مكيف سيارتي ...لاندكروز لة رائحة ..غريبة ..امل المساعدة ...

[وضاح الرقعي]

http://www8.0zz0.com/2010/03/31/06/801110270.jpg


اخواني اصحاب الخبرة
السلام عليكم ورحمة الله وبركاتة

انا في اجازة الربيع اللي فاتت سافرت للكويت مع العائلة
وكان الجو حار بعض الاحيان وشغلت مكيف السيارة
المشكلة بعد العودة اشم رائحة من المكيف اوبعد اطفائة رائحة
الله يكرمكم مثل الطراش ...وكنت اتصور انها من الاطفال وغسلت السيارة
غسيل داخلي.ولاكن تكررت بعد التشغيل السيارة لاند كروز 2006 نظيفة مثل اللي بالصورة فوق والمشكلة الان ان المكيف ..اذا كانت السيارة حارة يعني واقفة بالخارج مايشتغل التكييفبس يجي هواء حار ...واذا جاء المساء الله لايوريك ثلج ...او برد وهل هذا نقص من الفريون ولاظن ..او هل هناك حساسات ..ورحت لبعض الورش بام الحمام والجميع يمانيون ..اللي يقول كلتش المكيف واللي يبقول نقص غاز واللي يقول انا باصلحة ولايهمك ..ولاكن ماعطوني حل ,,ارجو المساعدة اذا فية ورشة كويسة ..تعرفونها ...او وش الاسباب ياهل الخبرة
جزاكم الله خير
اخوكم
ابونوف

[ساري 111]

والله ماادري بس انتبه لاتروح إلا لحد فاهم

انا قبل فتره يطلع صوت خرفشه خفيفه اذا شغلت المكيف عند الكمبرسر المهم رحت لكم واحد اللي يقول الزيت ناقص ويبي يفرغ الفريون ويعبيه واللي يقول كلتش واللي يقول بساتم الكمبرسر

ومريت لي فلبيني قال هذا السير تجاري قلت يابن الحلال السير مركبه قبل شهرين واصلي قال اجل اللي ركبه لك ماشده زين قلت شده .. الشاهد انه نزل تحت الموتر وشده والحين ماشاءالله تبارك الله زي الساعه ..

فأنتبه لايصير موترك حقل تجارب وترى بعضهم يخرب اكثر من انه يصلح

[قطب 999]

ما دامك تقول حار في النهار وبارد في الليل اجل الفريون ناقص ويبي له زياده وهذا سبق انه حدث لى اما الريحه شيك على فلتر هوا المكيف والثلاجه اناء الله فيها حل

[عاشق الحيسية]

أخوي عندي لك نصيحة مهمة

إذا جيت تعبي الفيريون تأكد إنه أمريكي أصلي

لأن الصيني بيعدم عليك الكمبروسر


تحياتي

[haertlove2010]

انتي معبي الفريون قبل هالمرة
ولا من شريت السياااااااااارة من الوكالة ماعبيت فريون لها

[هو1ي البر]

انا شريت مره موتر عائلي [ فان ]
اول ما شريته
شغلت المكيف و لاحظت وجود رائحه غريبه !
تجاهلت الرائحه
و بعد فترة راحت
:)

[وضاح الرقعي]

جزاكم الله خير على الرد جميعا

[وضاح الرقعي]

انتي معبي الفريون قبل هالمرة


ولا من شريت السياااااااااارة من الوكالة ماعبيت فريون لها




لا ياكحيلان من شريتها ماعبيت فريون لها

[غر777يب]

السلام عليكم
الأخ / وضاح الرقعي ......
أنا عندي نفس المشكلة مع موتري توي شاريه (لاندكروزر GXR ثري 2009 خليجي من اليحيى 6سلندر)
المشكلة هي ( إذا دست له بنزين وأسرعت ) الله لايوريك ( أشم ريحة مجاري ) الله يكرمكم؟؟؟؟!!!!!
ما أدري وش السبب؟؟؟؟؟؟؟؟؟؟؟؟؟
كلمت واحد من الشباب قال لي( فيه فتحة بين القزوز والكنداسة وهي اللي تطلع الريحة)!!!!!
وهذي موجودة في كل موديلات 2009 !!!!!والله غريبة ؟؟؟
ودي من الأعضاء لو تكرمتوا...تفيدوني هل عندكم نفس المشكلة؟؟؟؟؟؟؟؟؟
وشكراً لكم وتحياتي للجميع

[المحب الاول]

الاخ وضاح وكل من يشكي مثل هذه الرايحه اقول لكم الثلاجه الداخليه للمكيف فيها وسخ اواي شي يكون بداخله ميت رح الى اخصاي تكييف واشرحله الموضوع اوقم بتنضيف الثلاجه من الاوساخ: هذا للمعلوميه :f:f:l

[hail_ksa]

سلمك الله هذا الفلتر يجتمع فيه الوصخ ويصير فيه مادة مثل الشحم الأسود وينسد معك المكيف ولا يبرد في النهار (من واقع تجربه) .
حلها بسيط .. روح لأي كهربائي وخله يغير الفلتر + الفريون
وإن شاء الله يضبط معاك .


في شيء ثاني أنا اسويه في كل سيارة أشتريها واستخدمها .. جيب علبة طيب أبو 10 ريال اللي عند محلات الزينه - أو أي عطر عندك - وحط منه في كل فتحه من فتحات المكيف .. والحمد لله ما أشم ألا الطيب إذا شغلت المكيف .. حتى لو كان الفريون ما فيه مشاكل أنا حريص على إني أشم ريحة الطيب أفضل من ريحة الفريون اللي تجيب وجع الرآس .

[عقيعقب]

أول شي غير فلتر المكيف



http://www.youtube.com/watch?v=JqqYu7sg-e4


على الأقل تروح الرائحة

[hamido]

والله ياخ وضاح مادري بس ان كان عندك فلتر مكيف يمكن تبديله فبدله وعاديه السالفه كل سيارات تويوتا الجديده كذا اما اذاكان داخلي فعلمي علمك

[رفيع المقآم]

يالغالي غير الفلتر وشيك على الثلاجه وعب فريون امريكي اصلي وشلون تعرف الاصلي انا اعلمك تجي غطاة دبه الفريون اللي يعبي منها لونا احمر وهج عن الابيض والاخضر الغطاة مو الدبه كلها

[غر777يب]

يا شباااااااااب
ماأحد رد على استفساري عن الـ( جي اكس آر 2009) سبب الرائحة؟؟؟وما تطلع إلا إذا دست عليه وخاصة عند التطعيس؟؟؟؟!!!!!
أرجو من عنده حل يرد ولكم جزيل الشكر

[haertlove2010]

مشكلة تعور الراس
الاولى :
شكلك توقف السيارة تحت شجر وتتساقط اوراق الشجر مع فتحت المساحات والمكيف يسحب لك ريحتها مع الرطوبة.
ثانيا:
شيك على رمانة الكمبرسر هل هي تدور بشكل ملتوي لانه تجرح السير وتسحب ريحته لجوة
ثالثا:
اذا جلست مكان الرديف قدام فية علبة كبيرة تحت الدرج على شكل دائري حاول تفكها وتنظفها
وبما انك ماغيرت الفريون خير شر من وكالته فمستعبد العلة تكون من الفريون لان الفريون الصيني يطلع ريحة بس مو خياس وبعض العمال يعبي الكمبروسر غازز

[طايش 06]

السلام عليكم
واحد من أخوياي معه جي أكس آر 2008 صارت عنده مشكله الريحه اللي تطلع من المكيف
الزبده أنه فك الفلتر ونظفه وغيره وحالته حاله ماراحت الريحه
دخل مره لسوبر ماركت كبير ولقى صابون يد ريحته زينه بالحيل شراه وفك الدرج اللي قدام الراكب ولقى مربع فاضي ورى الدرج حط الصابونه وشغل المكيف طلعت ريحة الصابونه وتركه
والحين له شهرين ريحة الموتر حلوه بالحيل من هالصابوه
وللمعلوميه ثنين من أخوياي معهم فورتشنر عندهم نفس المشكله وزياده التبريد لك عليه
( وتقبل مروري )

[لواهيب نجد]

فك فلتر المكيف وعطره بين فتره وفتره بالنسبه للجيب ما ادري وين مكانه لكن الكامري عندي فوق درج الاستماره

[رااعي الابل]

هل للفكسار موديل 2000 فلتر للمكيف ووين موقعه
الله لايهينكم

[أبوثامر868]

السلام عليكم
الأخ / وضاح الرقعي ......
أنا عندي نفس المشكلة مع موتري توي شاريه (لاندكروزر gxr ثري 2009 خليجي من اليحيى 6سلندر)
المشكلة هي ( إذا دست له بنزين وأسرعت ) الله لايوريك ( أشم ريحة مجاري ) الله يكرمكم؟؟؟؟!!!!!
ما أدري وش السبب؟؟؟؟؟؟؟؟؟؟؟؟؟
كلمت واحد من الشباب قال لي( فيه فتحة بين القزوز والكنداسة وهي اللي تطلع الريحة)!!!!!
وهذي موجودة في كل موديلات 2009 !!!!!والله غريبة ؟؟؟
ودي من الأعضاء لو تكرمتوا...تفيدوني هل عندكم نفس المشكلة؟؟؟؟؟؟؟؟؟
وشكراً لكم وتحياتي للجميع



- -----------------

الأخ / غر777يب ......
أنا عندي نفس المشكلة مع موتري توي شاريه
(لاندكروزر gxr 2009 ـ [8]سلندر)

المشكلة هي ( إذا شغلت المكيف تطلع له رائحة كريهة )
قلت يمكن راعيه الأول يدحن ولاشيء لكن إلا الآن والرائحة موجودة
ما أدري وش السبب؟؟؟؟؟؟؟؟؟؟؟؟؟

كلمت أخوي عن المشكلة قال لي فك الفلتر وحط فيه طيب ويضبط
بس إلى الآن ما سويت اللي يقول ، علماً أن الريحة موجود كل
ما شغلت المكيف .
لكن إن شاء الله أبسوي الطريقة هذه وأغديها تضبط

واللي عنده علم أو خبره عن المشكلة الرد على هذه المشكلة

والسلام عليكم

[ابوصالح77]

حط قهوة مطحونة

[أبوثامر868]

أبوصالح بصراحه فكيت الفلتر بالأمس
وشغلت المكيف بدون الفتلر وما زالت
الريحة موجودة

والله إني احترت ما ودي أروح للورشات
يخربون السيارة زيادة

[بروق ساق]

حط معك عطر بالسيارة وقبل تشغل المكيف حط بالفتحات حقات المكيف .....
والله يكون بعونك

[GS5]

على حسب ماسمعت وقالي واحد من العيال ان الأفلون يجي ببعضه نفس السالفه و تقلب السياره ريحة مجاري الله يكرمكم !!
على ماذكر يقول الليات او عوازل من جلد و يخرب او يذوب و يدود بك , اخوي نصيحه ام الحمام لاتقربهم ابدددد , شف به ورشه بحي المصيف حقت البلوشي رح لمه و دور الهندي برويز قله وشي المشكله و خله يجي يشوف و يجرب وشف وش يقولك وان ماجاز لك كلامه لاتصلحه عنده :)
كمن مره تصير عندي مشاكل ويقولي حل ولا اقتنع بكلامه و يطلع اللي قاله لي صح , شف وش يقولك والله يوفقك

[أبوثامر868]

السلام عليكم
كل عام وانتم بخير

أنا كان عندي نفس المشكلة مع موتري توي شاريه (لاندكروزر gxr 2009 ـ [8]سلندر)
المشكلة هي ( إذا شغلت المكيف تطلع له رائحة كريهة )


وبحمد الله تم حل المشكلة بنجاح
والطريقة هي:

1- فكيت الفلتر وغسلته بالماء وتركته ينشف

2- بعد ذلك غسلته بمنظف الملابس الملين
( وهذا على كلام أحد الأصدقاء جزاه الله ألف خير )

3- رجعت الفلتر إلى محله ثم ( أدخلت قطعة من الصابون المعطر ذو رائحة جيدة جداً عند الفلتر)
( وهذه القطعة أعطاني إياه ولد العم جزاه الله خيراً )

والآن الموتر ما ودك تنزل منه

ولكم فائق تحياتي وأي استفسار أنا جاهز


والسلام عليكم

[الهيس الاربد]

هلا بك يالغالي ..

موضوعك بسيط ..

روح لأقرب زينة سيارات قله أبغى تونه فراوله .. بـ 10 او 15 ريال :)

وعلبة التونه فيها 3 قطع .. حط كل قطعة على المكيف ..

وصدقني بيصير ماودك تنزل من السياره ..

وعلى قولة القايل ، إسئل مجرب .. ولا تسأل طبيب

تحياتي لك ..