اما وراه شريته طبعا انا يوم ابشريه كنت ناوي على جيب لكزس لكن نقص علي المبلغ وشريت صني :)
اما لبغيت السيارات اللي دايم نكشت بهن
http://sphotos.ak.fbcdn.net/photos-ak-sf2p/v295/117/97/1213333130/n1213333130_80517_8590.jpghttp://sphotos.ak.fbcdn.net/hphotos-ak-snc3/hs386.snc3/23585_1444903521928_1213333130_1297519_2476295_n.j pg
وبعضهن ما عندي لهن صور

[العجيب 2000]

جمس حوض 2500موديل 2007

[ابو سعد 502]

السلام عليكم ورحمه الله وبركاته
اما انا فسيارتي باترول 82 ومسميها المدرعه مجهز للبر والطعوس

[أبوغيث 2003]

باثفندر 2003

شريته لان سعره معقول:D وحجمه معقول:D وشكله معقول :D

موتر مريح بالخط وبالنفود ما يرده شي

لكن اذا صدمت وانت الغلطان تاكل خابور بقطع الغيار:p

[مجنون باترول4800]

هدد2002
بعت موتري ولالقيت الاهو نظيف...

[ساري 111]

موتري هدد 2007




وليش شراها


الصراحه كنت مالي خلق الاند ..
لكني ابي من واحد دراهم وقال ماعندي غير هالموتر ا تبيه اخذه
واخذته على اني اببيعه لكن يوم جربته تغيرت نظرتي وحسيت اني ضايع من قبل ويوم بعد يوم تزيد قناعتي فيه
والان له 3 سنوات معي ماشاءالله تبارك الله والله يتمم عليه بخير

[sultan911]

سيارتي الصراحه كنت ناوي على السفر وكان عندي فينشر حسبي عليها ذبحتني كل يوم خربانه وخفت اسافر عليها وتخرب قلت ادور على سياره ولا خليت معرض الا جيته رحت شمال جنوب الرياض والشرقيه كلها مريتها ويوم عزمت اسافر وانا اغسل سيارتي بالمغسله وجنب المغسله معرض واشوف سفاري اعجني شكله واروح لراعيه تبيع قال ابيع واشتريه وهو الي في الصوره تحت
راعي الهدد ودك تبدل معي

[جمل المحامل]

سياراتي هايلوكس غمارتين دبل 2009
اشتريتها بعد ما جربت العديد من السيارات
بس المشكلة الانسان مايقنع
اذا شرا سيارة بر قال ودي بسيارة للسفر واذا كانت للسفر
قال اه يالسيدان ابي اشخص
والله احترنا الظاهر لازم يكون الواحد غني ويشتري كل انواع السيارات
ويقرشها وكل ما طقت في راسه وحدة شغل وامش

[كاشت وحداني]

موتري كامري 2005
سبب الشراء
بعد مقارنة مثيلاتها فهي الاصبر والاجود والاكثر تحمل خطوط وطرق صعبه بس مو رمليه
وتوفر قطعها رخيصه ومتوفره والحمدلله ممشاه حوالي 300الف وزود
اعيب عليها ليست مريحه بالمستوى المطلوب لكن افضل من غيرها وتنقيص الزيت عالسرعات العاليه .
والرغبه لاندكروزر vxr من 98 الى 2003

[حزوبر]

السلام عليكم ورحمة الله
يالله لك الحمد والشكر على نعمك
سيارتي الأخيرة هايلكس 2008 دبل: قير تماتيك
سيارة مدينه، ما تهكل هم الزحمات فيها، وسيارة تحميل،وتطعيس(رغم إني ما اطعس) :D وسفر وبر، وقليل صرفية ، وخفيف نفس، رغم إني كنت متخوف من ثقلها ، بس ما تعرف الشيء حتى تجربه:good2:
أنصح شيبان مكشات، وإلي تعورهم رجيلاتهم(مثلي) بهالسياره المبروكه

[سوبر152]

غير السوووووبر السفاري 98لاتدور
ومجهز لجميع الاحوال
بس ودي أركب له مكينة إل ت زد
ومحتار هل الفرق بالنشاط والسرعة العالية
وااااااااااااااااجد

[اااااابو يوسف]

سيارتي يوكن 2005

السعر معقول

سيارة بر وبلد وسفر

كل الشكر اخوي

[ونش]

السعر معقول

[هواي البر فهد]

لا تنشد راعي دادسن ليش شراء دادسن:D :mad: :mad:


بس ام عزيز هذي وصلت شام واللاردن 4مرات :D وماءشالله عليها مديله 98بدون اضفات بس مكيف به:(


http://up4.m5zn.com/9bjndthcm6y53q1w0kvpz47xgs82rf/2009/12/21/08/y7aumczf1.jpg


http://up4.m5zn.com/9bjndthcm6y53q1w0kvpz47xgs82rf/2009/12/21/09/uk8gyge1u.jpg
http://www.albrari.com/up/download.php?img=2186

[ضلع الحوراء]

أما أنا سيارتي جيب لاند كروزر خليجي أبيض 2003 Gx R

ليش اشتريتها نصحني واحد ثقه خاصة ان السياره نظيفه وانا من أول أحب الجيوب ولو انها تشرب بنزين مثل شربنا للماء ههه

[ا ب ب 8777]

السلام عليكم
موتري جمس حوض قطع عشرة 2002 قير عادي و دبل
من زمان وانا ابي جمس والحمدالله خذت جمس
والله يعطيني خيرها ويكفيني شرها قولو امين

[غازي الأول]

هذة صورة سيارتي ما خليت مكان إلا رحت له

موديلها 88
نوعها ددسن غمارتين
وصار لها عندي أكثر من 20 سنه وأذكروا الله

طلعت على حدود السعودية مع العراق

طلعت على حدود السعودية مع الكويت

طلعت على حدود السعودية مع الأردن

طلعت إلى صحراء الدهنا

طلعت إلى منطقة المسعودي

طلعت إلى منطقة خريص وتمشيت بالنفوذ

طلعت إلى الصمان والصداوي والصفيري وحفر الباطن

يعني ما خليت مكان للبر والمقناص إلى وراحت له

طلعت إلى شمال السعودية والبداية كانت من الرياض وحتى الحديثة بغرض الصيد ومريت على منطقة رماح , الحفنة , شوية , الرفيعة , الصداوي , عمود البرقية , محطة خسارة , حفر الباطن , رفحاء , وهجرة أبن طواله إلين وصلت منطقة كاف اللي بعد طريف وبعدها واصلت رحلتي حتى وصلت الحديثة .

-----------

التجهيزات

عدد 2 كفر إستبنة

عدد 2 لستك إحتياط

عدة كامله متكاملة في السيارة

واير سحب غليظ من نوع البلاستك وهو أفضل شيء

واحمل معي بليتين + بواجي + سير ماكينة + علبه زيت إحتياط + صفايه بنزين إحتياط + طرنبة بنزين احتياط + ماطور هواء نوع بيوك داخل الكبوت + محول كهرباء بقوة 75 وات ومجهزة في السيارة + بطارية شحن إظافية محمولة إحتياط + عفريته هواء للطبع والإنزلاقات الأرضية إحتياط + بعض من اسلاك البواجي احتياط

وكذلك مجهزها بجهاز كنود وبوصلة إتجهات أم ريال

تاني ماء ظخم يشيل عدد 11 قاروة صحة ام 5 ريال ويكفيني لمدة عشرة أيام غسيل وشرب بشراسة

كذلك ساعة يد ام 15 ريال نوع كاسيو لأن تنور في الليل

كشاف بقوة مليون شمعة يدوي إحتياط

وكذلك توجد معي أشياء كثيرة بس والله متعيسر لكمل

وهذة هي سيارتي نوع ددسن غمارتين موديل 88 وصار لها عندي أكثر من 20 سنة وقولوا ماشاء الله

إذكروا الله

http://www.mekshat.com/pix/upload04/images157/mk8808_199.jpg

وهذة الصورة يوم كنت طالع رحلة مقناص مروراً بالدهنا وأمرحت فيها يومين

أخوكم

عريف متقاعد

[مدمن فتك]

سيارتي سفاري فتك 2009
معلومات: جمعت بين القوة في البر والجمال في المدينه

[سوبر VTC]

غير السوووووبر السفاري 98لاتدور
ومجهز لجميع الاحوال
بس ودي أركب له مكينة إل ت زد
ومحتار هل الفرق بالنشاط والسرعة العالية
وااااااااااااااااجد

شف محل العبيدان راعي قطع غيار امريكي بصناعية السليم
معه سوبرسفاري م98 فاكه وكالة
هالحين مركب له مكينة LS1 حقت م2006 و سبق انه ركب حقت م2003 و تحت
المكينة مع التجليس مع تحويلة القير مع البرمجة كلفت حول ال23الف و العزم مايحتاج :good:
و عندك راعين السلق مثل م91 و طالع يركبون مكينة فتك :good:

[N-xterra]

مرحبا

شفتكم متحمسين شوي قلت معاهم

سيارتي الحالية نيسان تيتان كنق كاب 2005 (أرمادا بس غمارة ونص حوض)

سعرها غالي شوي - بس قوي جدا في البر وامبراطور على الخط!!!

حتى الآن طلعت عليه 4 طلعات (الربع الخالي قطع الموتر 300 كيلوا بالدبل بتانكي واحد)

تحياتي

[«نجم الخير»]

سيارتي من نواع ثاني بس حلوه


دباب :d