ماهي طريقتك إذا غرزت سيارتك

[الطعس الذهبي]

بسم الله الرحمن الرحيم

ما هي طريقتك إذا انغرزت سيارتك في الرمال - استفد وشارك معنا

السلام عليكم ورحمة الله وبركاته

من باب قول الرسول -صلى الله عليه وسلم-لأن أقضي حاجة أخٍ لي خير من اعتكاف مائة سنة) أو كما قال عليه الصلاة والسلام

ومن باب نفع الأمة

نتمنى من الإخوة وضع الحلول المناسبة إذا انغرزت سيارتك في الرمال ونود من الجميع المشاركة فلربما تنقذ فكرتك أحد الأشخاص من الرمال .
ملاحظة:
أ- ما هي طريقتك إذا انغرزت سيارتك في الرمال.

ب- ما هي طريقتك إذا تعلقّت سيارتك في الرمال.

[اسيزو 4x4]

يا اخوي نسم للموتر وبأذن الله ما تعرف الغراز :no2:

الا اذا كان الواحد عليمي :confused: فهاذا شي ثاني......... :alarm:

[د.الكاشت]

يقولون أن الواحد اللي يعلم أولده السواقه بالبر وهو صغير يكون خبرة




شكرا على الموضوع

[أيمن]

تفضل أخوي العزيز أرجو أن تنتفع به ..
http://www.mekshat.com/vb/showthread.php?s=&threadid=21086

تحيتي

[ذيب الجبال]

اخوي ؟؟؟
شكرا على هذا الموضوع وياليت ان كل واحد من الاخوان يفيد ويستفيد
اما انا يا مكلمك ابي استفيد فقط :D لان ماعندي خبره
والي اعرفه ان السواقه بالرمال فن ولو تعطي عليمي همر غرز
واهمي شي كما ذكروا الاخوان تنسم الكفرات وتتكل على الله ولا تنسى تطيع النفود ولا تعاندها
وعلى فكره اذا كانت الارض مستويه يعني مهي طعوس يستحسن انك تريحها بثالث علشان ماتقص وتحفر,,
هذا مالدي وشكرا لكم

[alferis]

السلام عليكم ورحمة الله وبركاته
اضم صوتي لصوت الأخ اسيزو وهو ان اهم شئ التنسيم والأهم منه انه يكون معك ماطور هواء عشان اذا نسمت ماتتوهق
وكثيراً ما نصادف ناس مغرزين ولا يعرفون التنسيم واذا بغينا ننسم كفراتهم حول يدقوننا لولا انهم مضطرون وايضاً بعد ما يخذون التعهد اللازم اننا نعبيلهم هواء لكن كم هو مقدار التنسيم لان البعض يحط 25 ويضن انه خلاص فارش الكفرات بالنسبه لي عدة ما احط بالكفرات من 12-20 وذلك حسب الظروف
اما التعلق فمالك الا المسحات ولا تقعد تشر .

[الطعس الذهبي]

الأخ


اسيزو


د.الكاشت



أيمن




ذيب الجبال



alferis



مشكورين على المرور

[الجزوم]

السلام عليكم

اهم شي انك اذا شفت السياره ثقلت انك ترفع رجلك عن البنزين وتفضي القير على طول على شان ما يكون تغريزك قوي ...

بعد كذا تنزل وتشوف وضع السياره وتقوم بالخطوات التاليه ...

تبدا بتنسيم الكفرات الى مستوى معقول بين العشرين والعخمسة عشر حسب قوة التغريز ثم تزيل اي عوائق قدام الكفرات

او وراها وبعدها تشوف الاسهل لك انك تمشي قدام ولا ورى وتبدا تحرك السياره بهدوء على شان ما تحفر زياده وتتعلق ثم

تنوم في محلك اذا بدت تمشي زين على زين اذا ما طاعت وبدت تحفر انزل ونسم زياده ولا تنسم اقل من عشره واثنا محاولة

خروجك من مكان التغريز حاول ان يكون وضع الدركسون مستقيم ولا تلفلف على شان ما يحفر زياده الين يطلع باذن الله ...

وللجميع التحية

الجزوم

[المطلق]

أخوي الطعس الذهبي

طريقة السيارة إذا غرزت: قدم السيارة ورجعها حتى تطلع وهذه الطريقة مجربة

طريقة اليارة إذا تعلقت : انصحك تدق ريوس إذا تقدر

[احب البر]

طريقة المرجحة .. فعالة جدا .. قدام ثم ورا شفت مراجيح الاطفال كيف هي رايحة قدام ورا بدون مبالغة نفس الشي سو بالسيارة منها انها تريح اعصابك وسعة صدر :p :D

ومنها ان هذي الحركة ترصص الطريق للسيارة وتفتح لها طريق ممهد يكون اساس تنطلق منه . وبهذي الطريقة ولو كنت وحدك فقط تستطيع باذن الله الخروج من الغراز .



وسلامتكم .

[عاشق الزعيم]

ياخي خله يغرز عشان يتعلم احسن

[كشتة]

ياخي خله يغرز عشان يتعلم احسن
:good:
:good2:

ههههههههههههههه



اخوي حنا ماتعلمنا الى من كذا رح وغرزز وتعلم فن القياده

بس عندي معلوومة اضافيه للي بينسم الكفرات

اذا كان الجنط حقك 15 فما اقل انصحك تحط بالكفرات 10 اذا كانت الدنيا هياااار
اما اذا كا نت الارض شبعانه حط بالكفرات 15 وتمش على هوووينك بدوون حنة الموتر

اما اذا كان الجنط عندك من 16 او 17 او 18 حط بالكفرات 15 الى 20 على حسب ضروف السهله الي تبي تمشي عليه وتمش على هويينك ولا تحاول تزر على الموتر حتى لو حسيت انه يبي يغرز لا الحنه او انك تشد على الموتر مايفيدك الى انه يجمع لك تراب اكثر او يخرب الجره عليك

اما اذا غرزت السياره في مكان مستوي بسهله انصحك انك تشوف الكفر اللي يدور بووش اكثر وتدفنه

والكفر الثاني الواقف الي مايتحرك تقعد تحته وتدخل رجلينك عند الصاجات وتقوم ترفع الكفر باقوى حيلك حتى ترتفع السياره شوي وتبرح من قدام ورا الكفر بعد التنسيم وتقوم بعملية المرجحه بالسياره مع العلم انك لابد من وضع الدركسون الكفرات الاماميات باتجاه الامام ولا يتحرك يمين ويسار
ولا تعب روحك واجد عشان ترجع لبيتكم سليم افضل من انك ترجع وانت :dance:


بس مره مرتين وتعلم

تحياتي لكمـ...

[زيزو]

انا أجاوبك
أ- ما هي طريقتك إذا انغرزت سيارتك في الرمال
أنسم للموتر واحاول احط تحت الفرات أو الكفر الأيمن الخلفي(للسيارات الدفع الخلفي) رمث أو اي نبات ((يابس))
وان شاء الله يطلع
ب- ما هي طريقتك إذا تعلقّت سيارتك في الرمال
احاول ارفع السيارة بالعفريته وادفن