المساعد الشخصي الرقمي

مشاهدة النسخة كاملة : موقع قريب من الرياض وربيع


واحد نفر
04/02/2005, 09:44 PM
مساك الله بالخير ياهل مكشاااات

ابي ابدى في صلب موضوعي
قدر الله على وعزمت مديري في العمل والموظفين وابي موقع قريب من الرياض يعني في حدود 300 كم شمال

وابي موقع مربع ويشرح الصدر

تكفوون يا اهل مكشات بيضو وجهي

وابي اصور اذا امكن
المنصف
04/02/2005, 10:10 PM
أخوي واحد نفر حفظك الله
السلام عليكم ورحمة الله وبركاته
فيه روضة أم المصران بعد رماح تعبر الدهناء
وأنا مارحت لها بس سمعت عنها انها زينه
غضنفر
04/02/2005, 11:02 PM
اذا تبي موقع قريب+ومخضر+وياصله ارسال الجوال+و صفه سهل=شعيب محارق
يبعد عن الرياض حوالي 160 كلم
وصفه:-من طريق الثمامه لف من عند مفرق الصمان حفر العتش ثم سيد بيجيك الدوار الأول تعده ثم بعد حوالي 45 كلم بيجيك لوحة الطيري لف معها يسار الين ينتهي الخط ثم اقطع الشعيب الأول(شعيب الطيري)
واستمر شمال حوالي 4 كلم الين يجيك الشعيب
رحلة موفقة اتمناها لك ولمديرك
متيهة البكار
04/02/2005, 11:11 PM
روضة خريم قريبه

قبل رماح بعشرين كم

من عند مفرق الغيلانه ادخل يمين

وصورها ما قصروا الكشاته في هذا المنتدى

هذا اذا مدة الكشته يوم

اما ان كنت ناوي اكثر

انصحك بزيارة مواضيع نقا هشال