تحويل الديماكس عادي إلى ديماكس مرتفع [الأرشيف]

مشاهدة النسخة كاملة : تحويل الديماكس عادي إلى ديماكس مرتفع

محمد01

07/02/2010, 01:52 PM

السلام عليكم ...

اخواني اهلاً وسهلاً فيكم، انا معي ديماكس ديزل أقل نوع بصراحه أبيه يصير مرتفع مثل الديماكس الفل الي مب دفع رباعي، وكما تعلمون يوجد نوع في الديماكس الي أنا أقصده نوع مرتفع مثل الدفع رباعي ولكن لايوجد به دفع رباعي ، ما الحل افيدوني جزاكم الله كل خير ، هل تغيير الكفرات والجنوط هو حل؟؟؟

mr_red

07/02/2010, 04:47 PM

وعليكم السلام

الاخ الكريم
جوابا على تسائلاتك
سوف تجدها في رابطة ملاك اليسوزو ديماكس هنا

محمد01

07/02/2010, 11:43 PM

بشوف وعساني القى جواب على سؤالي، وعلى فكره أخوي أنا شايف هالرابط من زمان بس ماتعمقت في أغلب صفحاته، عشان كذا سألت في موضوع مستقل واتمنى القى اجابة لسؤالي

محمد01

08/02/2010, 02:05 PM

أخواني الكرام انا في انتظاركم اتمنى الرد سريعاً لحد يقولي ادخل رابطة ديماكس هي طويلة عريضه وصفحات كثيرة اتوقع تفوق ال40صفحة أريد الرد هنا جزاكم الله خير.

ذيب عالية نجد

08/02/2010, 02:10 PM

اخوي غير الجنوط والكفرات اللي راكبة على السيارة الموجودة عندك بجنوط وكفرات الديماكس الدبل وسوف ترتفع
أرجو أني أفدتك
تحياتي لك

محمد01

08/02/2010, 02:14 PM

محمد01

08/02/2010, 09:38 PM

ذيب انا شاهدت ديماكس دفع رباعي أقل نوع، ترى جنوطه مقاس 15 مثل جنوطي وكذا الكفرات، فما الحل يالغالي.

محمد01

10/02/2010, 11:35 AM

أن غيرت كفارتي مثل كفرات الديماكس دفع رباعي الي رفرفه سود بنفس مقاس الكفر بالظبط ولا زال الارتفاع أقل منه، وش الحل؟؟

رفيع المقآم

10/02/2010, 12:42 PM

طيب ركب يايات ومساعدات الدبل وجرب

ابوصنهل

10/02/2010, 02:50 PM

سهله يابعدي ..
1- من أمام ركب كعكات 2 سم
2- من الخلف ركب جلب بين السست بحيث انه يرتفع .. بس يبي يقسى المطب شوي ... ويبي يصير الموتر راسي وفي النفود حلو ويبي يزين ممشاه ..

انا كان معي واحد نفس اللي معك لكن مكينته 3000 بدون دبل .. رفارفه سود .. الفرق بين موتري وموترك ان موترك قدام فيه ياي .. ونا مساعد .. عاد مدري وشذا المسكه وخلوه تسذا ..!

سو اللي قلتلك وتبي تدعيلي .. واي استفسار انا جاهز ..

التعـ King ـديل

10/02/2010, 05:03 PM

مر على الرمايه وشف اذا عندهم يايات ارفع للديماكس

محمد01

11/02/2010, 12:00 AM

الرماية الي في التخصصي؟
شكراًً أخواني الكرام، شباب أنتم عارفيين في ديماكس رفيع مثل الدبل ولكنه لايوجد فيه دبل ماهو سر ارتفاعه، علماً بأن ليس سبب ارتفاعه جنوطه مقاس 16 لا، فيه أحد الأخوان اقترح علي
اني اغيير العابات تبع السست بمقاس أكبر من الأمام، وربط المسامير التي تحت وسط السيارة لكي ترفع الجهة الأمامية، وش رأيكم أنا أبي القطع مثل القطع المركبة في الديماكس العالي الي مب دفع رباعي جــــــــــــزاكم الله كل خير.

محمد01

12/02/2010, 11:39 PM

أبو صنهل ارسلي ع الخاص الورشة المظبوطه الي تركب الي قلته، أنا لفيت كم صناعية نسبة كبيرة منهم مايرفعون، والي يرفع الأخوان من اليمن وبصراحة ينخاف من شغلهم.

ابوصنهل

13/02/2010, 03:05 PM

هلا محمد .. الرسائل الخاصة ما فعّلت عندي لأن مشاركاتي قليله .!

فيه ورشة في صناعية أم الحمام .. اسمها ( السواني ) فيها يمني اسمه عبدالله .. هذا هو اللي يبي يركب الكعكات لموترك .. وركب كعكات 2 ونص سم ..
أما للجلب اللي ابيك تركبها بين السست .. هي عبارة عن قطعة كفر مقطعة وصغيرة .. وحجمها يصير مثل حجم السسته .. دورلك اي قطعت كفر واقطعها .. وضبطها مثل ماقلت لك .. رح لأقرب بنشر وتبي تلقى اي كفر منصلخ وخذه منه ..!!
فيه حل ثاني بس يبي يكلفك شوي .. وهو انك تقوس السست اللي ورى في الصناعية القديمة بس ما ادري اي ورشة لأني ما قد قوستها ..!!

ابوصنهل

13/02/2010, 03:08 PM

وصف ورشة السواني ..
إذا جاك مسجد الملك خالد على يمينك في مديور على يسارك مباشرة .. أو يمكن قبله بشوي .. لف يسار وادخل في الصناعية .. اول ما تدخل لف يسار 60 متر تقريباً الورشه على يمينك !

ابوصنهل

13/02/2010, 03:11 PM

محمد ...

في حركة حلوة .. بالنسبة للرفع السيارة من ورى ..
وبأمكانك ترفعها في بيتكم ..
ارفع السيارة بالعفريته إلييييين ترتفع السسته وتكبر فتحاتها .. إذا كبرت .. جب قطعة الكفر اللي قلتلك ودخلها فيها .. ثمن نزل العفريته .. والجهه الثانية مثلها ..!! وتراها شغلة 6 دقايق ..

واي استفسار انا جاهز ..

براق الحجاز

13/02/2010, 06:45 PM

يا أخي الكريم بالنسبة للترفيع عندك كذا طريقة ممكن ترفع عن طريق الوزنيات الأمامية (مسامير الرفع) ومن الخلف تركيب كعكات
أو سنادات تحت السست أو تقويس السست نفسها مع الأنتباه للمساعد لايكون في أعلى مستوى له ويمكن تبديل المساعد بمساعد أطول بس لها مشاكل بسيطه هو أن السيارة يطلعلها أصوات بعد فترة وهذي الطريقة الأولى والأسهل

والثانية هي الأفضل ولكنها صعبه وتاخذ وقت
هي أنك ترفع البودي عن طريق تلحيم قواعد جلد البودي أكبر من الأصلية وتلحيم قواعد حديد بين الشاص والبودي ولكن لزم أنك تعدل أشياء في السيارة مثل عامود الطارة و مواصير الفرامل وترها تحتاج وزنيات بالملي يعني شغلة متعبة بس أنها لأفضل لأنك ماتقرب أي شيء من عضلات السيارة السفلية يعني تبقى شد بلد من تحت ،

وكل الطريقتين مجربها وأنا أفضل الثانية

وتقبل مروري

محمد01

14/02/2010, 11:49 AM

الثانية صعبة جدا براق، أحد الأخوة اليمنيين في الصناعية قالو لي، قدام تركب جلب بين الياي وورى تركب كعكات، هل عادي هالطريقة، أنا أبي طريقة لك وللزمن بإذن الله، وعلى فكرة ترى الديماكس مافيه مسامير رفع تتحكم بعلو السيارة وانخفاظها، هذا بس في الهايلكس والددسن وبعض الجيوب.

محمد01

14/02/2010, 11:52 AM

أبو صنهل شكراً على الإفادة عن اسم الورشة بس والله السيارة جديدة وأبي شغل مظبوط هل طريقة الترفيع آمنة على السيارة بإذن الله أم لا، الطريقة تركيب كعكات أمامية والخلف جلب بين السست أو تقويس السست.

محمد01

14/02/2010, 11:59 AM

فيه حل ثاني بس يبي يكلفك شوي .. وهو انك تقوس السست اللي ورى في الصناعية القديمة بس ما ادري اي ورشة لأني ما قد قوستها ..!!

اشرح لي الطريقة كيف ؟ واذا قستها وش اسوي؟؟

جزاك الله خير.

ابوصنهل

14/02/2010, 12:06 PM

هلا محمد .. ويسعد صباحك+ مسائك >> :)
التقويس فيه ورش كثيرة في الصناعية القديمة .. والطريقة يفك السست وفي المخرطة .. يخليها على شكل قوس ..بس كذا ..
لكن اتركنا من التقويس .. وسو الحركة اللي قلتلك عليها .. الجلب الي بين السست .. هذا مع ورى ..
ومع قدام الكعكات 2 ونص في ورشة السواني اللي في صناعية ام الحمام ..

hamido

14/02/2010, 12:12 PM

نصيحه لا تقوس راح تزود عليك المطاب....

محمد01

14/02/2010, 12:16 PM

شكرا على ذوقك ويسعد مسائك يالغالي وفقك الله، طيب هل تركيب الجلب بين السست يظر السيارة؟؟ السيارة جديدة ترى، وهل تركيب الكعكات قدام برظو يظر السيارة ؟؟ أنت عارف قدام فيه مساعدات، وهل أساساً تركب قدام في الديماكس، ووش رأيك نركب كعكات من مادة أقوى من الكفر أخاف يتقطع مع الوقت نركب مثلاً حديدة أخرى مقاربة لشكل حديدة السست، جزاك الله خير.

محمد01

14/02/2010, 12:16 PM

http://www.mekshat.com/vb/images/buttons/report.gif (http://www.mekshat.com/vb/report.php?p=3981882)
hamido (http://www.mekshat.com/vb/member.php?u=71308)
وفقك الله وسأعمل بماقلت جزاك الله خير.

ابوصنهل

14/02/2010, 12:22 PM

الجلب ما تضر , والكعكات ماتضر ....
قالو بعضهم ان الكعكات يمكن تفقع المساعدات وذا .. لكن ناس جربوها بالسنوات في هايلكسات 2006 وفوق وإلى الآن أمورهم ماشية .. !

وبالنسبة للحديدة اللي تقولها .. لالا .. ركب جلبه سميكة ولا قطعة كفر سميك .. وماجاك علي .. وعلى ذمتي .. الحديدة يمكن تأثر على السست إذا كلتا مطب ولا جرف ولا اي شي !!
السيزو اللي كان معي إلى الآن وراعيه مافك الجلب .. والموتر له 4 سنوات وانواع المطامر ... ولا تأثرت ابد ابد .. وما عليك .. سو اللي قلتلك وتبي تدعيلي ان شاء الله ..

محمد01

14/02/2010, 01:00 PM

جزاك الله عندي بعض الأسئلة:
1السيارة الي معك جلبها من أي نوع؟
2وهل الورشة الي ذكرتها والأخ الي ذكرتها هو ركبها أم أحد آخر؟
3و السيارة كيفها مع المطبات؟
4وهل السيارة تلعب في الطريق وتهتز؟
5كيف ثبات السيارة في الطريق ؟
عطني موجز عن السيارة يوم كانت معك سلبياتها ايجابيتها وأي تعليق عليها.
وشكـــــــــــــــــــــــــــــــــــــ جزيلا ـــــــــــــــــــــــــــــــراً

ابوصنهل

14/02/2010, 02:12 PM

1السيارة الي معك جلبها من أي نوع؟

نسافات تريلة >> :D
سميكة وقوية وما تتأثر ابد .. وشاريها من الصناعية القديمة

2وهل الورشة الي ذكرتها والأخ الي ذكرتها هو ركبها أم أحد آخر؟

على فكرة .. السيزو اللي مكينته 3000 يجي بدون يايات امامية .. فقط مساعدات !!
خويي معه هايلكس .. ومركب كعكات عند السواني ورايحين انا وياه يوم يركبها .. :)

3و السيارة كيفها مع المطبات؟

المطب يبي يقسى شوي .. لكن بديل القساوة الموتر يبي يصير راسي وحلو في النفود ..

4وهل السيارة تلعب في الطريق وتهتز؟

الموتر كل ما قسا مطبه .. زادت رساوته .. فمن ناحيتي انا فرقت الرساوة بنسبة 40 % وما توقعت ان موتري يبي يطلع عسل ..!!

5كيف ثبات السيارة في الطريق ؟
كويس جداً .. خاصة اذا كانت السرعة بين 120 إلى 145 ..

عطني موجز عن السيارة يوم كانت معك سلبياتها ايجابيتها وأي تعليق عليها.
موتر قوي جداً .. وتلعنه ليل نهار مايقول لا ولا يعرف الخرابات .. شريته وبعته ما خرب معي .. مع العلم اني جفس على السيارة من ناحية البر والنفود والتحميل ..!
سلبياتها في البرد يالله تحتمي :D فقط ..:D

تراني اتكلم عن السيزو اللي مكينته 3000 .. :) اما اللي مكينته 2500 هذا ما جربته .. لكن اللي جربوه يقولون عزمه بارد شوي ..!:)

انتظرني ابنزل صورة للسيارة .. لكن الحين اكلمك ونا في الدوام :D ..
وآمرني يامحمد .. ونا في خدمة فضيلتكم :D

محمد01

14/02/2010, 06:03 PM

وفقك الله، الي فهمت من كلامك ان السيارة مب ايسوزو، هايلكس ، لكن هل سيارتي يصلح اساسا يتركب فيها كعكات قدام؟؟؟؟ بعدين انا ابي شخص معه ايسوزو ومرفعه، عشان اشوف نتجية التجربة، لأن الهايلكس يختلف عن الايسوزو، بعدين الكعكات عبارة عن المنيوم صح، وهل المنيوم يصبر؟؟ هل نجيب خامة خرى؟؟ غير المنيوم افضل؟؟ جزاك الله خير ابوصنهل.

محمد01

14/02/2010, 06:05 PM

ابوصنهل الحين كلامك هذا كله عن ايسوزو ولا هايلكس وظح، اشرح وفصل السيارة المرفعة وشي + وش السيارة الي بعتها .

ابوصنهل

15/02/2010, 11:48 AM

محمد الله يسلمك ... وش فيك ضيعتا :d
انا كان معي سيزو .. والهيلكس حق واحد من الربع !! :)
وعلى فكرة .. الهيلكس والسيزو حقك مافيه فرق لأن موترك يايات امامية .. وهو مثلك .. وشغلتهن كلهن وحده مافيه اي فرق ...
ونت موترك 2500 لأنه يايات >>> وضحت الصورة !!

لكن السيزو اللي كان معي .. مكينته 3000 .. والمكينه هذه مايجي يايات امامية .. يجي مساعدات فقط هنا الفرق يابعدي ..

ترى لو تركز في كلامي اللي قبل اتوقع ان الأجابة وافية وكافيه :)
وكلامي كله عن موترك ياخلف جدي

محمد01

15/02/2010, 12:56 PM

والله انت مره تقول هايلكس ومره تقول ايسوزو ، وانت وظحت في كلامك انك مرفع سيارة ما، ماحددت وش هي لكن المفهوم للقارئ ان السيارة المقصودة هي ايسوزو فهمت؟؟؟ وبعدين قلت لا انا كان معي هايلكس بعته لواحد من الربع وشريت ايسوزو 3000 رفيع من اساسه، طيب الله يجزاك خير ويوفقك ويسعدك الخطأ خطأك انك تقول معي ايسوزو وأوهمتني انك مرفعه وكل دائرة الحديث عنه كانت، يعني موب أنا الي مافهمت انت الي ماوظحت زين.

محمد01

15/02/2010, 01:00 PM

وفي النهاية تقول انها هايلكس والسيارتين مثل ماذكرت لك مختلفتين، بغض النظر عن التشابه في انظمة التعليق؟؟ كفيت ووفيت.

محمد01

15/02/2010, 01:27 PM

دقق في كلامك مره قلت كذا
تراني اتكلم عن السيزو اللي مكينته 3000 .. :) اما اللي مكينته 2500 هذا ما جربته

ومره قلت كذا
خويي معه هايلكس .. ومركب كعكات عند السواني ورايحين انا وياه يوم يركبها

يعني طبيعي افهمها كذا

محمد01

15/02/2010, 01:29 PM

شكراً جزيلاً

كفيت ووفيت مره أخرى

ابوصنهل

15/02/2010, 01:40 PM

وبعدين قلت لا انا كان معي هايلكس بعته لواحد من الربع وشريت ايسوزو 3000
اذا كنت قايل كذا .. طلع الرد او اقتبسه يابعدي ؟
//\

انا ابي اوضحلك وعشان تكون في الصورة .. وضربت لك مثال الهايلكس اللي مع خويي ( وعلى فكرة انا ماقلت اني شاري هايلكس أو كان معي هايلكس !! )

وعلى فكرة الهايلكس وموترك واحد .. وإذا ما أقتنعت رح دور هايلكس وشف وشلون رفعه .. ورح للورشة اللي رفعها عنده وأسأله وقارن !!

يمكن اني سيئ في ايصال المعلومة .. ويمكن انك قريتا كلامي على عجله ..
ولو تبينا نبدا من جديد ما عندي مشكلة .. ولا يصير خاطرك إلا طيب ..

محمد01

17/02/2010, 11:17 AM

بارك الله فيك وفقك الله ، عسى مافي الخاطر شي يابوصنهل تراك عزيز وغالي سواء الخطأ مني ولامنك حنا في النهايه حبايب.

محمد01

17/02/2010, 11:21 AM

صدقت يابو صنهل بأنك قلت اقتبس هذا الرد

(وبعدين قلت لا انا كان معي هايلكس بعته لواحد من الربع وشريت ايسوزو 3000 ) لكن بصراحة انت ماوظحت لي في الأول زين لأن نقطة الخلاف في انك قلت الايسوزو الي كان معي وبعته، هذا الي لخبطني، وفقك الله وهداك وجعل الجنة مثواك إنه سميع مجيب.

ابوصنهل

20/02/2010, 11:03 AM

الله يجزاك كل خير .. وتكفي هالدعوة يالبى قلبك يابعدي ..

وفقك الله وهداك وجعل الجنة مثواك إنه سميع مجيب.
اهم شي الفكرة وضحت .. وعسى الله ييسر أمرك .. هماه >> على قولت جدتي :D