تنصحوني اشتري الشيروكي ؟؟ [الأرشيف]

abo_eiad

01/04/2010, 08:17 AM

السلام عليكم وحمة الله وبركاته

اخواني الأعزاء اعضاء منتدى مكشات هذه أول مشاركة لي في

هذا المنتدى الفريد ارجو منكم التكرم عليَّ بالمشورة

فكما قال الشاعر طرفة بن العبد

وإن بابُ أمـــرٍ عليك التوى ــــــــــــــــ فشاور لبـيــبـــًا ولا تعصه

فمن منطلق هذا الباب حب لأخوك المسلم ما تحبه لنفسك

وبالتوفيق للجميع

abo_eiad

01/04/2010, 10:05 AM

معقولة 14 واحد شاهد الموضوع ولا احد يرد

للرفع

ابوطاقية

01/04/2010, 12:10 PM

وانا اخوك الكثير يخاف يعطي رايه بسياره موب متاكد منها فا انتظر بعض الاخوان من عشاق ها النوعيه يفيدونك
من ناحيتي انا الشروكي سياره قويه بس يعيبه الحراره وقطع غياره غاليه شوي هذا الي اعرف عنها مع انك ماكتبت الموديل الي تسأل عنه وشكرا

LOSADO

01/04/2010, 12:15 PM

عن نفسي وانا اخوك انصحك باليوكن او التاهو والتاهو من تجربه افضل

طبعا الشكل الجديد ماجربته ولكن كان معي ٢٠٠٢ فكيته وكاله والان معي

تاهو ٢٠٠٤ امريكي .

الله يوفقك بالاختيار المناسب

صليب الرأس

01/04/2010, 12:19 PM

جديدة توكل علي الله
او صاحبها تعرفة

لاتكب البيالة

01/04/2010, 12:41 PM

الشيروكي ميزته رخيص واذا ما خولف معك بيعجبك بنشاط وقوه اما اذا بدى يحتمي ويخرب الله يعينك

الصقر المهاجر

01/04/2010, 01:10 PM

قوة ونشاط وقوي بالبر .......
لكييييين الله يعينك على الصناعيه وقطع غياره مهي متوفره غالبا الا بالوكاله وغاليه شوي ... هذا بصراحه من تجارب وخبرات بعض الاخوان اللي جربوا بالفعل !!!

أبوحمد 505

01/04/2010, 01:16 PM

الشروكي النظيف وردة لا تفوتة
بس مشكلتة نادر تحصلة والشروكي إذا خرب الله يعينك علية
من ناحية العزم وسيارة بر فهو مايحتاج سيارة تطربك

sa434lm

01/04/2010, 01:33 PM

إذا بغيت تعرف الورشات واماكن بيع قطع الغيار والقطع المرهمة البديلة ....
فأنصحك تشري شر بوكي قصدي شيروكي
وشكرا

Abu Terky

01/04/2010, 01:58 PM

نصيحة مجرب:

فر من الشيروكي فرارك من الأسد

قطع غياره محتكرة ومرتفعة بشكل لا يطاق

google-999-

01/04/2010, 02:02 PM

نصيحه من اخوووووووووووووك مجرب شروكي مديل 99 باب واحد قير عادي ::::::::::::::::::::::: قووة وعزم خذ موتررر :::::::::::::::: بس والله انه ياقف بالورشه اكثرررررر من وقفته عند الباب :::::::::::::::::::
شروكي ... إسم تعشقه الورشه

مدمن فتك

01/04/2010, 04:20 PM

الشيروكي اصله: شر وكي يعني شر وكوي يعني انحش

abo_eiad

01/04/2010, 04:28 PM

مشكورين وبيضالله وجيهكم اخواني على تنبيهكم

بس حبيت اعرف انواع الخرابات الموجودة ينعي اش اكثر الخربات

طيب تنصحوني بالسفاري 94 - 95 اربع ابواب

سوبر VTC

01/04/2010, 04:52 PM

اللي يبي ياخذ موتر كسرة يبشر بالخرابات
و اللي ياخذ نظيف و على الفحص فاموره تمام
اهم شي النظيف

ياخوان من يقول ان قطع غياره غالي ؟؟؟؟؟

الشيروكي قبل فترة 15سنين كلن ينحاش منه
ماحد يعرف يشتغل به :no:
و قطع غيار غالي
الان تغيرت الامور صارت اغلب الورش تشتغل به :good:
لان مشاكله عرفت بعد تلك الفترة :good:
+ الان قطع غياره رخيصه احسن من اول :good:

الشيروكي مكينته + قيره قير لكزس300 + عدادات الطبلون من الخلف صنع في اليابان
صناعة يابانية
المكينة حمار كده صبورة راس و سلندر حديد

حرارته على النص

رقم بلفه 190
لدرجه لو تفتح الغطاء و الموتر شغال ثار الماء الحرارة 100
الحل
يركبون له بلف كابرس 160 + مرواح سوبارو
و اهم شي غسل السلندر
يحطون نص لتر اسيد + علبة زيت فرامل
ويطلع جديد :good:
و بعد الغسل حط جالونين 2 احمر تويوتا
اهم شي نظافة السلندر عشان ما يسكر الاديتر مع الايام
و لو تفتح الغطاء و الموتر شغال ما عندك مشكله لان الحرارة ثابته على 85
تصير حرارته على الثلث تحت النص
مثل النيسان و التويوتا و الجمس :good:

بس اهم شي بالشيروكي اديتر نظيف او تسييخ
+ مقطر + محلول + غطاء اديتر جديد + بلف كابرس
و وقف الظهر لو تبي ساعه و حرارة الجو 48
الحرارة على الثلث :good: + المكيف ثلاجة

شفهن بنفود ام دكة و ام حزم يجلدن قوة تحمل :good:

اسعار القطع للشيروكي م2001 و تحت
دفرنس خلفي 1500 امامي 1100
تشاليح خلفي 1500 امامي 900
دفرنس مفرغ ب400
قير تماتيك 1700 الرياض ربما ب1200 الى 1400
دبل تماتيك 1100كامل
دبل عادي 1200 كامل
جنزير لحاله 400 قير عادي جنزير تماتيك 700
شغله 200ريال
اديتر ماء 350 او 300
دينمو كهرب ب200 الى 350
سلف ب100 بلاش
مكينة ياباينة م96 و تحت ب2900
مكينة م97 و طالع ب3300 الى 3400
تشاليح ربما ب2800
المكاين يابانية ماشية حول ال100الف :good:
شد المصنع وكالة :good2: ما فكت

عمود دبل نظيف جدا ب500 عمود خلفي كردان ب250
علبة دركسون 250 كمبرسور مكيف 400
فلنجه عكس امامي 200ريال شغله 50
دودة دركسون 250 اصلاح تهريب دودة شغل 80ريال

توضيب كامل مكينة شغل يد 700ريال
قطع غيار 1900 تقريبا => سبايك ثابت و متحرك + جلد بلوف + بساتم سعر البستم حول 85ريال + جلد عمود تيمن
+ وجه راس
صنفرة بلوف من 80 الى 120ريال

***
تغيير بساتم فقط => يسمى عند اهل الورش ((كرتير و راس))
يعني تفك البساتم فقط و الراس و المكينة تكون راكبة ماتنزل بالارض
شغل يد 450 + القطع وجه راس + وجه قزوز ان بغيت + بساتم + فحص الراس بالمخرطة و قد يحتاج صنفرة
بلوف

ادخل الرابط التالي

ماذا تعرف عن الشيروكي ... دعوة للنقاش - منتديات مكشات (http://www.mekshat.com/vb/showthread.php?t=264042)

***********

كم توصل دارهمك ؟؟؟

لانه من حيث الراحة درجة => باترول صالون م97 و تحت

ابغششك :D
خذ هالمقاطع :p

مقاطع للشيروكي طين :good::good::good:

URE Muddin (http://www.youtube.com/watch?v=-9W7e6pH0FM&feature=related)

***

http://www.youtube.com/watch?v=K1feN8YEeBg

***

:good:

http://www.youtube.com/watch?v=1CFE5asudvM&
feature=related ا
لي عودة

hamido

01/04/2010, 04:55 PM

تبي خرابات خذ : صوف - كوارين - قير- حراره مابقى الا المكينه والشهاده لله من افضل المكاين تحملا وكدا

الادعج

01/04/2010, 06:47 PM

والله يالغالي ..شف
كان انك فاضي وماعندك شغل ...وتعاني من البطاله..وعدم ترتيب أوقات النوم#..فاشتري شروكي..
لانك بأذن اللي ماتنام عينه ..ماراح تقدر تحك راسك من الشغل... ومن نتائج هالشغل ..راح تكون عندك خبره واسعه وكبيره بمجال الورش ..وقطع الغيار ..والصناعيه
ومن الافضل بينهم ...وكن على تمام الثقه ان اي واحد من ربعك راح تخرب سيارته راح يدق عليك ويقولك بالحرف الواحد (فلان ..وش احسن ورشه بالله)
وكن على تمام الثقه أيضاً..ان الاسماء الموجوده بجوالك راح تتغير من..صالح؛ابوحمد؛عزوز؛الدب؛ابوعزيز ...الخ
الى..كومار؛أكرم؛حسن الهندي؛حميد الكهربائي..الخ
..
..
^^^^^^^
من تجربه صديق ..وليس تجربتي لله الحمد
# بعد شرائك للشروكي راح يترتب وقت نومك ..لانك من المؤكد راح تحط منبه الجوال شبه يوميا على الساعه 8:30ص على شان تروح للورشه بدري وتلحق قطع الغيار قبل الظهر
..
..
شكراً,,,مع أطيب المنى

abo_eiad

02/04/2010, 01:27 AM

اشكر كل من ساهم برد على الموضوع من رد أو توضيح أو مشورة

والشكر ممتد إلى مشرفنا الغالي والتوضيح المفصل وما أقول الإَّ الله لا يحرمك أجر الجهد والله يعطيك العفية

أنا من ناحية النصبة عاجبني الشيروكي في شكله وخفته وحاب الإنتقال إلى سيارات الدفع الرباعي وكل من سألت

من اصدقاء يقول لي انحش وعلى طول تسمعهم يخاصمون :(

لذلك لجأت لمن لديهم الخبرة شرواكم

وعلى فكرة المنطقة التي أنا أعمل فيها بها أماكن كثرية تستاهل الواحد يأخد سيارة دفع رباعي والله جنت الله في

أرضه طبعًا مناطق ( بــحــــر ) وعيب المنطقة الورش هنا تعبانة وقطع الغيار للسيارات المشهورة نادرة مثلاً النيسان

وبعض سيارات تويوتا ما تحصلها إلا القطع الاستهلاكية أو

طلبية وانتظر عاد ثلاث ايام إلى اسبوع وممكن تجي نفس

القطعة وممكن لا وعاد ردد بعدها( يا ليل ماطولك )

وهذا اللي مخوفني

( وإنشاء الله انزل لكم صور من المناطق التي أزورها أول بأول )

abo_eiad

02/04/2010, 01:35 AM

الله يسعدك يا ( الأدعج )

والله ضحكتني بسالفة الجوال

واشكرك على مرورك وتوضيحك ويعطيك العافية

عقيعقب

02/04/2010, 02:32 AM

.
.
.
وإن بــــــابُ أمـــــرٍ عـــليك الـتـوى...فاستخر رباً أرحم بالإنسان من نفسه
.
.
.

أبوحمد 505

02/04/2010, 11:01 AM

.
.
.
وإن بــــــابُ أمـــــرٍ عـــليك الـتـوى...فاستخر رباً أرحم بالإنسان من نفسه
.
.
.

ياسلام حكمة حلووووة تسلم

جرير

02/04/2010, 11:16 AM

لا انصحك به ولو لم يتبقى في البلد غيره
كلامي عن تجربه
سياره غير عمليه في المملكه
خذ لك ياباني او امريكي وريح مخك
موفق ان شاء الله

سوبر VTC

02/04/2010, 01:49 PM

لاهنت
دام ان الموتر عاجبك
فما بعد كلام ابو سعد شي :good:

حسب فلوسك ثم رغبتك
انا ماراح اقول اشتر هذا او هذا
لكن اقول انتبه تشري برغبة غيرك .
جرب الاثنين وراح تلقى نفسك ترغب وتميل وترتاح لواحد عن الثاني.
وكلهن سيارات طيبه.
استخر ربك ولاتستعجل الله يوفقك.

اذا دراهمك فوق ال60الف خذلك فتك باترول م2002 و طالع
دراهمك ب35 و طالع خذ باترول بخاخ م95 الى 97
دراهمك ب25الف خذ شيروكي خصوصا م2000 و م2001
بخصوص صور و فديو تطعيس ادخل منتدى تطعيس
موفق

tiger0018

02/04/2010, 02:16 PM

انحش واناخوك والله عن تجربة 99 و 2001 كلهم ماكملو عندي شهر المشكلة اني اعشقهم وشريتهم مرتين لاكن والله اكثر وقتي في الصناعية الان عندي يوكن ولله الحمد مرتاح والله نصيحة اخوية والمشكلة اللي شاريهم نضيفة لاكن ماادري مرة ونة بالدفرنش ومرة رجة بعمود الدبل ووووووو........

رفيع المقآم

02/04/2010, 03:04 PM

والله وانا اخوك اللي اعرف ان الشروكي قوي بس قطع الغيارنااااااااااااااااااااااااااار

هاوي الشمال11

02/04/2010, 03:38 PM

وانا اخوك انا شريت شروكي موديل 99 من سنتين والى يومك هاذا معاي ماخليت طعس ولانفود الادخلت فيه والحمد لله لا خربات ولا شي الابعض الحاجات المهمه والحرارة لازم لان الراديتر صغير
والحل مثل ماقال لك احد الاخوان بلف كابرس 190 ومرواح سوبارو ويرتاح بالك من الحرارة
بس بقولك شي الشروكي تجلدة يجلدك بالخربات واحسن نوع في الشروكي السعودي السياحي الي يجي القير عادي والقزاز هندل لان خرباته قليله ونادرة وهل كلام من واقع تجربة انا الي معي موصفات سعودية اوخليجية باب واحد اذا تبي الفرق بين الشروكي السعودي والامريكي ابشر بسعدك ارسل لي على الخاص اما قطع الغيار متوفره في الصناعية القديمة اكثر من 20 محل تقريبا على العموم
اتمنى اكون قدمت شي افادك :good2:

ذبذبات

25/07/2012, 01:41 AM

الشروكي سعره رخيص وبطل وخفيف بالبر بس الله يعينك عالحرارة مافيه الا هالعيب

وعلاجها بعد توفيق الله ركب رديتر فاليوم رصتين وان شاء الله تضبط

أبو تميم 506

25/07/2012, 02:58 AM

ما بعد كلام اخونا سوبر شي وفى و كفى

abu danh

25/07/2012, 04:21 AM

يسعدك ربي

لا تستشير الا مجرب فقط

لأن البعض ما جربه وبعضهم ما يعجبه يقوم يعيب فيه

najd star

25/07/2012, 07:05 AM

مع احترامي لبعض الأخوان ما ذبحنى غير التعصب لا وتعصب على عماها
أنا معي شروكي موديل 2000 امريكي
1- يالي تقول حرارة وخرابات أقول لك معك حق لاكن وين ( في القرمبع الي انت استخدمت )
2- يالي تقول قطع غيار غالي أنا اقول إن ما عندك سالفة وأنا مغيير دفرنس من ثلاثة أيام والسبب داخل مويه في الدفرنس تقريباً من سنة ونص الدفرنس استخدام ياباني ( يااااباني أخو الجديد) هذا إذا تعرفون القطع الغيار المستورده من اليابان طبعاً سعره 1400 ريال بدون رجيع ( الي يبي صور الدفرنس والفاتورة من عيوني )
ملاحظة عن اسعار الدفرنسات لا واستخدام سعودي :
1- الجمس 3500 وانت طالع
2- السفاري 97 وتحت 3500 قد تزيد وقد تنقص حسب الموديل
3- الربع تويوتا 2700 وانت طالع

هاه من الي قطع غياره ناااااار
والي يبي أي استفسار عن الشروكي وعن اسعاره يراسلني على الخاص

najd star

25/07/2012, 07:10 AM

اللي يبي ياخذ موتر كسرة يبشر بالخرابات
و اللي ياخذ نظيف و على الفحص فاموره تمام
اهم شي النظيف

ياخوان من يقول ان قطع غياره غالي ؟؟؟؟؟

الشيروكي قبل فترة 15سنين كلن ينحاش منه
ماحد يعرف يشتغل به :no:
و قطع غيار غالي
الان تغيرت الامور صارت اغلب الورش تشتغل به :good:
لان مشاكله عرفت بعد تلك الفترة :good:
+ الان قطع غياره رخيصه احسن من اول :good:

الشيروكي مكينته + قيره قير لكزس300 + عدادات الطبلون من الخلف صنع في اليابان
صناعة يابانية
المكينة حمار كده صبورة راس و سلندر حديد

حرارته على النص

رقم بلفه 190
لدرجه لو تفتح الغطاء و الموتر شغال ثار الماء الحرارة 100
الحل
يركبون له بلف كابرس 160 + مرواح سوبارو
و اهم شي غسل السلندر
يحطون نص لتر اسيد + علبة زيت فرامل
ويطلع جديد :good:
و بعد الغسل حط جالونين 2 احمر تويوتا
اهم شي نظافة السلندر عشان ما يسكر الاديتر مع الايام
و لو تفتح الغطاء و الموتر شغال ما عندك مشكله لان الحرارة ثابته على 85
تصير حرارته على الثلث تحت النص
مثل النيسان و التويوتا و الجمس :good:

بس اهم شي بالشيروكي اديتر نظيف او تسييخ
+ مقطر + محلول + غطاء اديتر جديد + بلف كابرس
و وقف الظهر لو تبي ساعه و حرارة الجو 48
الحرارة على الثلث :good: + المكيف ثلاجة

شفهن بنفود ام دكة و ام حزم يجلدن قوة تحمل :good:

اسعار القطع للشيروكي م2001 و تحت
دفرنس خلفي 1500 امامي 1100
تشاليح خلفي 1500 امامي 900
دفرنس مفرغ ب400
قير تماتيك 1700 الرياض ربما ب1200 الى 1400
دبل تماتيك 1100كامل
دبل عادي 1200 كامل
جنزير لحاله 400 قير عادي جنزير تماتيك 700
شغله 200ريال
اديتر ماء 350 او 300
دينمو كهرب ب200 الى 350
سلف ب100 بلاش
مكينة ياباينة م96 و تحت ب2900
مكينة م97 و طالع ب3300 الى 3400
تشاليح ربما ب2800
المكاين يابانية ماشية حول ال100الف :good:
شد المصنع وكالة :good2: ما فكت

عمود دبل نظيف جدا ب500 عمود خلفي كردان ب250
علبة دركسون 250 كمبرسور مكيف 400
فلنجه عكس امامي 200ريال شغله 50
دودة دركسون 250 اصلاح تهريب دودة شغل 80ريال

توضيب كامل مكينة شغل يد 700ريال
قطع غيار 1900 تقريبا => سبايك ثابت و متحرك + جلد بلوف + بساتم سعر البستم حول 85ريال + جلد عمود تيمن
+ وجه راس
صنفرة بلوف من 80 الى 120ريال

***
تغيير بساتم فقط => يسمى عند اهل الورش ((كرتير و راس))
يعني تفك البساتم فقط و الراس و المكينة تكون راكبة ماتنزل بالارض
شغل يد 450 + القطع وجه راس + وجه قزوز ان بغيت + بساتم + فحص الراس بالمخرطة و قد يحتاج صنفرة
بلوف

ادخل الرابط التالي

ماذا تعرف عن الشيروكي ... دعوة للنقاش - منتديات مكشات (http://www.mekshat.com/vb/showthread.php?t=264042)

***********

كم توصل دارهمك ؟؟؟

لانه من حيث الراحة درجة => باترول صالون م97 و تحت

ابغششك :D
خذ هالمقاطع :p

مقاطع للشيروكي طين :good::good::good:

URE Muddin (http://www.youtube.com/watch?v=-9W7e6pH0FM&feature=related)

***

http://www.youtube.com/watch?v=K1feN8YEeBg

***

:good:

http://www.youtube.com/watch?v=1CFE5asudvM&
feature=related ا
لي عودة

لك كل الاحترام والتقدير
هذي الرجال التي تحاول ان تخدم الناس وتقول الصراحه بدون تعصب

ص لكل متعصب : هذه الاسعار قبل ثلاث سنوات وأما الان فالاسعار اقل بنسب بسيطة

abo naser 1

25/07/2012, 07:27 PM

السلام عليكم

الشروكي من تجربة اكثر من موتر حرة وعرة لو تغير جميع الجلد والعمدان وبطنه كامل ماتحسن بالعربي تمشي 140 بالخط تقل ممشاك 250 تحس ان الموتر يبي يتطلق بأي لحظة واصوات الرمان والونة والكوارين مايفارقها

أفضل مافيه مكينته صبورة وراعية جلد وديكوراته قوية وبودية لأباس قوي اما عمدان ودفرنسات ونظام تعليق خرطي

جيب 56

29/07/2012, 09:23 PM

أخوي سوبر فتك ياليتك تشاركنا بموقع http://jeep-ksa.com

بنستفيد منك الكثير...

RW7..ALBDAWA

30/07/2012, 12:35 AM

غريبه كآن معي شروكي موديل 98 كديته 7 سنوآت كد الويل لدرجـه اني مآغير زيته لين يوصصل 11 الف

كل كل كل الخرآبآت اللي صارت معي هي سلف ودبل بسسسسس

Ra3e

30/07/2012, 03:01 AM

الشروكي هههههههههههههههههههه

يتلفت يمين ويسار بالنفود ويطفا عليك

انشهد انه صديق السطحات وبس واسئل مجرب :) مجرب 3 شروكيات ثنين 99 وواحد 98 وكل واحد العن من الثاني

RW7..ALBDAWA

30/07/2012, 04:03 AM

الشروكي هههههههههههههههههههه

يتلفت يمين ويسار بالنفود ويطفا عليك

انشهد انه صديق السطحات وبس واسئل مجرب :) مجرب 3 شروكيات ثنين 99 وواحد 98 وكل واحد العن من الثاني

ههههههههههههههههه ذكرتني بكلمة الشآيب الله يرحمـه نفس كلأمك هههههههههههههههههههههههههههههههههه

الواهج

16/08/2012, 08:18 AM

الشيروكي ملك الخض والرج يسويك زبده وكبوته اتحداك تفتحه بالصيف من شدة الحراره و تكسر مبردات القير للتماتيك

خبرة شيروكي 7 سنوات

انصحك ابتعد عن الامريكي بكل السيارات خلك على الياباني لو زاد سعره

نزف الابداع

16/08/2012, 09:30 AM

أنا أشهد أن السروكي سياره

بس لا تاخذ إلا نظيف يعني دور أنظف ما بالسوق وأشتره

لأني لقيت موديل 2001 قيمته 18 ألف ولقيت واحد ثاني واصل سوم 39000 ومو راضي يبيع

دور النظيف وأشتر

أنا شريت واحد وكاله موديل 98 وبعته بعد 3 سنوات وشريت فورد
أقسم بالله أني حزنت عليه أني فاقد واحد من عيالي
وقعد بعدها تقريباً أكثر من ست سنوات ورجعت أشتريت شروكي مره ثانيه:D:good2:
موديل 99 إستخدام أمريكي عجبني نظافته أخو الجديد
بس يوم جيت فيه البيت غسلو شراعي أم العيال والعيال قالو وين تبينا نركب
على التنده مثل وبعته لأنه صار ما يكفينا وأشتريت تاهو والحين يوكن 2009
بس الجد وانا أخوك كل الجيوب ما تمشي معه لا نفود ولا جبال ولا خط

الشاص والربع والباترول كنت أطرحهم يمشون وراي بالخط هذا
الكلام على أيام موديل 98 رقم لوحة الجيب حقي د ك م 460
شف إلى الآن أذكر لوحته

فعلاً سياره جبااااااااااااااااااااااااااااااااااااره
وكل شيء فيها جباااااار بس أهم شي تشتري النظييييييف

ولا جيب إلا جيب

http://www.youtube.com/watch?NR=1&feature=endscreen&v=fq-tfppcbHg

تفرج وأنطرب خل أصحاب المعلبات يتفرجون على الأباطره