مالذي حدث بعد إصلاحي لرجة الباترول ؟؟ .. ادخل وشف ،، رأيك يهمنا

[كاسر الريح]

أدخل على الموضوع دايركت


..

أنا صلحت رجة الباترول الربع 86 ( المعروووفة عند الشباب خاصة للي معه باترول ) عند ميزان البادية بالصناعية القديمة ..

الحمد لله راحت الرجة بنسبة 95% والحق أن الموتر ثقل أكثر من أول وأصبح أكثر ثباتاً ، بعدها طلعت مشكلة أعظم من الرجة .. ألا وهي ؟؟

حذف الموتر وانحراف الدركسون بشكل مفاجئ لليمين واليسار ، بمعنى وأنت ماشي سييده وتبي تلف يمين يذب بك الموتر أقصى اليمين ثم إذا بغيت تعدله عن الانحراف وتلف يسار يطلع بك إلى اقصى اليسار .. وهذا ما لم يكن موجوداً قبل اصلاح الرجة

من المضحك أن راعي الورشة قالي يبيلك سحب الدفرنس :eek: :D
المراد أن المشكله قلق وكرهتني حتى بشوفة الموتر،،

المطلوب // ما هو تقييمك على الوضع اللي صاير ؟؟

[سديراوي 13]

هلا والله اخوي كاسر الريح
والله غريبه الي صاير لك
طيب ممكن سؤال
وش زينو في الموتر وراحت الرجه

[ذيب صعافيق]

هلا والله اخوي كاسر الريح
والله غريبه الي صاير لك
طيب ممكن سؤال
وش زينو في الموتر وراحت الرجه
:f وأنا اقول عجل علينا بالجواب

[هويدي]

اقتباس:
المشاركة الأصلية كتبت بواسطة سديراوي 13 http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=3874736#post3874736)
هلا والله اخوي كاسر الريح
والله غريبه الي صاير لك
طيب ممكن سؤال
وش زينو في الموتر وراحت الرجه

:f وأنا اقول عجل علينا بالجواب

لحول كان الله في عونك ... هنا السؤال المهم وش زينو بالاحرى وش خربو بالموتر

[m1m]

أخوي هذا اللي حصل لك ما له دخل في الرجة .. هذي مشكلة ميزان .. لأني أعتقد أنك حاولت تصلح المشكلة قبل .. وقاموا بشدّ الأرعة والمقصات .. ربما بوضع جلب أو وردات ، أعتقد ان الكفرات بارزه للخارج أو للداخل .. بدل الكفرات الخلفية أمامية كتجربة ..


يا جماعة الرجة ليست مشكلة قطعة زايدة !! يشيلونها الناس تضبط السيارة !!

المشكلة هناك خلل لم يتم تحديدة من قبل الميكانيكي لذلك يلجأ لإزالة وجية أو بعض الأمور .. وهذا خطير في وجهة نظري

[جيبي جايزلي]

ارفع الموتر من قدام ودر باالكفر بيدك شف هو سهل دورانه واذا ثقيل تراه شد الرمانات اكثر من اللازم
والله العالم ان شغلة هاالورشه شد رمانات ومسوي ابو العريف

[كاسر الريح]

سديراوي .. ذيب صعافيق .. هويدي

شاكر لكم مروركم ، إن شاء الله اليوم العصر بأحضّر عندهم وإذا تلاقطنا وطلعنا بالعلم الأكيد ، جيتكم وعلمتكم وش سوو بالضبط وبالدقة ..

m1m:

فعلاً كان عندي حذف بسيط جداً وتأتي مع السرعة وهذا طبيعي للمواتر القديمة ، لكن السؤال ليش يوم طلعتها من عندهم صار اللي صار ؟؟

بالنسبة للكفرات فهي مقاس الوكالة والكفرات نظيفة تماماً أمام وخلف ،

للمعلومية .. أنا رحت لواحد يمني اسمه مبارك في ورشة مرات بالصناعية القديمة ، يقول العضو Nissan1991 عنه أنه يضبط الرجة بحيث يدبل مساعد الدركسون في الموتر ،المراد أني رحتله وقال ما يحتاج تدبيل المساعد المشكلة لن تُحل بتدبيل المساعد

نصيحة .. يا شباب انتهبوا من تقصير ولعب الكثير من الورشات ، ما تستاهل تصلح شيء بسيط ولا يؤثر ، ويجر لك مشاكل ما لها أول ولا آخر ..

[د ك م 586]

اكيد انهم سوولك كبس اذرعه
وهذه المشكلة دائما تحدث للبواترل عند زيادة الكبس على الاذرعه او كبسها في غير السنتر (وسط الذراع) او حتى انه تم تغيير الاذرعه جديده ولم يتم تشحيمها(بالذات اليابانيه الغير اصلية)
اذا كان كذلك فالحل في شيئين
- اما تغيير الاذرعة المكبوسه وهو الافضل
-او كبسها كبس عكسي عند نفس الميزان عشان يتحرك الذراع براحة

انا قد صار لي مثل هالمشكله قبل كم سنه وخسرت خساير طائله الا ان خمنت من نفسي انها الاذرعه بعد ماتاثرت من الكبس وفعلا وجدتها مكبوسه من الاطراف عشان فيها مشاحم وبعدها رجعت للميزان (المجد) اللي كرهني في الموتر حول السنه وتهاوشت معهم لانهم مااقتنعو بكلامي واخيرا فكو الاذرعه وارخو كبسها (كبس عكسي) وزان الموتر

شف هاللي قلتلك وعلمنا وش صار معك
الله يعينك

[كاسر الريح]

د ك م 586

الله يعطيك العافية ، إذا كانت مشكلتي مثل مشكلتك فأنت اختصرت علي الطريق الله يجزاك خير

بأسوي مثل اللي قلت وإن شاء أطلع بنتيجة ..

طيب ياجماعة إذا كان عندكم خبر ، ماذا عن الرمانات هل من الممكن أنه شادّها أكثر من اللازم ؟

[د ك م 586]

السؤال هم كبسو الاذرعه ولا لا؟؟؟؟؟؟

[كاسر الريح]

بالضبط ما أدري ::

[صلفان.نجد]

وزن اذرعه... لانها سبق صارت معي.

[سفاري959]

هم كبسوا الذراع حق الدركسون وهذا شغلهم اللي فالحين فيه ميزان الباديه اليرموك العضيب المجد بس اتوقع الكبس غلط او فيه مسامير ما ربطوها زين وانا متاكد ان المشكله كلها في الذراع اللي كبسوه وانتبهوا من الورش هذي تراهم نصابين سالفه سحب الدفرنس يقولونها لكل شخص يجيهم عشان ياخذون فلوسه حسبي الله عليهم

[كاسر الريح]

جماعة الخير ..

أنا رحت للبادية اليوم العصر ، وقالي طبيعي يكون لك هالشيء وإذا ما راحت الحذفة خلال عشرة أيام ارجعلي ( الضمان شهر ) ، وقام يؤشر على الباترول 2006 ويقول هذا مثل مشكلتك بالضبط ..

الجواب على أسئلة الشباب .. يقول وازنت الفلمبة حقت الدفرنس كان فيه خلل ..


بس يا تتوقعون يا شباب كلامه صحيح ؟؟

[الوسم]

جماعة الخير ..


أنا رحت للبادية اليوم العصر ، وقالي طبيعي يكون لك هالشيء وإذا ما راحت الحذفة خلال عشرة أيام ارجعلي ( الضمان شهر ) ، وقام يؤشر على الباترول 2006 ويقول هذا مثل مشكلتك بالضبط ..

الجواب على أسئلة الشباب .. يقول وازنت الفلمبة حقت الدفرنس كان فيه خلل ..



بس يا تتوقعون يا شباب كلامه صحيح ؟؟



والله العظيم إنه يهرهر عليك هرهره ،،،، وأنت !! الله يهديك مصدق !!!!

الآن ،،، هو زارع له قرع :eek::hot: :hot: في ها الموتر ويحتريه يثمر ؟؟؟:mad: :mad: :f :f

ولا وشو مسوي بالظبط يوم إنه يقول بعد عشرة أيام ؟؟؟؟؟:eek: :hot: :alarm: :alarm: :alarm:

إرجع له هداك الله وقله في 30 دقيقة يعني بالظبط نصف ساعة تظبط لي ها الحذفه لا يصير العلم غير اللي أنت تسمع !!!!

ولا تطلع من عنده إلا وأنت تسوق الموتر في شارع وسيع 000 ولا فيه000 أحد وجرب السياره وفك الدركسون ودس على البريك 000 وإن لف الموتر يمين ولا يسار مع البريك !!! إرجع وقله ،، مازان الموتر،، وزينه الآن ،،ولا خذ فلوسك منه ،،، وطبق هالكلام عند غيره حتى يزين الموتر

[adil33]

الرجة تسبب امور كثيره في الباترول
الرمان _ الترصيص _ نقص هواء الكفرات _ عمود الدبل يؤثر على الكفر الامامي الايمين ويمنع ترصيصه بشكل صحيح اذا كان الترصيص ارضي _
كانت عندي رجه قويه في الكفر الايمن ما خليت ترصيص الا وسويته واخر شيء طلع من عمود الدبل غيرته وانتهيت تماما من الرجه ....بالنسبة للحذفه يمين وشمال هذه طال عمرك تكون من ذراع الدركسون احتمال يكون متهالك ومنتهي هو و عمود الدركسون الي هو عمود التوازن الامامي احيانا نحتاج تغيير طقم عضلات امامي كامل حتى تثبت السياره في ممشاها

[ابوجهاد]

والله ياخوني الكرام
ميزان الباديه ماطلعله حس الى عن طريق
منتدانا هذا المبارك ووالله انه صلح رجة 2 جيب
باترول وفعلا صلح الرجه ولاكن زيت الركب
يهر هر وبالذات اذا وقفت الموتر في ميله
والان انا انصح بعدم التعامل مع هذاالميزان
هذه نصيحه للى محافظ على موتره
اقسم بالله انه لا لى مصلحه في هذا الى النصح
والدين النصيحه

[كاسر الريح]

شف أي ******في ورشات السيارات أو بالأصح ****** حاول انك تبعد عنه ،،

ولا أقصد انه حزبية أو شيء ، بالعكس

لكن الله يعفو عنا وعنهم نصابين في السعر وكذلك في تشخيص السيارة ، يعني يقولك العطل من الجهة الأمامية اليمنى وتلقى العطل من الجهة الخلفية اليسرى ،، على سبيل المثال يعني

عموماً أنا جربت البادية ومن ناحيتي هذي أول وآخر مرة أروحلهم بحول الله وقوته لأنه لا يستطيعون الوصول للعطل والخلل بشكل صحيح ..

يشفطون دراهمك على غير سنع

[قطمان المحازم]

ال*****اللي في ميزان الباديه نصااااب حرااامي هو وابوه مره ركبت عندهم كعكات للموتري باترول ربع م 99 المهم ركبولي الكعكات ويوم طلعت من عندهم رحت لميزان العضيب علاشان ترصيص الكفر والمهم طلعت من الصناعيه رااايح لمخرج 11 لروووضه وجيت مع هااك الكوبري وشوي واسمع صوووت تحت المووتر مهو طبيعي وتنطلق على الكفره اللي ورا اللي يسااار والله يا جماعه اني اطالع يساري الكفر قامت تنقز قدامي تعدت الموتر سار على الهوب سلم الدفرنس ودقيت على سطحه جاني 100 رييال رجعت لورشة الباديه ال***وزينه اللي على احسابه ودفع قيمة السطحه عقبه معااد جيته والسالفه هااذي قبل شهرين تقريبآآآ

[قطمان المحازم]

لا تقربون ميزان الباديه نصيحه حرااامي ونصاااااب

[كاسر الريح]

والله هذا اللي صار لك ،،

الله يلعن بليسهم عيال الذين ..


يا ناس حذارِ منهم ،،

[ناصر الدهمشي]

الحين بعد كل هالكلام اللي قلتوه

حل الرجه وشو

انا جننتني الرجه شسوي

[الربذي]

ههههههههه
اخوي اضحكتني يوم يحاول يقنعك انها اذا ماراحت خلال عشر يام

تدري ليه يبيك تصدم ولاتقلب ويرتاح منك ههههه

.

.



.


.
.

لالالا اخي الله اسال ان يحفظنا جميعا اعتقد انه يبي الشده تروح وبعدها يصير تمام يعني اذا فيه شي مشدود عليه مع الاستتعمال يسوي له مجرى ويخف هذا قصده
لكن ليش هو يشد عليه من البدايه
وشوف لاتتسرع اخوي تشحن من بعض الردود هنا ثم تروح له وتقسم راسه بالسسته

ترا الامور دائما تجي بالتروي اسال مجرب
ياما استعجلت واتخذت قرارات سريعه ودخلنا بسين وجيم وشرطه واحراج واخرتها تدفع قيمة ضربتك له

رح قله صلح لي السياره ولا ابي فلوسي وبس
وبعدين انتبه لايقضي عليك ذا الخجم 86 ..الله يعينك شكله عندك غالي ودامك تقدر تصبر على سواقته فمعناته صدرك وسيع الله يوسع عليك وماشاء الله تبارك الله ..