شباب محتاج خدمه

[آل زايد502]

السلام عليكم ورحمة الله وبركاته
عندي جمس يبيله تصفية وتغير بواجي وتنظيف بخاخات ومن ذا القبيل لان عزمه مييييييييت ويقطع ورجفه:mad:
والي ابيه منكم ياطويلين العمر ورشه مضبووووطه تسويلي ذي الشغلات ويكون لهم خبره فالجموس

[Magellan]

شوف أخوي الدوسري
سالفة تنظيف البخاخات وتصفية الموتر بعض الأحيان مالها فايدة
ممكن ماتحصل نتيجة ...ليش!!!!
لأن بعض السيارات تختلف عن غيرها
بمعنى لو كانت الرجفة في فورد قلت لك هذا من الكويلات
لكن الجمس يختلف ،صح ممكن يكون للكويلات دخل لكن عادة كويلات الجمس مايحدث منها مشاكل مثل الفورد...
نجي للمهم تنظيف البخاخات تراه ماهو يجيب نتيجة مثل ماتتصور ولكن تغيير الحلابات البلاستيكية للبخاخت وعددها 8 إذا تأكدت الخلل منها أفضل...
تقولي ليش؟
أقولك إن مع العمر الإفتراضي للحلابات وتسمى بالانقليزي injection dose تحتاج لتغيير وهي عبارة عن ابر بلاستيكية..
لكن مايمنع توديها لمحل ممكن يغطسها ببنزين ويفركها وترجع تعيش لفترة محددة....

نرجع لصميم مشكلتك
أنت تقول عزم ضعيف ورجفة؟
العزم الضعيف بالجمس عموما يكون الخلل من دورة البنزين يعني من طرمبة البنزين +صفاية ،لازم تقيس ضغط البنزين وهناك بلف راكب تحت البلاستيكة السوداء حقت المكينة ...
طبعا أخونا سوبرvtc شرحها بالتفصيل الممل وتجدها بتوقيعه...
الرجفة بالجمس بسبب إن الديلكو الإلكتروني انتهى عمره وهي عبارة عن حساسين اسفل الثلاجة تسمى بحساسات المكينة عادة يكون المسبب منها...
وأخيرا قبل ماتبدأ الشغل لازم تفحص كمبيوتر عشان يعلمك الخلل وين مكانه ...
والسلام عليكم :)

[آل زايد502]

يعطيك الف عافيه اخوي ماججلان بس انا من سنه فاحصها وقالولي يبيله تصفية مكينه لاكني ساحب عليها بس واحد خوفني قال لاتبطي عنها تخبط عليك المكينه ومن ذا الكلام
وانا بشوف طريقة قياس ضغط الصفايه

[Magellan]

يعطيك الف عافيه اخوي ماججلان بس انا من سنه فاحصها وقالولي يبيله تصفية مكينه لاكني ساحب عليها بس واحد خوفني قال لاتبطي عنها تخبط عليك المكينه ومن ذا الكلام
وانا بشوف طريقة قياس ضغط الصفايه

الله أكبر يخبط الموتر مره وحده !!!!:D
لا ياخي ....
تصفية الموتر على عماها ماراح تستفيد ...
قلي لو غيرت بواجي وصفاية بنزين واكتشفت ان الموتر هو هو:(
وش راح يكون شعورك
شخّص المشكلة مضبوط
انا مامعي جمس لكن معي اخوه الصغير تريل بليزر غيرت بواجيه بعد 90 الف ولا أستنكرت تحسن عزم
ليش؟
لأنه ولله الحمد من خلقته عزمه ممتاز ،لكن نجاري الموضه بالتغيير!!!
نجي للمهم ترى فحص الكمبيوتر يختلف من محل لمحل بعضهم ماله خلق يعلمك وش بالضبط المشكلة
لأن الكمبيوتر يطلع لك ارقام كود عن طريقها تعرف بالضبط وين المشكلة فيه
لكن قليلين الخبرة يترجمها لك أو موفاضي يشرح لك بالضبط المشكلة ...
يعني مثلا كود P1101 تعني cyl#1 miss fire
طيب لما يترجمها لك يقول تصفية ولكن الصحيح إن سلندر رقم واحد ضعيفه شرارته وهو يحتاج تغيير بوجيه...
بإعتقادي ان مشكلتك ماتخرج عن اللي ذكرته بردي السابق
أنا أنصحك تراجع موضوعات كبسوله2 وسوبرvtc عشان تستفيد

[آل زايد502]

طيب يالغالي وين تنصحني افحص كمبيوتر ابي مكان ثقه وفحصهم حلو
واشكرك على تجاوبك معي والله يعطيك العافيه

[Magellan]

القرعاوي حلو وفيه ميزة فحص الكمبيوتر مجاني
إذا امداك تاخذ برنت منه ياحلاوة
لكن إذا ماعطاك خذ ارقام الكود بورقة خارجية...
عندك الجابري كذلك جيد ومتفوق ولكن غالي
عندك عبدالرحمن الجميح لكن برضه غالي...
أنا من الناس أكره المحلات المشهورة لأنها غالية على السمعه...

لكن برأيي الخالص انك تفحص مجاني عند القرعاوي وإذا عرفت العلة تدور على الورش لين تحصل واحد ترتاح له
بصراحة ما أقدر افيدك حيل لكن ممكن تبحث في خاصية باحث قوقل لمكشات عن افضل كهربائي وبتحصل مرادك..