المساعد الشخصي الرقمي

مشاهدة النسخة كاملة : هل من مساعده لتجهيز جيب ربع


ملبق غلـــــط
05/02/2005, 11:30 PM
السلام عليكم يامكشاتين

ياخواني باركو لي اولاً على شريتي لجيب ربع 83

وابشركم الموتر مافيه هرجه من حيث محركاته وحتى بديه بس يبي له من يضبط فيه شوي

يعني شغلات بسيطه ولكن هل عند احدكم معلومات كيف اجهزة وضبطه من حيث الشكل

او حتى الشغلات الميكانكيه فيه يعني مثل المساعدات وبرضه من حيث البويه انا والله ودي ارشه

اجدد بويته ودي برضه اركب له كفر عراض او كفر بالون وابي مشوراتكم ونصايحكم

والله لا يهنكم لو تعرفون لي ورش جيده في هاشغلات او متخصصه بالرياض او بريده

انا والله ودي اسبرقه وخليه جاهز لمقانيص وطلعاتي القريبه

تكفوون يانشاما لا تخيبوون املي فيكم والله الله بالمشوره الزينه بكل شي


هو ترى مقفص



اخوكم / بدر
خشم الحصان
07/02/2005, 01:13 AM
الاخ الغالي
ملبق غلط
السلام عليكم
اخي الكريم لبق صح لا يصكونك بمخالفه يابعدهم
وبعدين وش تبي امر وجيك اطامر تبي اساعدك ومحاسيك لديه مثل موترك بس ثلث (شراع)
اخوك
خشم الحصان
السالمي
07/02/2005, 07:07 PM
السلام عليكم ورحمة الله وبركاته


شف وانا اخوك انا بقولك الاشياء اللي لو كان موترك معي راح اسويها

اول شي عسى تكون شاريه للتسليه يعني عندك موتر غيره

وهذا تبيه للبر

بالنسبه للبويه

اذا هو محتاج رش افضل لوون له بالنسبه لي هو اللون البني الخفيف

اللون المعروف فيه وتراه مشهور باسم ابوعشه هذا اذا كان تايوتا لانك ماحددت

ثاني شي المكينه لوتركبله مكينة جمس 350 على كبر حجمه يطلع معك اوكيه

ابوعشه والشروكي الرانج هذي مواتر رخيصه

وتعبر افضل الانواع للترهيم

طبعن فيه ناس ترهيمها من النوع الثقيل يقعد يحط فيه اشياء ماتحصى
هاوي نفود
07/02/2005, 07:22 PM
أخوي ملبق غلط

بعد التحية والسلام و.... التلبيق الصح

أقول زد شفت ( زد :row: سبق لي ) عش مركب شنطة عدة على تبريزة الصدام الأمامي ...

وبصراحة الحركة ذي ودي أشري عشة عشان أسويها ...

وإذا حاجة للموتر للكشتات فشف خشم الحصان اللي معه نفس موترك وهو من مواضيعه راعي كشتات

( :p شكلي وهقتك ياخشم الحصان :p )
ابو محمد
07/02/2005, 11:28 PM
اخوي ملبق غلط
بعد السلام والتحية
مبروك عليك السيارة والله يطعمك خيرها ويكفيك شرها
انا عندي جيب ربع ومخليه للمكاشيت وفيه تانكي مويه استيل سعته 117 لتر مع عدد الشاهي والطبخ وكلها بداخل الجيب
طبعا التانكي يبدأ من المراتب الامامية الى تقريبا نصف الكفر وبعدها تجي العدد وفوقها الطبق
المراتب الجنبية شايلها
ونحن في الخدمة
ملبق غلـــــط
08/02/2005, 09:18 PM
الاخوان

خشم الحصان ( والله انك حصان بردك يابعدي )

السالمي ( الله يرحم اثنين جابوك )

هاوي نفود ( تسلم )


ابو محمد ( ماقصرت بمرورك )

يانشاما انا موتر ما ابي اعبث فيه يعني ماكينه او القير لان ماشاء الله محركات زينه

انا ودي والله اصبغ الموتر ....ودي اغير صدامه الامامي لانه تجاري ولا فيه خير

ودي والله اغير كفاراته لانها كفاراته من نوع شد بلده السخيفه هذه وانا ابي بالون عريض وجنوطه

ابي والله اسوي له تنجيد الارضيه كامله واسوي عزل له وفيه واحد من ربعي قال ان فيه محل بعنيزه مشهور

بتنجيد وعزل الجيوب بس هو ماهو متاكد من اسمه يقول الشلال وياليت اللي يعرف يقوول لي وش اسمه

هل فيه نوع معين من المساعدات تصلح اركبه له ( على فكره مساعداته زينه بس قلت لو فيه افضل علشان يكون الموتر راكد )

برضه الموتر يبي له وزنية ابواب وياليت احد يدلني على محلات تعرف تازنها وتركب لها جلد ويضبطونها يعني

من حيث عزل الهواء

والله يرحم ولدينكم واتمنى تردون علي

اخوي : خشم الحصان راجع رسالك الخاصه.
خشم الحصان
08/02/2005, 10:12 PM
الاخ الغالي
ملبق غلط
السلام عليكم
اخي الكريم الرقم الذي ارسلته (غلط) الله يغفر لنا ولك
اخوك
خشم الحصان
*&الملتاع&*
11/02/2005, 03:40 PM
اخوي بس نصيحة دايم نسمع بسرعة انقلاب الربع حتى اني يوم جيت اشريه سرت خايف من اللي يقولوه فعشان
سلامتك من الانقلاب ركب كفرات عريضة وما عليك طلع وين مماتبي لف وانت صاك طبلون ما تقلب باذن الله
ومبروك الجيب