سطام F15
07/02/2010, 10:44 PM
السلام عليكم ورحمة الله وبركاته
أسعد الله مسائكم بالخير والمسرات بعد إنقطاع عن القصص إليكم هالقصة المعبرة والتي طبعا بدون تكلف بالعبارات
***القصــــــــــة***
كان فيه رجل منعم الله عليه وعنده خير كثير وأراد أن يفعل عمل خير وإحتار وش يسوي !! إستشار أهل الخير قال ياجماعة أنا ودي أسوي لي
عمل خير يبقى لي بعد موتي كما تعلمون أن الإنسان إذا مات ينقطع عمله إلا من ثلاث ,,, صدقة جارية أو علمٍ ينتفع به أو ولد صالح يدعو له
المهم قالوا له أهل الخير أبن لك مسجد وفعلاً قام هالرجال وإختار له محل زين بوسط بيوت ماحولها مسجد وقال للجيران تراي أنا ببني مسجد يتوسط البيوت لوجه الله تعالى مابي من أحد شيء
وياجماعة لا أحد يكلف على نفسه ويجيب أي شيء لأني متكلف بجميع تكاليف المسجد ومابي شيءأبد قالوا الله يجزاك الخير وإذا إحتجت شيء حنا موجودين
الوكاد جاب الرجال المقاول والعمال وبدى بالبنيان ونبه عليهم إنهم مايقبلون بأي حاجه تجيهم من الناس لأنه هو اللي متكفل بجميع التكاليف
وكانت في هاذيك الحارة عجوز كبيرة بسنها ويوم سمعت بالمسجد قالت والله ودي أساهم في عمار هالمسجد لعل الله يقبلها صدقة جارية لي جمعت محصولها اللي عندها ومجمعته من سنين وراحت للمسجد ويوم جت
مالقت إلا المقاول قالت ياوليدي أنا ودي أساهم بعمار المسجد ومعي هالقريشات خذهن مني وحطهن بالمسجد قالها المقاول والله يا أمي ودي لكن هالمسجد متكفل فيه فاعل خير ومنبه علينا مانآخذ شي من الناس أياً كان قالت تكفى ياوليدي لاتحرمني الأجر رفض المقاول
ورجعت لبيتها حزينة ويحز بنفسها تبي الأجر المهم عيا يجيها مجلاس ولانامت هاك الليلة ومن يوم أصبح الصبح وهي تآخذ لها (لبنة) وحده وهي تحطها على راسها وتروح يم المقاول
قالت ياوليدي شفني شايلة هاللبنة على راسي من البيت لين وصلتك هنا وأنت أمس رفضت تآخذ الفلوس مني أنا طالبتك إن تآخذ هاللبنة بس عود المقاول يوم شافها شفقانه على المساهمة بالمسجد أخذ اللبنة منها وحطها بالمسجد
طبعا ماعلم فاعل الخير اللي متكفل بالمسجد وخلص العمران وفرشوا المسجد وخلص وبعدها بمدة صار هالرجال إذا نام يتحلم إنه يمشي بأرض ووراه حرمة تمشي وكل ماراح مكان ولياها وراه تتبعه
وعلى هالحالة كم يوم إستغرب عود راح يم شيخ وسأله قاله الشيخ أنت ياولدي مسوي عمل خير ومشتركة هالحرمة معك فيه إستغرب قال المسجد بس ماخبر أحد ساهم بشي
راح يم المقاول اللي بنا المسجد وعلمه السالفة كلها قاله المقاول الحقيقة جتنا عجوز كبيرة بسنها وعلمه سالفتها كلها وقال يوم إنحرجت منها أخذت اللبنة اللي جابتها شايلتها على راسها وحطيتها بالمسجد
قال إيه كتبلها الله الأجر إن شاء الله .
الشاهد: شوفوا ياإخوان كيف إشتركت إن شاء الله هذه المرأة مع الرجل الذي بنى المسجد وهي لم تقدم سوى لبنة ً واحدة فقط .
تحيات أخيكم
سطام
منتدى مكشات / سوالف شعبية
أسعد الله مسائكم بالخير والمسرات بعد إنقطاع عن القصص إليكم هالقصة المعبرة والتي طبعا بدون تكلف بالعبارات
***القصــــــــــة***
كان فيه رجل منعم الله عليه وعنده خير كثير وأراد أن يفعل عمل خير وإحتار وش يسوي !! إستشار أهل الخير قال ياجماعة أنا ودي أسوي لي
عمل خير يبقى لي بعد موتي كما تعلمون أن الإنسان إذا مات ينقطع عمله إلا من ثلاث ,,, صدقة جارية أو علمٍ ينتفع به أو ولد صالح يدعو له
المهم قالوا له أهل الخير أبن لك مسجد وفعلاً قام هالرجال وإختار له محل زين بوسط بيوت ماحولها مسجد وقال للجيران تراي أنا ببني مسجد يتوسط البيوت لوجه الله تعالى مابي من أحد شيء
وياجماعة لا أحد يكلف على نفسه ويجيب أي شيء لأني متكلف بجميع تكاليف المسجد ومابي شيءأبد قالوا الله يجزاك الخير وإذا إحتجت شيء حنا موجودين
الوكاد جاب الرجال المقاول والعمال وبدى بالبنيان ونبه عليهم إنهم مايقبلون بأي حاجه تجيهم من الناس لأنه هو اللي متكفل بجميع التكاليف
وكانت في هاذيك الحارة عجوز كبيرة بسنها ويوم سمعت بالمسجد قالت والله ودي أساهم في عمار هالمسجد لعل الله يقبلها صدقة جارية لي جمعت محصولها اللي عندها ومجمعته من سنين وراحت للمسجد ويوم جت
مالقت إلا المقاول قالت ياوليدي أنا ودي أساهم بعمار المسجد ومعي هالقريشات خذهن مني وحطهن بالمسجد قالها المقاول والله يا أمي ودي لكن هالمسجد متكفل فيه فاعل خير ومنبه علينا مانآخذ شي من الناس أياً كان قالت تكفى ياوليدي لاتحرمني الأجر رفض المقاول
ورجعت لبيتها حزينة ويحز بنفسها تبي الأجر المهم عيا يجيها مجلاس ولانامت هاك الليلة ومن يوم أصبح الصبح وهي تآخذ لها (لبنة) وحده وهي تحطها على راسها وتروح يم المقاول
قالت ياوليدي شفني شايلة هاللبنة على راسي من البيت لين وصلتك هنا وأنت أمس رفضت تآخذ الفلوس مني أنا طالبتك إن تآخذ هاللبنة بس عود المقاول يوم شافها شفقانه على المساهمة بالمسجد أخذ اللبنة منها وحطها بالمسجد
طبعا ماعلم فاعل الخير اللي متكفل بالمسجد وخلص العمران وفرشوا المسجد وخلص وبعدها بمدة صار هالرجال إذا نام يتحلم إنه يمشي بأرض ووراه حرمة تمشي وكل ماراح مكان ولياها وراه تتبعه
وعلى هالحالة كم يوم إستغرب عود راح يم شيخ وسأله قاله الشيخ أنت ياولدي مسوي عمل خير ومشتركة هالحرمة معك فيه إستغرب قال المسجد بس ماخبر أحد ساهم بشي
راح يم المقاول اللي بنا المسجد وعلمه السالفة كلها قاله المقاول الحقيقة جتنا عجوز كبيرة بسنها وعلمه سالفتها كلها وقال يوم إنحرجت منها أخذت اللبنة اللي جابتها شايلتها على راسها وحطيتها بالمسجد
قال إيه كتبلها الله الأجر إن شاء الله .
الشاهد: شوفوا ياإخوان كيف إشتركت إن شاء الله هذه المرأة مع الرجل الذي بنى المسجد وهي لم تقدم سوى لبنة ً واحدة فقط .
تحيات أخيكم
سطام
منتدى مكشات / سوالف شعبية