ليش نشوف هذا ولا نشوف هذاك ( تعال شف معنا )

[وين يبون بنا]

السلام عليكم ورحمة الله وبركاته ..

مساكم الله بالخير جميعاً وكل عام وانتم بخير ( بمناسبة قرب عيد الاضحى المبارك ) او بمناسبة اني مبطي ما دخلت .. المهم ...

الكثير منا يعشق الجيب الشــــــاص وكما نعلم انه يعد من الجيوب القوية وشديدة التحمل والتي تعيش سنوات وسنوات دون كلل او ملل ..

ولكن %99 من الجيوب الشاص اللي نشوفها او كل اللي نشوفها هي من نوع تويوتا .. وكما تعلمون يوجد هناك شاص النيسان وهو في اعتقادي الشخصي بنفس حجم التويوتا .. اما عن المكينة فربما ترجح كفة التويوتا ولكن ليس بذلك الفرق الشاسع .. صحيح اننا نشوف ميول الناس للاندكروزر والباترول مختلفة وبعضهم يعشق هذا والا خر يعشق ذاك ولكن فيما يخص الشاص لا نجد وجود النيسان نهائياً الا مع شركة الكهرباء :good2:

انا متوقع ان البعض يبي يقول انه يقرقع ويتكسر ولكن يظل البعض يعشق النيسان لانه على قولهم ( خفيف نفس ) واتوقع انه اقل قيمة نقدية من التويوتا ويؤدي الغرض وانتم ابــخــص ..

تحياتي لكم وتسعدني مشاركة كل واحد منكم لو بدون تعليق :p

[رفيع الشان]

والله شوف يالحبيب ززز أنا افضل شاص التايوتا مع ان النيسان مهوب بطال لكن تحس اته يتهربد وماهوب مشدود لكن التويوتا تقول صبه وحده ...


فيه مواضيع كتبها الاخوا واشبعوها نقاشا عن هذا الموضوع ... والسلام عليكم

[وين يبون بنا]

حياك الله اخوي رفيع الشان .. واشكرك لابداء الراي والمشاركة ..

وانا اشوف انه ما فيه مانع ان المواضيع تتجدد حتى لو تم مناقشتها سابقاً .. الا اذا كان هذا الشي يضايقك فنعتذر لك عن طرح الموضوع دون الاخذ بمشورتك .. وحياك الله