مشكله في Vxr-2005

[ولد_الجبيل]

السلام عليكم..
في الاول أود الاشاده بالمنتدي من عده جهاات ..والمعلوومات القيمه التي نجنيها منه ومن الاعضاء فيه.. ومع اني من قراء المنتدى ومتابعيه ولكن لم تسمح الفرصه بالتسجيل .. وها هي الاياام قادتني للتستجل والتشرف بكوني احد اعضاء هذا المنتدى..


بصراحه أنا أعاني من مشكله في سيارتي ( في أكس ار موديل 2005 ):
وهي ..صوت صفير في حاله وجوود هواء قوي .. والصوت في الزاويه العليا اليسار من الزجاج الامامي ..يعني مقابل السائق..صوت صفير يزيد في حاله السرعه مع وجود رياح قويه في الخارج..


لا أخفيكم ..رحت للوكاله .. وكان الرد : أنسى الموضوع وهذا عيب مصنعي ..وتوكل على الله ..
.. وفي أحد الايام كنت في الرياض .. ورحت لأكبر محلات الزجاج .. وقالوا لي لازم تغير الزجاج الامامي ونحط سيليكووون جديد ..


أنا من أهل الجبيل الصنااعيه ورحت لمحلات الزجاج : وقالو لازم تغير الزجاج الامامي كامل مع سيليكوون أصلي ..بس ما فيه ضماانات؟؟



..أاذا أحد عنده حل معين أرجووكم أفيدوني ؟ وش أسوي ؟؟ وين اروح؟؟ وش الانسب حل لهالمشكله؟؟
..أنا عندي استعدا اسوي اي شيء بس افتك من هالصوووت طير مخي من رااااسي..

[الربذي]

هذا الصوت يذكرونه بالكزس حتى موديل 2006 وذا المصنع ماضبطه ماانت ضابطه واشوف لو تغير جلبة الباب كلها وكاله هو انسب حل واذا ماراح انسى الموضوع0

[ساري 111]

اذا القزازه شد بلد وماسبق غيرت فثق تماماً ان المشكله ليست من الزجاج الامامي واحذر تلمسه اوتسمح لأحد يعبث فيه

المشكله في ربله الباب يمكن تكون تحتاج تغيير

[صاحب خير]

موجودة في الجي اكس 2008

[كاشخ 24 ساعه]

موجوده عندي نفس موديل سيارتك وحلها تغيير جلد الباب اما الزجاج الامامي لا تغيره وماله علاقه في التنسيم

[أبو نهار]

السلام عليكم
ياخوان أنا توي شاري لكزس 2001 ولاحظت فيه صوت الهوا اللي تقولون عنه
أفيدونا تكفوووووون هل هو عيب من المصنع فنريح روسنا من التفكير بالحل أو ربل الباب فنغيره ونرتاح من الصفير
فيه واحد قالي أنه يمكن من الربل الداخلي حق القزاز

[الربذي]

السلام عليكم
ياخوان أنا توي شاري لكزس 2001 ولاحظت فيه صوت الهوا اللي تقولون عنه
أفيدونا تكفوووووون هل هو عيب من المصنع فنريح روسنا من التفكير بالحل أو ربل الباب فنغيره ونرتاح من الصفير
فيه واحد قالي أنه يمكن من الربل الداخلي حق القزاز
انت شوف وانت تمشي تتاكد من وين ..واذا تبي تغير غير الربله تخيل من عام1421 وهي مسكر عليها الباب لابد ان تصغر مع الضغط المتواصل والحر الشديد .

[V I P]

نفس المشكلة عندي صوت الهواء من الزاوية العلوية اليسار vxr2003 واتوقع انه عيب مصنعي

لكل مشكلة حل وننتظر اصحاب التجربة

[حديب الضميان]

عندك ربلة القزاز للسائق أو ربلة باب السائق غيرها وكالة وشف سبق وان صار لي هالصوت فكسار 2006 صوت صفير قوي في حالة وجود هواء قوي غيرت بالوكالة ربلة بالباب وربلة القزاز حقت باب السائق وخف الصوت بشكل كبير وذهب الصفير

[صاحب خير]

السلام عليكم ياخوي هذي المشكله موجودة في الجي اكس 2008 /6سلندر أولا الرجاء الرد بأقرب وقت ممكن انا ناوي اشتري قير عادي

[صاحب خير]

أنا أقصد الطقة اللى تقولون موجودة في الفكسار 8سلندر هل موجودة في الجي أكس 2008 ستة سلندر الرجاء الرد في أقرب وقت ممكن

[ولد_الجبيل]

مشكورين على التفاعل مع الموضوع
والواضح لي ان هالمشكله مزعجه ناس كثير..انا شكلي بغير ربلات الابواب الاماميه كلها بالوكاله ..واذا ما راح الصوووت الله يعين على تغيير القزاز الامامي بس بالوكاله..

ألف شكر للجميع

[شبح الصحراء]

لا أخفيكم ..رحت للوكاله .. وكان الرد : أنسى الموضوع وهذا عيب مصنعي ..وتوكل على الله ..

بالنسبة لكلام الوكالة انا معاي نيسان اكستيرا اول ما اشتريته كان فيه صوت صفير مزعج جداً خصوصاً اذا ماشي فوق 140 والجو فيه هواء قوي الصوت كان يصدع راسي ورحت للوكالة وقال لي المهندس (عربي الجنسية) قال انسى يتصلح هذا خلل مصنعي في بدي الإكستيرا ومستحيل يتصلح وهالخلل موجود في كل الإكستيرا ومرت شهور وانا اعاني من هالصوت فرجعت للوكالة من جديد وأصريت يشوفون حل للمشكلة فحولوني لفني فلبيني عرف المشكلة على طول وقال يحتاج نحط شوية سيلكون على الزيك اللي حول الزجاج الأمامي والحمد لله انحلت المشكلة مع انهم اخذوا مني مبلغ 100 ريال على التصليح مع ان الموتر كان تحت الضمان يقولون انت مطوف كذا صيانة مع اني مدري وش دخل الصيانة الدورية بمشاكل الزجاج والنوافذ ! .
عموماً الوكالة نصابين والمفروض ان اي خلل مصنعي يتكفلون بتصليحه حتى لو مرت سنوات على موديل السيارة في الدول المتقدمة يسحبون سيارات مر على بيعها سنوات عندما يكتشفون اي عيب مصنعي ويتم تصليح السيارة بالمجان .
المهم اخوي اذا ما فاد مع الوكالة حاول تحدد مكان تسريب الهواء ورح للغرابي اذا مريت الرياض او اي محلات زينة معروفة في منطقتك وحط سيلكون تحت وفوق مكان التهريب وإن شاء الله يروح الصوت .

[fj44]

رح اقرب مركز صيانه
يوزن لك الباب
وبعدها وداعاً لتصفير