استشارة في السوزوكي؟ (قراند فيتارا)

[special]

السلام عليكم

الصراحة يااخوان ان هذي اول مشاركة لي بالمنتدى واتمنى انكم تلبون لي طلبي ..

انا الصراحة اعجبني السوزوكي القراند فيتارا الي يتوفر منه باب واحد وبابين

الي يجيك بابين مقصورة طويلة ومقصورة صغيرة .. انا سؤالي عن المقصورة الصغيرة البابين حق الشباب

كيف صرفيته للبانزين ومشاكله ؟ وتوفر قطع الغيار ؟ سعر قطع الغيار ؟ رساوته ؟ الراحة ؟

معليش على الاسئلة الكثيرة .. بس اتمنى انكم تجاوبون على الي تقدرون منها


special

[الربذي]

اخي سبشال تصدق السوزوكي اني ماعرف عنة الا الدبابات!!!!!!!!!
لكن غير مرغوب ويقول المثل اشتر تبيع
اذكر سحبت واحد لقيتة متعطل يقول حت بمطب وعيا يشتغل وله اكثر من ثلاث ساعات في النفود وتشكرلي يقول الناس متوقف
اما صرفيت البنزين اكيد مايصرف لكن اذا انك حق بران تراها مايروح ديرة
وماعليش ماعرف الكثير عنة لكن دامك ضيف علينا قلنا نرد علية والعذر والسموحة

[special]

مشكور اخوي على الرد .. وننتظر ردود واستشارات اخرى

[اسيزو 4x4]

والله هو ممتاز من نواحي وهي::

1-صرفية البنزين ما يصرف

2-النشاط ممتاز

3-صغر حجمة يعني الزحمات لاتشيل هم

4-خفة وزنة وسهولة سواقتة

.......................................

ولكن ماهو بزين من نواحي وهي::

1-مايطربك بالنفود

2-ماهو حق بران ومطامر

3-قطع الغيار غالي مثل النيسان تقريباا

4- ما يمسك سعرة اذا بغيت تبيع

...........وبالتوفيق .............

[special]

[QUOTE=اسيزو 4x4]
ولكن ماهو بزين من نواحي وهي::

1-مايطربك بالنفود

2-ماهو حق بران ومطامر

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لي سمعت عنه ياخوي انه قوي وممتاز بالبر وش رايك ؟؟

[اسيزو 4x4]

اولا ياخوي سبشيل السزوكي منخفض مرة يعني بالرمث اقل شي يعلق

وبانفود ما ينفع انا طلعت مع واحد من الزملاء ومعة قراند فيتارا 4 ابواب والله متعب ثقيل بالنفد

وهو ازين شي لة المدينة وبس .....

[special]

مشكور اخوي اسيزو