الشور في سيارة

[ghareeb]

من فترة وأنا أفكر وأبغى أشتري سيارة عائلية دبل
وبصراحة مريت أكثر من وكالة ورسيت على واحدة من ثلاث :
1- يوكون وسعرها 152000
2- تاهو وسعرها 142000
3- فورد اكسبيديشن وسعرها 130000
فياليت تعطوني رأيكم وياليت اللي مجربين لا يبخلون علينا
والشكر مقدما

[سديرآوي]

والله يابعدي انا جربت كل هالانواع ,, وهذي خلاصة تجربتي ,,

اليوكن ما انصحك فيه مكينتة فيها عيب تحتر بشكل مفاجئ ,, مرة انا وخوي ماشين بطريق مزفلت ممتاز بجبل مرتفع ,,

ودرجة الحرارة 17 واحترت سيارة اخوي اليوكن مع انها 2008 وكالة ,,

وانا معي شفر 2003 الحمد لله ما احتر ,,

واليوكن والتاهو صراحة غالين وثقيلين في البر ,, وضيقات من الداخل مقارنة بالاكسبدشن ,,

والاكسبدشن أقوى من اليوكن في البر وهذا شي معروف لانه اخف واٌقوى ,,

ولو انت بالرياض ,, روح لتوكيلات الجزيرة بالرياض فيه رجال حبيب مهندس سيارات اردني مدري لبناني نسيت اسمه والله ,,

لكن هو بيعطيك كل ميزات الاكسبدشن مفصلة ,,

وانت استخر ربك ,,

وروح للمعارض وشوف الميزات الي تناسبك بكل سيارة ,,

وخذلك سيارة تجربة من عندهم وجربها ,,

وانا عن نفسي لاظبطت ميزانيتي بشتري اكسبدشن ان شاء الله ,,

والله يرزقك الموتر الطيب الي يعجبك ويريحك ,,

والله يحفظك ,,

[ابوعبدالعزيز2220]

3- فورد اكسبيديشن وسعرها 130000

[هبــ حريملاااء ـبوب]

السلام عليكم ..

اخوي دامك وصلت الى هالقيمه لا تحطها بأمريكي .. عمره قصير ومواضفات اقل وبالجلد يبي محافظه زياده ..

من رأيي والشان شانك .. خذ ياباني ارمادا او في اكس ثمانيه سلندر .. اداء عالي وعمره طويل باذن الله
لا يعرفن حراره ولا ورش وسعرهن فيهن ..

الله يوفقنا واياك ومن يقراا ..

[ن م ر]

التاهو واليوكن نفس بعض من ناحية الماكينه والقير والأشياء الأساسية ما يفرق الا بعض الاكسسوارات الداخليه والخارجية وكلاهما سيارات جباره ومن شركة عريقة
الفورد كذلك ولكنه أقل رغبه وخبرتها بالدفع الرباعي قليله


طبعا خياراتك كلها مواتر مدينه وليست للبر

أنا انصحك بالتوكل على الله والإستخاره واليوكن أفضل اختيار في نظري


وبالتوفيق

[و لد ملهم]

وأنا اخوك بطلع عن المواتر الي ذكرتها و بضيف لك دوج درانجو سعر يبدا من 90 الف و بدبل و مكينته 5.6 و أسال من جربه بيمدحه لك .....

[ghareeb]

الله يعطيكم العافية وما قصرتوا وفي انتظار المزيد من الآراء

[saad_path]

والله يالغالي الامر اولا واخرا راجعلك
بس اذا انت تقدر تدفع هالمبالغ نصيحه انك تحطها بسياره تمسك هالقيمه
لان الامريكي خراباته كثيره ومايمسك قيمته ولا هو مرغوب عن الناس


وبالنهايه استخر ربك


وبالتوفيق انشالله

تحياتي

[النيشان حائل]

انت شاورت الاخوان ماقصرو سوف ادلي بدلوي معهم الامريكي لاتقرب منه مبلغك يجيبلك جيب تايوتا اونيسان كأنه شيك بيدك ان بعت وان ركبت خراباته لاتذكرر اذا فكه الله من الصواديف تقبل وجهة نظري

[كاشت وحداني]

اذا رغبان قير تماتيك وراعي بر دايم
عليك بالسفاري2

[محب النيسان]

السلام عليكم ..

اخوي دامك وصلت الى هالقيمه لا تحطها بأمريكي .. عمره قصير ومواضفات اقل وبالجلد يبي محافظه زياده ..

من رأيي والشان شانك .. خذ ياباني ارمادا او في اكس ثمانيه سلندر .. اداء عالي وعمره طويل باذن الله
لا يعرفن حراره ولا ورش وسعرهن فيهن ..

الله يوفقنا واياك ومن يقراا ..
لتصحيح المعلومة الرمادا امريكية

[محب النيسان]

السلام عليكم ..

اخوي دامك وصلت الى هالقيمه لا تحطها بأمريكي .. عمره قصير ومواضفات اقل وبالجلد يبي محافظه زياده ..

من رأيي والشان شانك .. خذ ياباني ارمادا او في اكس ثمانيه سلندر .. اداء عالي وعمره طويل باذن الله
لا يعرفن حراره ولا ورش وسعرهن فيهن ..

الله يوفقنا واياك ومن يقراا ..

لتصحيح ارمادا امريكية

[ابوطلال 34]

السلام عليكم
شف اخوي التاهو واليوكن يتميزون بافضلية الاضافات الداخلية (الاكسسوارات وغيرها) على الاكسبيديشن
اما الاكسبيديشن فيتميز بسعته الداخلية عندما تسفط المراتب
من ناحية الوكيل فالفورد افضل
من ناحية القوة فهم لا يبتعدون عن بعضهم كثير وان كانت الافضلية لليوكن والتاهو
من ناحية الخرابات والصيانة فهي على حسب استخدامك واكرر على حسب استخدامك ومافي سيارة تتحمل الا بالمحافظة وحسن الاستخدام

[الجنيه الأسود]

أنصحك بالفورد الاكسبدشن لأمور :

1- سعر أقل
2- قوة جبارة
3-وكيل ممتاز
4-وسائل أمان بشكل كبير وما خذه خمس نجوم من هيئة أمريكية للأمن والسلامة
5- الراحة التامة في المدينة والخط
6- السعة والرحابة وتكفي لأشخاص أكثر ، أوسع من منافسيها
7- وفي البر ( أسد الصحراء )
8- يكفي أنها من شركة فورد العريقة

[رفيع المقآم]

هلا اخوي الله يوفقك
لكن اذا تبي شووووري
سفاري رقم 2
سفاري رقم 2
سفاري رقم 2
سفاري رقم 2
سفاري رقم 2
والله يوفقك واستخر فان الخير باستخاره الخالق

[أبوعذااب707]

انا من رأيي الأكسبدشن

وافر التقدير

[سامع الشور]

إكسبدشن أقوى ومن حمولة معروفة

[هبــ حريملاااء ـبوب]

لتصحيح ارمادا امريكية

اخوي محب النيسان .. تصحيحك ماهو بمحله .. الارمادا ياباني والمصنع امريكي ..!!

انت موتك من المصنع المكسيكي او البرازيلي !!

والحين المصانع كلها برا .. شف التايوتا تايلندي !! واكسسوارابو جميل Made In Chaina !

[ابو نوره 2006]

فورد اكسبيديشن

[ابو فارس 055]

انا ماجربت الاكسبدنشن مااقدر احكم عليه بشي بس اللي اعرفه واسمع انه مو بالقوه ولا الشعبيه اللي تمتاز بها سيارات الـ Gm :D .. والتاهو نفس اليوكون بالضبط اللهم الشكل الخارجي والاكسسوارات هذا اللي اعرفه اذا عاجبك شكله حلو ارخص لك من اليوكون ;) .. اما تجربتي اليوكون ماشاء الله اشوف انه عز الخوي اذا مانت راعي بر مررره يعني كشتات خفافي حلو وتكون رجل وحده على السياره ورجل خفيفه ، اليوكون من داخل مريح وسيارة عائلية وشبابية وشعبية وسيارة خطوط ولا احلى واجمل شكل وكشخه ودبل بس مشكلته ان فيه احيانا خرابات مصنعيه تشغل مخك شوي هذا عيبه الوحيد ولو اني اشوف ان مميزاته ومركبه تغطي على سلبياته :good2: ... حبيت ادلي بدلوي :D خخخخخخخ وبالنهاية شف رغبتك انت واستخر ربك وتوكل على الله والله يوفقك ويكتب لك الخيره :)

[ghareeb]

مشكورين يا شباب وما شاء الله أشوف تصويت قوي للاكسبيديشن وخلاصة الأصوات :
1- فورد اكسبيديشن 6 أصوات
2- يوكون صوتين
3-تاهو ولا شي
وبالنسبة للشباب اللي يقترحون سيارات ثانية أقول لهم مشكورين والله يعطيكم العافية لكن أنا أخذت قراري وتوكلت على الله واحدة من السيارات الثلاث .

[ابورايف]

والله وانا اخوك اذا بتدفع ذا المبلغ انصحك بالاند كروزر موتر ويضا شيك في المخبى
الله يكتب لك الي فية الخير
وتقبل مروري

[أبو نـآيف]

التاهو مامثله

[abo.a]

ياخالي خذ شوري غير الياباني لا تدور وغير تويوتا لا تحرص عز الله ان الاند كروزر موتر هو والباترول

[.أبوعبدالرحمن]

الصراحة انا معجب باليوكن الشكل الجديد من 2007 وطالع
وكذلك بالاكسبدشن ايضا من 2007 وطالع


بحكم تجربة بكلا السيارات الثلاث

ارى ان الافضل هو الاكسبدشن والله اعلم

وكذلك لا يخلى من العيوب وفيه مميزات يتفوق بها عن اليوكن وكذلك اليوكن فيه مميزات يتفوق بها عن الاكسبدشن


ولو بنجيب العيوب والمميزات يبيلي يوم كامل عشان اكتبها


لكن شوري عليك الاكسبدشن واذا تبي تجربها ارسلي على الخاص وابشر اخذ حق الوالد وامرك وتشوفه وتجربه

ارسلي على الخاص ومالك الا اللي بيطيب خاطرك وبعد اذا بغيت تجرب التاهو موجود وانا في مدينة الرياض


والله يوفقك ولا تنسى الاستخارة انا اخوك

[ghareeb]

الصراحة انا معجب باليوكن الشكل الجديد من 2007 وطالع
وكذلك بالاكسبدشن ايضا من 2007 وطالع
بحكم تجربة بكلا السيارات الثلاث
ارى ان الافضل هو الاكسبدشن والله اعلم
وكذلك لا يخلى من العيوب وفيه مميزات يتفوق بها عن اليوكن وكذلك اليوكن فيه مميزات يتفوق بها عن الاكسبدشن
ولو بنجيب العيوب والمميزات يبيلي يوم كامل عشان اكتبها
لكن شوري عليك الاكسبدشن واذا تبي تجربها ارسلي على الخاص وابشر اخذ حق الوالد وامرك وتشوفه وتجربه
ارسلي على الخاص ومالك الا اللي بيطيب خاطرك وبعد اذا بغيت تجرب التاهو موجود وانا في مدينة الرياض
والله يوفقك ولا تنسى الاستخارة انا اخوك
مشكور والله يوفقك
لكن إذا ما عليك كلافة ياليت تعطيني أبرز المميزات والعيوب لكل الاثنين

[بن سليمان]

السيارات كلها حلوه لكن أميل للفورد الاكسبدشين لعدة اسباب اهمها السعر المعقول واللي راح يكون عليه تخفيض اذكر سعره نزل حتى 119 الف
ايضا من الاسباب كثرة المشاكل في التاهو واليوكن في الموديلات الجديدة
وثالث الاسباب لقيت واحد من الشباب لي مدة ما شفته وطول عمره سياراته كلها يابانيه ما بين تويوتا ونيسان لكن المره هاذي حصلت معه اكسبدشن موديل 2008 سألته عن الموتر وعن راحته وقوته قالي لي يا غافلين لكم الله ولا زاد على الكلمة
وأنا أقول يا كثر اللي غافلين ويا كثر اللي حملوا انفسهم ديون والسبب سيارة حتى لو وصل سعرها نص مليون
امنياتي لك بالتوفيق

[has-120]

لا تتعب نفسك
تـويـوتـا سيكويا ، sequoia 4x4
140 الف 2010

[ابو انفال]

انصحك بالاكسبدشن له معي ثلاث سنوات 2007 وهو سيارتي الرسميه اسافر عليه واكشت عليه (فيه بعض التجهيزات للكشتات) واداوم عليه والله يتمم علينا النعمه ما غير زيت وبنزين ولله الحمد ويكفيك سعره
على مواصفاته مثبت سرعه مرتبه كهربائيه ودبل سهل الاستخدام ما فيه تعقيدات والكثير من المواصفات
استخر رب العباد والله يرزقك من واسع فضله

[قمة افرست]

اشور عليك تاخذ يوكون وهذا ماسك سعره اثناء البيع

ولو اني ارى ان كل السيارات الان اصبحت واحده كوري ياباني امريكي كلها فيابر واستهلاكية

وتقريبا مشابهه بعض بالتصميم الميكانيكي

الفرق فقط بالاسعار والوكيل
ورايي تاخذ اليوكون لو بحثت عن مواصفات اليوكون بتويوتا تلقاها ب 200الف وتنقص بعض الاشياء
علما باليوكون 150 الف فل كامل

[خ الفياض]

لا تتعب نفسك
تـويـوتـا سيكويا ، sequoia 4x4
140 الف 2010



هذا هو الصواب ب نظري لكن هل الدبل نزل ب السعوديه ومن متى
السيكويا جبااااااااااااااااااااار وقلة اعطاله تايوتا معروفه ما يحتاج والراحه هالايام راحة البال اذا نزل دبل لا تتعداه نصيحه لوجه الله

[بن سليمان]

لا تتعب نفسك
تـويـوتـا سيكويا ، sequoia 4x4
140 الف 2010




هذا هو الصواب ب نظري لكن هل الدبل نزل ب السعوديه ومن متى

السيكويا جبااااااااااااااااااااار وقلة اعطاله تايوتا معروفه ما يحتاج والراحه هالايام راحة البال اذا نزل دبل لا تتعداه نصيحه لوجه الله

انتم ما تقرؤن وتابعون الاخبار عن مشاكل التويوتا هذه الايام ومن ضمنها مشاكل السكيويا تويوتا وقفت انتاجها وسحبتها من السوق واستدعت جميع السيارات من عام 2005 وحتى 2010
وعلى فكرة السكويا سحبت من الاسواق اكثر من مرة

[الربذي]

انا اشوف اذا مصر على الامريكي خذ فورد اكسبديشن واسع وارخص

طيب سوال يطرح نفسه بقوه انا اتابع الرحلات .الاوربيه والامريكيه والبعثات الكشفية واقصد الي فيها رحلات طويله داخل الادغال ةالصحاري ...
جميع سياراتهم من تويوتا بالرغم انهم امريكيون او لاند روفر
مااذكر شفتهم على سيارات امريكيه

[عضى]

لا تتعب نفسك
تـويـوتـا سيكويا ، sequoia 4x4
140 الف 2010


كيف عرفة انه ب 140.000

[باني طوية]

خذ اكسبدشن ياخوي بالبر قوي ومايغرز ويصبر سنين يعمر عندك مايقول اح

اما اليوكن والتاهو ماعندي خبره فيهم بس مهب حق بر تونا شارين واحد بغينا نغرز فيه

[نادر الافراح]

جيب تويوتا تماتيك 2008 تلقاه من 124000إلى 130000كاش بالمعارض
وشيك

بالتوفيق

[classica]

ياخالي خذ شوري غير الياباني لا تدور وغير تويوتا لا تحرص عز الله ان الاند كروزر موتر هو والباترول


انا اتفق مع الاخ ,,,,140 حرام بمريكي

[saalh123]

اكسبدشن وروح لاهلك
نصيحة مجرب

[عصام 861]

انصحك اخوى تاخذ يابانى تويوتا او نيسان

[abuwhab6]

عليك بالشور الزين وشاور ثم شاور ثم شاور
الله يوفقك يا الحبيب استخر
انصحك بالاند كروزر "الزين غالي و حقه فيه" سعره مايطيح
مبروك سلفاً