البندق التركية VURSAN

[الشيخ]

يا شباب اذا في احد استعمل او جرب البنادق التركية VURSAN


وهي بالشكل تقليد طبق الاصل عن البنلي بكل انواعهاحتى القطع الداخلية بس يختلف لون الخشب بس حسب ما سمعت ان قوة التحمل وجودة الرمي تختلف
يا ريت الي عنده معلومات عنها يفيدنا مع العلم ان سعرها يعتبر زهيد بالنسبة للماركات القديمة مثل براوننج والبنلي والبرتا

[الطبيب]

وما يظر لو تاخذها وتستخدمها لكن استخدام حشمه
ترا كل البنادق تعيش
اذا الاستخدام زين
على فكره
البنلي والبراوننغ غلاها على السمعه بس
ولا احسن شوزن هي السيلانيه كانك ما تدري
والسلام ختام

[الشيخ]

يعطيك العافية يا الطبيب على هالافادة بخصوص صناعة الاسلحة بتركيا
بس بصراحة عمري ما سمعت عن سلاح سيلاني :)
المهم انا كان ودي اعرف قوتها بالظبط وكم تستحمل
ولاني مستخدم لشوزن براوننج ام خمس من حوالي تسع سنين
لذلك ابحث عن شي افضل منها وكان ودي لو احصل شخص استعمل التركية

ويعطيك العافية مرة ثانية

[ابوساسا]

الأخ الشيخ راعي العليا تسئل عن ام خمس التركية هي قطع غيارها ماهي مثل البانلي ولا حولها وهي تراها تجي توصيلات الرمي بارزة على براء اذا تبي نصيحتي المتواضعه لا تشتريها ولا تقربها.
1- ما تتحمل اي ضغط حتى ال 36 ماتتحملة.
2- سرعة الانفجار من ضعف الحديد والصناعة.
3- سرعه خراب الحامي وأول ما ينفجر هو الحامي.
4- وبلمقارنة بلبنادق الأخرى هي رخيصة جداً و{ كل رخيص مخيس}
خلك على البراونينج او البانلي او البريتاء افضلك.

ولــــــــــــك تــــــــــــحـــــــــــيــــــــــا تــــــــــي

[ابو زياد]

سبق وان جربت برتا تركيه تقليد للايطاليه ام حبه ولا اشور بها ورغم رخص سعرها فى ذلك الوقت من 7 او 8 سنين الا ان السوق الا ان السوق رفضها

[الشيخ]

الاخ العزيز ابو ساسا اشكرك على معلوماتك وافادتك لي
لكن لقيت شوية معلومات تخلف كليا عن الي انت تقوله
بخصوص قطع الغيار 70% متشابه طبق الاصل مع البنلي والكلام هذا كلام واحد من مصلحين البنادق
بخصوص الظغط البندق تتحمل حسب دفتر المواصفات المرفق معاها من 28 الى 52
حصلت لي فرصة للتجربة واشوف انها جيدة ولو انها ما توصل لمستوى البنلي
واخيرا لك جزيل الشكر وكل من شارك معانا

[ابوساسا]

قطع غيارها شفتة وهو غير البانلي فية قطع تشابه البانلي لاكن قليلة
اما عن انه تحتمل الضغط التجربة البسيطة ما هي مقياس لاكن تراها ما تزبن واذا جاء الجد تراها تخون.. شفت منها كثير خربان فيها { الحامي} لازم ينكسر لأنه ما يتحمل الضغط والاستعمال المتواصل.. واذا تبي النصيحة وانت اخبر مني عليك بالروسية اذا ما تبي غالي تراها احسن منها وتتحمل
الاستعمال وانت ورايك..

ولــــــك تـــــحـــــيـــــا تـــــي

[ابوصنت]

بسم الله الرحمن الرحيم
اخواني
السلام عليكم ورحمه الله وبركاته

لدى سؤال عن شوزن ام خمس مكتوب عليها one numar وعليها رسم نقشه ماهو نوعها وصناعتها وهي تشبه رمينغتون / 1100 حسب الصوره

العضو الجديد
ابو صنت

[الخبير]

السلام عليكم
يا ابو صنت ما حطيت صورة
===========================

http://nobody.jeeran.com/expert.jpg

[ابوصنت]

بسم الله الرحمن الرحيم

الاخ/ الخبير

السلام عليكم ورحمة الله وبركاته

الصورة في موضوع السمح (لا تفوتك صور أشهر بنادق الصيد )
واللي اسال عنها واحد يقول انها تركيه


اخوكم/ ابوصنت

[الشيخ]

اشكرك اخوي ابو ساسا على مشاركتك ونصيحتك

[سهيل]

الله يعطيك العافيه يا الشيخ انت والحضور
بالنسبه لسؤالك عن التركيه فهي صحيح تشبه البنللي بكثير من المواصفات والشكل وانا شخصياً ما قد استعملتها ولكن استعملوها ناس اعرفهم ومافيهم اللي مدحها ولا واحد وحسب ما سمعت عنها انها ما تتحمل الرمي الستمر في وقت واحد
مثلاً ثلاث او اربع مييه طلقه في يوم واحد تتعطل يعني ما تتعطل عليك الا في الصيد الغليض وهذا اكره شي .
ونصيحتي لك كان تبي النصيحه لا تشتريها لو كان سعرها بمييه ريال .
ويدلك على الخيل اثمانها .....

[السرحان]

أشلك بالبهدله وانت بالكويت والخيارات واجد الله يهنيكم
والعمليه نسبه وتناسب فالورش متوفره وقطع الغيار لا عدمناكم موجوده اذا لا ما فيه مشكله بس وين الصيد
اخوي الشيخ انت ما عندك مشكله بلا المشكله عندنا ......!!!
وحتى موعد شرائها ,,,,,,, لك مني تحيه عطره

[الخبير]

السلام عليكم
يا سهيل انت تقول ان البندق ما تستحمل انك تطلق فيها 300 او 400 طلقة في يوم واحد ! هل هذا صحيح؟

يا طويل العمر ما اعتقد ان فيه بندق تستحمل انك تطلق فيها هذا الكم الهائل من الرصاص في يوم واحد .

ولا اعتقد انه يبي يمديك انك تطلق هذا الكم الهائل من الرصاص في يوم واحد إلا اذا كان كانت الشوزن توماتيك :D
==================================

http://nobody.jeeran.com/jkduhpma1.gif

[الشيخ]

الاخوان
سهيل .. السرحان
اشكركم على مشاركتكم ونصايحكم لا عدمناكم

[ابوصنت]

بسم الله الرحمن الرحيم


اخواني



السلام عليكم ورحمه الله وبركاته

ردو على استفسار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


لدى سؤال عن شوزن ام خمس مكتوب عليها one numar وعليها رسم نقشه ماهو نوعها وصناعتها وهي تشبه رمينغتون / 1100 حسب الصوره
الصورة في موضوع السمح (لا تفوتك صور أشهر بنادق الصيد )
واللي اسال عنها واحد يقول انها تركيه

العضو الجديد
ابو صنت

[سهيل]

يا الخبير انا اقول دائما انت الخبير ولا تشككني في خبرتك .
اللي ما رما في يوم واحد خمس مييه طلقه ولا ست ميه واكثر انا اعتبره ما رما او ما وافق الصييد اللي عليه الاسم .
يعني اللي صاد 100 او 150 او 200 قمرييه او دحروج او اي طير بهذه الكميه قد يكون نفذ من الفشق العدد اللي قلت واكثر اذا كان ما يبخل على الفشق يعني ما يرمي رمي شيياب .
والنقطه الثانيه كثير من الناس يستعملون مكينه الاطباق اذا ما كان في وقت صيد مثل القيض اللي حنا فييه ويرمون اكثر من 500 فشقه واكثر وهذا بالكويت دايم يحصل بما ان الاخ السائل كويتي .
ولك تحياتي يا الخبير وستبقا الخبير باذن الله .....

[الخبير]

اتمنى اني اكون قد المدح إلي قلته يا سهيل
يا طويل العمر فيه فرق بين واحد طالع يصيد وواحد طالع يتدرب .
إلي يصيد صحيح انه يبي يصيد ( غالباً ) كمية كبيرة من الطيور . لكن مهوب اي بندق تتحمل هذا الطلق . فلكل بندق تحملها .
واحد من الشباب عنده شوزن برتا ، ما يمديه يطلق الخامسة إلا و الناتوش منكسر . انا في إعتقادي انه يحط فشق ضغطه عالي شوي . فهل تعتقد ان مثل الشوازن ذي تبي تتحمل ؟؟؟؟؟
صحيح ان فيه شوازن تتحمل الشئ الكثر مثل البراوننق جولد و البنللي سوبر بلاك إيجل ، و على ما سمعت ان الروسية ام خمس ممتازة بالحيل ( للاسف ما قد جربتها لكن جربت الروسية ام حبة ) .

انت يا سهيل ما شاء الله عليك فاهم و إذا كنت من اهل الكويت ، ما شاء الله المجال لكم مفتوح . فلعلك تفيدنا ان شاء الله .
===============================

http://nobody.jeeran.com/jkduhpma1.gif

[الهداد]

يالشيخ ابي اعطيك راي والشيوخ اخبر انا من الناس الى مجرب التركيه وبشهر اربعه الى طاف انا مرتكي

عليها بالرمي هي ممتازه لكن مثل ماقال احد المشاركين مهي بمثل البنلي لكن الشهاده ان البندق ماعليها

خلاف وبالنسبه للقطع فهي نفس قطع البنلي الرفايئلو وهى من احسن انواع البنادق الى سوتها البنلي

بس ترى في منها انواع كثيره بس احسن نوع مكتوب عليها تركيا 2000 هذا اهو النوع الزين وموقع

الشركه اهو www.stoegerlndustries.com وتقدر ترمي فيها من 24 الى 52 خرام




والسلام احلى ختام والله الموفق

[سهيل]

بما انك مشرفنا في المنتدا الجمييل والمميز بصرااحه ما نتعلى على معلوماتك المتعدده في المجالات المتنوعه.
وانا من ناحييتي اذا كان في حوزتي اي خبرات او معلومات جدييده ثق بالله اني لن ابخل بها عن الجمييع .
وبالمناسبه الموضوع اللي بخيمه الاسلحه اللي باسمك انا كاتبه تكرار لموضوعنا هذا ترااه بالخطا صار والله مدري اشلون صار :)
اذا تقدر تسحبه اسحبه ترا خبرتي متواضعه في مجال النت .


وشكرا

[الشيخ]

الاخ سهيل
اشكرك على افادتك بس الظاهر ياخوك انك مدمن رمي لاني اكثر مرة بحياتي رميت سواء اطباق ولا طيور ما زدت عن 150 فقشة
------------------------------------------------
الاخ هداد
انا حصلت لي فرصة تجربة البندق التركية الي هي تقليد سوبر بلاك ايجل وطلعت ممتازة وسعرها بين 150 الى 180 دينار حسب طول السبطانة وحجم المخزن ( خمس او ثمان )
يا ريت تفيدنا اذا كنت مجرب هاذي البندق بالذات
-----------------------------------------------
الاخ الخبير
كثرة الرمي عندنا بالكويت شي طبيعي لا تستغرب لما الاخ سهيل يرمي 300 الى 400 باليوم وذلك لرخص سعر الفشق وكثرة الطيور الصغيرة ورياضة رمي الاطباق بالصيف



ولكم مني جمعيا جزيل الشكر والامتنان

[الهداد]

:good: وانتى الجاص السعر 150 مهما كانت الصبطانه وهي اتيي نوعين 28 او 30

والشكل مثل m1 انا مجربها وتوني فبل كم يوم في اواخر شهر سبع والله انى نرمي

الاطباق الساع اربع العصر والبندق ماتقول لالا ماشاء الله عليها وانا براي توكل على الله

وماهي حسافه وانت برايك يالشيخ والشيوخ ابخص :D



في امان الله

[الشيخ]

اشكرك يا اخ هداد على ملاحظاتك
لكن بالنسبة لتقليد m1 سمعت من ناس تمدحها
بس عجبني تقليد m3 وتجي نفس الاولى بالظبط بس يفرق انها تصير عادي وتماتيك حسب اختيار الرماي وبنفس السعر لكن هاذي حتى الاصلية محد مدحها
على العموم اشكرك وما قصرت بنصايحك لا عدمناك

[الشيخ]

الاخ الهداد
يا ريت لو استثقل شوي واطلب منك تحدد اي موديل من ال M1 الي تقول عنها
لو تلاحظ الموديل الثاني ال M3 مسجل بالجنب Auto/Pump
يعني تقدر تحولها عادي ولا تماتيك متى ما بغيت بس حتى البايع ما مدحها لي
http://www.mekshat.com/pix/upload/images/benly.jpg

[الهداد]

:) البندق الى اقصدها مو موجوده بين البنادق الى عرضتها بس تقدر تدخل على موقع بنيلي المختص بالبنادق

وتلى على ايسر الشاشه عناوين اثنين اغط على الموقع الاول تدخل على الصفحه المطلوبه

وسلامتك واذا تبي المزيد حاضر تامرامر

ايميلي اذا تامر على شي في اي وقت هو al7ebro@hotmail.com

[الشيخ]

الاخ الهداد

انشالله تكون هاذي البندق الي بالصورة هي المقصودة

واشكرك مرة ثانية على نصايحك وتعاونك
http://www.mekshat.com/pix/upload/images/m10.jpg

[الهداد]

:) وصلت خير قايلك شيخ والشيوخ ابخص

نعم هذه البندق الى اقصدها بالضبط

واليوم انا اكتبلك رايح مع الربع نرمي اطباق وباخذ رايهم عن البندق وابلغك انشاء الرحمن تعالى

اما بالنسبه لى نا انها ماعليها اى قاصر


والسلام خير الختام

[الشيخ]

لو ماخذني معاك عشان احضر التجربة شخصيا :)
على العموم موفقين انشالله
ناطر ردك

[najeme]

اولا السلام عليكم ورحمه الله وبركاته وبعــــــــــــــــــد :



كثير من الناس يسوولفون وش احسن شوزن على الاطلاق ؟؟؟؟؟؟
الصراحه عندي انا ام سبع ابر السيلانيه افضل شوزن علي الاطلاق بالنسبه لي طبعا ؟ ماادري عن بعض منكم يفضل السوبر بنلي اللي مااعرفها :D وانا عندي شوزن تركيه بس ماادري هي حسب اللي تقول
سراحه استخدامها لا باس به لاكنها ماتبعد وماهي احسن من ام سبع ابر

والسلام خير ختام .........

[وهبى]

ياخوى انا واحد من الناس استعملت التركيه من 4 سنوات ولانقدت عليها بشى ابد ولما الحين استعملها وشاقها بالنص من يد نشيط الى يد نشيط وتستحمل من 24 جرام الى 58 جرام وعلى فكره
اذا شريت بندق تركيه ىجديده انصحك ان ترمى بها 36 جرام بمعدل دستتين فقط لكى تلين البندق اكثر ولكى تقدر ان ترمى 24 جرام على طول واذا حبيت ان ترمى بها قبل ان تشتريها مالك الا طيبه الخاطر ارسل رساله خاصه ونتواعد انا معك بما انك فى الكويت 00ولا يهونون الربع برأيهم ودمت لنا

[حر ((قصاص))]

اسمع وانا اخوك يالشيخ الشوزن السيلانيه معي وهي امريكيه من شركة ستيفنز وسميت وارد سيلان لأن الأقدمون كانو يسمون الغرب سيلان فهي وردت من امريكا وسميت وارد سيلان اما بالنسبه لخوي اللي يسأل عن السلاح التركي فهو لو تعد عذاريبه طلعت اكثر من مميزاته خذ شوزن وارد سيلان واسأل مجرب رميته مابعده وتاصل اسعاره الى الثلاثة الاف وتتحمل فشق الضغط العالي مع العلم انه يفسد البندق فالسيلانيه على حد علمي وعلم اهل البنادق افضل شوزن الى الأن صدق من قال(قديمك نديمك)لأن موديلاتها قديمه 84و94 ارجو ان اكون افدت[b]

[مولعين الصيد]

السلام عليكم ورحمة الله وبركاته وبعد اناء اختلف معكم من ناحيت التركيه اناء اشهد انهاء تتحمل الضغوط اناء بنفسي كنت اسب التركيه الي اسمهاء لميس ليش لي انهاء كانت زهر وماتتحمل الضغط لكن التركيه التاليه الي اسمهاء البطه عزالله انهء بندق تتحمل كل شي تقبلوو مرووري

[مولعين الصيد]

كماء اوذكر ان التركيه البطه مشابه بنسبة 70/بلميه للبانلي تقبلوخالص شكري لكم تقبلو مرووري

[الحر2002]

غريب!!!!!!!!!!
الموضوع من عام الاول 2002
وش مطلعه الحين

[مولعين الصيد]

الصناعه التركيه قبل ماتنفع ابدلكن بنسبه لتركيه الي اسمهاء البطه مشابه :rللبانلي بنسبة 070/0بلميه اناء رميت به اكثرمن صندوق ومشاء الله :rتبارك الله اقضل من الروسيه بشكل مايتصور اناء استخدمت الروسيه اكثرمن 8سنين طول الثمان سنين وهي خرابات وكلهاء ملحمه وناء انصح اخواني بي يستخدمون التركيه البطه مرسومه بلون الابيض ومكتوب عليهاء مقنم تقبلبووو خالص شكري لكم احترامي لكم
:good::good::good::good::good::good::good2::good2: :good2::good2::good2::good2::director::butt3:

[الوايلي058]

السلام عليكم

عندي البندق التركية مشتريها جديده بـ1200 واستخدام حشمه مجرد يوم

وعندي دربيل جلوري قديم عندي المدى 1800 والحاله جيده جدا



طبعا اللي اعرفه حاليا سعر الدبيل المستخدم يبدا من 1200 وانت طالع


عموما البندق عندي عليها ترخيص بسمي وعليها ضمان سنة ومالها عندي شهر


وعندي رغبة بيع ماهو عيب فيها لا والله لكن محتاج قيمتها وفوقها بيعت الدربيل علما انه نوعيه ممتازه








وانا بالخبر اللي له رغبه يفتح باب السوووووم