بسوي سيدي (قصائد) واشغله بالسياره وش لون.

[1231]

السلام عليكم ورحمه الله وبركاته.


يالربع اضن العلم عندكم ياذيابه مكشات.


السالفه انا مجمع كذا قصيده بكمبيوتري.

وابي احطها بسيدي واشغلها ع السياره.


الموتر 2007 جمس سيدي وكاله.

السؤال وش الطريقه الي اسويها ووشهي الصيغه الي تشتغل على السياره.


مع اني جربت صيغه wav وحولت القصايد وحطيتها بسيدي وحطيتها بالسياره بس ماضبط.

يقول افحص السيدي.


وش الطريقه يالربع.


مع اني جربت جبت لي سيدي من الي يبيعونها بالسوق سيدي سياره قصايد.

وحطيته بالكمبيوتر وصارت صيغته cda.


ودورت بالنت حصلت كذا طريقه وكلها فاشله وقديمه.

وين الشباب الي جربو.

ولهم خبره .


يعلمونا مع الشكر.



وجزاكم الله خير.

[روحي شمالية]

فيه الام بي ثري اللي على الطفايه اظنه يسد اللزوم وازيدك من الشعر بيت
بريموت بعد ورخيص في متناول الجميع سعره

[1231]

فيه الام بي ثري اللي على الطفايه اظنه يسد اللزوم وازيدك من الشعر بيت
بريموت بعد ورخيص في متناول الجميع سعره
بيض الله وجهك.

بس شلون طريقته ياليت تشرحها.

مع الشكر.

[راعي قنص112]

السلام عليكم ورحمه الله وبركاته
الاخ العزيز اول شي لازم تحولهم pm3 بعدين حددهم و شغلهم في الكمبيوتر بستخدام وندز مديا بليرWindows Media Player بعدين عندك على اليسار قائمه في البرنامج اختر نسخ الى سيدي مظغوط راح يطلعلك القصايد على اليمين لاحظ فوق يسار نقطه حمرا مكتوب جنبها نسخ اضغط عليها وراح يحولهم وبعدها ينسخلك على السيدي وانتضر لين السيدي يخرج لوحدة وبذن الله كذا يشتغل في السيارة بس لاتحط بسيدي الواحد مدة اكثر من 80 دقيقه

[1231]

السلام عليكم ورحمه الله وبركاته
الاخ العزيز اول شي لازم تحولهم pm3 بعدين حددهم و شغلهم في الكمبيوتر بستخدام وندز مديا بليرWindows Media Player بعدين عندك على اليسار قائمه في البرنامج اختر نسخ الى سيدي مظغوط راح يطلعلك القصايد على اليمين لاحظ فوق يسار نقطه حمرا مكتوب جنبها نسخ اضغط عليها وراح يحولهم وبعدها ينسخلك على السيدي وانتضر لين السيدي يخرج لوحدة وبذن الله كذا يشتغل في السيارة بس لاتحط بسيدي الواحد مدة اكثر من 80 دقيقه

جزاك الله خير.

بس مسجل الوكاله بيشغل mp3 ولالا.

والميديا بلير عندي انقليزي.

مع الشكر.

[رفيع المقآم]

يالغالي انا عندي الطريقه وعندي اكثر من 20 سيدي مسويها بنفسي وشغاله وكل سيدي فيه ما بين 40 الى 80 قصيده لكن انا اعلن من مكاني هذا ان اللي يستخدم الطريقه بالاغاني او بالحرام الله لا يحلله ولا يوفقه يا عله ما يفلح بحياته وماهي بذمتي الطريقه هي :
اولا:اجمع كل القصائد وحطها في مجلد .
ثانيا:حولها الى صيغه ام بي ثري (MP3) .
ثالثا:حمل برنامج نيروو او ود كمبيوترك لحق الكمبيوترات يركب لك البرنامج .
رابعا:اذا حملت برنامج نيرو ادخله ثم حط على النجمه تلقاها فوق بعد ماتحط عليها راح يطلع لك تحت make data cd رص عليها ثم يطلع لك صفحه كبيره شفت طال عمرك فيه فوق يمين مكتوب add اضغط عليها ثم حط المجلد كله ثم اضغط تحت nkst ثم اضغط burn ثم هو طال عمرك ينسخه لك على السيدي وبعدين طال عمرك انا قلت لك على برنامج نيرو تحمل واجد يضغط لك السيدي ويغليه يتحمل اما اللي يقولك بدون هالبرنامج ما يستحمل السيدي اكثر .
اخيرا لاتنسونا من دعواتكم ولا تنسون تحملون قران باصوات المشائخ العذبه
واللي ما فهم يراسلني على الخاص ولكم جزيل الشكر

[قمة افرست]

راجع هذا الرابط

http://www.mekshat.com/vb/showthread.php?p=4276153#post4276153

[1231]

يالغالي انا عندي الطريقه وعندي اكثر من 20 سيدي مسويها بنفسي وشغاله وكل سيدي فيه ما بين 40 الى 80 قصيده لكن انا اعلن من مكاني هذا ان اللي يستخدم الطريقه بالاغاني او بالحرام الله لا يحلله ولا يوفقه يا عله ما يفلح بحياته وماهي بذمتي الطريقه هي :
اولا:اجمع كل القصائد وحطها في مجلد .
ثانيا:حولها الى صيغه ام بي ثري (MP3) .
ثالثا:حمل برنامج نيروو او ود كمبيوترك لحق الكمبيوترات يركب لك البرنامج .
رابعا:اذا حملت برنامج نيرو ادخله ثم حط على النجمه تلقاها فوق بعد ماتحط عليها راح يطلع لك تحت make data cd رص عليها ثم يطلع لك صفحه كبيره شفت طال عمرك فيه فوق يمين مكتوب add اضغط عليها ثم حط المجلد كله ثم اضغط تحت nkst ثم اضغط burn ثم هو طال عمرك ينسخه لك على السيدي وبعدين طال عمرك انا قلت لك على برنامج نيرو تحمل واجد يضغط لك السيدي ويغليه يتحمل اما اللي يقولك بدون هالبرنامج ما يستحمل السيدي اكثر .
اخيرا لاتنسونا من دعواتكم ولا تنسون تحملون قران باصوات المشائخ العذبه
واللي ما فهم يراسلني على الخاص ولكم جزيل الشكر
بيض الله وجهك ورحم الله والدينك ورفعالله قدرك.